ԵՐԵՎԱՆ, 22 օգոստոսի — Sputnik. Օգոստոսի 21-22-ը ՀՀ ԱԻՆ ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ, հայտնում են ԱԻՆ-ից:

Մասնավորապես՝ Երևանի Ֆուչիկի փողոցում՝ «Արմենիա» ՀԲԿ-ի մոտակայքում, այրվել է մոտ 700 քմ խոտածածկ տարածք, Մուշավանի ամառանոցների վերջնամասում՝ մոտ 800 քմ, ենթակայանի մոտակայքում՝ 1 հա բուսածածկույթ, Աշտարակի խճուղում՝ Վահագնի թաղամասի մոտակայքում` մոտ 500 քմ խոտածածկ տարածք, հրդեհներ են գրանցվել մայրաքաղաքի այլ վայրերում ևս։

Կոտայքի մարզի Հրազդան քաղաքի Վանատուր թաղամասում այրվել է մոտ 3000 քմ խոտածածկ տարածք, Արարատի մարզի Գոռավան գյուղի Գրիգոր Նարեկացի փողոցի մոտակայքում՝ մոտ 2 հա, Շիրակի մարզի Ջաջուռ գյուղի մոտակայքում՝ մոտ 300 քմ, Կոտայքի մարզի Կոտայք գյուղի 6-րդ փողոցում՝ մոտ 7000 քմ, մյուս մարզերում ևս տասնյակ հրդեհներ են գրանցվել։

ԱԻՆ-ից զգուշացնում են, որ օգոստոսի 22-26-ը ևս հանրապետության տարածքում սպասվում է բարձր ջերմային ֆոն, հովտային և նախալեռնային շրջաններում` նաև բարձր կարգի հրդեհային իրավիճակ:

Հանրապետության տարածքում` 22-26-ը սպասվում է առանց տեղումների եղանակ:

Քամին կլինի հարավային` 2-7 մ/վ արագությամբ: Օդի ջերմաստիճանն էապես չի փոխվի:

Երևանում օգոստոսի 22-26-ը սպասվում է առանց տեղումների եղանակ: Օդի ջերմաստիճանը և՛ հանրապետության մարզերում, և՛ Երևանում կհասնի 38 աստիճանի։

ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։

Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:

Ոստիկանները փակել են Դեմիրճյան փողոցը. տեսանյութ

Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:

«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:

ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:

«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին

Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։