ԵՐԵՎԱՆ, 9 հունվարի — Sputnik. Երևանի բնակարաններից մեկում բռնկված հրդեհի պատճառով մահացել է 77–ամյա տանտիրուհին։
Ինչպես տեղեկացնում է Shamshyan.com–ը, այսօր՝ հունվարի 9-ին, ժամը 10։55-ի սահմաններում ԱԻՆ փրկարար ծառայության 9-11 օպերատիվ կառավարման կենտրոն ահազանգ է ստացվել, որ Աջափնյակ վարչական շրջանի 17 թաղամասի 8-րդ շենքի 1-ին հարկի թիվ 2 բնակարանից ծուխ է դուրս գալիս և անհրաժեշտ է հրշեջ փրկարարների կարիքը՝ պարզելու համար, թե ինչից է առաջացել ծուխը։ Ժամանած ջոկատը կանխել է կրակի տարածումը, այնուհետև մարել այն։ Տանը` հյուրասենյակի հատակին, հայտնաբերել են տանտիրոջ՝ ամբողջովին մոխրացած ոտքերը, աջ ձեռքի մի հատված և գլուխը՝ մարմնից ամբողջովին անջատված։
Ոստիկանությունը պարզել է մահացածի ինքնությունը, նա նույն հասցեի բնակիչ՝ 77-ամյա Իզիդա Աբգարյանն էր և բնակվում էր միայնակ։ Փաստի առթիվ Աջափնյակ և Դավիթաշեն վարչական շրջանների քննչական բաժնում նյութեր են նախապատրաստվում։ Քննիչի որոշմամբ նշանակվել է մի շարք փորձաքննություններ, այդ թվում՝ դիակի դատաբժշկական։
Ֆոտոլրագրողը հայտնում է նաև, որ ամբողջովին մոխրացած դիակի մոտ հայտնաբերվել է էլեկտրական ջեռուցիչ և, ըստ նախնական տեղեկությունների, կրակն առաջացել է դրանից ։
