Սևանի ճանապարհ

Ոստիկանությունը հսկում է Երևան մտնող ճանապարհները

116
ՀՀ ոստիկանությունը խոչընդոտում է մեծ քանակությամբ մարդկանց Երևան մուտք գործելուն

ԵՐԵՎԱՆ, 17 հուլիսի — Sputnik. Աբովյան քաղաքի մոտակայքում Սևանի մայրուղին փակ է, որպեսզի դեպի Երևան մարդկանց մեծ հոսք չլինի

Ոստիկանությունը հսկողություն է սահմանել նաև մայրաքաղաք տանող մյուս ճանապարհների նկատմամբ։ Երևան կարող են մտնել միայն առանձին ավտոմեքենաներ։ Ոստիկանությունն ընդհանուր առմամբ խոչընդոտում է մարդկանց մեծ հոսքին Երևան, որպեսզի անկարգություններ չլինեն։ Մասնավորապես` կանգնեցվում և ստուգվում են Աշտարակ-Երևան ավտոմայրուղով երթևեկող բեռնատար և մարդաշատ ավտոմեքենաները:

Առավոտից իրավապահ մարմինները փակել են նաև Էրեբունի տանող բոլոր ճանապարհները։

Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք։ Նրանք պատանդ են վերցրել ոստիկանության ծառայողների՝ նրանց ազատման դիմաց պահանջելով ազատ արձակել Ժիրայր Սեֆիլյանին, նաև պահանջում են Հայաստանի իշխանությունների հրաժարականը։

Ազգային անվտանգության աշխատակիցները փորձում է բանակցություններ վարել ոստիկանության շենքը գրավողների հետ։ Դեպքի վայրում են ՀՀ ոստիկանության և ԱԱԾ բարձրաստիճան պաշտոնյաները։ Մեկ ոստիկան զոհվել է, ևս երկուսը՝ վիրավորվել:

116