Ոստիկանական ավտոմեքենա

Մի քանի ժամվա ընթացքում փորձել են թալանել Varks.am-ի երևանյան գրասենյակները

386
Գողերի թիրախում եղել են չհրկիզվող պահարանները։

ԵՐԵՎԱՆ, 4 փետրվարի – Sputnik. 2 անհայտ անձինք Տիտոգրադյան փողոցի 2/1 հասցեում գործող Varks.am-ի դռներն ու պատուհանները կոտրել, ներս են մտել և փորձել են այնտեղից հափշտակել չհրկիզվող պահարանը, սակայն, չկարողանալով իրենց գործն ավարտին հասցնել, հեռացել են նշված վայրից։ Այս մասին հայտնում է shamshyan.com–ը` նշելով, որ դեպքը տեղի է ունեցել այսօր՝ փետրվարի 4-ին, ժամը 04։30-ի սահմանում։

Կայքի տեղեկություններով՝ որոշ ժամանակ անց նմանատիպ դեպք տեղի է ունեցել նաև Ջրվեժում։ Կոտրել են Քոչարյան 3/5 հասցեում գործող Varks.am-ի դռներն ու պատուհանները ու փորձել են նույն եղանակով թալանել, սակայն այս դեպքում էլ նորից չհրկիզվող պահարանն ամուր ամրացված է եղել։

Գողերի գործողություններն արձանագրել են տեսախցիկները։

Երկու դեպքերով էլ տարածքային ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողներին հայտնաբերելու ուղղությամբ։

386
Ըստ թեմայի
Երևանում թալանել են Հաշվեքննիչ պալատի գլխավոր մասնագետի տունը
Վանաձորում թալանել են Լոռու մարզի դատախազի տունը
Տոն օրերին թալանել են գյուղապետարանի չհրկիզվող պահարանը
Ավազակային հարձակում Երևանում. թալանել են վարկային ընկերության գրասենյակը
Սամուել Ֆարմանյանը բերման է ենթարկվել. երկրորդ «թալանչին» էլ հայտնաբերվեց. տեսանյութ