Իժևսկում փլուզվել է բնակելի շենքի մի հատվածը, փլատակների տակ տասնյակ մարդիկ են մնացել

ԵՐԵՎԱՆ, 9 նոյեմբերի — Sputnik. Ռուսաստանի Իժևսկ քաղաքում փլուզվել է բազմաբնակարան շենք մի հատվածը, որի հետևանքով մարդիկ են տուժել։ Տուժածների թիվը ճշտվում է։ ՌԻԱ Նովոստիին այս մասին հայտնել են Ուդմուրտիայի Հանրապետության ԱԻՆ մամուլի ծառայությունից։

Որոշ տվյալներով, դեպքի վայր են մեկնել ԱԻՆ-ի 5 ավտոմեքենա, 5-6 միավոր հրշեջ տեխնիկա։

Փլուզման նախնական պատճառը գազի արտահոսքին հաջորդած պայթյունն է։

Դեպքի վայր է մեկնել Ուդմուրտիայի ղեկավար Ալեքսանդր Բրեչալովը։