Անահիտ Բախշյան

Անահիտ Բախշյան. ներկայիս իրավիճակը սպառնում է երկրի անվտանգությանը

55
Երևանի ավագանու «Բարև, Երևան» խմբակցության անդամ Անահիտ Բախշյանը ոստիկանության պարեկապահակային գնդի գրոհի հետ կապված իրավիճակը համարում է վտանգավոր և համեմատում է ահաբեկչության հետ։

ԵՐԵՎԱՆ, 17 հուլիսի — Sputnik. Երևանում իրավիճակը ծայրահեղ լարված է, ոստիկանները պարբերաբար ձերբակալում են կասկածելի անձանց։ Նման իրավիճակը չափազանց վտանգավոր է, այս մասին Sputnik Արմենիա ռադիոկայանի եթերում ասաց Երևանի ավագանու «Բարև, Երևան» խմբակցության անդամ Անահիտ Բախշյանը։

«Ես մտահոգված եմ նրանով, որ մեկ ոստիկան է սպանվել, իսկ երկուսը վիրավոր են։ Սակայն չեմ սատարում ներկայիս իշխանությանը և չեմ ողջունում այն, ինչը հիմա կատարվում է։ Սա ահաբեկչություն է», — ասաց Բախշյանը։

Նա հայտնեց, որ լավ է հասկանում, թե ինչ է կատարվում, քանի որ ինքն անձամբ եղել է հոկտեմբերի 27-ի զոհ։

Բախշյանի խոսքով` կառավարությունն ինքն է հրահրել ընդդիմադիրների նման գործողությունները։

«Ներկայիս իրավիճակը ոչ ժողովրդավարություն է, ոչ էլ` ազատություն։ Կարծում եմ` երկու կողմերն էլ պետք է բանակցությունների սեղանի շուրջ նստեն և հարցի խաղաղ լուծում գտնեն։ Հաշվի առնելով ղարաբաղյան հակամարտության սրացումը, նման իրավիճակը վտանգում է երկրի ազգային անվտանգությանը», — ասաց նա։

Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք։ Նրանք պատանդ են վերցրել ոստիկանության ծառայողների՝ նրանց ազատման դիմաց պահանջելով ազատ արձակել Ժիրայր Սեֆիլյանին, նաև պահանջում են Հայաստանի իշխանությունների հրաժարականը։

55