Դան Ղարիբյան

Քաոսը ներդաշնակության է վերածում. ֆրանսիահայ երգիչը`հայրենիքի, Ազնավուրի հետ դուետի մասին

209
(Թարմացված է 09:57 25.06.2019)
Դան Ղարիբյանը Sputnik Արմենիայի հետ զրույցում խոսել է իր երաժշտության, Շառլ Ազնավուրի հետ հանդիպման, հայրենիք կատարած այցելությունների և ֆրանսուհուն սիրահարվելու մասին, որի շնորհիվ ծնվել է «Հայկական վալսը»։

Նանա Մարտիրոսյան, Sputnik Արմենիա

Ժամանակին տատի երգած հայկական երգի մի փոքր հատվածը ֆրանսիահայ երաժիշտ Դան Ղարիբյանի համար ճակատագրական դարձավ։ Նա չի հիշում` այդ ժամանակ քանի տարեկան էր, բայց երաժշտության մեղեդայնությունը ստիպեց լրջորեն մտածել մասնագիտության ընտրության մասին։ Կարճ ժամանակ անց նա վերցրեց հին կիթառն ու սկսել ռոքնռոլ նվագել։

Музыкант Дан Гарибян
© Sputnik / Asatur Yesayants
Դան Ղարիբյան

«Իմ երաժշտության ուղերձն է` ապրիր, սիրիր, կեր, խմիր, ծխիր, եղիր, ինչպես որ կաս, եղիր անսահման երջանիկ», – ասում է Ղարիբյանը։

Դանը նոտաներ չգիտի, երբեք չի սովորել, բայց հաճախ հայտնի, այդ թվում` հայկական երգերի «քավերներ» գրել։ Իր երգերի մի մասն էլ է ինքը գրել։ Դրանցից մեկը` «Հայկական վալսը» կատարել են Շառլ Ազնավուրի վերջին հրաժեշտի ընթացքում։

«Երբ գրում էի այդ երգը, ֆրանսուհու էի սիրահարված ու չգիտեի` ինչպես տպավորություն թողնեմ նրա վրա։ Երաժշտություն արդեն ծնվել էր, անընդհատ երգում էի այն և ուզում էի, որ տեքստն, անպայման, հայերեն լինի։ Օգնեց ընկերս` Ժիրայր Փափազյանը. նա խոսքերը ֆրանսերենից հայերեն թարգմանեց։ Երբ իմացա, որ երգը հնչել է Շառլ Ազնավուրի վերջին հրաժեշտի արարողությանը, շատ հուզվեցի։ Դրա մեջ այնքան զգացմունք ու հույզ կա», – ասաց Ղարիբյանը։

Նախորդ դարակեսին Դան Ղարիբյանը հնարավորություն է ունեցել ծանոթանալու շանսոնյեի հետ։ Մի անգամ դուետով երգել են, կարճ զրույց են ունեցել և վերջ։ Իսկ հետո նա լսել է իր վալսը Հանրապետական գվարդիայի երգչախմբի տենոր Ժերեմի Դելվերի կատարմամբ, երբ Շառլին վերջին հրաժեշտն էին տալիս։

Ղարիբյանը Դելվերի հետ դեռ չի հասցրել ծանոթանալ. երկուսն էլ զբաղված են, բայց շատ կուզեր։ Երաժիշտը խոստովանեց, որ հավանել է տենորի կատարումը։

«Նա գեղեցիկ ձայն ու շատ հաճելի ֆրանսիական ակցենտ ունի, բայց այստեղ նաև հայկական հոգի է պետք ու մի քիչ էլ նոստալգիա», – ասում է Դանը։

Այդ նոստալգիան նա զգացել է կաբարեում ու սրճարաններում, որտեղ երկար տարիներ աշխատել է։ Այնտեղ հնչեղ գնչուական ու ռուսական երգերը Դանին իր տատիկին են հիշեցրել։ Հենց այդ ելևէջներն է նա փորձում օգտագործել իր կատարումներում` ոչ թե կրկնելով, այլ ամեն անգամ ինչ-որ սեփական բան ավելացնելով ու յուրովի մեկնաբանելով։ Ղարիբյանը չի կարողանում ստանդարտ նվագել ու բոլորի պես երգել։ Նա սիրում է խենթանալ ու վարակել իր ունկնդրին։

Ազնավուրի հրաժեշտի արարողության ժամանակ հայերեն երգած Ժերեմի Դելվերը Հայաստանում է

«Գլխումս ինչ-որ բան է կատարվում։ Երաժշտություն է հնչում, բառերն այս ու այն կողմ են վազում, երաժշտական գործիքներն այլ հնչողություն են ստանում ու ստացվում է այն, ինչը մարդիկ իմ ոճն են անվանում։ Սիրում եմ խառնել ամեն ինչ. այդպես է քաոսը ներդաշնակության վերածվում։ Չեմ սիրում ժամանակակից երաժշտությունը, պաշտում եմ հայկական ժողովրդականը։ Քամանչա, դուդուկ ու թառ եմ սիրում, դրանք սովորական մեղեդիները լավագույնս համադրում են», – նշեց երաժիշտը։

Музыкант Дан Гарибян
© Sputnik / Asatur Yesayants
Դան Ղարիբյան

Ղարիբյանն ասում է, որ Հայաստան այցելելուց հետո երաժշտությունն ավելի հագեցած ու վառ է դառնում։ Հայրենիք առաջին անգամ 2006 թվականին է եկել ու գաղափար էլ չի ունեցել` ինչպես կդիմավորեն իրեն, ու ինչ կգտնի այստեղ։ Բայց ութերորդ անգամ գալով` նա կրկին ու կրկին իր համար ջերմ ու լուսավոր երկիր է բացահայտում։ Երաժիշտը վստահ է, որ գաղտնիքն այստեղ ապրող ու ստեղծագործող մարդկանց մեջ է։

Ռոզի Արմենը` իր և Ազնավուրի հարաբերության մասին. երգչուհին երազում է ապրել Հայաստանում

«Տատս ասում էր, որ հայրենիքը հեռու է. այն արդեն չկա։ Բայց նանեն սխալվում էր։ Այն կա, և այն հիասքանչ է։

Գյուղացիներն ապշեցնում են ինձ իրենց հյուրընկալությամբ, անկեղծությամբ ու մեծ սրտով։ Ամեն անգամ ինձ հետ ջերմություն ու լավ տպավորություններ եմ տանում և,  իհարկե, տնական դեղձի օղի։ Ի դեպ, մեր բարբառով դեղձին «շավթալի» են ասում, իսկ Հայաստանում շատերն այդ բառը չեն հասկանում։ Ծիծաղելի է, չէ՞», – ասում է նա ւ բարձր ծիծաղում։

Իրեն բնորոշ անմիջականությամբ խոստովանում է, որ հայրենիք կատարած առաջին այցից հետո ուզում էր գիրք գրել, բայց հետո սկսել է կասկածել։ Իսկ այժմ պարզապես ծուլանում է։ Ղարիբյանն ասում է, որ դեմ չէր լինի, եթե որևէ մեկը գրի առներ իր հիշողությունները ծնողների, տատի, հայկական կենսակերպի, անցած ճանապարհի ու հայրենիքի հանդեպ մեծ սիրո մասին։

Музыкант Дан Гарибян
© Sputnik / Asatur Yesayants
Դան Ղարիբյան
209
թեգերը:
Արևմտյան Հայաստան, երաժիշտ, երաժշտություն, Շառլ Ազնավուր, Ֆրանսիա, Հայաստան
Ըստ թեմայի
Ինչու է ֆրանսիահայ գործարարն ամեն տարի Հայաստան բերում ընկերներին. նրա երազանքի Հայաստանը
Ինչի համար են ֆրանսիացիները սիրում հայերին․ պատմում են բիզնեսի ֆրանսիահայ «գայլերը»
Սիրել Երևանը և պաշտել Փարիզը. ինչպիսի՞ անակնկալներ կլինեն ֆրանսիահայ երգչուհու համերգին
Ֆրանսիահայ ռեժիսոր Ռոբեր Գեդիկյանը Կաննի 71–րդ կինոփառատոնի ժյուրիի անդամ է
Լևոն Արոնյան. արխիվային լուսանկար

Լևոն Արոյանը պարտվեց ամերիկացի շախմատիստ Հիկարու Նակամուրայից

23
(Թարմացված է 22:46 25.05.2020)
Փորձագետները կարծում են, որ չնայած ծանր հոգեբանական վիճակին, Լևոն Արոնյանը հետաքրքիր խաղ է ցուցադրում։

ԵՐԵՎԱՆ, 25 մայիսի - Sputnik. Հայկական շախմատի առաջատար Լևոն Արոնյանն արագ շախմատի Lindores Abbey Rapid Challenge առցանց մրցաշարի քառորդ եզրափակչի երկրորդ խաղում պարտվեց ամերիկացի շախմատիստ Հիկարու Նակամուրայից։

ՌԻԱ Նովոստիի փոխանցմամբ ՝ չորս խաղերի արդյունքների համաձայն՝ Նակամուրան հաղթել է 3-1 հաշվով և մտել մրցակցության հաջորդ փուլ: Արոնյանի հետ առաջին հանդիպումը նույնպես հօգուտ ամերիկացու էր:

Lindores Abbey Rapid Challenge մրցաշարը կավարտվի հունիսի 3-ին, ինչից հետո կկայանան ևս մի քանի մրցաշարեր` Online Chess Masters-ը (հունիսի 20-ից հուլիսի 5-ը), Legends of Chess-ը (հուլիսի 21-ից օգոստոսի 5-ը) և Grand Final-ը (օգոստոսի 9-20-ը):

Մրցաշարի մրցանակային ընդհանուր ֆոնդը 1 միլիոն դոլար է:

Փորձագետների կարծիքով՝ կնոջ` շախմատիստուհի և հասարակական գործիչ Արիանա Կաոլիի մահից հետո անգամ, չնայած ծանր հոգեբանական վիճակին, Արոնյանը վերջին շրջանում հիանալի խաղ է ցուցադրում։

23
թեգերը:
Պարտություն, Շախմատի միջազգային ֆեդերացիա (ՖԻԴԵ), շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
«Գիտեինք, որ երկուսդ էլ հանձնվող տեսակ չեք». նախագահը և վարչապետը ցավակցել են Արոնյանին
Լևոն Արոնյանը կխաղա Եվրոպայի թիմի կազմում 
Լևոն Արոնյանը Եվրոպայի թիմի կազմում շարունակում է հաղթել
Արկադի Տեր–Թադևոսյան. Կոմանդոս

Ես իմ գործն եմ արել, դա հերոսություն չէ. այսօր Կոմանդոսի ծննդյան օրն է

1776
(Թարմացված է 17:39 22.05.2020)
Արցախի հերոս, Շուշիի ազատագրման օպերացիայի հրամանատար Արկադի Տեր–Թադևոսյանն այսօր նշում է իր ծննդյան 81-ամյակը։

Արկադի Տեր Թադևոսյան կամ պարզապես Կոմանդոս: Գեներալ-մայոր, արցախյան ազատամարտի հերոս, Շուշիի ազատագրման հրամանատար: Կոմանդոսին այսօր իրավմամբ համեմատում են մեր լեգենդար հերոսների հետ, իսկ նա համեստորեն ու ամաչելով ժպտում է ու ասում. «Ես առանձնապես ոչինչ չեմ արել: Պարզապես խորհրդային իշխանությունն ինձ սովորեցրել էր ռազմարվեստ՝ մարտական ու տեխնիկական բաղադրիչներով, իսկ ես այն 1991-1992 թթ. փոխանցել եմ գործընկերներիս»:

Թբիլիսիում ծնված փոքրիկ տղան, որը ծնողների պահած կովերի կաթն էր վաճառում` նրանց օգնելու համար, չէր էլ պատկերացնում, որ մի օր իրեն դասելու են իր կարդացած գրքերի հերոսների շարքին:

Ծովակալ Իսակովի ու գնդապետ հորեղբոր սխրանքներից ոգևորված` պատանի Արկադին որոշում է զինվորական դառնալ։ Ներքին ձայնը հուշում էր, որ այդ գործով իր ժողովրդին շատ է պետք գալու:

Գերմանիա, Լենինգրադ, Բելառուս՝ սովետական բանակի զինվորականն ամեն տեղ 5 տարի ծառայելով` վերջապես 1988-ին ընտանիքով հաստատվեց հայրենիքում:

Սովետական բանակում արդեն փորձ ձեռք բերած փայլուն զինվորականին շատ էր անհանգստացնում Արցախում ու Հայաստանի սահմաններին սկսվող պատերազմը: Խիստ մտահոգիչ էր բանակի ու ռազմամթերքի բացակայությունը. անկանոն խմբերով կռվելը կարող էր վատ հետևանքներ ունենալ։

Կոմանդոսը լավ էր հասկանում, որ ռազմաճակատ մեկնողներն ունեին կամք, հայրենասիրություն ու նպատակասլացություն. սրանք պարտադիր, բայց ոչ բավարար պայմաններ են պատերազմում հաղթելու համար: Երիտասարդ ջոկատայինների բարոյական ոգին ի զորու կլիներ հրաշքներ գործել միայն զենք բռնել սովորելուց հետո: Հենց այս համոզմամբ էլ Արկադի Տեր-Թադևոսյանը սկսում է մարզել ու սովորեցնել երիտասարդներին, որոնցից շատերը մինչ այդ երբևէ զենք չէին առել ձեռքերը:

1991 թվականին Արկադի Տեր-Թադևոսյանը նշանակվում է Արցախի Պաշտպանության պետական կոմիտեի արտազինվորական պատրաստության բաժնի պետ։ 1991 թվականի հոկտեմբերի 30-ին Արցախի նորաստեղծ ինքնապաշտպանական ուժերը վերջինիս հրամանատարության տակ փայլուն գործողության շնորհիվ թշնամուց ազատագրում են ռազմավարական մեծ կարևորություն ունեցող Տող գյուղը (Հադրութի շրջան), իսկ 1992-ի մայիսի 8-ին իրականացվում է Շուշիի՝ ռազմարվեստի մեջ գլուխգործոց համարվող գործությունը՝ «Հարսանիքը լեռներում» օպերացիան: Բերդաքաղաքը, որտեղից օր ու գիշեր կրակ էր տեղում Ստեփանակերտցիների գլխին, ազատագրվում և անցնում է իր օրինավոր տերերի ձեռքը:

«Ես ոչինչ չէի կարող անել առանց իմ զինվորների, հաղթանակը նրանք են կերտել». համեստ ու հայրենասեր գեներալի մասին մենք էլ առիթ կունենանք մեր սերունդներին պատմելու, հպարտությամբ ասելու` մենք Կոմանդոսին տեսել ենք, ինչպես ոգևորված պատմում էին մեր մեծ պապերը, ովքեր Անդրանիկին կամ Չաուշին տեսնելու հնարավորություն էին ունեցել։

1776
թեգերը:
Արկադի Տեր–Թադևոսյան (Կոմանդոս), Արցախ, Հայաստան
Իլոն Մասկ

Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

0
(Թարմացված է 01:01 26.05.2020)
Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով` երեխային գրանցելու համար նրա անվան մեջ կարելի է կիրառել միայն լատինական տառեր։

ԵՐԵՎԱՆ, 25 մայիսի –Sputnik. Tesla և SpaceX ընկերությունների հիմնադիր, գործարար Իլոն Մասկն ու նրա կինը` կանադացի երգչուհի Գրայմսը, ստիպված են եղել փոխել իրենց նորածին որդու անունը` Կալիֆոռնիայի նահանգի օրենքի պահանջների պատճառով։ Երեխայի անվան հետ կապված նորությունը Instagram–ի իր էջում հայտնել է գործարարի կինը։

Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով երեխային գրացնելու համար նրա անվան մեջ կարելի է կիրառել միայն լատինական տառեր, ապաթարց և տրոհագիծ։

Սակայն Մասկն ու Գրեյմսը երեխային սովորական անունով չեն կնքել, նրանք պարզապես վերջին տառերը փոխարինել են «Xii»–ով։ Տղայի նոր անունը X Æ A-Xii է։

2019–ին Նարեներն ու Դավիթները «հաղթել» են բոլորին

Փոքրիկի մայրը կարծում է, որ նոր անունը նախորդից լավն է, միևնույն ժամանակ Գրեյմսը չի նշել, թե ինչպես է նոր անվանը վերաբերվում Կալիֆոռնիայի օրենսդրությունը։

Ձախողո՞ւմ, թե՞ շոուի մաս. Իլոն Մասկը ներկայացրել է իր նոր Cybertruck պիկապը. տեսանյութ

0
թեգերը:
անուն, երեխա, Իլոն Մասկ
Ըստ թեմայի
Իլոն Մասկը «հիանալի» է անվանել ռուսական ՌԴ-180 հրթիռային շարժիչը
Tesla-ի մեքենաներն ավելի խելացի են դարձել. ի՞նչ նորություն է մոգոնել Իլոն Մասկը
Հայրիկ է դարձել 6–րդ անգամ․ միլիարդատեր Իլոն Մասկը ցույց է տվել նորածին որդուն