Ատոմ Ջանջուղազյան

Որքան պարգևավճար են ստացել պետական աշխատողները. Ջանջուղազյանը թվեր հրապարակեց

181
(Թարմացված է 15:42 02.06.2021)
Պետական աշխատողների ամսական աշխատավարձերն ու պարգևավճարները 2020թ–ին կազմել են միջինը 360 000 դրամ, որից 277 000–ը աշխատավարձն է, 93 000 –ը` պարգևավճարը։

ԵՐԵՎԱՆ, 2 հունիսի - Sputnik. 2020թ–ին պետական համակարգի աշխատողներին բյուջեով հատկացվել է շուրջ 21.19 մլրդ դրամի պարգևավճար։ Այս մասին այսօր ԱԺ–ում հայտնեց ՀՀ ֆինանսների նախարարի պաշտոնակատար Ատոմ Ջանջուղազյանը` պատասխանելով ԱԺ տնտեսական հարցերի մշտական հանձնաժողովի նախագահ Բաբկեն Թունյանի` պարգևավճարների մասին հարցին։

Նրա խոսքով, դրանից 15 մլրդ 477 մլն դրամը բյուջեով նախատեսված է եղել «պարգևատրումներ, խրախուսումներ և հատուկ վճարումներ» հոդվածով, 3 մլրդ 425 մլն դրամը քաղաքացիական, դատական և պետական ծառայողների պարգևատրումն է, իսկ 2 մլրդ 548 մլն դրամը` հարկային, մաքսային մարմինների աշխատողների պարգևատրումները։

«Պարգևավճարը կազմում է աշխատավարձի հաշվարկային չափի ընդամենը 30 տոկոսը։ Բայց դրա մեջ, բացի այս պարգևավճարից, կա նաև 10 տոկոսի չափով քաղծառայողների ու հատուկ ծառայողների պարգևավճարը, որը կապ չունի այս տողի հետ»,– ասաց Ջանջուղազյանը։

Նա նաև նշեց, որ ՀՀ պետական համակարգում աշխատողների թիվը 2020թ–ին եղել է 19 709 մարդ։ Աշխատանքի վարձատրության համար պետական բյուջեով տրամադրվել է 87,4 մլրդ դրամ։

Հիշեցնենք, մինչ այդ այսօր ԱԺ–ում իր խոսքում ֆինանսների նախարարի պաշտոնակատար Ատոմ Ջանջուղազյանն արդեն անդրադարձել էր պետական կառավարման համակարգում պարգևավճարների խնդրին, բայց առանց թվային ցուցանիշներ հրապարակելու։

Վարչապետի աշխատակազմում պարգևավճարները գերազանցել են աշխատավարձի չափերը

Նա միայն ասել էր, որ պետական աշխատողների ամսական աշխատավարձերի ու պարգևավճարների միջին ցուցանիշը 2020թ–ին կազմել է 360 000 դրամ, որից 277 000–ը վարձատրության համար նախատեսված բազային աշխատավարձն ու գործակիցներն են ըստ պաշտոնեական դրույքաչափերի, իսկ 93 000 դրամը զուտ պարգևավճարի չափն է։

181
թեգերը:
Ատոմ Ջանջուղազյան, աշխատավարձ, պարգևավճար
Ըստ թեմայի
Գնաճի ֆոնին աշխատավարձերը նվազում են, տնտեսությունը` աճում. ի՞նչ է կատարվում Հայաստանում
Աշխատավարձից բացի ուրիշ ինչ. 2021-ին քաղաքացիների ծախսերի մասին ՀՀ ԿԲ–ի ենթադրությունները
Ո՞ր դեպքում և ո՞ր ուսուցիչները կստանան աշխատավարձի 30-50 %-ի չափով հավելավճար
Ջարդոն

Հայաստանը ջարդոն կարտահանի զրոյական քվոտայով

72
(Թարմացված է 11:25 11.06.2021)
Ավելի վաղ ԵԱՏՀ-ն որոշում էր կայացրել մինչև 2022 թվականի հունվարի 15-ը թափոնների և սև մետաղների ջարդոնի արտահանումն արգելելու մասին:

ԵՐԵՎԱՆ, 11 հունիսի - Sputnik. Եվրասիական տնտեսական հանձնաժողովը (ԵԱՏՀ) հանրային քննարկման է ներկայացրել մի նախագիծ, որը նախատեսում է թափոնների և սև մետաղների ջարդոնի արտահանման քվոտաներ տրամադրել կես տարով։ Նախագիծը հրապարակվել է Եվրասիական տնտեսական միության իրավական պորտալում։

ԵԱՏՄ-ում կքննարկեն ավիաարդյունաբերության համատեղ կազմակերպման հեռանկարները․ Քամալյան

Նշվում է, որ Ռուսաստանի համար քվոտան կկազմի 2 մլն տոննա, Բելառուսի համար ՝ 3,3 հազար տոննա, Հայաստանի, Ղազախստանի և Ղրղզստանի համար՝ զրոյական մակարդակ։

Ավելի վաղ Եվրասիական տնտեսական հանձնաժողովը (ԵԱՏՀ) մինչև 2022 թվականի հունվարի 15-ը թափոնների և սև մետաղների ջարդոնի արտահանումն արգելելու մասին որոշում էր կայացրել:

72
թեգերը:
Հայաստան, Մետաղի ջարդոն, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
ԵԱՏՄ-ն ձգտում է նվազագույնի հասցնել ներմուծման ազդեցությունը դեղերի շուկայի վրա. Քամալյան
ԵԱՏՄ ոսկերիչները միասին կաշխատեն արտահանման զարգացման ուղղությամբ
ԵԱՏՄ երկրները կանցնեն դեղերի գրանցման ընդհանուր կանոնների
Վահան Քերոբյանն ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպանին։

Քերոբյանը ու Իրանի դեսպանը քննարկել են Երևան–Սպահան թռիչքների հնարավորությունը

42
(Թարմացված է 13:34 10.06.2021)
Հանդիպման ընթացքում կողմերը քննարկել են առևտրի, արդյունաբերության, դեղագործության, զբոսաշրջության և այլ ոլորտներին առնչվող օրակարգային հարցեր։

ԵՐԵՎԱՆ, 10 հունիսի - Sputnik. ՀՀ էկոնոմիկայի նախարարի պաշտոնակատար Վահան Քերոբյանը հունիսի 9-ին ընդունել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զոհուրիին, տեղեկացնում են նախարարության լրատվական ծառայությունից։

Նախարարի պաշտոնակատարն ու դեսպանը քննարկել են առևտրի, արդյունաբերության (այդ թվում՝ քիմիական արդյունաբերության), դեղագործության, զբոսաշրջության և այլ ոլորտներին առնչվող օրակարգային հարցեր։ Կարևոր համարելով երկկողմ համագործակցությունը դեղագործության ոլորտում՝ Վահան Քերոբյանը տեղեկացրել է, որ առաջիկայում նախատեսվում է հայկական դեղագործական մի շարք ընկերությունների ներկայացուցիչների աշխատանքային այցն Իրան՝ այս ոլորտում համագործակցության հնարավորությունները քննարկելու և պայմանավորվածություններ ձեռք բերելու նպատակով։

Նախարարի պաշտոնակատարն անդրադարձել է Երևան-Սպահան ուղիղ չվերթների իրականացման անհրաժեշտությանը և նշել, որ ուղիղ չվերթի գործարկումը կնպաստի երկու ազգերի հարաբերությունների զարգացմանը։ Դեսպանը առաջարկել է իրանական համապատասխան կառույցի և Զբոսաշրջության կոմիտեի հետ համատեղ աշխատանքային խումբ ձևավորել, որը կմշակի միասնական տուրիստական փաթեթներ՝ Եվրոպայից զբոսաշրջիկներ ներգրավելու համար։

Եթե սցենարը զարգանա վատագույն տարբերակով, չի բացառվում Իրանի միջամտությունը

Աբբաս Բադախշան Զոհուրին տեղեկացրել է, որ իրանական շինարարական ընկերությունները հետաքրքրված են մասնակցություն ունենալ «Հյուսիս-հարավ ճանապարհի» Սիսիան-Քաջարան ճանապարհահատվածի կառուցման և վերականգնման ծրագրերում։

Հանդիպման ընթացքում Վահան Քերոբյանը ընդգծեց «Պարսից ծոց-Սև ծով» միջազգային տրանսպորտային միջանցքի նախագծի կարևորությունը և հայտնեց պատրաստակամություն` իր լիազորությունների սահմաններում նպաստել նախագծի իրականացմանը։

42
թեգերը:
տնտեսություն, Իրանի Իսլամական Հանրապետություն, Հայաստան
Ըստ թեմայի
«Մշակել ենք նոր տնտեսական քաղաքականություն». Քերոբյանը մանրամասներ է հայտնել
Քերոբյանը մասնակցել է Պուտինի գլխավորած նիստին ու ներկայացրել այցի մանրամասները
Արմեն Սարգսյանն ընդունել է Հայկ Չոբանյանին և Վահան Քերոբյանին
Член правления партии Национальная повестка, кандидат в депутаты Вараздат Арутюнян

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

0
«Ազգային օրակարգ» կուսակցության խորհրդի անդամ, պատգամավորության թեկնածու Վարազդատ Հարությունյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեքստում իրենց կուսակցության ծրագրային դրույթներին։

Վարազդատ Հարությունյանի փոխանցմամբ`քանի որ արտահերթ ընտրությունների հիմնական առարկան արցախյան խնդիրն է և անվտանգությունը, ուստի նշված հիմնահարցը դրված է «Ազգային օրակարգ» կուսակցության ծրագրի հիմքում։ Հարությունյանի պնդմամբ` իրենք արցախյան հիմնախնդրի կապակցությամբ հանդես են գալիս հստակ և կտրուկ դիրքերից` մերժելով 2020 թվականի նոյեմբերի 9-ին ստորագրված կապիտուլյացիոն փաստաթուղթը, դրան հաջորդած գաղտնի ու գաղտնազերծված հավելվածները, ինչպես նաև վերջերս ի հայտ եկած դեմարկացիայի և դելիմիտացիայի գործընթացը, որով վերջակետ է դրվելու հիմնահարցին և Արցախի հանձնումը դրվելու է իրավաչափ հիմքերի վրա։

«Ամեն գնով փորձելու ենք խափանել Արցախը հանձնելու գործընթացը։ Հիմնական պատճառը, որ առանձին մտել ենք քարոզարշավային տրամաբանության մեջ, հենց այդ գաղափարն առաջ տանելն է և այս անբովանդակ քարոզարշավային պոլեմիկան ճեղքելու և ընտրական գործընթացի սեղանին հենց այս հարցը, որպես օրակարգային թիվ մեկ հարց, դնելն է»,–նշեց Հարությունյանւ։

Նրա կարծիքով` իրենք արցախյան հարցի հիմնական ու վերջնական լուծումը պատկերացնում են Արցախի տարածքային ամբողջականության վերականգնման մեջ, ընդ որում` այն տեսքով, ինչ եղել է 2020 թվականի սեպտեմբերի 26-ի դրությամբ։ Պատգամավորության թեկնածուի պնդմամբ`աշխարհակարգային փոփոխությունների համատեքստում 1994 թվականի բիշքեկյան արձանագրություններից սկսած արատավոր բանակցային բաղադրիչը, որ մեզ համար գծվել է կարմիր գծեր, պետք է բացառվի, քանի որ մեր թշնամին չունի այդ կարմիր գծերը։

Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան

«Այսինքն` թշնամին ոչ միայն չի սահմանափակվում ԼՂԻՄ–ի սահմաններով, այլև նոր նկրտումներով ներխուժել է Հայաստանի սուվերեն տարածք, ինչի մասին կոնֆլիկտի որևէ փուլում խոսք անգամ չի եղել։ Նման պայմաններում մենք կոնֆլիկտի տրամաբանության մեջ չենք կարող տեսնել Արցախի Հանրապետության տարածքային ամբողջականությունն անվելի նվազ կարգավիճակով, քան եղել է 2020 թվականի սեպտեմբերի 26-ին»,– նշեց «Ազգային օրակարգ» կուսակցության խորհրդի անդամը։


Հարությունյանը նշում է, որ պետք է անհապաղ դադարեցնել դեմարկացիայի և դելիմիտացիայի գործընթացը, որովհետև միջազգային իրավունքի տեսանկյունից այն ստեղծելու է ձևական իրավական հիմքեր հարցը վերջնականապես Ադրբեջանի օգտին լուծելու համար։ Երկրորդ փուլում անհրաժեշտ է իրավական հիմքերով վիճարկել 2020 թվականի նոյեմբերի 9-ին ստորագրված կապիտուլյացիոն հայտարարությունն ու դրան հաջորդած պայմանավորվածությունները, մասնավորապես Սյունիքի որոշ հատվածներում իրականացված ապօրինի սահմանազատումները։

Այդ ամենին զուգահեռ, ըստ Հարությունյանի, անհրաժեշտ է հնարավորինս շուտ վերականգնել մեր անվտանգության համակարգը, մինչդեռ յոթ ամիս է, ինչ առաջնագիծը կահավորված չէ, հետևաբար պետք է ամբողջ Արցախի ու Հայաստանի տարածքում իրականացվեն օպերատիվ կահավորման աշխատանքներ`ստեղծելով ամրակառույցներ, ռմբապաստարաններ, տարատեսակ հանգույցներ և այլընտրանքային մատակարարման հուսալի ճանապարհներ։       

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։
Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

0
թեգերը:
Եռակողմ հայտարարություն, Սահման, Արցախ, Ազգային ժողովի ընտրություններ, Հայաստան
Ըստ թեմայի
Պատերազմ չի սկսվի․ Յուրի Խաչատուրովն ասաց՝ ինչու
ԱՄՆ–ն փորձում է ակտիվանալ արցախյան բանակցային գործընթացում․ Սաֆրաստյան
ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ