Իրավապահ մարմիններ

Հայը դատարանի առաջ կկանգնի Սոչիում

113
Սոչիի սրճարաններից մեկի սեփականատերն ու վարձակալը դատարանի առաջ կկանգնեն։ Այդ սրճարանում անցած տարի հրդեհ էր բռնկել, որի հետևանքով 11 մարդ էր մահացել։

ԵՐԵՎԱՆ, 25 հունվարի — Sputnik. Սրճարանի հայ վարձակալը և սեփականատերը դատարանի առաջ կկանգնեն։ Այս մասին հայտնում է Ռուսաստանի Քննչական կոմիտեն։

Սոչիի Ադլերի շրջանի սրճարաններից մեկում հրդեհի հետևանքով 4 մարդ էր մահացել, հարևան շինությունում` 7–ը։ Բացի այդ, շարունակվում է հարևան ապօրինի շինության սեփականատիրոջ նկատմամբ գործի հետաքննությունը, որտեղ հրդեհի հետևանքով 7 մարդ է մահացել։ Դեպքը տեղի է ունեցել 2018 թվականի հուլիսի 30-ին։

Սոչիի քաղաքապետարանի տեղեկության համաձայն` բոլոր մահացածները Սոչի էին եկել Ռուսաստանի տարբեր քաղաքներից և ԱՊՀ տարբեր երկրներից` գումար աշխատելու նպատակով։

Քննչական մարմնի վարկածի համաձայն` 34-ամյա տղամարդը 2010-2013 թվականներին ապօրինի շենք է կառուցել Ադլերում և հակահրդեհային պաշտպանության միջոցներ չի ձեռնարկել, հրդեհի օջախները հայտնաբերելու և հրդեհը մարելու համակարգեր չի տեղադրել, ինչպես նաև տարհանման ճանապարհներ չի ապահովել։ Սեփականատերը տեղյակ է եղել, որ շինությունը վտանգավոր է։ 52-ամյա հայը, իմանալով խախտումների մասին, վարձակալել է տարածքը և այնտեղ խորովածանոց բացել։

«Ավարտվել է Ադլերի շրջանում ապօրինի շինության 34-ամյա սեփականատիրոջ և տարածքը վարձակալած 52-ամյա տղամարդու նկատմամբ քրեական գործի հետաքննությունը։ Նրանք մեղադրվում են անզգուշությամբ մահ պատճառելու մեջ... Քննությունը բավարար ապացույցներ ունի, այդ պատճառով քրեական գործն ուղարկվել է դատարան», – գրված է հաղորդագրության մեջ։

Հայի նկատմամբ գործ է հարուցվել նաև սպառողների կյանքի անվտանգության պահանջներին չհամապատասխանող ծառայություններ մատուցելու համար, ինչը անզգուշության հետևանքով երկու կամ ավելի անձանց մահվան է հանգեցրել (ՌԴ ՔՕ 238 հոդվածի 3 մաս)։

Քննչական մարմինը բավարար ապացույցներ ունի, ինչի հետ կապված քրեական գործը` հաստատված մեղադրական եզրակացությամբ, ուղարկվել է դատարան` այն ըստ էության ուսումնասիրելու նպատակով։

113
թեգերը:
Ռուսաստան
Ըստ թեմայի
«Հայը, թուրքը, վրացին...». Եվրոպայում անեկդոտ հիշեցնող քրեական պատմություն է ծավալվել
Ի՞նչ պետք է իմանա հայը, եթե որոշել է մեկնել Լեհաստան
Հայը որոշել է գումար վաստակել IQOS-ի միջոցով, բայց բռնվել է Վրաստանի «Սադախլո» անցակետում