Ոստիկանական ավտոմեքենա

Մեկ ժամվա տարբերությամբ 2 շղթայական ավտովթար Երևանի կենտրոնում. 5 տուժած կա

54
Ոստիկանները նյութեր են հավաքում և պարզում երկու ավտովթարների հանգամանքները։

ԵՐԵՎԱՆ, 12 փետրվարի – Sputnik. Երևանում մեկ ժամվա տարբերությամբ 2 շղթայական ավտովթար է եղել, երկուսն էլ` նույն վայրում։ Փետրվարի 11-ին, ժամը 20:10-ի սահմանում Խանջյան փողոցում՝ Մանկավարժական համալսարանի դիմաց, գետնանցումում, բախվել են 2 Opel-ներն ու Mercedes մակնիշի ավտոմեքենաները: Այս մասին հայտնում է shamshyan.com–ը։

Վթարի հետևանքով 4 հոգի մարմնական վնասվածքներով տեղափոխվել են բուժկենտրոններ, 2-ը` Սուրբ Գրիգոր Լուսավորիչ, մեկը՝ Էրեբունի, մեկն էլ՝ Թիվ 1 համալսարանական հիվանդանոց:

Վթարի վայրում զննություն կատարելուց հետո, երբ ճանապարհային ոստիկաններն ու հետաքննիչը մեկնելիս են եղել հիվանդանոցներ, Երևանի ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը նրան տեղեկացրել է, որ իրենց՝ դեպքի վայրից դուրս գալուց հետո նույն վայրում հերթական վթարն է տեղի ունեցել:

Բախվել են 2 Toyota Camry-ները, Mercedes-ը և Chevrolet-ն, ինչի հետևանքով 1 հոգի մարմնական վնասվածքներով տեղափոխվել է Թիվ 1 համալսարանական հիվանդանոց:

Ոստիկանությունը պարզում է վարորդների և վիրավորի ինքնությունը:

54