Made in Armenia QR կոդով հողաթափեր` Ռուսաստանի համար

Made in Armenia QR կոդով հողաթափեր` Ռուսաստանի համար. հայ գործարարների կյանքը հեշտացել է

321
Հայաստանում Ռուսաստան արտահանման համար նախատեսված ապրանքները սկսել են մակնշել QR կոդերով։ Մի քանի ամիս առաջ կոդերը ռուսական ընկերություններն էին տալիս, բայց ապրիլից`ազգային օպերատորը։ Այս քայլը ոչ միայն պարզեցնում է գործընթացը, այլև նվազեցնում է դրա արժեքը։

Լաուրա Սարգսյան, Sputnik Արմենիա

Հաստոցների և ավտոմատացված տեխնիկայի դխկդխկոց, արտադրամասի ձախ անկյունում մեքենան լցնում է կաղապարները, աջ անկյունում վարպետ կանայք ստուգում են պատրաստի արտադրանքը։ Եվ միայն դրանից հետո տուփի վրա պիտակ են կպցնում՝ Made in Armenia QR կոդով։

Այսպիսին է հողաթափեր արտադրող ձեռնարկության աշխատանքային առօրյան, իսկ արտադրանքն այնուհետև արտահանվում է Ռուսաստան։

В Армении стали маркировать товары для рынка ЕАЭС
© Sputnik / Aram Nersesyan
Made in Armenia QR կոդով հողաթափեր` Ռուսաստանի համար

2020թ․-ին կոշիկը ներառվել է այն ապրանքների ցանկում, որոնք կարելի է Ռուսաստան արտահանել միայն ԵԱՏՄ ստանդարտի մակնշման դեպքում։ Սկզբում ընկերությունները ստիպված էին լինում մակնշման կոդը խնդրել ռուսաստանցի գործընկերներից։ Հիմա` արդեն ապրիլից, հատուկ կոդերը տալիս է ազգային օպերատորը։

Ինչպես Sputnik Արմենիայի հետ զրույցում ասաց ձեռնարկության տնօրեն Արտակ Հակոբյանը, ազգային օպերատորի հետ աշխատելը ոչ միայն ավելի արագ է ստացվում, այլև ավելի էժան։

Հողաթափեր` Մոսկվայի համար

Հողաթափերի առաջին խմբաքանակը Ռուսաստան արտահանվել է 2019 թ.-ին, երբ մակնշման պահանջները կոշիկների վրա դեռ չէին տարածվում։

«Ձեր աչքի առաջ ընթանում է 60 հազար զույգ տարբեր կատեգորիաների հողաթափերի արտադրություն` կանանց, տղամարդկանց, երեխաների համար, ամառային և ձմեռային. ամբողջը պետք է Ռուսաստան արտահանվի։ Հումքը Իրանից ենք բերել, պատվիրատուն ապրանքին սպասում է արդեն մայիսի սկզբին»,-ասում է Հակոբյանը։

Директор предприятия Артак Акопян
© Sputnik / Aram Nersesyan
Արտակ Հակոբյանը

Ձեռնարկության տնօրենը նշեց, որ օպերատորին 60 հազար QR կոդի հայտ է ներկայացրել, որոնցից յուրաքանչյուրը 6,5 դրամ արժե։ Նախկինում ստիպված էին լինում դիմել ռուսաստանյան օպերատորներին, արդյունքում ավելի թանկ էր նստում, ինչն էլ անդրադառնում էր վերջնական գնի վրա։

Տատ ու թոռան դոնդողային բիզնեսը. նրանք քաղցրավենիք են պատրաստում անգամ դիաբետիկների համար

«Այստեղ լցնում ենք ձուլվածքը, հաշված րոպեներ անց դրա վրա դրվում է ձևվածքը, այստեղ արդեն մասնագետները մշակում են գրեթե պատրաստի հողաթափը, իսկ այս կողմում արդեն ստուգում են որակը։ Այս հատվածում ապրանքը հավաքվում է և տուփի վրա դրվում է մակնշումը։ Յուրաքանչյուր տուփում վեց զույգ է` ըստ չափսերի»,-արտադրության բոլոր փուլերն է ներկայացնում Հակոբյանը։

В Армении стали маркировать товары для рынка ЕАЭС
© Sputnik / Aram Nersesyan
Made in Armenia QR կոդով հողաթափեր` Ռուսաստանի համար

Գործընթացը զգալիորեն պարզեցված է ավտոմատացման շնորհիվ, մարդկային գործոնն այստեղ փաստացի նվազագույնի է հասցված։

Ինչի՞ համար է մակնշումը

Պետեկամուտների կոմիտեի տեղեկատվական տեխնոլոգիաների վարչության նախագծերի իրականացման բաժնի գլխավոր մաքսային տեսուչ Աննա Մուրադյանը պարզաբանեց, որ QR կոդը թույլ է տալիս կարդալ ապրանքի մասին ամբողջ տեղեկատվությունը․ որտեղ է արտադրված, ինչ նյութից է պատրաստված, չափանիշները և այլն։

Sputnik Արմենիայի հետ զրույցում Մուրադյանը նշեց, որ ազգային մակնշումը Հայաստանում գործել է 2014թ․-ից։ 2018թ․-ին ԵԱՏՄ անդամ երկրները (Ղրղզստան, Ղազախստան, Բելառուս, Ռուսաստան, Հայաստան) համաձայնագիր են ստորագրել միության ստանդարտի մակնշման ներդրման մասին:

«ԵԱՏՄ մակնշումն ազգայինից տարբերվում է առավել բարձր որակով, տեղեկատվությամբ, դյուրաշարժությամբ»,-ասաց Մուրադյանը։

Главный таможенный инспектор отдела реализации проектов управления информационных технологий Комитета госдоходов Анна Мурадян
© Sputnik / Aram Nersesyan
Աննա Մուրադյանը

Ընդհանուր առմամբ առանց կոդի շուկա դուրս գալու արգելքը տարածվել է վեց տեսակի ապրանքների վրա․կաթնամթերք, կոշիկներ, թեթև արդյունաբերության ապրանքներ, օծանելիք, ֆոտոլուսարձակներ և տեսախցիկներ։ Մոտ ժամանակներս համապատասխան արգելք կսահմանվի Ռուսաստան չմակնշված ջուր մատակարարելու համար։

Մուրադյանը նշեց, որ մակնշումը պետական մարմնին թույլ է տալիս ապրանքի ամբողջական վերահսկողություն սահմանել՝ թողարկման պահից մինչև վերջնական սպառողին հասնելը։ «Յուրաքանչյուր ապրանք, եթե նույնիսկ Ռուսաստանում է վաճառվում, գրանցվում է ՀՀ ՊԵԿ-ի բազայում»,-ասաց Մուրադյանը։

В Армении стали маркировать товары для рынка ЕАЭС
© Sputnik / Aram Nersesyan
Made in Armenia QR կոդով հողաթափեր` Ռուսաստանի համար

Նրա խոսքով` այդ համակարգը բացառում է անորակ արտադրանքի, անբարեխիղճ մրցակցության առաջացումը և թույլ է տալիս բացառել կեղծ ու ստվերային բիզնեսը:

Նոր ստանդարտից կշահեն սպառողները, տնտեսվարող սուբյեկտներն ու պետությունը։ Արտադրող ընկերությունն արդեն արտադրության պահին որոշում է, թե որ շուկայի համար է նախատեսված ապրանքը։ Եթե իրացումը նախատեսվում է տեղական շուկայում, ապա ապրանքը մակնշվում է համապատասխան կերպով, իսկ ԵԱՏՄ-ի համար՝  անհրաժեշտ QR-կոդով։

Ֆրանսիացին ամուսնացել է հայուհու հետ և Գուգարքում խաղ–գրքեր է ստեղծում երեխաների համար

Այն ստանալու համար ընկերությունը, որին թույլատրված է սերիական արտադրություն ունենալ, դիմում է ազգային օպերատորին, նրանից ստանում է գեներացիայի կոդերը և փակցնում իր ապրանքին: Քննարկվում է մոտ ժամանակներս մակնիշների միավորման հնարավորությունը։

Իսկ օպերատո՞րը

Հայաստանի հեռանկարային տեխնոլոգիաների զարգացման կենտրոնի փոխտնօրեն Լևոն Բաբայանը Sputnik Արմենիայի հետ զրույցում պատմեց, որ 2020 թ․-ի դեկտեմբերին իրենք շահել են մրցույթը, իսկ արդեն մարտի 15-ին փորձնական նախագիծ են գործարկել: Ապրիլի 15-ին կենտրոնը կոդեր է տրամադրել առաջին ապրանքային խմբի՝ Ռուսաստան 160 հազար զույգ կոշիկ արտահանելու համար։

Замдиректора центра развития перспективных технологий Армении Левон Бабаян
© Sputnik / Aram Nersesyan
Замдиректора центра развития перспективных технологий Армении Левон Бабаян

Մակնշում ստանալու համար արտադրողը պայմանագիր է կնքում ազգային օպերատորի հետ։ Դրանից հետո ազգային օպերատորն այն գրանցում է մակնշման համակարգում և տնտեսվարող սուբյեկտին գաղտնաբառ է տալիս:

«Արտադրողը կարող է իր ինտերֆեյսով մուտք գործել համակարգ և գրանցել այն ապրանքային խումբը, որը պատրաստվում է արտադրել և համապատասխանաբար իրացնել ԵԱՏՄ տարածքում։ Եթե, օրինակ, ընկերությունը պատրաստվում է 50 հազար զույգ կոշիկ արտահանել, ապա նույն քանակով մակնշման կոդ է պատվիրում»,-ասաց Բաբայանը։

Նա պարզաբանեց, որ մակնշումը QR կոդ է, որը պարունակում է ապրանքի մասին բոլոր տեղեկությունները: Հատուկ հավելվածի միջոցով այն սկանավորելու դեպքում կարելի է իմանալ, որ ապրանքն արտադրվել է Հայաստանում, այսինչ արտադրողի կողմից, այսինչ գույնի, կնոջ կամ տղամարդու կոշիկ է, ինչ չափի և մի շարք այլ ցուցանիշներ։ Յուրաքանչյուր QR կոդը եզակի է:

321
թեգերը:
արտահանում, բիզնես, Ռուսաստան, Հայաստան, QR կոդ, ապրանքանիշ, Եվրասիական տնտեսական միություն (ԵԱՏՄ)
Ըստ թեմայի
Գներն աճել են, առևտուրը` նվազել. 2021թ–ի կյանքը` թվերով
«Եկամտահարկի վերադարձի չեղարկումը շուկայի վրա կունենա շոկային ազդեցություն». Ապրիյան
Գնաճն է պատճառը. տնտեսագետը բացատրել է, թե ինչի հաշվին են աճել հարկային մուտքերը
Ցեմենտի գործարան

Կառավարությունը փորձում է փրկել «Հրազդանցեմենտը», ԱԺ–ն առաջարկում է չխանգարել մյուսներին

72
(Թարմացված է 14:29 07.05.2021)
Հայաստանում շինարարության ծավալները նվազել են, բայց ցեմենտի արտադրությունն աճել է։ Իշխանությունը չի հերքում` ոլորտում ստվեր եղել է ու կա։

ԵՐԵՎԱՆ, 7 մայիսի – Sputnik. Ցեմենտի արտադրության հումքի` կլինկերի ներկրումն առաջիկայում  մի փոքր կթանկանա։ «Պետական տուրքի մասին» օրենքում փոփոխությունների նախագիծն այսօր Ազգային ժողովում ներկայացնելիս` հայտարարեց ՀՀ էկոնոմիկայի նախարարի պաշտոնակատար Վահան Քերոբյանը։

Նա հիշեցրեց, որ օրենքի փոփոխությունն ուղղված է տեղական ցեմենտի արտադրությունը խթանելուն ու մասնավորապես հայաստանյան արտադրողներից մեկին սնանկացումից փրկելուն։

«Անցած տարի արված փոփոխությունների արդյունքում «Հրազդանցեմենտը» արտադրության ծավալները 3 անգամ ավելացրել է, բայց վնասներն էլ է 3 անգամ ավելացրել։ Իրենց հարկային վնասը 900 մլն դրամից 2.2 մլրդ դրամի է հասել։ Եվ, ըստ էության, այն այսօր գտնվում է սնանկացման եզրին։ Այն առաջարկը, որին մենք համաձայնել ենք, չի փրկելու ընկերությանը»,– ասաց Քերոբյանը`  նշելով, որ հարկավոր է այլ միջոց գտնել  ընկերությունը փրկելու համար։

Հիշեցնենք` կառավարության ներկայացրած նախագծով առաջարկվում էր ցեմենտի տուրքը նախկինում գործող 14 000 դրամից հասցնել 25 000–ի, իսկ ցեմենտի հումքինը՝ կլինկերինը, որն առ այսօր անվճար էր, սահմանել 9 000 դրամ` 1 տոննայի դիմաց:

ԱԺ տնտեսական հարցերի հանձնաժողովում, սակայն, կառավարության առաջարկը չեն ընդունել` մտավախությամբ, որ դա կարող է վնասել տեղական արտադրողներին։

Փոխարենը պատգամավորներն առաջարկում են տուրքերը թողնել նախկին չափերով ու երկարաձգել օրենքի գործողության ժամկետը, քանի որ այն արդեն ավարտվել է 2020թ–ի դեկտեմբերին ու հունվարի 1-ից թե՛ ցեմենտը, թե՛ կլինկերը դարձյալ ներկրվում են անվճար։

«Մենք համոզված ենք, որ ցեմենտի 25000 տուրքը փակելու է իրանական ցեմենտի մուտքը։ Իսկ կլինկերի 9000 տուրքի դեպքում «Շինցեմենտ» ընկերությունն ուղղակի դուրս է մղվելու շուկայից»,– ԱԺ նիստում կարծիք հայտնեց տնտեսական հարցերի հանձնաժողովի նախագահ Բաբկեն Թունյանը։

Ի դեպ, պաշտոնական թվերով` 2020 թվականին Հայաստանում ցեմենտի արտադրության պատկերը հետևյալն է. 500 000 տոննա` «Արարատցեմենտ», 100 000 տոննա՝ «Շինցեմենտ», 100 000 տոննա՝ «Հրազդանցեմենտ», 200 000 տոննա՝ Իրանից ներմուծված ցեմենտ։

«Եթե ուզում ենք «Հրազդանցեմենտը» փրկենք, էկոնոմիկայի նախարարությունն ազատ է փրկության տարբեր ծրագրեր մշակելու հարցում, բայց դա չպիտի խանգարի մյուս ընկերություններին ու շուկայից դուրս թողնի ավելի փոքրերին»,– ասաց Թունյանը։

Պաշտոնական վիճակագրությունը հետաքրքական է նաև այն տեսակետից, որ Հայաստանում շինարարության ծավալները նվազել են, բայց ցեմենտի արտադրությունն աճել է։ Այս առիթով Թունյանը համոզմունք հայտնեց, որ նախկինում այս ոլորտում շատ մեծ ստվեր է եղել, որը կրճատվել է։

Այս դիտարկմանը համաձայնեց նաև Վահան Քերոբյանը, բայց չբացառեց, որ ոլորտում այսօր էլ ստվեր կա։

Made in Armenia QR կոդով հողաթափեր` Ռուսաստանի համար. հայ գործարարների կյանքը հեշտացել է

Այսպես, Հայաստանում ցեմենտի սպառման ծավալները 2018 թվականին կազմել են 727 300 տոննա, որից 546 300 տոննան արտադրվել է Հայաստանում, 181 000 տոննան` ներմուծվել: 2019 թվականին պետտուրքի բարձրացման արդյունքում Հայաստանում արտադրվել  է 582 100 տ` աճելով 11.2%-ով, իսկ 2020-ին՝ 21%-ով։

Հարկային եկամուտները ռեկորդ են սահմանել. Փաշինյանը բացեց խորամանկության գաղտնիքը

72
թեգերը:
Բաբկեն Թունյան, Վահան Քերոբյան, ԱԺ, ցեմենտ, Հայաստան
Արխիվային լուսանկար

Հարկային եկամուտները ռեկորդ են սահմանել. Փաշինյանը բացեց խորամանկության գաղտնիքը

93
(Թարմացված է 13:34 06.05.2021)
Փաշինյանի բնորշմամբ, ապրիլին պատմական մինիմում է գրանցվել նաև գրծարարներին պետւթյան ունեցած պարտքի` ԱԱՀ–ի վերադարձի գծով։

ԵՐԵՎԱՆ, 6 մայիսի – Sputnik. ՀՀ հարկային եկամուտներն ապրիլին ռեկորդ են սահմանել։ Այս մասին այսօր ՀՀ կառավարության նիստում հայտարարեց ՀՀ վարչապետի պաշտոնակատար Նիկոլ Փաշինյանը` միաժամանակ հավելելով, որ դրանում կա մի փոքր խորամանկություն։

«Հիշում եք, որ անցյալ տարի մենք՝ կապված կորոնավիրուսի համավարակի հետ, հնարավորություն տվեցինք հետաձգել շահութահարկի վճարումները։ Եվ այս որոշումը ևս որոշակի ազդեցություն ունեցել է կարգավորւմների վրա, ինչը ոչ թե վատ է իրականում, այլ լավ, որովհետև, ըստ էության, արդարացվել է նախկինում կայացրած մեր որոշումը, և դժվար ժամանակներում մենք հնարավորությւն ենք տվել, որպեսզի այն գումարները, որ պետք է բիզնեսը վճարեր, մնան շրջանառության մեջ և օգնեն ճգնաժամի պայմաններում ավելի բարենպաստ վիճակում գտնվել»,– ասաց Փաշինյանը։

Այսպիսով, ապրիլին հարկային վճարումները` ներառյալ դրոշմանիշային վճարումները, կազմել են շուրջ 180 մլրդ դրամ։
Փաշինյանի բնորշմամբ, ապրիլին պատմական մինիմում է գրանցվել նաև գործարարներին պետության ունեցած պարտքի` ԱԱՀ–ի վերադարձի գծով։ Այն անցած ամսվա տվյալներով կազմում է 67.4 մլրդ դրամ։ Նախկինում ամենացածր ցուցանիշը գրանցվել էր 2020թ–ի օգոստոսին` կազմելով 69 մլրդ դրամ։ Իսկ 2018թ–ին կառավարության պարտքը բիզնեսին կազմում էր 276 մլրդ դրամ։
Փաշինյանը շեշտեց, որ 2 տարվա ընթացքում կառավարությւնը բիզնեսին է վերադարձրել 200 մլրդ դրամ։

Վարչապետի պաշտոնակատարի ներկայացրած հաջորդ ցուցանիշը ապրիլի դրամաշրջանառության ծավալներն են, որոնց համաձայն, վերջին 1 ամսում Հայաստանում 8.8 մլն գործարքով, կամ 26.6 տոկոսով, կամ 130 մլն դրամով գերազանցել են 2019թ–ի ապրիլի ցուցանիշը։

Ապրիլին հավաքագրվել են ռեկորդային հարկային եկամուտներ. Քերոբյանը տվյալներ է հայտնել

Փաշինյանը չբացառեց, որ այս աճի մեջ որոշակի դերակատարություն է ունեցել նաև Հայաստանում գրանցված գնաճը։ Բայց և փաստեց, որ գործարքների թիվը 8.8 մլն հատով ավելի են եղել։

«Կարծում եմ` այս ցուցանիշները վկայում են, որ տնտեսական մեր դինամիկան վերականգնման փուլում է»,– ասաց նա` հավելելով, որ այս տեմպը հարկավոր է պահպանել նաև առաջիկայում։

93
թեգերը:
Նիկոլ Փաշինյան, Հայաստան, հարկեր
Ըստ թեմայի
ՊԵԿ VS ռեստորանատերեր. ինչի՞ համար են «կռվում» հարկայինն ու գործարարները
ՊՆ–ն Հայաստանի երկրորդ խոշոր հարկատուն է. ՀՀ հարկային մուտքերն աճել են 15 միլիարդով
Մարզերում հարկավոր է խթանել բնակարանաշինությունը. Փաշինյանն ասաց` ինչպես
Քիմ Քարդաշյան

Նման է հայի, հիշեցնում է պապիկիս. Քարդաշյանը հրապարակել է 2 տարեկան որդու լուսանկարը

405
(Թարմացված է 00:09 10.05.2021)
Քիմ Քարդաշյանի խոսքով ՝ երկու տարեկան Փսալմը ընտանիքի սիրելին է, որն իրենց կյանքում խաղաղություն է բերել:

ԵՐԵՎԱՆ, 9 մայիսի - Sputnik. Աշխարհահռչակ հեռուստաաստղ Քիմ Քարդաշյանն Instagram-ում շնորհավորել է իր կրտսեր որդու ծննդյան օրը, ով մայիսի 9-ին դարձել է 2 տարեկան։

Посмотреть эту публикацию в Instagram

Публикация от Kim Kardashian West (@kimkardashian)

«Իմ փոքրիկին ես ամենաշատը հայի եմ նմանեցնում։ Նա ինձ չափից շատ հայ է թվում` պապիս պես, և հիշեցնում է հայրիկիս: Նա ամենաքաղցրիկ բալիկն է: Ես նույնիսկ չեմ կարող նկարագրել նրա ժպիտն ու քաղցրությունը»,– գրում է Քարդաշյանը։

Նա նաև նշում է, որ փոքրիկն իրենց ընտանիքին ու իրենց կյանքին հանգստություն և խաղաղություն է բերել:

«Քո բոլոր զարմիկները և եղբայրները շատ են սիրում քեզ: Դու իսկապես մեր ուրախությունն ես: Մայրիկը քեզ շատ է սիրում »,– գրում է նա։ 

«Ուզում եմ անձամբ ձեզ ասել». Քիմ Քարդաշյանն արտասվել է իր շոուի նկարահանման ժամանակ

Հայտնի ռեփեր Քանյե Ուեսթի հետ ամուսնությունից Քիմը 4 երեխա ունի։

Աստղային զույգը պաշտոնապես ամուսնալուծվել է այս տարվա սկզբին:

405
թեգերը:
երեխա, Քիմ Քարդաշյան
Ըստ թեմայի
Քիմ Քարդաշյանը սկսել է հանդիպել CNN-ի լրագրողի հետ. լուսանկար
Քիմ Քարդաշյանը պատասխանել է ՀՀ նախագահի նամակին
Քիմ Քարդաշյանը, Թանկյանը` հանուն հայ երեխաների կրթական հնարավորությունների ընդլայնման