ԵՐԵՎԱՆ, 17 հունվարի – Sputnik. Սանկտ Պետերբուրգի Օրջոնիկիձե փողոցում ապրող հայերի ընտանիքում հունվարի 16–ին, մոտավորապես ժամը 19։00–ին մահացել է մեկուկես տարեկան երեխան։ Այս մասին հաղորդում է քաղաքային «Оперативное прикрытие» լրատվական պորտալը։
Մեկուկես տարեկան տղան դժբախտ պատահարի զոհ է դարձել։ Նախնական տվյալով` 3 տարեկան քրոջ հետ խաղալիս նրա գլուխը մնացել է մահճակալի 2 փայտերի արանքում։
Նրանց մայրը` 29–ամյա տնային տնտեսուհին, այդ պահին հարևան սենյակում է եղել։ Նշվում է, որ այս ընտանիքը ապահովված է, ոստիկանության և իրավապահ մարմիններում երբևէ գրանցված չեն եղել։
Սանկտ Պետերբուրգի իրավապահ մարմինները պարզում են ողբերգության մանրամասները։
