ԵՐԵՎԱՆ, 11 հունվարի — Sputnik. Ժամը 09։00-ի սահմաններում քաղաքացիներն ահազանգել են ոստիկանության Շենգավիթի բաժին և հայտնել, որ Եղիշե Թադևոսյան նրբանցք 6-րդ շենքի հարևանությամբ գտնվող, սակայն չգործող մանկապարտեզի գլխավոր մուտքի դռնից տղամարդու դի կա կախված։
Ինչպես հայտնում է shamshyan.com-ը, նշված վայր ժամանած ոստիկաններն ու քննիչները պարզել են, որ կախված տղամարդը Սյունիքի մարզի բնակիչ, 38-ամյա Աբրահամ Աղայանն է։
Դեպքի վայրում ոստիկաններն ու քննիչները հայտնաբերել են նաև Opel մակնիշի տաքսի ավտոմեքենա։
Կայքի տեղեկություններով՝ Ա. Աղայանը վարձակալական հիմունքներով բնակվում էր Շենգավիթ վարչական տարածքում, ամուսնացած էր, խնամքին ուներ 2 երեխա և աշխատում էր որպես անհատ տաքսիստ։
