Ոստիկաններ

Երևանում թալանել են Հաշվեքննիչ պալատի գլխավոր մասնագետի տունը

276
Անհայտ անձը կամ անձինք ավելի քան 15 մլն դրամի ավելի ոսկյա և արծաթյա զարդեր են գողացել։

ԵՐԵՎԱՆ, 26 հունվարի – Sputnik. Երեկ՝ հունվարի 25-ին, խոշոր չափի գողության դեպք է տեղի ունեցել Երևանում։ Այս մասին հայտնում է shamshyan.com–ը։

Ժամը 20։30-ի սահմանում Ոստիկանության կենտրոնական բաժին է դիմել Երևան քաղաքի բնակիչ, 56-ամյա Արմեն Հովհաննիսյանը և հայտնել, որ նույն օրը, ժամը 10։20-ից մինչև 14։30-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ բացել են իր տան մուտքի դուռը, մտել տուն և այնտեղից հափշտակել ոսկյա ու արծաթյա զարդեր և թանկարժեք բջջային հեռախոսներ։

Դեպքի վայր են մեկնել ոստիկաններն ու քննիչները։

Կայքի տեղեկություններով՝ տուժած Ա. Հովհաննիսյանն աշխատում է ՀՀ Հաշվեքննիչ պալատում՝ որպես գլխավոր մասնագետ։

Հաշվեքննիչ պալատի մասնագետը կրել է 15 մլն դրամից ավելի վնաս։

276
Ըստ թեմայի
Գյումրիում թալանել են Ամանորի մեկնած քաղաքացիների տները
Վանաձորում թալանել են Լոռու մարզի դատախազի տունը
Ավազակային հարձակում Երևանում. թալանել են վարկային ընկերության գրասենյակը
Տոն օրերին թալանել են գյուղապետարանի չհրկիզվող պահարանը