ԵՐԵՎԱՆ, 20 մայիսի — Sputnik. Այսօր փրկարարներին հաջողվել է կանխել երիտասարդ աղջկա ինքանսպանության փորձը: Նա սպառնում էր ցած նետվել Երևանի Դավթաշենի կամրջից: Ինչպես տեղեկացնում է ՀՀ ԱԻՆ մամուլի ծառայությունը, մայիսի 20-ին, ժամը 18:58-ին «911» ծառայությանն ահազանգ է ստացվել, որ Երևան քաղաքի Դավթաշենի կամրջի ստորին հատվածում նկատվում է քաղաքացի, ով ցանկանում է ինքնասպանության փորձ կատարել:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Հոգեբանական խորհրդատվության գծով հրահանգիչը: Դեպքի վայր է մեկնել նաև կամրջի մոտ հերթապահություն իրականացնող Ճգնաժամային կառավարման ազգային կենտրոնի ավագ հրահանգիչը:
Պարզվել է, որ քաղաքացին (մոտ 20 տ) գտնվում է հոգեպես անհավասարակշիռ վիճակում:
Դեպքի վայրում է ՀՀ արտակարգ իրավիճակների նախարար Հրաչյա Ռոստոմյանը:
Փրկարարները կանխել են քաղաքացու ինքնասպանության փորձը:
