ԵՐԵՎԱՆ, 22 Հուլիս — Sputnik. Այսօր, ժամը 07։00-ի սահմաններում Երևան քաղաքի Դավիթաշեն վարչական շրջանի բնակիչ 48-ամյա Յուրիկ Վալեսյանը իր վարած Ford Transit մակնիշի 35 RA 116 համարանիշի ավտոմեքենայով Երևան — Գյումրի ավտոճանապարհի 58 կմ հատվածում դուրս է եկել ճանապարհի երթևեկելի գոտուց, բախվել բետոնե արգելապատնեշներին և շրջվել։
22 հուլիսի 2018, 11:00
Ինչպես տեղեկացնում է Shamshyan.com–ը, վթարի հետևանքով վարորդ Յ․Վալեսյանն ու ուղևորներ՝ Երևանի բնակիչներ՝ 39-ամյա Սաթիկ Բաբուջյանը և 15-ամյա Արմեն Վալեսյանը մարմնական վնասվածքներով տեղափոխվել են Թալինի բժշկական կենտրոն։
Փաստի առթիվ նյութեր են նախապատրաստվում։ Դեպքի վայրում հավաքվածները հայտնել են, որ տուժածները ընտանիքի անդամներ են։
