«Մուրացան» հիվանդանոց

«Մուրացան» հոսպիտալում ավարտվել է վիրավոր ոստիկանի վիրահատությունը

200
(Թարմացված է 20:27 17.07.2016)
Վիրավոր ոստիկանի վիճակն այժմ բավարար է, նա ստացել էր որովայնի առաջնային պատի վնասվածք։

ԵՐԵՎԱՆ, 17 հուլիսի — Sputnik. «Մուրացան» հոսպիտալում ավարտվել է վիրավոր ոստիկանի վիրահատությունը, լրագրողներին հայտնել է հոսպիտալի տնօրեն, գեներալ Արամ Ասատուրյանը, հաղորդում է Sputnik Արմենիայի թղթակիցը։

Ասատուրյանի խոսքով` վիրավոր ոստիկանի վիճակն այժմ բավարար է, նա ստացել էր որովայնի առաջնային պատի վնասվածք։ Ուրիշ վիրավորների մասին տեղեկություն հայտնի չէ։

«Մուրացան» հոսպիտալի մոտ հավաքված են վիրավոր զինծառայողների հարազատները, որոնց չեն թողնում ներս` առավոտյան դեպքերի հետ կապված։

Մինչ այդ Ազգային անվտանգության ծառայությունը հայտնել էր, որ մեկ ոստիկան զոհվել է, ևս երկուսը՝ վիրավորվել:

Այսօր առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք, պատանդ են վերցրել ոստիկանության ծառայողների՝ նրանց ազատման դիմաց պահանջելով ազատ արձակել Ժիրայր Սեֆիլյանին, նաև պահանջում են Հայաստանի իշխանությունների հրաժարականը։

200