Ոստիկանություն

Ողբերգական ավտովթար Երևանում. 4 զոհերից 3-ին հայտնաբերել են ավտոմեքենայից դուրս

529
Ավտոմեքենան բախվել է ճաղավանդակներին և մի քանի պտույտ շրջվել։

ԵՐԵՎԱՆ, 6 նոյեմբերի – Sputnik. Երևան-Երասխավան ավտոճանապարհին`Նորագավիթի «գայի պոստի» մոտ, այսօր՝ նոյեմբերի 6-ին, ողբերգական ավտովթար է տեղի ունեցել: Այս մասին հայտնում է shamshyan.com–ը։

Ժամը 01:50-ի սահմաններում դեռևս անհայտ հանգամանքներում «Nissan Tida» մակնիշի 35 ՕX 415 համարանիշի ավտոմեքենայի վարորդը դեպի Երևան ընթանալիս բախվել է ճանապարհային ոստիկանության անշարժ պահակետի ճաղավանդակներին, մի քանի պտույտ շրջվել է և հայտնվել պահակետի մուտքի բազալտե աստիճանների վրա:

Վթարի հետևանքով տեղում մահացել են 3 մարդ, իսկ 1–ը` հիվանդանոց տեղափոխվելու ճանապարհին, շտապօգնության ավտոմեքենայի մեջ:

Փրկարարներն ու ոստիկանները տղամարդկանց դիակները հայտնաբերել են ավտոմեքենայից դուրս, մի քանի մետր հեռավորության վրա:

Ոստիկանությունն ու քննչական բաժինը պարզում են վարորդի և մահացածների ինքնությունը:

529
թեգերը:
վթար, Հայաստան
թեմա:
Վթարներ, պատահարներ, սպանություններ (522)
Ըստ թեմայի
«Խելացի» համակարգեր` մեքենաների համար. հայկական տեխնոլոգիան կօգնի խուսափել վթարներից
Սարսափելի վթար Ռուսաստանում. միկրոավտուբուսի բոլոր ուղևորները մահացել են. տեսանյութ
Վթար Ամիրյան-Զաքյան փողոցների խաչմերուկում. լուսանկարներ, տեսանյութ