Բանկային քարտեր և փող

Ապրիլ-մայիսին Ռուսաստանից Հայաստան փոխանցումներն աճել են

38
Երբ կորոնավիրուսային սահմանափակումները հանվեցին, աշխատանքային միգրանտները նորից սկսեցին մեկնել ՌԴ։ Մեկ այլ առանձնահատկություն էլ կա. վերջին 10 տարում ավելի շատ գումար է գալիս ոչ թե սեզոնային աշխատողներից, այլ քաղաքացիություն ստացած և Ռուսաստանում հաշվառված հայերից։

ԵՐԵՎԱՆ, 15 հուլիսի – Sputnik. Հայաստանի կենտրոնական բանկի վիճակագրությունը վկայում է, որ 2021 թվականի հունվար-մայիսին Ռուսաստանից Հայաստան քաղաքացիների դրամական փոխանցումները աճել են։ Նշված ժամանակահատվածում փոխանցումները կազմել են գրեթե 290 մլն դոլար, մինչդեռ 2020-ի հունվար-մայիսին 243 մլն դոլար ցուցանիշ էր գրանցվել:

Միևնույն ժամանակ առաջին եռամսյակում (հունվար-մարտ) դրամական փոխանցումները կրճատվել են մոտ 6%-ով (164-ից մոտ 154 մլն դոլար): Նմանատիպ վիճակագրություն է արձանագրել նաև Ռուսաստանի բանկը։Ըստ այդ բանկի տվյալների՝ 2021 թվականի առաջին եռամսյակում Ռուսաստանից Հայաստան է փոխանցվել մոտ 151 մլն դոլար։

Դա պայմանավորված է այն հանգամանքով, որ 2020-ի առաջին եռամսյակը հիմնականում նախաճգնաժամային էր, աշխատանքային միգրանտներն ընդհանուր առմամբ աշխատել և վճարվել են սովորական ռեժիմով: 2020 թվականի ապրիլ-մայիս ամիսներին` լոկդաունների սկսվելուց ի վեր, զգալիորեն տուժել են առևտրի, ծառայությունների և շինարարության ոլորտները, իսկ դրանց հետևանքով` նաև միգրանտների (ինչպես նաև Ռուսաստանում մշտապես բնակվող և ազգականներին գումար փոխանցող հայերի) եկամուտները:

Այժմ դրամական փոխանցումները վերականգնվում են, քանի որ սահմանները բացվել են, և սեզոնային աշխատողները կրկին մեկնում են Ռուսաստան։ 2021 թվականի ապրիլ-մայիս ամիսներին, Հայաստանի ԿԲ տվյալներով, Ռուսաստանից փոխանցումներն աճել են գրեթե 70 տոկոսով (78-ից մինչև 135 մլն դոլար):

Նշենք, որ Ռուսաստանի բանկի տվյալներով՝ Ռուսաստանից Հայաստան փոխանցումների հիմնական մասը բաժին է ընկնում ՌԴ ռեզիդենտներին (2021 թվականի առաջին եռամսյակում` գրեթե 80 տոկոս)։ Մոտ 10 տարի առաջ ռեզիդենտների և ոչ ռեզիդենտների փոխանցումների հարաբերակցությունը գրեթե հավասար էր, բայց տարիների ընթացքում մշտապես աճել է ՌԴ ռեզիդենտների մասնաբաժինը: Ընդ որում` Ռուսաստան մեկնող սեզոնային աշխատողների մի մասը ՌԴ քաղաքացիություն և մշտական բնակություն են ձևակերպում (օրինակ ՝ մի քանի տարի աշխատելուց հետո), և, ըստ ռուսական վիճակագրության, արդեն ՌԴ ռեզիդենտներ են համարվում։

Հայ «խոպանչիներն» ու ՌԴ-ի բարեփոխումները․ ի՞նչ է սպասում ապօրինի միգրանտներին

38
թեգերը:
միգրանտ, փող, Ռուսաստան, Հայաստան
Ըստ թեմայի
Որ ամբողջ եկամուտը սննդամթերքի վրա չծախսենք. ով ու ինչպես է իջեցնում հայաստանյան գները
Առաջիկայում Հայաստանից Ռուսաստան արտահանման ծավալները կաճեն. Փաշինյանը` Պուտինին
ՊԵԿ-ը բացահայտել է աշխատողի չձևակերպման ու ՀԴՄ-ի կիրառման կանոնների խախտման դեպքեր
Արխիվային լուսանկար

Ցանկությունը մեծ է, արդյունքը` փոքր. ում և ինչի համար է աջակցում պետությունը

123
(Թարմացված է 22:04 23.07.2021)
«Փոքր և միջին ջերմատնային տնտեսությունների ներդրման պետական աջակցության» ծրագրի մեկնարկից ի վեր պետական բյուջեից ֆերմերներին 165 մլն դրամի աջակցություն է տրամադրվել։ Sputnik Արմենիան փորձել է պարզել` ինչի վրա ու որքանով արդյունավետ է ծախսվել այդ գումարը։

ԵՐԵՎԱՆ, 23 հուլիսի – Sputnik. Շուրջ երկու տարի առաջ` 2019 թվականի նոյեմբերի 14-ին, ՀՀ կառավարությունն ընդունեց «Փոքր և միջին ջերմատնային տնտեսությունների ներդրման պետական աջակցության» ծրագիրը։

Դրանով պետությունը ֆինանսական աջակցություն է տրամադրում բոլոր նրանց, ովքեր ցանկանում են նոր ջերմոցներ ու ջերմատներ հիմնել։

Աջակցության չափը` կախված ջերմոցի չափերից, շինության տեսակից ու տեխնոլոգիական լուծումներից, 1 քմ-ի համար կազմում է 6000-15 000 դրամ:

Հաշվի առնելով, որ ծրագիրն արդեն տևական ժամանակ իրականացվում է, փորձեցինք պարզել, թե որքան գումար է ծախսել պետությունն ու ինչ օգուտ է ստացել դրանից։

Էկոնոմիկայի նախարարությունից Sputnik Արմենիայի հարցմանն ի պատասխան հայտնեցին, որ ծրագրի մեկնարկից ի վեր, ս.թ. հուլիսի 15-ի դրությամբ, պետական բյուջեից տրամադրվել է 165 մլն դրամի աջակցություն, ընդ որում` դրանից 108.1 մլն–ը` 2021թ–ին։

Ծրագրից օգտվելու համար անցած 1.5-2 տարում նախարարություն է դիմել 190 շահառու։

Նրանցից, սակայն, հուլիսի 15-ի դրությամբ ջերմոցի շինարարությունն ավարտել են միայն 7-ը։ Իսկ բերք ստացողների թիվը շատ ավելի փոքր է։ Էկոնոմիկայի նախարարությունն այս պահին նրանցից միայն 2-ի մասին է տեղյակ։

Պատկերացրեք տղամարդը լացի. Արմավիրում փոթորիկը միլիոնների վնաս է հասցրել ջերմոցատերերին

Բանն այն է, որ ծրագրով շահառուն պարտավորվում է ջերմատան կառուցմանը հաջորդող 4 տարիներին ամեն տարի մինչև հուլիսի 1–ը ստացված բերքի մասին հաշվետվություն ներկայացնել նախարարություն։

Դե, իսկ քանի որ պետական աջակցությամբ կառուցված ջերմատներից միայն 2-ն են կառուցվել 2020թ–ին, հետևաբար, այս տարի հուլիսի 1-ին նախարարությունը միայն այդ երկուսից է հաշվետվություն ստացել։

«Ըստ շահառուներից ստացված տեղեկատվության` 2880 քմ արտադական տարածքով ջերմատնից մինչ օրս ստացվել է 8 000 կգ բուլղարական պղպեղ, իսկ մյուս` 1377 քմ արտադրական տարածքով ջերմատնից` 61 965 կգ լոլիկ»,– հայտնեցին նախարարությունից։

Եթե փորձենք միջինացված արժեքներով համադրել այս ջերմատների վրա պետության կատարած ծախսն ու ստացված օգուտը, կստացվի հետևյալ պատկերը. երկու ջերմատների տերերին պետությունը վճարել է շուրջ 60 մլն դրամ, դրանցից ստացված բերքի միջին շուկայական արժեքը շուրջ 50 մլն դրամ է։

Իհարկե, սա միայն առաջին բերքն է։ Ծրագրի հեղինակները համզված են, որ հետագա տարիների շահույթով ծրագիրն արդարացնելու է պետության կատարած ծախսերը։

Ի դեպ, վերոհիշյալ 2880 քմ–անոց ջերմոցը ծրագրի շրջանակներում կառուցված ամենամեծ ջերմոցն է։

Իսկ ամենափոքրը 960 քմ է։ Պետական աջակցության ծրագրով կառուցված 7 ջերմոցները միասին 11 927.4 քմ մակերես ունեն, կամ 1 հա–ից քիչ ավելի։

Համեմատության համար նշենք, որ Հայաստանում ներկա պահին առկա ջերմոցների ու ջերմատների ընդհանուր մեկերեսը, պաշտոնական տվյալներով, շուրջ 1 300 հա է, որից 300-ը կառուցված են ժամանակակից տեխնոլոգիաներով։

Լոլիկ աճեցնելու 2-րդ փորձ․ Ջերմոցային ասոցիացիան եվրոպացի ներդրողներին կբերի Հայաստան

123
թեգերը:
տնտեսություն, ծրագիր, բերք
Ըստ թեմայի
Ուզում եք չիր պատրաստել, թե ջերմոց տեղադրել. Հայաստանում կիջեցնեն վարկի տոկոսադրույքները
Կողբ գյուղի բնակիչներ. աշխատանք չկար, իսկ այժմ կարելի է ջերմոցներում աշխատել
Ծաղիկները կորոնավիրուսին չեն սպասում․ ի՞նչ վիճակում են ծաղկավաճառներն ու ջերմոցատերերը
Կառավարությունում քննարկվել են գյուղատնտեսության զարգացմանն ուղղված ծրագրերը

Կառավարությունում քննարկվել են գյուղատնտեսության զարգացմանն ուղղված ծրագրերը

44
(Թարմացված է 18:59 23.07.2021)
Պտուղ-բանջարեղենային պահածոների և մրգահյութերի արտադրությունն ընթացիկ տարում նախորդ տարվա նույն ժամանակահատվածի համեմատ աճել է 59 տոկոսով:

ԵՐԵՎԱՆ, 23 հուլիսի - Sputnik. Վարչապետի պաշտոնակատար Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն, որի ընթացքում քննարկվել է գյուղատնտեսության ոլորտում իրականացվող զարգացման ծրագրերի ընթացքը: Տեղեկությունը հայտնում է վարչապետի մամուլի ծառայությունը։ Փաշինյանը նշել է, որ կարևոր է հասկանալ, թե իրականացվող ծրագրերն ինչպես են աշխատում և ինչ պետք է արվի՝ դրանք հասցեական, հասանելի, արդունավետ դարձնելու համար։

Ծրագրի ընթացքի վերաբերյալ մանրամասներ է ներկայացրել էկոնոմիկայի փոխնախարար Արման Խոջոյանը։ Նրա խոսքով՝ պտուղ-բանջարեղենային պահածոների և մրգահյութերի արտադրությունն ընթացիկ տարում նախորդ տարվա նույն ժամանակահատվածի համեմատ աճել է 59 տոկոսով: Արդեն իսկ արտահանվել է 116 հազար 930 տոննա պտուղ- բանջարեղեն:

Փոխնախարարի տեղեկացմամբ՝ գյուղատնտեսության ոլորտում գործում է զարգացման 14 ծրագիր, որոնց թվում են՝ լիզինգի, այգեգործության և ոռոգման, ապահովագրության, տոհմային անասնաբուծության/անասնապահության, հումքի մթերման, արտադրության և արտահանման, գինեգործության, սուբսիդավորվող վարկերի տրամադրման, աշնանացան ու գարնանացան ցորենի մշակման և այլն:

Փոխնախարարն ընդգծել է, որ միջազգային ծրագրերի շրջանակում ընթացիկ տարում գյուղացիական տնտեսություններին արդեն իսկ տրամադրվել է 100 միավոր գյուղտեխնիկա. ակնկալվում է, որ մինչև տարեվերջ այդ թիվը կավելանա ևս 200 միավորով:

Совещание во главе с и.о. премьер-министра Николом Пашиняном по программам развития сельского хозяйства (23 июля 2021). Еревaн
© Photo / official site of the Prime minister of RA / Gevorg Perkuperkyan
Արման Խոջոյան

Ինտենսիվ ընթացքի մեջ է նաև գյուղապահովության ծրագիրը: Նախորդ տարվա համեմատ ընթացիկ տարում արդեն իսկ ապահովագրության պայմանագրերի թիվն ավելացել է 3 անգամ։ Ապահովագրվող մշակաբույսերն են հիմնականում հացահատիկը, ծիրանը և խնձորը։ Ընթացիկ տարում ծրագրում կներառվեն նաև նոր մշակաբույսեր:

Էկոնոմիկայի փոխնախարարն անդրադարձել է տավարաբուծության և ոչխարաբուծության, խելացի անասնաշենքերի կառուցման ծրագրերի ընթացքին, տեղեկացրել է նաև, որ համայնքային կենդանիների հավաքատեղիներ կկառուցվեն:

Անդրադարձ է կատարվել նաև աշնանացան ցորենի, գարնանացան մշակաբույսերի արտադրության խթանմանն ուղղված ծրագրերի ընթացքին:

Խաղաղապահներն Արցախի գյուղատնտեսական դաշտերը մաքրել են «Ուրագաններից». տեսանյութ

Ինչ վերաբերում է խաղողի և այլ գյուղմթերքների մթերման գործընթացի կազմակերպմանը, փոխնախարարը հավաստիացրել է, որ մթերման պրոցեսը կիրականացվի կանոնակարգված և առանց խնդիրների:

Քննարկվել են նաև գինու, կոնյակի արտահանմանն ոլորտում տեղի ունեցող զարգացումներն ու առկա խնդիրների լուծման քայլերը:

44
թեգերը:
խորհրդակցություն, Հայաստան, գյուղատնտեսություն
Արխիվային  լուսանկար

Օդի ջերմաստիճանը կբարձրանա, ապա կրկին կիջնի. եղանակի տեսություն

0
(Թարմացված է 19:03 24.07.2021)
Օդի ջերմաստիճանը 25-26-ի ցերեկն աստիճանաբար կբարձրանա 2-4 աստիճանով, 28-29-ը կնվազի 3-5 աստիճանով։

ԵՐԵՎԱՆ, 25 հուլիսի - Sputnik. Այսօր Հայաստանի տարածքում սպասվում է առանց տեղումների եղանակ: Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Եղանակի կանխատեսում
Եղանակի կանխատեսում

Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 18-23 մ/վ արագությամբ։

Օդի ջերմաստիճանը 25-26-ի ցերեկն աստիճանաբար կբարձրանա 2-4 աստիճանով, 28-29-ը կնվազի 3-5 աստիճանով։

Անոմալ շոգեր են. ի՞նչ կանչեր է ստանում Շտապօգնությունը

Երևանում հուլիսի 25-27-ը սպասվում է առանց տեղումների եղանակ: Հուլիսի 28-ին ժամանակ առ ժամանակ սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 18-20 մ/վ արագությամբ։

0
թեգերը:
օդի ջերմաստիճան, Հայաստան, եղանակ
թեմա:
Եղանակը Հայաստանում
Ըստ թեմայի
Կանադայում շոգից ավելի քան հարյուր մարդ է մահացել
Երկիր մոլորակի վրա կարող է անտանելի շոգ լինել. գիտնականներ
Սննդաբանն ասել է՝ ինչ չի կարելի ուտել նախաճաշին շոգ եղանակին