ԵՐԵՎԱՆ, 8 հուլիսի — Sputnik. Այսօր՝ հուլիսի 8-ին, ողբերգական ավտովթար է տեղի ունեցել Կոտայքի մարզում: Ժամը 13:20-ի սահմաններում Երևան-Սևան ավտոճանապարհի 33-րդ կմ հատվածում՝ Չարենցավանի վարչական տարածքոմ, բախվել են «Տոյոտա» և ՈւԱԶ մակնիշների ավտոմեքենաները: Այս մասին հայտնում է shamshyan.com-ը:
Բախման հետևանքով ՈւԱԶ-ը, որը բարձված է եղել ձմերուկով, կողաշրջվել է, վարորդը՝ տեղում մահացել:
Վթարի հետևանքով տուժած 4 անձանց էլ մարմնական վնասվածքներով տեղափոխվել են նուժկենտրոններ, երկուսին՝ Երևան, երկուսին՝ Չարենցավան:
Ոստիկանությունն ու քննչական բաժինը պարզում են մահացածի,վարորդների և վիրավորների ինքնությունը:
Ըստ նախնական տեղեկությունների՝ վթարի մեղավորը «Տոյոտայի» վարորդն է եղել:
