Դպրոց. արխիվային լուսանկար

Ջեռուցման համակարգը նոր էին վերականգնել.մանրամասներ Գյումրիի դպրոցից կատարված գողությունից

164
Գողացել են Գյումրիի թիվ 18 դպրոցի ջեռուցման մարտկոցները։

ԵՐԵՎԱՆ, 13 հունվարի — Sputnik. Գյումրիի թիվ 18 դպրոցում հունվարի 12–ի առավոտյան շինարարություն իրականացնող ընկերության վարպետները, բացելով դպրոցի սպորտդահլիճի դուռը, նկատել են, որ  նոր տեղադրված ջեռուցման մարտկոցները չկան:

Տնօրենը՝  Շողիկ Ալեքսանյանը, տեղեկանալով այդ մասին, անմիջապես դիմել է իրավապահ մարմիններին:

«Արագ դիմեցինք ոստիկանություն, հիմա քննչական գործողություններ են կատարվում՝ պարզելու, թե ինչ է տեղի ունեցել»,- ասել է Շողիկ Ալեքսանյանը:

Ի դեպ, ջեռուցման համակարգ դպրոցում նոր էր անցկացվում.  նոյեմբերի 16-ից  դասերը  դադարեցված էին՝ ջեռուցման բացակայության պատճառով: Հին համակարգի վթարի հետևանքով դպրոցի ցուրտն աշակերտներին և ծնողներին ստիպել էր դիմել դասադուլի: Ստեղծված իրավիճակը շտկելու համար դպրոցում հարկադիր պարապուրդ հայտարարվեց մինչև դեկտեմբերի 17-ը: Սակայն աշխատանքների ձգձգման պատճառով  դասերի վերսկսման ժամկետ էր նշանակվել  նախ հունվարի 8-ը, ապա հունվարի 14-ը, իսկ բացթողնված դասերը  պետք է լրացվեին  երկրորդ կիսամյակում: Աշխատանքներն արդեն ավարտված էին :

Ինչպես արդեն նշել ենք, դպրոցի տնօրենը աշխարհահռչակ ըմբշամարտիկ, օլիմպիական չեմպիոն Արթուր Ալեքսանյանի մայրն է:

164
թեգերը:
Գյումրի
Ըստ թեմայի
Խոշոր գողություն Գյումրիում. զինծառայողի ավտոմեքենայից գողացել են ոսկեղենով պայուսակը
Տոն օրերին թալանել են գյուղապետարանի չհրկիզվող պահարանը
Արմավիրում մայրը դստեր հետ գողություն անելիս բարձրությունից ընկել ու տեղում մահացել է