Ոստիկանություն

Երևանում 37-ամյա դասախոսը խմած վիճակում փորձել է նետվել Դավիթաշենի կամրջից

241
Կինը պատճառաբանել է, թե եղել է խմիչքի ազդեցության տակ։

ԵՐԵՎԱՆ, 4 ապրիլի — Sputnik. Երեկ՝ ապրիլի 3-ին, Դավիթաշեն կամրջի վրա ծառայություն իրականացնող ոստիկանության աշխատակիցներին հաջողվել է կանխել 37-ամյա քաղաքացու ինքնասպանության փորձը։

Ինչպես նշված է shamshyan.com կայքում, երեկոյան ժամը 19:30-ի սահմաններում ՊՊԾ գնդի ոստիկաններին են մոտեցել 2 քաղաքացի և հայտնել, որ մի կին անցել է Դավիթաշենի կամրջի վտանգավոր եզրագիծը և սպառնում է ինքնասպան լինել:

Ոստիկաններն անմիջապես հասել են դեպքի վայր և կարողացել են կամրջի վտանգավոր եզրագծում հայտնված կնոջը համոզել, որպեսզի նա չդիմի ծայրահեղ քայլի և նրան տեղափոխել են ոստիկանության Մաշտոցի բաժին։

Փաստի առթիվ հետաքննչական բաժանմունքում նյութեր են նախապատրաստվում:

Ըստ կայքի հաղորդած տեղեկատվության` ինքնասպանության փորձ կատարողը Երևանի բնակիչ, 37-ամյա Օ. Ա.-ն է, ով դասախոսում է Երևանի բուհերից մեկում:

Ոստիկանությունում կինը պատճառաբանել է, որ ինքնասպանության քայլին դիմել է խմիչքի ազդեցության տակ` հստակ չգիտակցելով իր քայլերի լրջությունը և պատասխանատվությունը։

241
Ըստ թեմայի
Կանխվել է 38–ամյա մարդու ինքնասպանության փորձը
Աշտարակում քաղաքացին սպառնում է ինքնասպանություն գործել
Երևանում քաղաքացին բենզին է լցրել վրան և փորձել նետվել կամրջից
Հայաստանում 13 տարեկան աղջիկը փորձել է ինքնասպանություն գործել
Ինքնասպանության փորձ Երևանում. քաղաքացին փորձել է նետվել Դավթաշենի կամրջից