Արխիվային լուսանկար

Եթե գումարը բավարար չլինի, կմտածենք. Պապիկյանը ծանոթացել է ճանապարհի կառուցման ընթացքին

66
(Թարմացված է 19:12 13.07.2021)
Եվրամիությունը ցանկություն է հայտնել ֆինանսավորել Հյուսիս-հարավի հարավային ուղղության շինարարությունը: Խոսքը շուրջ 600 մլն եվրոյի մասին է։

ԵՐԵՎԱՆ, 13 հուլիսի Sputnik. Հյուսիս-հարավ ճանապարհային միջանցքի Շիրակի մարզի այս պահի ամենաակտիվ հատվածում ասֆալտբետոնյա ծածկի խոշորահատիկ առաջին շերտն է փռվում:

Աշխատանքներին հետևում են ՀՀ տարածքային կառավարման և ենթակառուցվածքների նախարար Սուրեն Պապիկյանը, Շիրակի մարզպետ Հովհաննես Հարությունյանն ու շինարարության պատասխանատուները:

Այս տարի նախատեսված է ավարտին հասցնել երկշերտ ասֆալտբետոնե ծածկով 50 կմ ճանապարհահատվածի շինարարությունը: Սա թույլ կտա այն երթևեկելի դարձնել:

«Կարծում եմ, որ այս տարի մեր նախանշած 50 կմ ճանապարհը կկարողանանք ունենալ, որովհետև տեմպն էնպիսին է, որ հույս է ներշնչում, որ գործընկերները կարողանալու են իրենց խոստումը կատարեն: Այս պահին արդեն ավարտվել է 24 կմ երկշերտ ճանապարհի շինարարություն, որը մի քանի անցումների կառուցումից հետո թույլ կտա երթևեկությունը տեղափոխել այդ հատված: Գյումրի հասնելն առավել հեշտ կդառնա»,-ասաց Պապիկյանն ու տեղեկացրեց, որ ճանապարհային ոստիկանության հետ արդեն հարցը քննարկել են, գծանշումներից հետո այդ ճանապարհը կդառնա երթևեկելի:

Իրանը ցանկություն էր հայտնել իր մասնակցությունն ունենալ Հյուսիս-հարավ ճանապարհի շինարարությանը: Կա՞ արդյոք նման ցանկություն այժմ: Պապիկյանն ասաց, որ Իրանում ևս նոր են ավարտվել ընտրությունները: Կառավարություններ ձևավորվելուց հետո կշարունակեն այդ խոսակցությունը:

«Հյուսիս–հարավը» կկառուցվի առաջանցիկ տեմպերով, իսկ Աշտարակ–Թալինը դեռ կմնա կիսատ

Իսկ Եվրամիությունը ցանկություն է հայտնել ֆինանսավորել Հյուսիս-հարավի հարավային ուղղության շինարարությունը: «Խոսքը շուրջ 600 մլն եվրոյի մասին է, որը բավական մեծ գումար է, և քանի որ արդեն ունենք նախագծանախահաշվային փաստաթղթեր, կառավարությունն էլ որոշում ունի, ամեն ինչ պետք է անենք, որ օգոստոսին մրցույթ հայտարարենք: Հիմա մեր խնդիրը ֆինանսական աղբյուրների հստակեցումն է, որ կարողանանք արագացնել պրոցեսը:

Եվրամիության աջակցության խոստումը կա, հիմա պետք է ավելի առարկայական հասկանալ ինչպես, որ խողովակով, և կատարել մեր հետագա աշխատանքները»,-ասաց Պապիկյանը:

Անկախ Եվրամիության աջակցությունից՝ որոշում կար Հյուսիս-հարավի Սիսիան-Քաջարան հատվածի ուղղությամբ շինաշխատանքների մրցույթ հայտարարել, քանի որ փաստաթղթերը պատրաստ են: Այս հատվածի համար ֆինանսական հստակություն, ըստ Պապիկյանի, չի եղել:

«Կառավարությունն էր սեփական միջոցներից ֆինանսավորելու, հիմա շատ լավ է, որ կան հավելյալ միջոցներ, կհասկանանք՝ ոնց կազմակերպենք: 1.2 մլրդ կարժենա միայն թունելների հատվածը մինչև Քաջարան, այնուհետ 250 մլն դոլար մինչև Ագարակ: Հավանաբար գումարը բավարար կլինի, եթե ոչ՝ կմտածենք»,-նշեց Պապիկյանը:

Ճանապարհահատվածներ կան, որոնց հետ կապված խնդիրները դատական հարթակում են վիճարկվում: Թե ինչ է լինելու դրանց հետ, դեռ հստակ չէ: Սուրեն Պապիկյանն ասաց, որ բանակցում են, որպեսզի դադարեցված շինարարությունը վերսկսելու հնարավորություն ստեղծվի կամ նոր մրցույթ հայտարարվի, կամ կապալառուին ինչ-որ տարբերակով աշխատանքը շարունակելու իրավունք տրվի:

Հիշեցնենք, որ Հյուսիս-Հարավ ճանապարհային միջանցքը, հատելով Հայաստանի տարածքը հարավից հյուսիս, ընդգրկում է Ագարակ-Կապան-Երևան-Գյումրի-Բավրա մայրուղիները և ճանապարհային ենթակառույցները` միանալով վրացական ճանապարհային ցանցին, որը տանում է դեպի Փոթի և Բաթումի նավահանգիստներ:

Ներդրումային ծրագիրն իրականացվում է բազմատրանշ ֆինանսավորման տարբերակով: 

66
թեգերը:
«Հյուսիս–հարավ» ավտոճանապարհ, Սուրեն Պապիկյան, Եվրամիություն
Ըստ թեմայի
Ստորջրյա քարեր «Հյուսիս–Հարավ» ճանապարհին. պե՞տք է արդյոք այն հիմա
Ո՞ր դեպքում Հայաստանը միջազգային «Հյուսիս-հարավ» տրանսպորտային միջանցքի մաս կկազմի
«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան
Դոլար

Ռուսաստանից ու ԱՄՆ-ից տրանսֆերտների ներհոսքը գերազանցել է սպասումները. ԿԲ

28
(Թարմացված է 18:15 03.08.2021)
ԿԲ-ի կանխատեսումները փոխվել են. սպասվում է, որ ԱՄՆ-ից դրամական փոխանցումները կսկսեն կրճատվել միայն 2022 թվականի սկզբին:

ԵՐԵՎԱՆ, 3 օգոստոսի - Sputnik. Ռուսաստանից ու ԱՄՆ-ից տրանսֆերտների ներհոսքը գերազանցել է կանխատեսվող ցուցանիշները։ Տեղեկությունը ՀՀ Կենտրոնական բանկում մամուլի ասուլիսի ժամանակ հայտնեց ԿԲ դրամավարկային քաղաքականության վարչության պետ Հայկ Ավետիսյանը։

Փաստացի ներհոսքը և՛ Ռուսաստանից, և՛ ԱՄՆ-ից ավելի շատ էր, քան ակնկալում էր ԿԲ-ն։ ԱՄՆ-ից ստացվող մուտքերի կրճատում սպասվում է միայն 2022 թվականի սկզբից, երբ կավարտվեն տնային տնտեսությունների դրամական աջակցության ծրագրերը (COVID relief):

ԿԲ նախագահ Մարտին Գալստյանն իր հերթին նշեց, որ դեռևս հայտնի չէ, թե երբ է ԱՄՆ-ն ուզում «փակել» իր ընդլայնողական դրամավարկային քաղաքականությունը, սակայն ակնհայտ է, որ այդ մասին խոսակցություններն ավելի հաճախակի են դառնում, առավել ևս, որ ԱՄՆ-ում գնաճը գերազանցում է 5 տոկոսը. նման բան վաղուց չի եղել:

Նշենք, որ տարեսկզբից տրանսֆերտների ներհոսք է արձանագրվում ոչ միայն Ռուսաստանից (հիմնական աղբյուրը) ու ԱՄՆ-ից, այլև Ղազախստանից ու Ֆրանսիայից (մյուս երկու համեմատաբար խոշոր աղբյուրները)։

Նշենք, որ Կենտրոնական բանկի վիճակագրության համաձայն՝ Հայաստանի արտաքին վճարային հաշվեկշիռը 2021-ի առաջին եռամսյակում (վերջին հասանելի տվյալները) կազմել է մինուս 82 մլն դոլար՝ 2020-ի առաջին եռամսյակի մինուս 233 մլն դոլարի համեմատ: Դրան նպաստել է նաև տրանսֆերտների ներհոսքը: Մասնավորապես, առաջին եռամսյակի ներհոսքը նույնիսկ ավելի բարձր է եղել, քան 2020 թվականի առաջին եռամսյակում (303 մլն դոլար՝ 235 մլն դոլարի համեմատ):

Գնաճը Հայաստանում դուրս է եկել վերահսկողությունից. տնտեսագետ    

28
թեգերը:
Ռուսաստան, Հայաստան, ԱՄՆ, Կենտրոնական բանկ (ԿԲ)
Ըստ թեմայի
ՌԴ-ից եկող տրանսֆերտները կնվազեն. կորոնավիրուսը վնասել է նաև արտագնա աշխատանքի մեկնողներին
ԱՄՆ–ից Հայաստան տրանսֆերտներն աճում են. նաև ՌԴ–ից է ակտիվություն ակնկալվում
Արխիվային լուսանկար

Մթերքի համաշխարհային գները դեռ բարձր կմնան. ՀՀ ԿԲ

13
(Թարմացված է 16:54 03.08.2021)
Սպասվում է արևածաղկի ձեթի ու կարագի գնի որոշակի նվազում, բայց ընդհանուր առմամբ ներմուծվող ապրանքների գները գնաճի վրա ճնշում կգործադրեն բարձրացման ուղղությամբ:

ԵՐԵՎԱՆ, 3 օգոստոսի - Sputnik. Պարենամթերքի համաշխարհային գները հիմնականում բարձր են մնում, ինչն էլ կպահպանի Հայաստանում համեմատաբար բարձր գնաճը։ Այսօր կայացած մամուլի ասուլիսի ժամանակ նման կարծիք հայտնեց ՀՀ Կենտրոնական բանկի նախագահ Մարտին Գալստյանը։

ՄԱԿ-ի Պարենի և գյուղատնտեսության կազմակերպության (FAO) տվյալներով՝ հուլիսին Պարենի համաշխարհային գների ինդեքսը 12 ամսվա ընթացքում առաջին անգամ նվազել է:

«Ընդհանուր առմամբ, հումքի ու պարենի շուկաներում բարձր գնաճային մթնոլորտ է տիրում, իսկ գործընկեր երկրներում նկատվում է գնաճի սպասվածից բարձր մակարդակ։ Այս պայմաններում ԿԲ խորհուրդն ակնկալում է, որ ներկրվող ապրանքների գները հիմնականում ճնշում կգործադրեն գնաճի վրա», - ասաց Գալստյանը։

ԿԲ կանխատեսման մեջ հաշվի են առնվել նաև արևածաղկի բարձր բերքի և արևածաղկի ձեթի, ինչպես նաև կարագի գների իջեցման կանխատեսումները: Այնուամենայնիվ, ընդհանուր առմամբ, ներմուծվող ապրանքների գները կմնան համեմատաբար բարձր։

Գնաճը Հայաստանում դուրս է եկել վերահսկողությունից. տնտեսագետ    

Մասնակիորեն այս բացասական ազդեցությունը կմեղմացվի պղնձի խտանյութի արտահանումից գոյացած հասույթի աճով, նաև այլ լեռնամետալուրգիական արտադրանքի (մոլիբդենային խտանյութ, ֆերոմոլիբդեն) արտադրանքով: Դա դրական կազդի երկրի վճարային հաշվեկշռի վրա, սակայն դեռ պարզ չէ, թե ինչպես այդ միջոցները կազդեն տնտեսոթյան վրա վրա (քանի որ դրանք դեռ չեն վերածվել բյուջետային մուտքերի)։

Գնաճը Հայաստանում միջազգայինից կրկնակի բարձր տեմպ ունի. ինչ է փորձում կոծկել իշխանությունը

13
թեգերը:
Կենտրոնական բանկ (ԿԲ), գնաճ, մթերք, Մարտին Գալստյան
Ըստ թեմայի
ԿԲ նախագահը կանխատեսում է՝ ընտրությունները չեն հանգեցնի գնաճի
«Միտումները ցույց են տալիս, որ գործ կունենանք գնաճային լուրջ ալիքի հետ». տնտեսագետ
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
2022թ–ին գնաճն ավելի ցածր կլինի, քան այս տարի. ԿԲ նախագահ