ԵՐԵՎԱՆ, 17 նոյեմբերի — Sputnik. Ֆրանսիայի ոստիկանությունը ձերբակալել է 35 անձի նախկին միության հանրապետություններից։ Ենթադրաբար, նրանք ինչ–որ կազմակերպած հանցագործ խմբավորման անդամներ էին, հայտնում է ՌԻԱ Նովոստին` հղում անելով Ֆրանս Փրես գործակալությանը։
Ձերբակալվածները, հիմնականում, վրաստանաբնակներ են, նրանց թվում ութ կին կա։ Նրանց կասկածում են Փարիզում կատարած գրպանահատության և բնակարանային գողությունների, գումարներ շորթելու և մաքսանենգության մեջ։ Գործողությունների ընթացքում ոստիկանության աշխատակիցներն առգրավվել են 70 հազար եվրո, զենք և կասկածյալների հաշիվներին առկա 200 հազար եվրոյի վրա կալանք են դրել։
Բացի փարիզյան շրջանից, խուզարկություն են իրականացրել նաև իտալական Կալաբրիա շրջանում, որտեղ ձերբակալվածներից ոմանք անշարժ գույք ունեին։
Խմբավորման մասնակիցներին գործակալությունն «օրենքով գող է» անվանում` այդ հասկացությունը բացատրելով նրանով, որ «խորհրդային բլոկի տարածքից (Ռուսաստան, Վրաստան, Հայաստան, Մոլդովա, Ուկրաինա) քրեական եղբայրություն է» աշխատել։
