Սևան

Փրկարարները որոնում են Սևանա լճում կորած ձկնորսներին

17
Սևանա լճում կորած ձկնորսների որոնողափրկարարական աշխատանքները նախօրեին դադարեցվել էին եղանակային անբարենպաստ պայմանների և ալեկոծության պատճառով։

ԵՐԵՎԱՆ, 1 նոյեմբերի — Sputnik. Նոյեմբերի 1-ին, ժամը 11.49 —ին ձկնորսների որոնողափրկարարական աշխատանքները վերսկսվել են: Այս մասին հայտնում է ՀՀ արտակարգ իրավիճակների նախարարությունը` նշելով, որ կտրվի լրացուցիչ տեղեկատվություն:

Հոկտեմբերի 31-ին, ժամը 14.33-ին ահազանգ էր ստացվել, որ Գեղարքունիքի մարզի Նորատուս գյուղի մոտակա լճափից երկու քաղաքացի նավակով մտել են Սևանա լիճ ձկնորսության և չեն վերադարձել։

Դեպքի վայր էին մեկնել մարզային ճգնաժամային կառավարման կենտրոնի օպերատիվ խումբը և հատուկ ջրափրկարարական ջոկատը:

Պարզվել է, որ կորել են Նորատուս գյուղի բնակիչներ Ա. Ա.-ը և Ա. Կ.-ը։

Ժամը 19.18-ի դրությամբ մթության, եղանակային անբարենպաստ պայմանների և ալեկոծության պատճառով դադարեցվել էին որոնողական աշխատանքները:

 

17