Արխիվային լուսանկար

«Տնտեսվարողների հետ չի քննարկվել». Քերոբյանն ասաց` ինչու են հանքատերերի տուրքը բարձրացնում

84
(Թարմացված է 14:05 15.07.2021)
Վահան Քերոբյանը նշեց, որ նոր տուրքի սահմանման համար որպես հիմք վերցրել են պղնձի և մոլիբդենի խտանյութերի շուկայական գինը։

ԵՐԵՎԱՆ, 15 հուլիսի – Sputnik. Մոտ ապագայում պղնձի գների անկում չի նախատեսվում, ավելին` ներկայիս 9300 դոլարի փոխարեն 15 000 դոլարի կարող է հասնել դրա գինը։ ԱԺ–ում հայտարարեց ՀՀ Էկոնոմիկայի նախարար Վահան Քերոբյանը` ներկայացնելով Հայաստանից արտահանվող պղնձի և մոլիբդենի խտանյութերի ու դրանց հարակից ապրանքների նկատմամբ «Պետական տուրքի մասին» ՀՀ օրենքում առաջարկվող նոր տուրքին։ Նշենք, որ ԱԺ–ն առաջին ընթերցմամբ է քննարկում օրենքում փոփոխություն կատարելու նախագիծը։

Նրա խոսքով` արտահանման լրացուցիչ տուրքը կսահմանվի միջազգային շուկայում պղնձի ու մոլիբդենի՝ այդ պահին առկա գների 15 տոկոսի չափով և կլինի փոփոխական։ Քերոբյանը վստահեցնում է` փոփոխությունը չի կարող այնպիսի վնաս պատճառել, որը կանդրադառնա հանքարդյունաբերողների բնականոն աշխատանքի վրա։

«Այսօրվա ռոյալթիների գործող համակարգը բավարար չափով չի պաշտպանում և պահպանում ընդերքից ստացված եկամուտների հավասարաչափ բաշխումը ՀՀ քաղաքացիների միջև։ Բացի այդ, շուկայում ստեղծված գերբարենպաստ շուկայական կոնյուկտուրան թույլ է տալիս, որ ՀՀ–ն կիրառի նման տուրք` միաժամանակ բյուջեի համար անհրաժեշտ մուտքեր ապահովելով»,–ասաց Քերոբյանը։

Նրա խոսքով` պղնձի գները անցած տարվա 6000 դոլար 1 մետրիկ տոննայի դիմաց այժմ 9200-9300 դոլարի սահմանում են, իսկ մոլիբդենի գները նախորդ տարվա 24 000-ի փոխարեն 41 000 դոլարի սահմանում են։ Նախարարի պաշտոնակատարը հավելեց` պղնձի գները բարձր են տարեսկզբից և, ըստ էության, տնտեսվարողներն «այդ բարենպաստ միջավայրը վայելում են» արդեն բավական երկար ժամանակ։

Ի՞նչ ունես–չունես. նոր հավելվածները կօգնեն հարկեր վճարել և... ՊԵԿ–ից գումար ստանալ

Քերոբյանը հայտնեց` նմանատիպ քայլեր են արվել նաև ՌԴ–ում, Չիլիում։ Բացի այդ, արդյունքում մինչև տարեվերջ ՀՀ բյուջեն կստանա լրացուցիչ 30 մլրդ դրամի եկամուտ։

Նա հավելեց, որ, օրինակ, Զանգեզուրի պղնձամոլիբդենային կոմբինատը 2019-ին մեծ վնաս է ցույց տվել, իսկ 2020-ին մաքուր շահույթը 820 մլն է ցույց տվել, ինչը ծիծաղելիորեն փոքր թիվ է։ Իսկ իրենք, ըստ Քերոբյանի, նոր տուրքի սահմանման համար որպես հիմք վերցրել են պղնձի և մոլիբդենի խտանյութերի շուկայական գինը։

«Նախորդ 30 տարիներին ընդերքը կեղեքվել է, ուստի պետք է քայլեր իրականացնենք այս ուղղությամբ։ Նախագիծը չի քննարկվել տնտեսվարողների հետ, քանի որ այնքան ակնհայտ գործողություն ենք անում, որ քննարկման կարիք չկա»,–ասաց Քերոբյանը։

Ի դեպ, 24 ժամվա ընթացքում կլինի նախագծի երկրորդ ընթերցումը։

ՀՀ Ազգային ժողովն ընդունեց ցեմենտի ու կլինկերի ներկրման տուրքեր սահմանող նախագիծը

Հիշեցնենք, որ «Հայաստան» դաշինքի անդամ, Սյունիքի նախկին մարզպետ Վահե Հակոբյանը, ով 2014-16թթ.–ին եղել է Զանգեզուրի պղնձամոլիբդենային կոմբինատի ադմինիստրատիվ տնօրենը, ապա՝ գլխավոր տնօրենի առաջին տեղակալը, Sputnik Արմենիայի հետ զրույցում չի բացառել, որ օրենքի ընդունումը կարող է ոլորտի ընկերությունների կործանման պատճառ դառնալ։ Նրա խոսքով` իրենք կա՛մ չեն հաշվարկել, կա՛մ միտումնավոր են գնում այս քայլին, քանի որ այդ տուրքն ավելացնելով՝ կառավարությունն «ուտում է» հանքարդյունաբերողների հիմնական շահույթը։

Նախագիծն ընդունվեց առաջին ընթերցմամբ։

84
թեգերը:
հանք, հարկեր, տուրք, Վահան Քերոբյան
Ըստ թեմայի
«Կապիտալիստները և պացիենտները». ինչպես է Հայաստանի ֆիննախն ավելացնելու հարկերը
Արտահանված սպիրտի պատճառով կորցնում ենք աշխատատեղեր ու հարկեր. Ավագ Հարությունյան
Հարկեր, տուրքեր, վճարումներ. ինչպիսին կլինի 2021–ը հարուստ և աղքատ հայաստանցիների համար
Արա Մարջանյանը

Երբ երկիրը չունի ագահությունը զսպող մեխանիզմներ, կամ ինչո՞ւ է թանկանում հեղուկ գազը

164
(Թարմացված է 11:34 28.07.2021)
Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը Sputnik Արմենիայի եթերում անդրադարձել է հեղուկ գազի շուկայում առաջացած իրավիճակին և այդ վառելիքի գնաճին։

 

Մարջանյան. «Բիզնես միջավայրը Հայաստանում հակված է ագահության, ինչը չի զսպվում»

Շարժիչային վառելիքների և հեղուկացված գազի գները միշտ էլ ենթակա են որոշակի տատանումների։ Sputnik Արմենիայի եթերում նման կարծիք հայտնեց Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը։

Ըստ նրա` խնդիրն այն է, որ երկիրը պետք է պատրաստ լինի այդպիսի տատանումներին, ինչի մասին փորձագետները խոսում են մոտ 25 տարի։

«Հայաստանում պետք է մշակվեին որոշակի մեխանիզմներ, որոնք տնտեսական առումով կմեղմեն անխուսափելի տատանումները, սակայն այդ մեխանիզմները Հայաստանում ցավոք այդպես էլ չմշակվեցին։ Հեղուկացված գազի օգտագործման առումով մեր երկիրն անցած 15 տարիների ընթացքում եղել է մոլորակի առաջատար երկրների թվում, ինչի մասին վկայում են անալիտիկ լուրջ կենտրոնների տվյալները։ Հայաստանն առաջինն աշխարհում անցավ հեղուկ գազի զանգվածային օգտագործման հատկապես շարժիչային վառելիքների առումով և այս իրավիճակը մեր երկրում պետք է պահպանել»,– ասաց փորձագետը։

Մարջանյանի կարծիքով` բացի ակնհայտ տնտեսական օգուտներից, հեղուկ գազի զանգվածային օգտագործումն ունի նաև բնապահպանական օգուտներ, որովհետև դրա օգտագործումը որպես շարժիչային վառելիք, դեպի մթնոլորտ ավելի քիչ արտանետումներ է ապահովում` լավացնելով ընդհանուր էկոլոգիական վիճակը։

Ըստ նրա` խնդիրը համակարգային է և վերաբերում է Հայաստանում դեմպֆերային մեխանիզմների մշակմանը, որոնք կկարողանան մեղմել բնակչության և տնտեսության համար անխուսափելի տատանումները մատակարարման ոլորտում։ 

«Դեմպֆերային մեխանիզմների մեջ մտնում է հատուկ ֆոնդի և հարակից կառույցների ստեղծումը, որոնք էժան գազի պարագայում կկուտակեն միջոցներ, իսկ թանկ գազի պարագայում այդ միջոցները կծախսեն` մեղմելով գնագոյացումը։ Թեև գազի գինը համաշխարհային շուկայում հետևում է հում նավթի ու նավթամթերքի գներին` որոշակի ժամանակային ուշացմամբ, բայց եթե երկրի բիզնես կառուցվածքը չունի ագահությունը զսպող մեխանիզմներ, ապա անխուսափելիորեն անմիջապես թանկանում են հում նավթամթերքի ու հեղուկացված գազի գներն այդ երկրում»,– ասաց փորձագետը։

Մարջանյանի գնահատմամբ` մյուս կողմից, երբ գները համաշխարհային շուկայում ընկնում են, ինչը չի ազդում ներքին շուկայի վրա, ապա դա վկայում է գնագոյացումը զսպող մեխանիզմների բացակայության, բիզնես միջավայրի ագահության ու անկառավարելիության մասին։ Ըստ նրա` այստեղ մեծ անելիքներ ունի ոչ միայն տնտեսական մրցակցության հանձնաժողովը, այլև ամբողջ բիզնես համակարգը, առաջին հերթին` ենթակառուցվածքների նախարարությունը, որոնք համատեղ ջանքերով պետք է լծվեն Հայաստանում դեմպֆերային մեխանիզմներ ստեղծելու գործին։       

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

Նշենք, որ արդեն մի քանի օր է, ինչ հեղուկ գազի շուկան սթրեսային վիճակում է: Վարորդները բողոքում են. շուկայում հեղուկ գազ չկա, իսկ եթե գազալցակայանը հեղուկ գազ ունի, ապա վարորդին հրաժարվում է 5000 դրամից ավելիի վաճառել: 

Այս շուկայում տիրող իրավիճակը վարորդների շրջանում խուճապ է առաջացրել, քանի որ որոշ գազալցակայաններ, առիթից օգտվելով, իրենց ունեցած հեղուկ գազի մեկ լիտրի գինն անհասկանալի ձևով բարձրացրել են՝ հասցնելով մինչև 280 դրամի:

Ռուսաստանն ու Իրաքը կտրուկ բարձրացրել են հեղուկ գազի գինը, և հայ ներկրողներին առաջարկում են բոլորովին այլ՝ ձեռքբերման ավելի բարձր գին: Այժմ պետական մակարդակով բանակցություններ են ընթանում Իրանի ու Կատարի հետ: 

164
թեգերը:
թանկացում, Հայաստան, գազի սակագին, գազալցակայան, գազ
Ըստ թեմայի
Պանրի հնարավոր թանկացման պատճառը կաթի պաշարների նվազումն է. Գիգոյան
Ավազի գնաճն անխուսափելիորեն կհանգեցնի շինարարության թանկացման. տնտեսագետ
Հայաստանում 75 տոկոսով թանկացած ձեթը կարող է էժանանալ
Ջեթ. արխիվային լուսանկար

Հայաստանում 75 տոկոսով թանկացած ձեթը կարող է էժանանալ

742
(Թարմացված է 22:25 25.07.2021)
Ուկրաինայում ու Ռուսաստանում բարենպաստ եղանակային պայմանների պատճառով արևածաղկի բերքը զգալիորեն կաճի, ինչը կնվազեցնի նաև այլ տեսակների ձեթի գները:

ԵՐԵՎԱՆ, 25 հուլիսի-Sputnik. Եկող տարի ձեթն ամբողջ աշխարհում կարող է էժանանալ։ Տեղեկությունը հայտնում է կանադական The Western Producer ագրարային պարբերականը:

Պարբերականը ներկայացնում է ԱՄՆ-ի գյուղատնտեսության դեպարտամենտի (USDA) տվյալները, որտեղ 2021/22 սեզոնի համար (սեպտեմբեր-օգոստոս) կանխատեսում են բոլոր հիմնական ձիթատու մշակաբույսերի բերքի աճ՝ արմավենու յուղի  3,1 մլն տոննայի, արևածաղկի՝ 2,6 մլն տոննայի, սոյայի՝ 1,86 մլն  ու սևուկի՝ 0,2 միլիոնի աճ: Այսպիսով` ձեթի ընդհանուր արտադրությունը կաճի 7,75 միլիոնով։ Կաճի նաև սպառումը, բայց փոքր տեմպերով (մոտ հինգ միլիոնով)։ Սա կհանգեցնի  շուկայում 2.7 մլն տոննա ավելցուկի:

Ընդ որում, հատկապես բարենպաստ պայմաններ կստեղծվեն հենց արևածաղկի համար (Հայաստանում ու հետխորհրդային այլ երկրներում հիմնականում հենց արևածաղկի ձեթ են օգտագործում)։ USDA-ն Ուկրաինայում ու Ռուսաստանում (աշխարհի առաջին երկու խոշորագույն արտադրողները) արևածաղկի համար հիանալի եղանակային պայմաններ է ակնկալում: ԱՄՆ գյուղնախարարության գնահատումների համաձայն՝ Ուկրաինայի սևծովյան նավահանգիստներում արևածաղկի ձեթի գները կնվազեն 15-20 տոկոսով  ու կհասնեն մինչև մեկ տոննայի դիմաց հազար դոլարի:

«Միտումները ցույց են տալիս, որ գործ կունենանք գնաճային լուրջ ալիքի հետ». տնտեսագետ

Նշենք, որ ըստ պաշտոնական վիճակագրության՝ վերջին մեկ տարում Հայաստանում ձեթի գներն աճել են 75 տոկոսով։ Վերջին 12 ամիսների ընթացքում FAO-ի պարենային գների ինդեքսը (ՄԱԿ-ի Պարենի և գյուղատնտեսության կազմակերպություն) շարունակաբար աճել է (ներառյալ՝ ձեթի գինը), սակայն հունիսին (այս բոլոր ամիսների ընթացքում առաջին անգամ) դրա գները սկսեցին նվազել՝ կրճատվելով գրեթե 10%-ով (9,8%-ով)։

Առաջին անհրաժեշտության ապրանքների նվազումը լրացուցիչ խթան է գնաճի համար. տնտեսագետ

742
թեգերը:
եղանակ, Հայաստան, գնաճ, ձեթ
Ըստ թեմայի
Շաքարավազը, ձեթն ու ալյուրն էժանացել են. ինչ պատճառներ ու հետևանքներ է թաքցնում բարի լուրը
Հայաստանն արաբական աշխարհի համար քունջութի ձեթ կարտադրի
Շաքարավազի, ձեթի, կարագի թանկացումներն օբյեկտիվ պատճառներ ունեն. ՏՄՊՊՀ
Ինչու է թանկացել ձեթը. ՏՄՊՊՀ-ն ուսումնասիրություն է կատարել
Մովսես Հակոբյան

Մովսես Հակոբյանի գործով դատավորն ինքնաբացարկ է հայտնել

0
(Թարմացված է 15:41 28.07.2021)
Զինված ուժերի գլխավոր շտաբի նախկին պետ Մովսես Հակոբյանի գործը մակագրվել է նոր դատավորի` Մանվել Շահվերդյանին։

ԵՐԵՎԱՆ, 28 հուլիսի – Sputnik. Զինված ուժերի գլխավոր շտաբի նախկին պետ Մովսես Հակոբյանի գործով դատավոր Վաչե Մարգարյանը ինքնաբացարկ է հայտնել։ Տեղեկությունը հրապարակվել է դատական տեղեկատվական համակարգում։

Դատավորի ինքնաբացարկի հիմք է նշվում կանխակալ վերաբերմունքը, սակայն մանրամասներ չկան, թե ինչի մասին է խոսքը։ Այսպիսով, Հակոբյանի գործը մակագրվել է նոր դատավորի` Մանվել Շահվերդյանին։

Հիշեցնենք` Մովսես Հակոբյանին մեղադրանք է առաջադրվել քրեական օրենսգրքի 306-րդ հոդվածի 1-ին մասի հատկանիշներով (պետական գաղտնիք պարունակող տեղեկություններ հրապարակելը):

ՀՀ պաշտպանության նախարարության ռազմական վերահսկողության ծառայության նախկին պետ Մովսես Հակոբյանը նոյեմբերի 18-ին «Հայելի» ակումբում կազմակերպված ասուլիսի ժամանակ մի շարք փաստեր էր ներկայացրել պատերազմի ընթացքի ու հետևանքների մասին։ 2020թ. նոյեմբերի 19-ին ասուլիսի տեսաձայնագրությունը ՀՀ գլխավոր դատախազն ուղարկել էր ՀՀ հատուկ քննչական ծառայություն` նյութեր նախապատրաստելու համար: Մովսես Հակոբյանը, անդրադառնալով լրահամալրման և զորահամալրման գործընթացներին, հայտնել էր, որ իր կարծիքով` տեղի է ունեցել հանցագործություն, քանի որ երկրի ղեկավարը պատերազմի երրորդ օրը կանգնեցրել է լրահամալրումը, ինչի մասին տեղեկացել է այն պաշտոնատար անձանցից, որոնք լրահամալրման և զորահամալրման գործընթացը կազմակերպելու պարտականություն են ունեցել։

Մովսես Հակոբյանի հայտարարած ձայնագրության հետքերով. քննչական մարմինն ապացույցներ չի գտել

 

0
թեգերը:
Դատարան, Դատավոր, Մովսես Հակոբյան, Հայաստան
Ըստ թեմայի
Ինչ են ասում ռազմական փորձագետները Մովսես Հակոբյանի սկանդալային հայտարարությունների մասին
Մովսես Հակոբյանի մամուլի ասուլիսի հիման վրա քրեական գործ է հարուցվել. ՀՔԾ
Այդ գեներալն առնվազն կիսում է պատասխանատվությունը. Փաշինյանն արձագանքեց Մովսես Հակոբյանին
««Պանդորայի արկղը» Շուշիում է թաքնված». Մովսես Հակոբյանը` պարտության պատճառների մասին