ԵՐԵՎԱՆ, 9 դեկտեմբերի — Sputnik. Դեկտեմբերի 8-ին ողբերգական դեպք է տեղի ունեցել Վայոց Ձորի մարզում. ժամը 13:30-ի սահմաններում ահազանգ է ստացվել, որ Ջերմուկ քաղաքի Կեչուտի ջրամբարում քաղաքացի է ջրահեղձ եղել:
Նշված վայր են ժամանել ոստիկանության Ջերմուկի բաժնի օպերատիվ խումբը՝ բաժնի պետ Խաչատրյանի գլխավորությամբ:
Ոստիկանները քաղաքացիների օգնությամբ ջրից դուրս են բերել Ջերուկ քաղաքի բնակիչ, 29-ամյա Սևակ Համբարձումյանի դին, իսկ նշված ջրամբարից Ջերմուկի հիվանդանոց է տեղափոխվել Ջերմուկ քաղաքի Կեչուտ թաղամասի բնակիչ, 27-ամյա Գարիկ Հովհաննիսյանը:
Shamshyan.com-ը հայտնում է, որ Համբարձումյանը աշխատում էր ՀՀ ոստիկանության պետական պահպանության գլխավոր վարչության Ջերմուկի պահպանության բաժանմունքում: Նա 2 օր առաջ հայր է դարձել:
Կայքի տեղեկություններով՝ Սևակ Համբարձումյանն ընկերոջ՝ Գարիկ Հովհաննիսյանի հետ, ռետինե նավակով ափից 30 մետր առաջ են ընթացել դեպի ջրամբար, որպեսզի ձուկ բռնեն և այդ ժամանակ ռետինե նավակը բախվել է սառույցին և պատռվել, ինչից հետո էլ տեղի է ունեցել ողբերգությունը