Լիլիթի որդին

Աշոցքում էլ կարելի է զարգանալ և զարգացնել. ինչպես Լիլիթը բիզնես հիմնեց և աշխատատեղեր բացեց

1952
(Թարմացված է 09:37 29.07.2019)
Լիլիթ Հովհաննիսյանն ամուսնու աջակցությամբ իր բիզնեսն է հիմնել Աշոցքում։ Զույգն ունի զարգացման յոթնամյա ծրագիր և ապագայի մեծ հույսեր։

Աշոցք համայնքը գտնվում է Հայաստանի հյուսիս-արևմուտքում։ Ընդունված է համարել, որ այն երկրի ամենացուրտ բնակավայրն է։ Իհարկե, դրան չես հավատա, մինչև անձամբ չտեսնես։ Ամառվա կեսին օդի ջերմաստիճանն այստեղ հազիվ հասնում է +15 աստիճանի, երկինքը մռայլ է, օդը սառը, բայց թարմ։ Կատարյալ վայր է երևանյան տապից խուսափելու համար, բայց թե որքանով է Աշոցքը հարմար ապրելու և երեխաներին այնտեղ մեծացնելու համար` մեծ հարց է։

Пекарня семьи Ованнисян в Ашоцке
© Sputnik / Nana Martirosyan
Գայանեն

Աշոցքի փողոցներում հազվադեպ կարելի է հանդիպել զբոսնող կամ մի տեղ շտապող մարդկանց։ Տղամարդկանց 40 տոկոսը վաղ գարնանը մեկնում է Ռուսաստան՝ արտագնա աշխատանքի, իսկ կանայք զբաղված են տնային գործերով և աթար են պատրաստում ձմեռվա համար։ Եթե չլինեին մի մուտքից մյուսի մոտ վազվզող երեխաները, ապա տպավորությունն ավելի մռայլ կլիներ։

Աշոցք մտնելիս հացի փռի ենք հանդիպում, որտեղից թարմ հացի և բուլկիների հիասքանչ բույր է գալիս, մի քանի տղաներ զրուցում են բարձրահասակ կնոջ հետ։ Նա շոյում է փոքրիկ տղայի գլուխը և երբեմն ինչ-որ բան ասում նրան։

Пекарня семьи Ованнисян в Ашоцке
© Sputnik / Nana Martirosyan
Գայանեն ու Լիլիթի որդին

Նկատելով, որ իրենց լուսանկարում ենք, կինը սկսում է տեղի բարբառով հարցուփորձ անել, թե որտեղից ենք եկել և ներս հրավիրում՝ շրջանի ամենահամեղ բուլկիները համտեսելու համար։ Առաջին հայացքից նա հաստատության տիրուհին է թվում, բայց պարզվում է, որ արտադրամասի աշխատողն է՝ Գայանեն։ Նա այստեղ ամենամեծն է և փորձառուն։ Հետևաբար, բոլորը լսում են հենց նրան։

Ուզո՞ւմ ես անվճար գիշերել ավտոբուս-հոսթելում, բողոքիր Google-ին. արցախյան նոր տուրիզմը

«Մենք մտածեցինք, թե դուք արտասահմանցիներ եք, բայց, լավ է` լրագրողներ եք։ Դեռ լրագրող չէինք տեսել, հիմա կիմանանք, թե ինչպիսին եք դուք», - ասում է նա և մեզ պարզում տաք լավաշ ու պանիր։

Пекарня семьи Ованнисян в Ашоцке
© Sputnik / Nana Martirosyan
Աշոցքի երեխաները Լիլիթ Հովհաննիսյանի փռի մոտ

Մենք բրդուճ ենք սարքում, Գայանեն մեզ ներկայացնում է սլավոնական արտաքինով մի գեղեցիկ աղջկա։ Նա Մարիան է։ Ամուսնացած չէ։ Գայանեն խստորեն հրամայում է մեզ նրա համար քաղաքում փեսացու գտնել։ Մենք կատակում ենք, որ մեր օպերատորն ամուսնացած չէ։ Աղջկան կատակները չեն ամաչեցնում, սկսում է թվարկել իր արժանիքները։ Ընդհանուր ուրախությանը միանում է արտադրամասի երիտասարդ տիրուհին՝ Լիլիթ Հովհաննիսյանը՝ խոստանալով լավ օժիտ տալ։

Пекарня семьи Ованнисян в Ашоцке
© Sputnik / Nana Martirosyan
Пекарня семьи Ованнисян в Ашоцке

Երկու երեխաների մայր Լիլիթը հրուշակագործ է։ Նրանցից մեկին` թուխ պատանուն, մենք տեսանք Գայանեի հետ զրուցելիս։ Բիզնես սկսելու գաղափարը Լիլիթի ամուսնունն է։ Նա ժամանակ չի ունեցել անձամբ սկսելու և առաջարկել է կնոջը ղեկավարել հացի փուռը։ Մեկ ամիս անց Լիլիթը զարմացել է ամուսնուն իր աշխատասիրությամբ և նվիրումով։ Իսկ հիմա մտածում է բիզնեսի ընդլայնման մասին և արդեն մշակել է զարգացման յոթնամյա ռազմավարական պլան։ Նրանք ծրագրում են թխել սեփական ալյուրով։ Հիմա ալյուրը գնում են։ Դեռ անցած տարի ամուսինները 12 հա հող են ձեռք բերել և ցորեն ցանել, իսկ երկարաժամկետ հեռանկարում մտադիր են և ջրաղաց հիմնել։

Пекарня семьи Ованнисян в Ашоцке
© Sputnik / Nana Martirosyan
Մարիան` աշխատավայրում

«Սկզբում բարդ էր, երբ չգիտես, թե ինչ և ինչպես անել։ Հիմա արդեն աստիճանաբար իրագործում ենք մեր երազանքները և շուտով կբացենք առաջին խանութը։ Արտադրամասից վաճառելը հարմար չէ», - ասում է Լիլիթը։

Пекарня семьи Ованнисян в Ашоцке
© Sputnik / Nana Martirosyan
Տիկին Գայանեն` աշխատավայրում

Նա խոստովանում է, որ բիզնեսը հաջող զարգանում է։ Օրական վաճառվում է 500-1000 հատ հաց, բուլկիները չեն հաշվում։ Բայց մի խնդիր կա․երկար ժամանակ է աշխատակիցներ է փնտրում։ Նրան պետք են հրուշակագործ, հացթուխ, Լիլիթը պատրաստ է ֆինանսավորել իր կադրերի կրթությունը, սակայն ցանկացողներ չկան, թեև աշխատավարձը տեղի չափանիշներով բարձր է (80-120 հազար դրամ)։ Ծուլությունից բացի ուրիշ բացատրություն չկա։

Ինչպես է սովետական հին ավտոբուսը դառնում հյուրանոց. հայաստանյան հանգստի նորաձևությունը

Լիլիթն առավոտվա հինգից մինչև երեկոյան 5-6-ը աշխատում է, նրա հետ միասին`գեղեցկուհի Մարիան և ճարպիկ Գայանեն։ Կինը վստահ է, որ ցանկության դեպքում Աշոցքում էլ կարելի է ապահովել ընտանիքը, միայն անհրաժեշտ է աշխատասիրություն և մի քիչ համարձակություն։

«Լիլիթը համեղ բուլկիներ է թխում, նույնիսկ մորս մոտ այդպես չի ստացվում։ Մենք դպրոցից հետո միշտ մտնում ենք, որպեսզի բուլկի ուտենք և հաց տանենք տուն»,- մուտքի մոտ պատմում են տղաները։

Пекарня семьи Ованнисян в Ашоцке
© Sputnik / Nana Martirosyan
Լիլիթ Հովհաննիսյանի փուռը

Կանայք ժպտում են և կատակում, որ հացով են ապահովել ամբողջ Աշոցքը, իսկ անհրաժեշտության դեպքում կկերակրեն ամբողջ Հայաստանը։

1952
թեգերը:
Հայաստան
Ըստ թեմայի
Ընտանեկան «բիզնես». ինչպես են նախկին համայնքապետներից մեկն ու իր որդին կերել հողերի փողերը
Մեղրոտ բիզնես. ինչպես նոյեմբերյանցին զարմացրեց ավստրիացիներին
Արմեզան դարձած պարմեզանը, կամ Միքայելյանների ստեղծած «ոգելից պանիրների արքայությունը»