Վահան Քերոբյան

Վահան Քերոբյանը կոչ է անում «բերման ենթարկել» «խոպանի» գնացած բարեկամներին

375
(Թարմացված է 14:42 21.07.2021)
Էկոնոմիկայի նախարարի պաշտոնակատարի խոսքով` աշխատանքի սուր պահանջարկ կա շինարարության, գյուղատնտեսության, ՏՏ, մշակող արդյունաբերության, նույնիսկ տաքսու ոլորտներում։

ԵՐԵՎԱՆ, 21 հուլիսի – Sputnik. 2021 թվականի հունիսին Հայաստանի արտահանումն առաջին անգամ գերազանցել է 300մլն ԱՄՆ դոլարը։ Տեղեկությունը հայտնում է ՀՀ էկոնոմիկայի նախարարի պաշտոնակատար Վահան Քերոբյանը։

«2021 թվականի հունիսին աշխատատեղերի շուկան շարունակել է բուռն աճել՝ սահմանելով հարկման բազա ունեցող աշխատակիցների նոր ռեկորդ՝ 643,256, մայիսի նկատմամբ աճելով 8,305-ով»,– Facebook–ի իր էջում գրել է նա։

Նրա խոսքով` այս ամենի հետ մեկտեղ աշխատանքի սուր պահանջարկ կա շինարարության, գյուղատնտեսության, ՏՏ, մշակող արդյունաբերության, նույնիսկ տաքսու ոլորտներում։

«Հետևաբար կոչ եմ անում արտերկիր խոպանի գնացած բարեկամներին «բերման ենթարկել»՝ մեր երկիրն ամրացնելու ու զարգացնելու»,– եզրափակել է Քերոբյանը։

Հիշեցնենք`ավելի վաղ նա ասել էր, որ Հայաստանում տուրիզմի 319% աճ էլ կլինի։

375
թեգերը:
տնտեսություն, Վահան Քերոբյան, Հայաստան
Ըստ թեմայի
Հայկական երկինքը՝ արաբական ձեռքերում
Տուրքի մասին օրե՞նք, թե՞ քաղաքական «չագուճ». ի՞նչ է կատարվում ՀՀ պղնձամոլիբդենի բիզնեսում
«Լավ լուր Գեղարքունիքի մարզպետից». Սանոսյանի կիրակնօրյա թեթև հումորը և Ակունքի մասին լուրը
Կոնյակի գործարան

Հայաստանը նախատեսում է ավելացնել կոնյակի արտահանումը Ռուսաստան

24
(Թարմացված է 20:08 29.07.2021)
Դաշնային մաքսային ծառայության տվյալներով՝ Հայաստանից Ռուսաստան կոնյակի ներմուծումը նախորդ տարի կազմել է 52,79 հազար տոննա։

ԵՐԵՎԱՆ, 29 հուլիսի – Sputnik. Հայաստանը նախատեսում է ավելացնել կոնյակի մատակարարումը Ռուսաստան։ Տեղեկությունը ՌԻԱ Նովոստիին հայտնել է ՀՀ էկոնոմիկայի նախարարությանն առընթեր զբոսաշրջության կոմիտեի ղեկավարի պաշտոնակատար Ալֆրեդ Քոչարյանը:

Ռուսաստանում անցյալ տարվա հունիսին ուժի մեջ է մտել խաղողագործության և գինեգործության մասին նոր օրենքը, որը սահմանում է խաղողագործության և գինեգործության արտադրանքի արտադրության, շրջանառության և սպառման իրավական և կազմակերպական հիմքերը: Այն պարունակում է նաև դրույթներ, որոնք ուղղված են կեղծիքի դեմ պայքարին։

«Այսօրվա դրությամբ` օրենքի ուժի մեջ մտնելուց հետո, հայկական կոնյակների արտահանման հետ կապված որևէ խնդիր չի արձանագրվել։ Այնպես որ, հույս ունենք, որ հայկական կոնյակների արտահանումը Ռուսաստան ոչ միայն չի նվազի, այլ ընդհակառակը ՝ կավելանա», – ասել է Քոչարյանը։

Վահան Քերոբյանը գինեգործների ու կոնյակագործների հետ քննարկել է խաղողի մթերման հարցերը

Ռուսաստանի Դաշնային մաքսային ծառայության (ԴՄԾ) տվյալներով՝ 2020 թվականին Հայաստանից Ռուսաստան կոնյակի ներմուծումը կազմել է 52,79 հազար տոննա՝ 129,39 մլն դոլարի:

24
թեգերը:
կոնյակ, Ռուսաստան, Հայաստան
Ըստ թեմայի
Կրքեր բրենդի շուրջ, կամ Կոնյակ քաղաքը կլուծե՞ր հայկական խմիչքի հարցը
Ո՞ր ոգելից խմիչքն է քիչ վնաս հասցնում օրգանիզմին
Բժիշկը պատմել է`որ ոգելից խմիչքն է հատկապես վնասակար սոված ժամանակ
Սոթքի հանքավայրը

Սոթքի հանքավայրը վերսկսել է աշխատանքը. եթե հանգիստ լինի, գիշերային հերթափոխն էլ կաշխատի

110
(Թարմացված է 18:59 29.07.2021)
Աշխատակիցները գործի են անցել դեռ առավոտյան։ Գիշերային հերթափոխը կաշխատի սովորական ռեժիմով, եթե իրավիճակը շարունակի հանգիստ մնալ։

ԵՐԵՎԱՆ, 29 հուլիսի – Sputnik. Սոթքի հանքավայրը վերսկսել է աշխատանքը։ Տեղեկությունը Sputnik Արմենիային հայտնեց GeoProMining ընկերության ներկայացուցիչ Ռուզաննա Գրիգորյանը:

«Գիշերը հանքի տարածքում իրավիճակը հանգիստ է եղել, առավոտյան ընկերության ղեկավարությունը որոշում է կայացրել վերսկսել աշխատանքները։ Ընկերության բոլոր աշխատակիցները վերադարձել են աշխատատեղ և աշխատում են սովորական ռեժիմով», - ասաց նա։

Գրիգորյանը հավելեց, որ գիշերային հերթափոխի աշխատակիցները կաշխատեն, եթե իրավիճակը շարունակի հանգիստ մնալ:

Նշենք, որ հուլիսի 28–ի ադրբեջանական կողմի կրակոցների հետևանքով Գեղարքունիքի մարզի Սոթքի ոսկու հանքի աշխատանքը կանգնեցվել էր։

«Սահմանին լարված էր, իսկ Սոթքի համայնքապետը Երևանում էր. ես գնամ, դուք մտածեք». Սանոսյան

Սոթքի հանքավայրը Հայաստանի ոսկու պաշարներով ամենախոշոր հանքավայրն է։ Խորհրդային տարիներին հանքավայրի մի մասը ներառվել է Հայկական ԽՍՀ Վարդենիսի շրջանում, մյուս մասը ՝ Ադրբեջանական ԽՍՀ Քելբաջարի շրջանում։

Արցախյան առաջին պատերազմից հետո ողջ հանքը վերահսկվում էր Հայաստանի կողմից։ Արցախյան երկրորդ պատերազմի արդյունքում հանքի մի մասն անցել է Ադրբեջանին։

110
թեգերը:
կրակոց, Ադրբեջան, Գեղարքունիքի մարզ, Սոթքի հանքավայր, Սոթք
Ըստ թեմայի
ՄԻՊ–ն այցելել է զինվորական հոսպիտալ և տեսակցել Գեղարքունիքում վիրավորված զինծառայողներին
Գեղարքունիքի հատվածում փոխհրաձգություն է ծավալվել, հայկական կողմը մեկ վիրավոր ունի. ՊՆ
Արման Թաթոյանը փաստահավաք աշխատանքների նպատակով Գեղարքունիքի մարզում է. լուսանկարներ
Ձյուն

Բրազիլիայում և Արգենտինայում ձյուն է տեղացել

0
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

0
թեգերը:
ձյուն, Արգենտինա, Բրազիլիա