Զարուհի Բաթոյան. 3 դեկտեմբերի 2018 թ.

Բաթոյանն այցելել է Իզմիրլյանի անվան մանկատան պատուհանից ընկած երեխային

145
Մանկատուն են այցելել աշխատանքի և սոցիալական հարցերի նախարար Զարուհի Բաթոյանը, նախարարի խորհրդական Արայիկ Արշակյանը:

ԵՐԵՎԱՆ, 24 հունվարի — Sputnik. Այսօր՝ հունվարի 24-ին արտակարգ միջադեպ է գրանցվել Մարի Իզմիրլյանի անվան մանկատանը: 11-ամյա երեխան զուգարանում բացել է պատուհանը և ճաղավանդակների արանքից ընկել է ներքև:

ՀՀ աշխատանքի և սոցիալական հարցերի նախարարությունը պարզաբանում է ներկայացրել, որը հիմնված է  մանկատան աշխատակիցների բացատրությունների վրա:

Ըստ այդմ՝ մանկատանը խնամվող 11-ամյա Ա. Ն.-ն դաստիարակի ուղեկցությամբ գնացել է զուգարան: Ուղեկցող դաստիարակը սպասել է, որ երեխան դուրս գա, բայց երեխան բացել է պատուհանը և ճաղավանդակների արանքից ընկել է ներքև:

Տեղեկացնում ենք, որ երեխան ունի բավարար ինքնասպասարկման ունակություններ: Երեխային անմիջապես տեղափոխել են հիվանդանոց, որտեղ նա անցել է համապատասխան հետազոտություններ: Վնասվել են տղայի ոտքերը, իրականացվել է անհրաժեշտ օգնություն:

Այս պահին երեխան մանկատանն է: Մանկատուն են այցելել նաև աշխատանքի և սոցիալական հարցերի նախարար Զարուհի Բաթոյանը, նախարարի խորհրդական Արայիկ Արշակյանը:

Ըստ նորանշանակ նախարարի, չնայած երեխայի ոտքի վնասվածքին, առաջին բանը, որ նա ուզել է, եղել է իր գնդակը:

Զարուհի Բաթոյանը Facebook-ի իր էջում գրել է, որ երեխաների ֆիզիկական անվտանգությունն իր ուշադրության կենտրոնում է և նման դեպքերը բացառելու համար առաջիկայում հանձնարարականներ կստանան բոլոր հաստատությունների ղեկավարները:

145
թեգերը:
Հայաստան, Երևան
Ըստ թեմայի
Շատ լավ հասկանում ենք դպրոցներն ու մանկապարտեզները փակելու պահը. Արսեն Թորոսյան
Ինչպես հաղթահարել մանկապարտեզի տարիներով ձգվող հերթը. քաղաքապետարանի նոր դեղատոմսը
Թորոսյան. «Սուր շնչառական վարակների նվազման միտում դեռևս չկա»