Իշխան

Սևանա լճում իշխանի պաշարները 2020 թվականին երեք անգամ աճել են. Պետրոսյան

64
(Թարմացված է 11:39 07.06.2021)
Բնապահպանության նախարարության ստորաբաժանումներն անցյալ տարի մեծ քանակությամբ մանրաձուկ են լիճ բաց թողել։

ԵՐԵՎԱՆ, 7 հունիսի - Sputnik. Սևանա լճում իշխանի պաշարները 2020 թվականին երեք անգամ աճել են։ Տեղեկությունը Sputnik Արմենիային հայտնեց ՀՀ բնապահպանության նախարարի պաշտոնակատար Ռոմանոս Պետրոսյանը։

2019 թվականին իշխանի պաշարները լճում գտնվում էին կրիտիկական ցածր մակարդակի վրա (1-1,5 տոննա), սակայն 2020 թվականին դրանք աճել են մինչև 4,56 տոննա, քանի որ անցյալ տարի նախարարության ստորաբաժանումները շատ մեծ քանակությամբ մանրաձուկ են լիճ բաց թողել:

Նշված ծավալը վերաբերում է բնական պաշարներին, քանի որ լճում ձուկն աճեցվում է նաև արդյունաբերական եղանակով։

Առանց պայմանագրի սիգի որսն արգելվում է. ի՞նչ պետք է իմանա ձկնորսը

Ինչ վերաբերում է բնական պաշարներին, ապա Պետրոսյանը հիշեցրեց, որ դրանց որսն անորոշ ժամանակով արգելված է։

«Դեռ որոշված չէ, թե ինչ մակարդակի պետք է հասնեն իշխանի պաշարները, որ արգելքը հանվի։ Գլխավորը ոչ թե տոննաներն են, այլ վերարտադրության ցիկլի վերականգնումը», – ավելացրեց բնապահպանության նախարարի պաշտոնակատարը։

Նշենք, որ Սևանում սիգի բնական պաշարները գնահատվում են մոտ 600 տոննա, խեցգետինը՝ մոտ 100 տոննա։

Որոշումները շտապ են կայացվել․ իշխանական պատգամավորը դեմ է սիգի որսի հետ կապված ծրագրին

64
թեգերը:
ձուկ, Ռոմանոս Պետրոսյան, Սևան
Ըստ թեմայի
Ձկնագողերը ցանցեր են տեղադրել, որ մանրաձուկը Սևանի փոխարեն իրենց ձեռքում հայտնվի
Ինչ անել, որ մանրաձուկը չհայտնվի որսագողերի ցանցում, վերականգնվի Սևանի իշխանի պոպուլյացիան
Սևանա լիճ բաց կթողնվի շուրջ 220 000 մանրաձուկ. Ռոմանոս Պետրոսյանը հորդորում է սիրել Սևանը
Ջարդոն

Հայաստանը ջարդոն կարտահանի զրոյական քվոտայով

72
(Թարմացված է 11:25 11.06.2021)
Ավելի վաղ ԵԱՏՀ-ն որոշում էր կայացրել մինչև 2022 թվականի հունվարի 15-ը թափոնների և սև մետաղների ջարդոնի արտահանումն արգելելու մասին:

ԵՐԵՎԱՆ, 11 հունիսի - Sputnik. Եվրասիական տնտեսական հանձնաժողովը (ԵԱՏՀ) հանրային քննարկման է ներկայացրել մի նախագիծ, որը նախատեսում է թափոնների և սև մետաղների ջարդոնի արտահանման քվոտաներ տրամադրել կես տարով։ Նախագիծը հրապարակվել է Եվրասիական տնտեսական միության իրավական պորտալում։

ԵԱՏՄ-ում կքննարկեն ավիաարդյունաբերության համատեղ կազմակերպման հեռանկարները․ Քամալյան

Նշվում է, որ Ռուսաստանի համար քվոտան կկազմի 2 մլն տոննա, Բելառուսի համար ՝ 3,3 հազար տոննա, Հայաստանի, Ղազախստանի և Ղրղզստանի համար՝ զրոյական մակարդակ։

Ավելի վաղ Եվրասիական տնտեսական հանձնաժողովը (ԵԱՏՀ) մինչև 2022 թվականի հունվարի 15-ը թափոնների և սև մետաղների ջարդոնի արտահանումն արգելելու մասին որոշում էր կայացրել:

72
թեգերը:
Հայաստան, Մետաղի ջարդոն, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
ԵԱՏՄ-ն ձգտում է նվազագույնի հասցնել ներմուծման ազդեցությունը դեղերի շուկայի վրա. Քամալյան
ԵԱՏՄ ոսկերիչները միասին կաշխատեն արտահանման զարգացման ուղղությամբ
ԵԱՏՄ երկրները կանցնեն դեղերի գրանցման ընդհանուր կանոնների
Վահան Քերոբյանն ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպանին։

Քերոբյանը ու Իրանի դեսպանը քննարկել են Երևան–Սպահան թռիչքների հնարավորությունը

42
(Թարմացված է 13:34 10.06.2021)
Հանդիպման ընթացքում կողմերը քննարկել են առևտրի, արդյունաբերության, դեղագործության, զբոսաշրջության և այլ ոլորտներին առնչվող օրակարգային հարցեր։

ԵՐԵՎԱՆ, 10 հունիսի - Sputnik. ՀՀ էկոնոմիկայի նախարարի պաշտոնակատար Վահան Քերոբյանը հունիսի 9-ին ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրիին, տեղեկացնում են նախարարության լրատվական ծառայությունից։

Նախարարի պաշտոնակատարն ու դեսպանը քննարկել են առևտրի, արդյունաբերության (այդ թվում՝ քիմիական արդյունաբերության), դեղագործության, զբոսաշրջության և այլ ոլորտներին առնչվող օրակարգային հարցեր։ Կարևոր համարելով երկկողմ համագործակցությունը դեղագործության ոլորտում՝ Վահան Քերոբյանը տեղեկացրել է, որ առաջիկայում նախատեսվում է հայկական դեղագործական մի շարք ընկերությունների ներկայացուցիչների աշխատանքային այցն Իրան՝ այս ոլորտում համագործակցության հնարավորությունները քննարկելու և պայմանավորվածություններ ձեռք բերելու նպատակով։

Նախարարի պաշտոնակատարն անդրադարձել է Երևան-Սպահան ուղիղ չվերթների իրականացման անհրաժեշտությանը և նշել, որ ուղիղ չվերթի գործարկումը կնպաստի երկու ազգերի հարաբերությունների զարգացմանը։ Դեսպանը առաջարկել է իրանական համապատասխան կառույցի և Զբոսաշրջության կոմիտեի հետ համատեղ աշխատանքային խումբ ձևավորել, որը կմշակի միասնական տուրիստական փաթեթներ՝ Եվրոպայից զբոսաշրջիկներ ներգրավելու համար։

Եթե սցենարը զարգանա վատագույն տարբերակով, չի բացառվում Իրանի միջամտությունը

Աբբաս Բադախշան Զոհուրին տեղեկացրել է, որ իրանական շինարարական ընկերությունները հետաքրքրված են մասնակցություն ունենալ «Հյուսիս-հարավ ճանապարհի» Սիսիան-Քաջարան ճանապարհահատվածի կառուցման և վերականգնման ծրագրերում։

Հանդիպման ընթացքում Վահան Քերոբյանը ընդգծեց «Պարսից ծոց-Սև ծով» միջազգային տրանսպորտային միջանցքի նախագծի կարևորությունը և հայտնեց պատրաստակամություն` իր լիազորությունների սահմաններում նպաստել նախագծի իրականացմանը։

42
թեգերը:
տնտեսություն, Իրանի Իսլամական Հանրապետություն, Հայաստան
Ըստ թեմայի
«Մշակել ենք նոր տնտեսական քաղաքականություն». Քերոբյանը մանրամասներ է հայտնել
Քերոբյանը մասնակցել է Պուտինի գլխավորած նիստին ու ներկայացրել այցի մանրամասները
Արմեն Սարգսյանն ընդունել է Հայկ Չոբանյանին և Վահան Քերոբյանին
Телебашня. Город Ереван

Հ1-ը չի կարող ստանալ ՄԻՊ-ի աջակցությունը․ Թաթոյանը՝ «Պատիվ ունեմ»-ի բողոքի վերաբերյալ

0
(Թարմացված է 14:08 13.06.2021)
Պաշտպանը հոլովակը չհեռարձակելու գործի վերաբերյալ հարցումներ է ուղարկում Հանրային հեռուստանկերությանն ու ՀՌԱՀ-ին։

ԵՐԵՎԱՆ, 13 հունիսի – Sputnik․ Հանրային հեռուստաընկերությունը՝ որպես կառավարության հիմնադրած հեռուստաընկերություն չի կարող ստանալ Մարդու իրավունքների պաշտպանի աջակցությունը «Պատիվ ունեմ» դաշինքի հետ կապված գործով: ՄԻՊ գրասենյակն արձագանքել է երեկ Հանրային հեռուստաընկերությունից ու «Պատիվ ունեմ» դաշինքից ստացված դիմումներին՝ նախընտրական հոլովակի հեռարձակման հարցով։
Նշենք, որ երեկ Հանրային հեռուստաընկերությունը դիմել էր ՄԻՊ-ին՝ նշելով, որ «Առաջին ալիքի նկատմամբ քաղաքական ճնշումների փորձեր» են արվում և հեռուստաընկերությունն ակնկալում է պաշտպանի «հրատապ արձագանք» և «կոչ անում պաշտպանել Հանրայինի՝ անաչառության և ոչ խտրական վերաբերմունքի հանձնառությունը»՝ նկատի ունենալով «տարբեր քաղաքական ուժերի» հայտարարութունները, թե հեռուստաընկերությունը նախընտրական հոլովակների ցուցադրման հարցում ցուցաբերում է խտրական մոտեցումներ: Պաշտպանին ուղղված բողոքում Հանրայինն ընդգծել է, որ խոսքը վերաբերում է տարբեր քաղաքական ուժերի տրամադրած և օրենքի տեսանկյունից վիճելի հոլովակների ցուցադրմանը:
«Այլ կերպ՝ ՀՀ կառավարության հիմնադրած կազմակերպությունը, այն է` Հանրային հեռուստաընկերությունը ակնկալում է Մարդու իրավունքների պաշտպանից պաշտպանություն ոչ պետական կազմակերպության՝ քաղաքական ուժի արարքներից»,- ընդգծում է պաշտպանի գրասենյակը։
Մյուս կողմից, ՄԻՊ-ին բողոքով դիմել է «Պատիվ ունեմ» դաշինքի պաշտոնական ներկայացուցիչը և նշել, որ Հանրայինն առաջնորդվում է խտրական մոտեցմամբ, մերժել է իրենց նախընտրական քարոզչական հոլովակի հեռարձակումը՝ նշելով, թե այն պարունակում է վիրավորանք և զրպարտություն: Դիմումում նշվել է, որ այս արարքն ունի քաղաքական դրդապատճառներ, դրա հիմքում Կառավարության կոնկրետ հրահանգն է։ «Պատիվ ունեմ»-ի ներկայացուցիչը նաև ընդգծել է, որ հեռուստաընկերությունն իրավասություն չունի որոշելու, թե ինչն է վիրավորանք կամ ինչը զրպարտություն, իրականացվել է գրաքննություն։ Դիմում-բողոքում նաև նշվում է, որ դրանից առաջ հեռարձակել է ակնհայտ վիրավորական ու զրպարտչական արտահայտություններով այլ քաղաքական ուժերի քարոզչական հոլովակներ, այդ թվում՝ իրենց վերաբերյալ:
Պաշտպանի գրասենյակը հիշեցնում է, որ «Մարդու իրավունքների պաշտպանի մասին» ՀՀ սահմանադրական օրենքը կոնկրետ գործով «մասնավոր, այն էլ քաղաքական կազմակերպության նկատմամբ Պաշտպանի իրավասություն չի սահմանում»: Ուստի Կառավարության հիմնադրած հեռուստաընկերությունը չի կարող այս գործով ստանալ պաշտպանի աջակցությունը, քանի որ ՄԻՊ-ի իրավասությունը կոնկրետ գործերով պետական կազմակերպությունների պաշտպանությունը չէ։
«Կոնկրետ դեպքում «Պատիվ ունեմ» դաշինքի ներկայացուցչի բողոքն ուղղված է Կառավարության հիմնադրած հեռուստաընկերության դեմ, որն, ըստ դաշինքի բողոքի, գործել է հենց Կառավարության հրահանգով»,- ընդգծում է ՄԻՊ գրասենյակը։
Ուստի «Պատիվ ունեմ» դաշինքի հոլովակի չհեռարձակելու դեպքի գործով Մարդու իրավունքների պաշտպանը գրավոր հարցումներ կուղարկի Հանրային հեռուստաընկերություն և Հեռուստատեսության և ռադիոյի հանձնաժողով (ՀՌԱՀ)։ ՄԻՊ-ն ընդգծում է, որ դրանից հետո միայն հնարավոր կլինի գնահատել Հանրային հեռուստաընկերության արարքը։

0
թեգերը:
«Պատիվ ունեմ» դաշինք, ՀՀ ՄԻՊ, Արման Թաթոյան, Հեռուստատեսության և ռադիոյի հանձնաժողով (ՀՌԱՀ), Հայաստանի հանրային հեռուստաընկերություն, Հեռուստատեսություն