Ճանապարհ

Ողբերգական դեպք Արցախում. 3 մարդ է մահացել

59
«Նիվան» դուրս է եկել ճանապարհի երթևեկելի մասից և գլորվել ձորով հոսող գետը։

ԵՐԵՎԱՆ, 21 հունվարի – Sputnik. Քարվաճառ քաղաքից Ծառ համայնք տանող ճանապարհին տեղի ունեցած ՃՏՊ–ի հետևանքով երեք մարդ է մահացել։ Այս մասին հայտնում է Արցախի արտակարգ իրավիճակների պետական ծառայությունը։

Դեպքը տեղի է ունեցել երեկ` հունվարի 20-ին։ Ժամը 22:07-ին Շահումյանի շրջանային ԱԻ բաժնից տեղեկություն է ստացվել, որ շրջանի Քարվաճառ քաղաքից Ծառ համայնք տանող ճանապարհի 12-րդ կմ-ին տեղի է ունեցել ճանապարհատրանսպորտային պատահար:

Հրշեջ-փրկարարները մեկ մարտական հաշվարկով մեկնել են դեպքի վայր՝ օգնություն ցուցաբերելու նպատակով:

Տեղ հասնելուն պես պարզվել է, որ ՀՀ Վայոց ձորի մարզի Գլաձոր գյուղի բնակիչ Օ. Գ.-ն իր վարած «Նիվա» մակնիշի ավտոմեքենայով դուրս է եկել ճանապարհի երթևեկելի մասից և գլորվել ձորով հոսող գետը, ինչի հետևանքով վարորդը և նույն գյուղի բնակիչներ, ուղևորներ՝ Ա. Ի.-ն, Է. Հ.-ն տեղում մահացել են, իսկ Ա. Թ.-ն տարբեր աստիճանի մարմնական վնասվածքներով, տեղափոխվել է Շահումյանի շրջանային բուժմիավորում:

Ըստ բժիշկներից ստացված տեղեկության` տուժածի վիճակը գնահատվում է միջին ծանրության:

 

59
թեմա:
Վթարներ, պատահարներ, սպանություններ (803)