Ատրճանակ

Արարատի 53-ամյա բնակիչը պատահաբար կրակել է ինքն իր վրա. նրան տեղափոխել են հիվանդանոց

84
(Թարմացված է 11:48 11.02.2019)
Զենքը, որով կրակոցն արձակվել է, որպես պարգևատրում Մ. Թադևոսյանին տվել է ՀՀ նախին ոստիկանության պետ, ոստիկանության գեներալ-մայոր Ալիկ Սարգսյանը։

ԵՐԵՎԱՆ, 11 փետրվարի — Sputnik. Արարատի մարզի 53-ամյա բնակիչը հրազենային վնասվածքով տեղափոխվել է հիվանդանոց։ Shamshyan.com-ի տեղեկություններով՝ երեկ՝ փետրվարի 10-ին, ժամը 14։50-ի սահմաններում «ձախ ոտնաթաթի հրազենային վնասում, նավակային ոսկրի կոտրվածք» ախտորոշմամբ «Էրեբունի» բժշկական կենտրոն է տեղափոխվել մի քաղաքացի։

Ոստիկաններն ու քննիչները պարզել են, որ վիրավորը Արարատի մարզի բնակիչ, 53-ամյա Միշա Թադևոսյանն է, որը վնասվածքը ստացել է Էրեբունի փողոցի 22 շենքի մոտ կայանված ВАЗ 2121 մակնիշի 35 XN 111 համարանիշի ավտոմեքենայի սրահում իրեն ամրակցված «Վիկինգ» տեսակի ատրճանակից արձակված կրակոցի հետևանքով։

Նախնական տեղեկությամբ` ատրճանակը Մ. Թադևոսյանը լիցքաթափելիս է եղել և պատահաբար արձակվել է կրակոց։ Գ. Շամշյանի տեղեկություններով՝ զենքը, որով կրակոցն արձակվել է, որպես պարգևատրում Մ. Թադևոսյանին տվել է ՀՀ նախին ոստիկանության պետ, ոստիկանության գեներալ-մայոր Ալիկ Սարգսյանը։ Փաստի առթիվ նյութեր են նախապատրաստվում։ Նշանակվել են մի շարք փորձաքննություններ, այդ թվում՝ դատաբժշկական։

 

84
թեգերը:
Հայաստան
թեմա:
Վթար, պատահար, սպանություն, գողություն (1014)
Ըստ թեմայի
Վրաստանում դաժանաբար սպանել են 8-ամյա աղջկան. Գորին փոթորկվել է. տեսանյութ
Դաժան սպանություն Գյումրիում. ծեծելով սպանել են փողոցը մաքրող կնոջը
Հայաստանում ավելացել է ընտանեկան բռնության դեպքերի թիվը. մայրերը սպանել են նորածիններին