Ոստիկանություն

Երևանում թալանել են Հայաստանի գրողների միության պոլիկլինիկան

166
Պոլիկլինիկայից գումար են տարել և վնասել վճարային տերմինալը։

ԵՐԵՎԱՆ, 8 դեկտեմբերի – Sputnik. Երևանում թալանել են Հայաստանի գրողների միության պոլիկլինիկան՝ տանելով խոշոր չափի գումար և վնասել վճարային տերմինալը։ Այս մասին հայտնում է shamshyan.com–ը` նշելով, որ դեպքը տեղի է ունեցել երեկ՝ դեկտեմբերի 7-ին։

Ժամը 08։20-ի սահմաններում Ոստիկանության Արաբկիրի բաժին է դիմել Երևանի բնակիչ՝ 47-ամյա Գուրգեն Մուրադյանը և հայտնել, որ առավոտյան եկել է աշխատավայր` Կասյան փողոցում գտնվող Հայաստանի գրողների միության պոլիկլինիկա, և տեսել է, որ տեխնիկական միջոցների գործադրմամբ անհայտ անձը կամ անձինք իր աշխատասենյակի դռները բացել են ու սեղանի դարակից հափշտակել խոշոր չափի գումար, իսկ հետո վնասել «Այ Դի Բանկ» ՓԲԸ-ին պատկանող վճարային տերմինալը, որը տեղադրված է եղել շենքում։

Դեպքի վայր են ժամանել Ոստիկանության Արաբկիրի բաժնի օպերատիվ խումբը՝ քրեական հետախուզության բաժանմունքի պետի գլխավորությամբ։

Կայքի տեղեկություններով՝ Գ. Մուրադյանը նշված պոլիկլինիկայի տնօրենն է։

166
թեգերը:
Հայաստան
թեմա:
Վթարներ, պատահարներ, սպանություններ (620)
Ըստ թեմայի
Երևանում տեսախցիկը ֆիքսել է գողին գործողության ժամանակ. տեսանյութ
Երևանում կրակել են ՀՀ ՊՆ գնդապետի ավտոմեքենայի ուղղությամբ
Թալանել են Հայաստանի ֆուտբոլի ազգային հավաքականի գլխավոր մարզչի վարած ավտոմեքենան
Դաժան սպանություն Գյումրիում. ծեծելով սպանել են փողոցը մաքրող կնոջը