ՀՀ ոստիկանություն

Լոռիում Գազելը գլորվել է ձորը. երիտասարդ վարորդը մահացել է

78
(Թարմացված է 14:08 13.01.2019)
Նախնական տեղեկություններով` նշված Գազելը սպասարկում էր Երևան-Ալավերդի երթուղին:

ԵՐԵՎԱՆ, 13 հունվարի — Sputnik. Լոռու մարզում տեղի ունեցած ավտովթարը մեկ մարդու մահվան պատճառ է դարձել։

Ինչպես տեղեկացնում է Shamshyan.com-ը, երեկ՝ հունվարի 12-ին, ժամը 19:30-ի սահմաններում Ալավերդի քաղաքի բնակիչ, 33-ամյա Գարեգին Հովհաննիսյանը իր վարած Գազել մակնիշի 18 65 Լ համարանիշի ավտոմեքենայով Աքորի-Ալավերդի ավտոճանապարհի 3-րդ կմ հատվածում դուրս է եկել ճանապարհի երթևեկելի գոտուց, բախվել բետոնե արգելապատնեշներին, կոտրել այն և մոտ 30 մետր գլորվել ձորը:

Վանաձոր բժշկական կենտրոնից Երևանի հիվանդանոց տեղափոխելու ճանապարհին Գ. Հովհաննիսյանը Փամբակ գյուղի վարչական տարածքում՝ շտապօգնության ավտոմեքենայի սրահում, մահացել է:

Գ. Շամշյանի տեղեկություններով՝ նշված Գազելը սպասարկում էր Երևան-Ալավերդի երթուղին:

78
թեգերը:
ավտովթար, Հայաստան
թեմա:
Վթար, պատահար, սպանություն, գողություն (1263)