ԵՐԵՎԱՆ, 26 հունիսի — Sputnik. Այսօր գիշերը Նոր Նորքում գործող «Ծիրան» սուպերմարկետի վրա զինված հարձակում է տեղի ունեցել: Անհայտ անձը ցանկացել է գումար տանել: Այս մասին Sputnik Արմենիային հայտնեց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը։
«Հունիսի 26-ին, ժամը 03:00-ին ոստիկանություն են զանգել և հայտնել, որ նույն օրը ժամը 02:00-ի սահմաններում դիմակավորված անհայտ անձը մուտք է գործել Գայի պողոտայում գտնվող սուպերմարկետներից մեկը, մոտեցել է դրամարկղին և պահանջել հանել այն»,- ասաց Ջանոյանը:
Սուպերմարկետի անվտանգության աշխատակիցները կանխել են հանցագործությունը, վերցրել են ատրճանակը, իսկ անհայտ անձը դիմել է փախուստի:
Ջանոյանի խոսքով` ձեռնարկվում են միջոցառումներ անհայտ անձի ինքնությունը ճշտելու և նրան հայտնաբերելու ուղղությամբ:
Կատարվում է նախաքննություն:
