Ռուբլի և դրամ

Ներդրումային ի՞նչ ծրագրեր են հետաքրքրում ռուսական բիզնեսին Հայաստանում

117
Ռուսաստանի և Հայաստանի միջև երկկողմ միջտարածաշրջանային կապերը վերջին շրջանում ակտիվանում են։ ՀՀ-ում Ռուսաստանի առևտրային ներկայացուցիչ Աննա Դոնչենկոն Sputnik Արմենիային տված հարցազրույցում պատմել է, թե ինչ ոլորտներում է Ռուսաստանը պատրաստ ներդրում կատարել Հայաստանում:

-2020 թվականի արդյունքներով, ինչպես նաև 2021 թ․ հունվար-փետրվար ամիսներին, Ռուսաստանի և Հայաստանի երկկողմ առևտրում որոշակի անկում է նկատվում: Դա նշվել է նաև ապրիլին ՌԴ նախագահ Վլադիմիր Պուտինի և Հայաստանի Հանրապետության վարչապետ Նիկոլ Փաշինյանի հանդիպման ժամանակ։ Ընդ որում, ՌԴ նախագահը հույս է հայտնել, որ մոտ ժամանակներս առևտրի ծավալները կարող են վերականգնվել և նույնիսկ ավելանալ: Ձեր կարծիքով, ինչի՞ հաշվին է հնարավոր հասնել դրան։

- Հիմնական տնտեսական ցուցանիշներով համաշխարհային ընդհանուր անկման ֆոնին Ռուսաստանը 2020 թ․-ի հունվար-դեկտեմբերին պահպանում է առաջատարի դիրքը Հայաստանի արտաքին առևտրաշրջանառության մեջ՝ 2,2 մլրդ ԱՄՆ դոլար ծավալով, չնայած դինամիկան բացասական շրջադարձ է գրանցել՝ 14,9% աճից մինչև 3,5% անկում։ Ռուսաստանը առաջին հորիզոնականն է պահպանում ոչ միայն այդ ցուցանիշով, այլև արտահանման ու ներմուծման ցուցանիշներով։

Վստահ եմ, որ այս անկումը ժամանակավոր բնույթ է կրում, ծավալները կավելանան կորոնավիրուսի համավարակի բացասական հետևանքների հաղթահարմանը զուգահեռ: Ընթացիկ պայմաններում շատ կարևոր է շարունակել երկխոսությունը և զարգացնել մեր երկրների միջև տնտեսական, ներդրումային և առևտրային հարաբերությունները։ Շատ ուրախալի է, որ Ռուսաստանն ու Հայաստանը քայլեր են ձեռնարկում տնտեսական կապերն ակտիվացնելու համար։

Այսպես, ներկայումս Ռուսաստանի և Հայաստանի միջև ակտիվ երկխոսություն է ընթանում մի շարք ուղղություններով՝ տարածաշրջանում նոր ատոմային էլեկտրակայանի կառուցումից մինչև համագործակցություն COVID-19 համավարակին հակազդելու ոլորտում։ Փոխգործակցությունը, այդ թվում՝ Հայաստանում Ռուսաստանի Առևտրային ներկայացուցչության գծով, իրականացվում է ՀՀ նախարարությունների և գերատեսչությունների ներկայացուցիչների, առաջին հերթին՝ Էկոնոմիկայի նախարարության, Բարձր տեխնոլոգիական արդյունաբերության նախարարության և Տարածքային կառավարման և ենթակառուցվածքների նախարարությունների հետ։

«Ապագայի ինտերնետը»․ ֆրանս-հայկական նախագիծն արդեն նոր ներդրողներ է գտել

Առավել նշանակալի հեռանկարային համատեղ նախագծերի թվում կարելի է առանձնացնել Հայկական ատոմային էլեկտրակայանի շահագործման ժամկետի երկարաձգումը 2026 թ․-ից հետո՝ մինչև առնվազն 2036 թ․-ը, որտեղ գլխավոր կապալառու է հանդիսանում «Ռուսատոմ Սերվիս» ընկերությունը, «Հյուսիս-Հարավ» ավտոտրանսպորտային միջանցքի շինարարությունը, որին մասնակցում է Եվրասիական զարգացման բանկը, արդյունաբերական հարթակների շինարարությունը, Իրանի հետ առևտրային և կոոպերացիոն համագործակցության զարգացումը, այդ թվում՝ հեռանկարում «Մեղրի» ազատ տնտեսական գոտու ներուժի օգտագործմամբ: Ուզում եմ առանձին նշել «Ռոսատոմ» պետական կորպորացիայի, այդ թվում՝ ածխածնի մանրաթել արտադրող «UMATEX» ընկերության գծով և նախագծերի շուրջ հայ գործընկերների հետ հաջող համագործակցությունը։

Հայկական կողմի հետ բանակցություններ են ընթանում Հայաստանում բժշկական նշանակության արտադրատեսակների, ինչպես նաև սննդամթերքի ճառագայթային ստերիլիզացման կենտրոնների ստեղծման, բժշկական իզոտոպների մատակարարման, ածխաջրածիններից տարբերվող օգտակար հանածոների հանքավայրերի երկրաբանական հետախուզման համար նեյտրոնային գեներատորների կիրառման հարցերի շուրջ:

«ԳԼՈՆԱՍՍ» ԲԸ-ի («ЭРА-ГЛОНАСС» պետական ավտոմատացված տեղեկատվական համակարգ) հետ քննարկումներ են ընթանում հայ պոտենցիալ բիզնես գործընկերների հետ նավիգացիոն ոլորտում համագործակցության զարգացման և արտակարգ օպերատիվ ծառայությունների կանչի համակարգերի և սարքերի գործունեությունն ապահովող ենթակառուցվածքի ստեղծման վերաբերյալ՝ Ռուսաստանում գործող պետական ավտոմատացված տեղեկատվական համակարգի նմանությամբ:

Բացի այդ, փոխգործակցություն և համատեղ նախաձեռնությունների մշակում է իրականացվում ռադիոէլեկտրոնիկայի ոլորտում՝ միկրոալիքային, միկրոէլեկտրոնիկայի, արհեստական ինտելեկտի համակարգերի (AI) ոլորտում, այդ թվում՝ պատկերների և տեսանյութերի մշակման, հաջորդ սերնդի կապի համակարգերի (5G), մեքենայի տեսողության (ADAS վարորդի օգնության համակարգ), նեյրոնային ցանցերի, ինչպես նաև ծրագրային ապահովման, էլեկտրոնային բաղադրիչների (հիշողության չիպեր, ինտեգրալ միկրոսխեմներ և այլն) մշակման բնագավառում:

Այժմ երկխոսության մեջ ենք նաև Երևանի քաղաքապետարանի հետ՝ ավտոբուսների պարկի, բազմաբնակարան շենքերի վերելակների, մետրոյի վագոնների թարմացման հնարավորության շուրջ։ Երևանի քաղաքապետարանին հետաքրքրում են նաև ռուսական ընկերությունների այն ծառայությունները, որոնք կապված են քաղաքային տնտեսության կառավարման օպտիմալացման հետ («Քաղաքապետի քարտեզ», համագործակցություն «Ստրելկա» կոնստրուկտորական բյուրոյի հետ) և այլն։

- Ռուսաստանի Դաշնության ո՞ր տարածաշրջաններն են ամենաշատը արտահանում Հայաստան: Ինչպե՞ս է առևտրային ներկայացուցչությունը մասնակցում միջտարածաշրջանային համագործակցության զարգացմանը:

-Ռուսաստանի և Հայաստանի միջև երկկողմ միջտարածաշրջանային կապերը վերջին շրջանում ակտիվանում են։ Եթե հենվենք վիճակագրության տվյալների վրա, ապա այստեղ առաջատարներն են Մոսկվան և Մոսկվայի շրջանը, Սանկտ Պետերբուրգը, Ստավրոպոլի երկրամասը, Ռոստովի և Նիժնի Նովգորոդի շրջանները: Բայց այստեղ պետք է վերապահում անեմ. տարածաշրջանների հետ շփման մեր աշխարհագրությունը շատ ավելի լայն է․ Բաշկորտոստանի Հանրապետություն, Ղրիմի Հանրապետություն, Թաթարստանի Հանրապետություն, Չուվաշիայի Հանրապետություն, Կրասնոդարի երկրամաս, Արխանգելսկի, Վլադիմիրսկի, Վոլգոգրադի, Նովոսիբիրսկի, Պսկովի, Սամարայի, Սվերդլովի, Տուլայի մարզեր և այլն։

Առևտրային և տնտեսական կապեր․ ի՞նչ են պայմանավորվել Հայաստանի և Վրաստանի վարչապետները

Նախորդ տարվա ընթացքում մենք 23 առցանց հանդիպում ենք անցկացրել տարածաշրջանների ներկայացուցիչների հետ։ Այս տարի բիզնես-առաքելությունները անցկացվում են ոչ միայն տեսակոնֆերանսի ձևաչափով։ Ավիահաղորդակցության վերականգնումը մարզերի ներկայացուցիչներին թույլ է տալիս գործնական կապեր հաստատել անմիջապես Հայաստան այցելելով։ Այսպես, ապրիլին տեղի ունեցավ Ղրիմի գործարարների համալիր բիզնես-առաքելությունը, իսկ ապրիլի 28-ին կազմակերպվեց կլոր սեղան և բանակցություններ անցկացվեցին հայկական բիզնեսի հետ։ Ղրիմյան ընկերությունների թվում ներկայացվել են օծանելիքի և կոսմետիկայի, բժշկական սարքավորումների, էլեկտրատեխնիկայի արտադրողները։

Նաև, տեսանելի ապագայում, առևտրային ներկայացուցչությունը b2b բանակցություններ է նախատեսում Մոսկվայի, Մոսկվայի մարզի բիզնեսի ներկայացուցիչների և հայկական ընկերությունների ներկայացուցիչների միջև։ Շոշափվող ուղղությունների շրջանակը շատ լայն է՝ նորարարություն, բժշկություն, սննդամթերք, շինանյութ և այլն։

- Արդյո՞ք առևտրային ներկայացուցչությունը հայ արտադրողներին օգնում է իրացման շուկաներ գտնել Ռուսաստանում։

- Այո, իհարկե, երբեք չենք մերժում, ավելի շուտ հակառակը, քանի որ երկխոսությունը չի կարող միակողմանի կարգով ընթանալ։ Հատկապես նշանակալից և փոխադարձ հետաքրքրություն ներկայացնող ենք համարում Ռուսաստանի տարբեր շրջաններ բանջարեղեն և մրգեր մատակարարելու առաջարկները։ Վերջերս առևտրային ներկայացուցչությունը մասնակցել է X5Retail Group-ի (մթերային առևտրային ցանցերի ռուսական մանրածախ առևտրային ընկերություն), Հայաստանի Հանրապետության ներդրումների աջակցության կենտրոնի և ռուսական ու հայկական բիզնեսի ներկայացուցիչների միջև բանակցություններին:

Կողմերը քննարկում են հայկական գյուղմթերքի հավաքման, պահպանման համար լոգիստիկ հանգույցի ստեղծման և ուղղակիորեն ռուսական առևտրային ցանցերին մատակարարելու հարցը:

Որպես օրինակ կարող եմ բերել նաև Ռուսաստանում արդյունաբերական սարքավորումներ, տեխնոլոգիաներ և պահեստամասեր արտադրողների ներգրավումը Հայաստանի տարածքում իրականացվող նախագծերին՝ ձկան ալյուրի և համակցված կերերի արտադրության գործարանի ստեղծում՝ ձկնաբուծության համար, բարձրտեխնոլոգիական, ամբողջ տարի գործող ջերմատների կառուցում և այլն ։

- Հայաստանի Հանրապետության կառավարության ներդրումային նախագծերից որո՞նք են ձեզ առավել գրավիչ թվում ռուսական բիզնեսի մասնակցության համար:

- Մի փոքր հեռվից սկսեմ։ Մակրոտնտեսական կայունության և զարգացման ապահովումը առաջնահերթ խնդիրներից մեկն է ԵԱՏՄ երկրների համար՝ ինչպես ազգային, այնպես էլ վերազգային մակարդակով: Դրա համար Եվրասիական պետությունները պետք է խթանեն գործարար և ներդրումային ակտիվությունը։ ԵԱՏՄ երկրները շահագրգռված են ինչպես փոխադարձ, այնպես էլ արտաքին ներդրումների ներգրավմամբ։ Եվրասիական ինտեգրումը պետք է նպաստի այդ գործընթացներին և, առաջին հերթին, Եվրասիական միության ներսում ներդրումային գրավչության աճին։

Ռուսաստանը Հայաստանին օգնում է հաղթահարել հետպատերազմյան սթրեսը․ դեսպան

Իսկ ինչ վերաբերում է Եվրասիական ինտեգրմանը, ապա դրանից առավել նշանակալի օգուտ քաղել է հենց Հայաստանը, որը Միության երկրների հետ ընդհանուր սահման չունի։ Ընդ որում, վերջին մի քանի տարիների ընթացքում Հայաստանը գրեթե երեք անգամ ավելացրել է արտահանումը ԵԱՏՄ երկրների շուկաներ։ Երկիրը կարողացել է հասնել դրան թունդ ալկոհոլի, հագուստի, տրիկոտաժի և սննդամթերքի (մրգերի, բանջարեղենի, բանջարեղենի պահածոների, ձկան) մատակարարումների ավելացման հաշվին:

Հիշեցնեմ, որ ներկայումս Հայաստանի տնտեսության մեջ բոլոր կապիտալ ներդրումների 40%-ը ռուսական ծագում ունեն։ Հայաստանի հետ ապրանքաշրջանառության և ներդրումային փոխգործակցության ծավալների ակտիվ ավելացումն ամրապնդում է Ռուսաստանի դիրքերը՝ որպես Հայաստանի տնտեսության մեջ նրա առանցքային արտաքին տնտեսական կոնտրագենտ և խոշորագույն արտասահմանյան ներդրող։

Խոսելով Հայաստանի Հանրապետությունում ռուսական բիզնեսի մասնակցության համար գրավիչ նախագծերի մասին, ես առաջին հերթին կնշեի արդյունաբերական շինարարության նախագծերը, ինչպիսիք են, օրինակ, բազալտե մանրաթելերի և դրանից պատրաստված իրերի արտադրությունը Հայաստանի Հանրապետության Կոտայքի մարզում, «Խելացի քաղաք» ստեղծելու նախագիծը:

Միաժամանակ ռուս գործարարները հետաքրքրություն են ցուցաբերում հանքարդյունաբերության, էներգետիկայի, մետաղագործության, շինարարության, զբոսաշրջության և այլ ոլորտներում իրականացվող նախագծերի նկատմամբ։

- Ռուսական և հայկական բիզնեսների համագործակցության ուրիշ ի՞նչ ձևաչափեր եք տեսնում։

-Ամենաավանդական և ամենատարածված, բայց ոչ պակաս կարևոր և արդյունավետ եմ համարում մեր աշխատանքը պրոֆիլային մասնագիտացված ցուցահանդեսներում և տոնավաճառներում: Ռուսական բիզնեսը տարեսկզբից ի վեր բավականին ակտիվ մասնակցում է Հայաստանի տարածքում անցկացվող սննդի արդյունաբերության, շինարարության, կրթության, զբոսաշրջության և այլ թեմաներով մասնագիտացված ցուցահանդեսներին:

Թե՛ ռուսական, թե՛ հայկական ընկերություններին օգնում ենք, աջակցություն ենք ցուցաբերում գործընկերների որոնման և արտաքին տնտեսական պայմանագրերի կնքման հարցում։ Այստեղ, առիթից օգտվելով, ուզում եմ Ձեր ուշադրությունը հրավիրել ИННОПРОМ միջազգային արդյունաբերական ցուցահանդեսի վրա, որը 2010թ․-ից սկսած ամեն տարի անցկացվում է Եկատերինբուրգում։ ИННОПРОМ-ի շրջանակներում դրվում են արդյունաբերական քաղաքականության հիմքերը։ Ցուցահանդեսի այցելուների մոտ 80%-ը պրոֆեսիոնալ գնորդներ են աշխարհի տարբեր երկրներից, արդյունաբերական ձեռնարկությունների մասնագետներ, որոնք որոշում են կայացնում արտադրության մեջ նոր արտադրանքի և տեխնոլոգիաների ներդրման մասին:

Ռուսաստանը 3,2 մլն դոլար կհատկացնի Հայաստանի առանձին շրջանների վերականգնման համար

Արդեն մի քանի տարի է՝ միջոցառմանը ակտիվ մասնակցություն են ունենում առևտրային ներկայացուցչությունները։ Մեր առևտրային ներկայացուցչության համար դա հիանալի հնարավորություն է, այդ թվում՝ լրացուցիչ առևտրային դաշտեր բացահայտելու և բիզնես-պորտֆելը նոր նախագծերով լրացնելու համար։

117
թեգերը:
Ներդրում, տնտեսություն, Ռուսաստան, Հայաստան
Ըստ թեմայի
Ռուսաստանցիները նախընտրում են հանգստանալ Հայաստանում. ուրիշ որտեղի՞ց սպասել զբոսաշրջիկների
Հայաստանի և Ռուսաստանի միջև զարգանում է ակտիվ քաղաքական երկխոսությունը. Լավրով
Հայաստանն ու Ռուսաստանը բարիկադի նույն կողմում են. ՌԴ դեսպան
Վահան Քերոբյան

Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան

81
(Թարմացված է 15:33 22.06.2021)
Վահան Քերոբյանը նշում է՝ Հայաստանում կա աշխատողների խիստ պակաս՝ հովիվ, ծրագրավորող, շինարար, մատուցող, դիզայներ, խառատ ու զոդող բանվոր։

ԵՐԵՎԱՆ, 22 հունիսի – Sputnik. ՀՀ էկոնոմիկայի նախարար Վահան Քերոբյանը տեղեկացնում է, որ 2021 թվականի մայիսին աշխատանքի շուկան անկախ Հայաստանի պատմության մեջ ռեկորդ է խփել՝ 634 951 հարկման բազա ունեցող անձ կա։ Նա ֆեյսբուքյան իր էջում է նման գրառում արել` տվյալներ հայտնելով։

«Լավ նորությունը նաև այն է, որ աշխատատեղերի քանակն ավելացել է նույնիսկ 2019 թվականի սեզոնայնությամբ ճշգրտված։ Ես կոչով դիմում եմ բոլոր հայրենակիցներին՝ Հայաստանում կա աշխատողների խիստ պակաս՝ հովիվ, ծրագրավորող, շինարար, մատուցող, դիզայներ, խառատ ու զոդող բանվոր»,–գրել է նա։

Ի դեպ, ՊԵԿ–ն էլ իր հերթին հայտնել էր, որ  2021 թվականի մայիս ամսին, նախորդ տարիների նույն ամսվա համեմատ, աճել է նաև մեկ աշխատատեղին բաժին ընկնող եկամուտը (հարկման բազան)՝  կազմելով շուրջ 212 000 դրամ: 2020 թվականի մայիս ամսվա այս ցուցանիշը կազմել է 194 000 դրամ, 2019 թվականին` 187 000 դրամ, իսկ 2018 թվականին` 176 000 դրամ:

Նշենք, որ հիմա ոչ միայն աշխատատեղերն են գրանցում, այլ նաև իրական աշխատավարձերի չափն են ցույց տալիս ցուցակներում (գաղտնիք չէ, որ գործատուն աշխատավարձի մի մասն առձեռն, իսկ մյուսը փոխանցմամբ է վճարում աշխատակցին)։

Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին

Պետական եկամուտների կոմիտեն հիշեցնում է՝ ցանկացած գրանցված աշխատատեղ ձևավորում է լրացուցիչ հարկային եկամուտ, որը նպաստում է երկրի անվտանգության ապահովմանը:

81
թեգերը:
աշխատատեղ, աշխատանք, Վահան Քերոբյան, Հայաստան
Ըստ թեմայի
Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին
Քաղաքական ուժերի նախընտրական խոստումները, կամ ինչպես վերականգնել տնտեսությունը
Դատապարտյալները հափշտակել են տնտեսվարող սուբյեկտներին պատկանող գույքը
«Հայաստան» դաշինքի հանրահավաքը. արխիվային լուսանկար

Որ ուժը որքան գումար է ծախսել նախընտրական քարոզարշավի վրա. տվյալներ

547
(Թարմացված է 21:15 20.06.2021)
Սամվել Բաբայանի գլխավորած Ազատական կուսակցությունը ընդհանրապես գումար չի ծախսել քարոզարշավի վրա։

ԵՐԵՎԱՆ, 20 հունիսի – Sputnik. ԱԺ արտահերթ ընտրությունների քարոզարշավի վրա ամենաշատ գումար ծախսել են «Քաղաքացիական պայմանագիր» կուսակցությունը ու «Հայաստան» դաշինքը։ Այս մասին տեղեկանում ենք ԿԸՀ հերթական մամուլի ասուլիսից։

Քոչարյանի դաշինքն ու Փաշինյանի կուսակցությունը ֆավորիտներ են. ՌԻԱ Նովոստիի հարցումը

Կենտրոնական ընտրական հանձնաժողովի վերահսկիչ-վերստուգիչ ծառայության պետ Տիգրան Բաբիկյանը ներկայացրել է ընտրարշավի վրա քաղաքական ուժերի կատարած ծախսերի հաշվետվությունը:

Հունիսի 16-ի դրությամբ քաղաքական ուժերի նախընտրական հիմնադրամներ են փոխանցվել և ծախսվել հետևյալ գումարները.

  1. «Արդար Հայաստան»՝ 1, 611 միլիոն դրամ (ծախսվել է 1,46 միլիոն դրամ)
  2. «Հայ ազգային կոնգրես»` 47 միլիոն դրամ (ծախսվել է 39,4 միլիոն դրամ)
  3. «Քաղաքացիական պայմանագիր»՝ 458,5 միլիոն դրամ (ծախսվել է 373 միլիոն դրամ)
  4. «Զարթոնք» կուսակցություն` 2,7 միլիոն դրամ (ծախսվել է 2,06 միլիոն)
  5. «Ազատություն» կուսակցություն` 2,76 միլիոն դրամ (ծախսվել է 2,74 միլիոն)
  6. «Պատիվ ունեմ» դաշինք` 246 միլիոն դրամ (ծախսվել է 226 միլիոն)
  7. «Միասնական հայրենիք» կուսակցություն` 2,9 միլիոն դրամ (ծախսվել է 2,83 միլիոն)
  8. «Համահայկական ազգային պետականություն» կուսակցություն` 1,5 միլիոն դրամ (1,5 միլիոն)
  9. «Լուսավոր Հայաստան» կուսակցություն` 73 միլիոն դրամ (ծախսվել է 59 միլիոն)
  10. «Մեր տունը Հայաստանն է» կուսակցություն է 53,8 միլիոն (ծախսվել է 53,2 միլիոն)
  11. «Հանրապետություն» կուսակցություն` 18,65 միլիոն (ծախսվել է 18,58 միլիոն)
  12. «Հայկական Հայրենիք» կուսակցություն` 4 միլիոն դրամ (ծախսվել է 2,6 միլիոն)
  13. «Ազատ Հայրենիք» դաշինք` 3,9 միլիոն դրամ (ծախսվել է 3,9 միլիոն դոլար)
  14. «Բարգավաճ Հայաստան» կուսակցություն` 87,3 միլիոն (ծախսվել է 81,7 միլիոն)
  15. «Հայաստանի դեմոկրատական կուսակցություն»` 15 միլիոն դրամ (ծախսվել է 14,76 միլիոն)
  16. «5165» կուսակցություն՝ 13, 4 միլիոն դրամ (ծախսվել է 13,3 միլիոն)
  17. «Քաղաքացու որոշում» սոցիալ-դեմոկրատական կուսակցություն` 1 միլիոն դրամ (ծախսվել է 0,95 միլիոն)
  18. «Շիրինյան-Բաբաջանյան» դաշինք` 19,5 միլիոն (ծախսվել է 19,5 միլիոն)
  19. «Ազգային օրակարգ» կուսակցություն` 4 միլիոն (ծախսվել է 3,8 միլիոն)
  20. «Վերելք» կուսակցություն` 65 հազար դրամ (65 հազար)
  21. Ազատական կուսակցություն` 0 (0)
  22. «Հայոց Արծիվներ» կուսակցություն` 370 հազար դրամ (366 հազար)
  23. Հայաստանի Եվրոպական կուսակցություն` 200 հազար դրամ (180 հազար դրամ)
  24. «Հայաստան» դաշինք` 309,3 միլիոն (ծախսվել է 245,6 միլիոն)
  25. «Ազգային ժողովրդավարական բևեռ» կուսակցություն` 4,1 մլն (ծախսվել է 2,26 մլն դոլար)
  26. «Ինքնիշխան Հայաստան» կուսակցություն` 250 հազար (75 հազար)

Ընդհանուր առմամբ, նախընտրական քարոզարշավի համար հավաքվել է ավելի քան 1,37 մլրդ դրամ, որից ծախսվել է ավելի քան 1,169 մլրդ դրամ։

Ուշագրավ է, որ Սամվել Բաբայանի գլխավորած Ազատական կուսակցությունը ընդհանրապես գումար չի ծախսել քարոզարշավի վրա։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

547
թեգերը:
Ռոբերտ Քոչարյան, Նիկոլ Փաշինյան, քարոզարշավ, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Տպագրական խոտանն անվավեր համարելու հիմք չէ. Մուկուչյանն արձագանքել է «Հայաստան» դաշինքին
Ընտրատեղամասերը փակվեցին. քվեարկության համար նախատեսված ժամանակը սպառվեց
Ծափահարություններ` ընտրատեղամասը փակելիս․ 9/26–ում սկսվել է ձայների հաշվարկը․ տեսանյութ

Երեք հիմնական միֆ Երկրորդ համաշխարհային պատերազմի մասին

0
(Թարմացված է 23:36 22.06.2021)
Ինչո՞ւ են Հիտլերի նկատմամբ հաղթանակը ավելի ու ավելի հաճախ վերագրում ԱՄՆ-ին, երբ են առաջացել պատերազմի թեմայով առաջին միֆերը և ինչպես պայքարել դրանց դեմ։ Հայրենական մեծ պատերազմի մեկնարկի 80-ամյակի առթիվ ներկայացնում ենք Sputnik-ի հոդվածը։

Ինչո՞ւ են ժամանակակից հանրության շրջանակում այդքան շատ կեղծիքներ հայտնվել Երկրորդ համաշխարհայինի մասին, և արդյո՞ք հնարավոր է դիմակայել դրանց։ Չէ՞ որ պատմությունը խեղաթյուրող և նացիզմի դեմ հաղթանակի գործում խորհրդային զինվորների ավանդը նսեմացնող հրապարակումները հայտնվում են հիմնականում սոցիալական ցանցերում, իսկ դրանք շատ դժվար է վերահսկել։

Հինգ օջախ, որոնք կարող են երրորդ համաշխարհային պատերազմի պատճառ դառնալ

Այնուամենայնիվ, դրա դեմ հնարավոր է պայքարել, կարծում են մեդիաոլորտի մասնագետները։ Սակայն դրա համար պետք է հասկանալ պատերազմի մասին երեք գլխավոր միֆերը։

Միֆ այն մասին, որ հաղթանակը ԱՄՆ-ի շնորհիվ էր

«Կեղծարարության փորձեր, խոսակցություններ, որ պատերազմում Ամերիկան է հաղթել, նախկինում էլ են եղել, միայն թե այն ժամանակ լկտիության մակարդակն ավելի ցածր էր,-կարծում է գերմանացի գրող, «Antispiegel» կայքի ղեկավար Թոմաս Ռյոպերը։- Առաջ գոնե ասում էին, որ ԽՍՀՄ-ն ու ԱՄՆ-ն դաշնակիցներ են եղել, որ ամենամեծ կորուստները կրել է հենց արևելյան ռազմաճակատը։ Իսկ հիմա խորհրդային զինվորներին ավելի ու ավելի հաճախ են օկուպանտներ անվանում, իսկ ամերիկացիները, պարզվում է, շոկոլադով էին եկել Գերմանիա»։

Ինչպես Հիտլերի գլոբուսը հայտնվեց հայի ձեռքում. նացիստները հույս ունեին հե՞տ պտտել ժամանակը

Ռյոպերի կարծիքով՝ պատմության աղավաղմանը շատ են նպաստում եվրոպական ԶԼՄ-ները, այդ թվում՝ գերմանական պարբերականները։ Նա հիշեցնում է, որ գերմանական «Der Spiegel» ամսագիրը սոցցանցերում հրապարակում էր արել այն մասին, որ Օսվենցիումի համակենտրոնացման ճամբարը ազատագրել են ամերիկացիները։ Ավելի ուշ, քննադատությունների տարափից հետո, պարբերականը հայտարարել էր, որ «սխալ» է թույլ տվել և ուղղել էր հրապարակումը։ Հիմա այնտեղ ասվում է, որ «Աուշվից» համակենտրոնացման ճամբարը ազատագրել է Կարմիր բանակը։

Մասնագետներն առաջարկում են դատապարտել պատմության ցանկացած խեղաթյուրում։ Այդպես, «Der Spiegel»-ի հրապարակմանը ուշադրություն հրավիրեցին գերմանալեզու օգտատերերերի մեկնաբանությունները, որոնք համարում էին, որ պաշտպանում են ոչ միայն իրական փաստը, այլև Աուշվիցում զոհված 1,4 միլիոն մարդկանց հիշատակը;

Միֆ այն մասին, որ նոր սերունդն անտարբեր է այդ պատերազմի նկատմամբ

Կարծիք կա, որ երիտասարդներն ավելի ու ավելի քիչ են հետաքրքրվում Երկրորդ համաշխարհային պատերազմի թեմայով։ Սակայն դա այդպես չէ, կարծում է Russia Today-ի լրագրող Մարիա Բուտինան և օրինակ է բերում «Անմահ գնդի» երթը. եթե նախկինում Ռուսաստանի սահմաններից դուրս այդ ակցիային մասնակցում էր ընդամենը 39 երկիր, ընդամենը մի քանի տարում նրանց թիվը հասավ 115-ի:

«Ուստի կարևոր է աջակցել մեր հայրենակիցներին, նրանք պատմական հիշողության պաշտպաններն են, խաղաղության և համագործակցության գաղափարներն իրականացնողները, արտերկրում Ռուսաստանի քաղաքացիների աջակցությունն ու հենարանը»,-ասում է Բուտինան։

Այն մարդկանց թիվը, ովքեր ցանկանում են ճշմարտությունն իմանալ պատերազմի մասին, աճում է նաև մերձավոր արտերկրում, կարծում են ֆորումի խոսնակները։ Դրա ապացույցը ռուսաստանցի Սերգեյ Միրոշնիչենկոյի կամավորական աշխատանքն է, ով աշխատանքից ազատ ժամանակ թարգմանում է Նյուրնբերգյան գործընթացի սղագրությունները և Երկրորդ համաշխարհային պատերազմի հետ կապված այլ փաստաթղթեր:

Վերջերս համացանցում նաև նոր կայք է հայտնվել՝ «Nuremberg Media»-ն, որը պատմում է Նյուրնբերգյան ռազմական դատարանի մասին։ Նախագծի ստեղծողները «Ռոսիա Սեգոդնյա» ՄՏԳ-ն է և «Sputnik» գործակալությունը։

Պատերազմի մասին խոսելիս պետք է փաստեր ներկայացնել, համոզված են «Նյուրնբերգի դասերը» համաժողովի մասնակիցները։ Մարդիկ, որոնք հայտարարում են, թե կոմունիզմն ու նացիզմը նույն բանն են, կորցնում են իրենց բոլոր փաստարկները՝ ծանոթանալով զանգվածային ստերիլիզացման գաղափարին։ Այս նախագիծը առաջարկել է գերմանացի բժիշկ Ադոլֆ Պոկորնին՝ 1941թ․-ի հոկտեմբերի իր նամակում՝ պնդելով, որ «թշնամին պետք է լինի ոչ միայն պարտված, այլև ոչնչացված»։

Պայծառ ապագայի գլխավոր թշնամին, կամ ինչպես են պարտված երկրները դուրս եկել ճգնաժամից

Այդ նպատակով Պոկորնին առաջարկում էր ստերիլիզացնել «3 միլիոն բանտարկյալ-բոլշևիկներին, որոնց պետք է զրկել բազմանալու հնարավորությունից»։ Բժշկի կարծիքով՝ դա անելուց հետո գերիներին կարելի էր մինչև կյանքի վերջ օգտագործել որպես աշխատուժ, և փորձարկման հաջող արդյունքի դեպքում նախատեսվում էր ճիշտ նույն կերպ վարվել ԽՍՀՄ մնացած բնակչության հետ Հիտլերի հաղթանակի դեպքում։

Ֆեյքերը ինտերնետի՞ շնորհիվ են հայտնվել

Իրականում կեղծ նորությունները միշտ էլ գոյություն են ունեցել, կարծում է լրագրող և «Թվային պատմություն» YouTube-ալիքի հեղինակ Եգոր Յակովլևը։ Եվ չնայած համացանցի շնորհիվ ֆեյքերը արագ են տարածվում տեղեկատվական դաշտում, դրանց մակարդակը բավական ընկել է։ 19-րդ դարում, օրինակ, պատմական մոլորությունները շատ ավելի ստեղծագործաբար էին հորինում։

1817թ․-ին չեխ բանաստեղծ Վացլավ Գանկան հայտնեց, որ Կրալե Դվուր քաղաքի եկեղեցում ձեռագիր է հայտնաբերել՝ հնագույն էպոս այն մասին, թե ինչպես են չեխերը 1242թ․-ին ջարդել․․․ թաթար-մոնղոլներին։ Շատ չեխեր հավատացին լեգենդին։ Բանաստեղծի սուտը հաջողվեց բացահայտել միայն 70 տարի անց դատարանի միջոցով։

Եվս մեկ հայտնի ֆեյք 1939թ․-ին հրապարակել էր ֆրանսիական «Havas» տեղեկատվական գործակալությունը։ Այն պնդում էր, որ Իոսիֆ Ստալինն ուզում էր գրավել Լեհաստանը և անգամ տարածում էր մի ճառ, որը գեներալիսիմուսն իբր արտասանել էր քաղբյուրոյում ի աջակցություն Գերմանիայի՝ Երկրորդ համաշխարհային պատերազմի նախաշեմին։

Բրիտանացի և գերմանացի գիտնականները պատերազմից հետո կարողացան ապացուցել, որ «Havas» գործակալության հրապարակած ճառը կեղծիք է։

0
թեգերը:
ԽՍՀՄ, Ռուսաստան, Հայրենական մեծ պատերազմ, Երկրորդ համաշխարհային պատերազմ