Վթար

Վրաստանում վթարի հետևանքով ազգությամբ հայ ժամկետային զինծառայող է մահացել

24
Վրաստանում Դեդոփլիսծղարո-Սիղնաղի-Թբիլիսի ճանապարհին 37 զինվորների տեղափոխող «Կամազ» է շրջվել, ինչի հետևանքով մահացել է մեկ ազգությամբ հայ զինվոր, մի քանի հոգի տարբեր աստիճանի մարմնական վնասվածքներ են ստացել:

ԵՐԵՎԱՆ, 22 հոկտեմբերի — Sputnik. Վթարը տեղի է ունեցել երեկ՝ հոկտեմբերի 21-ին: Այս մասին Tert.am-ի հետ զրույցում ասել է Նինոծմինդայի մունիցիպալիտետի ղեկավար Գագիկ Կարսլյանը:

«Վթարը տեղի է ունեցել երեկ, ինչի հետևանքով Նինոծմինդայի բնակիչ է մահացել, որը ժամկետային զինծառայող էր վրացական բանակում: Մահացածը 1996 թվականին ծնված Հակոբ Սամվելի Մալխասյանն է: Այսօր առավոտյան դին տեղափոխել են Նինոծմինդա»,- ասել է նա:

Գագիկ Կարսլյանը նաև հավելեց, որ Հակոբ Մալխասյանը տասն օրից զորացրվելու էր:

Վրաստանի պաշտպանության նախարար Լևան Իզորիան ցավակցել է Մալխասյանների ընտանիքին Հակոբ Մալխասյանի մահվան կապակցությամբ:

 

24