Քարաթափում

Դիլիջան-Հաղարծին ավտոճանապարհը փակվել էր

11
Դիլիջան-Հաղարծին ավտոճանապարհին հարակից ժայռից տեղի է ունեցել ավազի և խճաքարերի սահք, որը խոչնդոտել է երթևեկությանը

ԵՐԵՎԱՆ, 5 հունիսի — Sputnik. Հունիսի 4-ին` ժամը 20.54-ին ահազանգ է ստացել, որ Դիլիջան-Հաղարծին ավտոճանապարհի 20-րդ կմ-ին տեղի է ունեցել քարաթափում՝ ավտոճանապարհը դարձնելով անանցանելի, հայտնում են ՀՀ ԱԻՆ-ից:

Դեպքի վայր է մեկնել Դիլիջանի հրշեջ-փրկարարական ջոկատի օպերատիվ խումբը:

Պարզվել է, որ ավտոճանապարհին հարակից ժայռից տեղի է ունեցել ավազի և խճաքարերի սահք՝ մոտ 700մ երկարությամբ, որը խոչնդոտում է երթևեկությանը:

Փրկարարները տեղում իրականացրել են հերթապահություն մինչև ՃՇՇ աշխատակիցների ժամանելը:

Ժամը 23.40-ից «Դիլիջանի ՃՇՇ» ՓԲԸ-ի աշխատակիցները սկսել են ավտոճանապարհի մաքրման աշխատանքներ. ճանապարհահատվածն արդեն երթևեկելի է:

11