ԵՐԵՎԱՆ, 9 դեկտեմբերի — Sputnik. Երեկ՝ դեկտեմբերի 8-ին, արտակարգ դեպք է տեղի ունեցել Գեղարքունիքի մարզում:
Shamshyan.com-ի տեղեկություններով՝ նշված մարզի գյուղերից մեկի 16-ամյա բնակչուհի Կ.Լ.-ն իրենց տարածքի ոստիկանություն է դիմել` հայտնելով, որ ամուսնու եղբայրը՝ 28-ամյա Գ. Ն.-ն, ոգելից խմիչքի ազդեցության տակ ծեծել է նրան, մազերից քաշելով՝ մտցրել է ննջասենյակ, գցել անկողնու վրա ու ցանկացել բռնի ուժով սեռական հարաբերություն ունենալ։
Ըստ կայքի` աղջիկը սկսել է բղավել, ննջասենյակ է մտել ամուսինը՝ 24-ամյա Գ. Ն.-ն, կնոջն ասել է, որ պետք է կատարի եղբոր ասածները, բայց աղջիկն ընդդիմացել է, և ամուսինը նույնպես մի քանի անգամ հարվածել է ու քաշել մազերը:
Աղջիկը մեծ դժվարությամբ փախել է տնից: Նա հայտնել է նաև, որ ամուսնու հայրը՝ 51-ամյա Գ.Ն.-ն, պարբերաբար իրեն ստիպել է իր հետ պոռնոգրաֆիկ ֆիլմեր դիտել:
Փաստի առթիվ տարածքի Ոստիկանության հետաքննչական բաժանմունքում նյութեր են նախապատրաստվում։
