Կանեփ

Կառավարությունը կանաչ լույս է վառում արդյունաբերական կանեփ աճեցնողների համար

120
(Թարմացված է 11:40 29.04.2021)
Համապատասխան փոփոխությունը «Թմրամիջոցների և հոգեմետ (հոգեներգործուն) նյութերի մասին» ՀՀ օրենքում ու մի շարք հարակից օրենքներում այսօր միաձայն հաստատվեց ՀՀ կառավարության նիստում։

ԵՐԵՎԱՆ, 29 ապրիլի – Sputnik. Հայաստանի կառավարությունը որոշել է Հայաստանում թույլատրել արդյունաբերական կանեփ աճեցնելն ու մշակելը։

Համապատասխան փոփոխությունը «Թմրամիջոցների և հոգեմետ (հոգեներգործուն) նյութերի մասին» ՀՀ օրենքում ու մի շարք հարակից օրենքներում այսօր միաձայն հաստատվեց ՀՀ կառավարության նիստում։

ՀՀ փոխվարչապետ Տիգրան Ավինյանը հայտնեց, որ օրենսդրական նոր կարգավորումները վերաբերում են բացառապես արդյունաբերական կանեփի մշակմանը։

«Այս մշակաբույսը կիրառվում է բազմաթիվ արտադրական պրոցեսներում ու ապրանքատեսակներում, ինչպիսիք են` տեքստիլը, ավտոմոբիլային արտադրությունը, կահույքը, թուղթը, շինանյութը, խնամքի պարագաները, բժշկության մեջ է օգտագործվում»,– ասաց Ավինյանը։

Նա նաև հայտնեց, որ արդյունաբերական կանեփի մշակումն այսօր թույլատրված է Եվրոպայում, ՌԴ–ում, ԱՄՆ–ում, Չինաստանում, Իսրայելում, Կանադայում, Ավստրալիայում և այլ երկրներում։

Առաջարկվող կարգավորումներով Հայաստանում թույլատրվելու է կանեփի աճեցումը, մշակումը, արտադրությունը, արտահանումն ու ներմուծումը, ինչպես նաև` մեծածախ առևտուրը` համապատասխան լիցենզիայի առկայության դեպքում։

«Առայժմ միայն մեծածախ առևտրի մասին է խոսքը, քանի դեռ մենք մեր մոտեցումը չենք արտահայտել ներքին շուկայում տվյալ ապրանքատեսակների հետ կապված»,– ասաց Ավինյանը։

Հիշեցնենք,` այն մասին, որ Հայաստանում կանեփի բիզնեսով զբաղվելու հնարավորությունը մեծ հետաքրքրություն է առաջացրել պոտենցիալ ֆերմերների շրջանում, դեռևս ամիսներ առաջ Sputnik Արմենիային հայտնել էր ՀՀ էկոնոմիկայի նախարար Վահան Քերոբյանը։

Նախարարը չէր բացառել, որ տեխնիկական կանեփի առաջին օրինական ցանքատարածությունները Հայաստանում կհայտնվեն արդեն այս գարնանը։

Հայաստանը կանեփ կաճեցնի. համավարակի և պատերազմի տնտեսական շոկերը հաղթահարելու միջոց

Կանեփի շրջանառությունը տարեցտարի մեծ թափ է ստանում համաշխարհային շուկայում։ Այսպես` ԵՄ երկրներում  կանեփի սերմի պահանջարկը 2013 թվականին կազմել է 18 000 տոննա, 2015 թվականին` 21 000 տոննա, ընդ որում, 1 տոննա սերմի արժեքը 2008 թվականին կազմել է 1000 եվրո, իսկ 2015 թվականին այն կրկնապատկվել է` դառնալով 2000 եվրո:

ՄԱԿ-ի Պարենի և գյուղատնտեսության կազմակերպության (FAO) տվյալներով` տեխնիկական կանեփի համաշխարհային առաջատարներն են Հյուսիսային Կորեան, որտեղ ցանքատարածությունները կազմում են ընդհանուր 20 511 հա, Ֆրանսիան` 12 081 հա, Չինաստանը` 12 821 հա, Չիլին` 6 428 հա:

120
թեգերը:
ՀՀ կառավարություն, Տիգրան Ավինյան, կանեփ, Հայաստան
Ըստ թեմայի
Երևանում բնակարանների գները սկսել են իջնել
Հաջորդ շաբաթվանից Հայաստանում կգործեն պատվաստման շարժական թիմեր. նախարար
Կառավարությունը խթանում է ավտոմեքենաների վաճառքը Հայաստանում
Գազալցակայան

Գյումրիում գործող գազալցակայանը 37 միլիոնից ավելի վնաս է պատճառել պետությանը

75
(Թարմացված է 12:25 14.05.2021)
Կազմակերպության տնօրենին առաջադրվել է մեղադրանք: Նախաքննության ընթացքում պարզվել է նաև, որ մեղադրանք առաջադրելուց հետո ընկերության տնօրենը կրկին շարունակել է զբաղվել գազալցավորման գործունեությամբ՝ առանց իրացումների գծով հաշվարկային փաստաթղթեր դուրս գրելու:

ԵՐԵՎԱՆ, 14 մայիսի– Sputnik. Գյումրի քաղաքում գազալցավորման գործունեություն ծավալող տնտեսվարող սուբյեկտը, առանձնապես խոշոր չափով՝ ավելի քան 37 միլիոն դրամ հարկ չվճարելու նպատակով, օրենքով սահմանված կարգով և ժամկետներում հարկային մարմին չի ներկայացրել եկամտային հարկի և սոցիալական վճարի, ԱԱՀ-ի և ակցիզային հարկի միասնական հաշվարկները:  Տեղեկությունը հայտնում են ՀՀ ՊԵԿ տեղեկատվության և հասարակայնության հետ կապերի վարչությունից:

Քրեական գործի նախաքննությամբ պարզվել է, որ հետագայում տնտեսվարողի կողմից կանխամտածված ստեղծվել են նաև անվճարունակության հատկանիշներ, ինչի արդյունքում պետությանը պատճառվել է խոշոր վնաս:

Կազմակերպությունը դեռևս 2019թ.-ին ՀՀ սնանկության դատարանի վճռով ճանաչվել էր սնանկ, ապա սկսվել էր լուծարման վարույթ: Սակայն հակառակ սնանկության գործերով կառավարչի օրինական պահանջների, ընկերությունը շարունակել է դրսևորել հակաօրինական վարքագիծ՝ Գյումրիում զբաղվելով գազալցավորման ծառայությունների մատուցմամբ: Այդ ընթացքում տնտեսվարողի կողմից վաճառված գազի ծավալների վերաբերյալ փաստաթղթեր չեն կազմվել ու հարկային մարմնին չեն ներկայացվել համապատասխան հաշվարկներ՝ խուսափելով առանձնապես խոշոր չափերով` ավելի քան 37 միլիոն 334 հազար ՀՀ դրամ հարկերը պետական բյուջե վճարելուց:

Արդյունքում՝ 2020թ.-ին կազմակերպության տնօրենին ՀՀ քրեական օրենսգրքի 205-րդ հոդվածի 2-րդ մասով առաջադրվել է մեղադրանք: Նախաքննության ընթացքում պարզվել է նաև, որ մեղադրանք առաջադրելուց հետո ընկերության տնօրենը կրկին շարունակել է զբաղվել գազալցավորման գործունեությամբ՝ առանց իրացումների գծով հաշվարկային փաստաթղթեր դուրս գրելու: Ավելին՝ ընկերության գործունեությունը կասեցնելուն ուղղված նախաքննական մարմնի օրինական գործողությունների դեմ կազմակերպության տնօրենը ներկայացրել է գրավոր առարկություններ:

ՊԵԿ-ը կեղծ ձեռնարկատիրությամբ զբաղվելու փորձեր է կանխել

Տնտեսվարող սուբյեկտի հակաօրինական գործունեությունը կանխելու, այդ ընթացքում պետությանը պատճառված վնասի վերջնական չափը պարզելու նպատակով ՊԵԿ քննչական վարչության քննիչի կողմից որոշում է կայացվել առգրավել գազալցակայանի բաշխիչ աշտարակները: Ապամոնտաժել են Գյումրի քաղաքում ապօրինի գործունեություն իրականացնող գազալցակայանի՝ բնական գազի կոմպրեսացված վառելիքի լիցքավորման երկփողանի բաշխիչ աշտարակները, որոնք ճանաչվել են իրեղեն ապացույցներ և տեղափոխվել այլ տարածք:

Կլինի երկնիշ աճ, թե ոչ` ժամանակը ցույց կտա. ՊԵԿ նախագահը հորդորում է սպասել

Քրեական գործի նախաքննությունը շարունակվում է, ձեռնարկվում են անհրաժեշտ միջոցները տնտեսվարող սուբյեկտի կողմից պետությանը պատճառված վնասի վերջնական չափը պարզելու ուղղությամբ:

75
թեգերը:
հարկեր, Պետական տուրք, Հայաստան, Պետական եկամուտների կոմիտե (ՊԵԿ), գազալցակայան, Գյումրի
Ըստ թեմայի
ՊԵԿ-ն ու վարչապետի աշխատակազմը 15 մլն դոլարի պարգևատրում են ստացել. պատգամավոր
ՊԵԿ-ում նախահեղափոխական բացահայտում են արել. մեղավորների շրջանակը պարզվում է
Ինչու են Սյունիքի նախկին մարզպետ Վահե Հակոբյանի կնոջը հրավիրել ՊԵԿ
Արխիվային լուսանկար

Յուղի փոխարինիչով կաթնամթերք արտադրողները ստիպված կլինեն սպառողին հայտնել ճշմարտությունը

96
(Թարմացված է 11:40 13.05.2021)
Մակնշման պահանջը խախտող տնտեսվարողներն առաջին անգամ կզգուշացվեն, երկրորդ անգամ` կտուգանվեն 30 000 դրամով։

ԵՐԵՎԱՆ, 13 մայիսի - Sputnik. Հայաստանում արտադրված յուղային հավելումներով կաթը,մածունը, թթվասերը, պանրը և կաթնամթերքի այլ տեսակները խանութներում պետք է դրված լինեն բնական կաթի յուղով արտադրված ապրանքներից առանձին։ Բացի այդ, դրանց փաթեթավորման վրա տեսանելի տեղում ու ընթեռնելի պետք է գրված լինի` պարունակում է կաթնային յուղի փոխարինիչ։ «Առևտրի և ծառայությունների մասին» օրենքում ՀՀ էկոնոմիկայի նախարարության առաջարկած այս փոփոխությունն այսօր հավանության է արժանացել կառավարության հերթական նիստում` առանց քննարկվելու ու զեկուցվելու։

Բացի այդ, կառավարությունն առաջարկում է նաև փոփոխություններ ու լրացումներ կատարել «Վարչական իրավախախտումների վերաբերյալ» օրենքում։

Ըստ այդմ` մակնշման պահանջը խախտող տնտեսվարողներն առաջին անգամ կզգուշացվեն, երկրորդ անգամ` կտուգանվեն 30 000 դրամով։

Օրենսդրական փաթեթն առաջիկայում կներկայացվի ԱԺ։

Հիշեցնենք` կաթնամթերքի արտադրության ու սպառողներին մոլորեցնելու այս խնդրի լուծման մասին ՀՀ վարչապետը խոսել էր դեռ 2021թ–ի հունվարի 23-ին տեղի ունեցած ՀՀ կառավարության նիստում` հանձնարարելով համատասխան քայլեր ձեռնարկել խնդրի կարգավորման նպատակով։

եղծ ապրանքանիշների վերջը եկել է, բայց դա սպառողի վրա թանկ կնստի. ինչ է փոխվելու սահմանին

96
թեգերը:
Տուգանք, սպառող, արտադրություն, Կաթնամթերք, յուղ
Ըստ թեմայի
«Յուղոտ» տագնապ. ինչպիսի՞ կաթնամթերք կուտենք 2019թ.–ի հուլիսից
«Երևան Սիթի» սուպերմարկետներում անհայտ ծագման կաթնամթերք է վաճառվում
Բարձր հարկը առողջապահական ռիսկեր է առաջացնում. կաթնամթերք արտադրողները` Տիգրան Խաչատրյանին
Հայկական ԱԷԿ

Ատոմակայանի աշխատանքը կանգնեցվեց. այն 141 օր չի աշխատի

17
(Թարմացված է 15:14 15.05.2021)
Արդիականացման պայմանագրի շրջանակում աշխատանքների կազմակերպումն իրականացնում է «Ռուսատոմ Սերվիս» ընկերությունը։

ԵՐԵՎԱՆ, 15 մայիսի- Sputnik. Այսօր հայկական ԱԷԿ-ում մեկնարկել է առանցքային պլանային-նախազգուշացնող վերանորոգումը (ՊՆՎ-2021)՝ կայանի արդիականացման և շահագորժման ժամկետի երկարաձգման նախագծի շրջանակում։ Նման հաղորդագրություն է տարածել Հայկական ԱԷԿ-ը:

Սա նշանակում է, որ հայկական ԱԷԿ-ն այսօրվանից կկանգնեցվի 141 օրով՝ սա ամենաերկարատև պլանային-նախազգուշացնող վերանորոգումն է նախագծի մեկնարկից ի վեր։

«Անցյալ տարին նվիրված էր ՊՆՎ-2021 շրջանակում նորոգման աշխատանքների նախապատրաստմանը․ անցկացվել են անհրաժեշտ բոլոր ստուգումները, մատակարարվել են սարքավորումները, իրականացվել են ռեակտորի ակտիվ գոտու վթարային հովացման համակարգի արդիականացման աշխատանքները։ Հիմնական բոլոր միջոցառումները կիրականացվեն մինչև 2021-ի հոկտեմբերը նեռարյալ»,–ասել է Հայկական ԱԷԿ-ի գլխավոր ինժեներ Արթուր Գրիգորյանը։

Հայաստանն ավելի արդյունավետ ատոմակայան կունենա

Այս տարի լրանում է Հայկական ԱԷԿ-ի երկրորդ էներգաբլոկի աշխատանքի մեկնարկի 45-ամյակը՝ 45 տարի առաջ այն միացել է էներգահամակարգին։ Ի դեպ, արդիականացումից հետո այն հնարավոր կլինի շահագործել առնվազն մինչև 2036 թվականը։

«Աշխատանքներն իրականացնելու նպատակով կայան է ժամանել ռուսաստանցի 120 մասնագետ։ Այս տարվա ընթացքում, նորոգման ժամանակահատվածում, Ռուսաստանից կներգրավվի շուրջ 350 ատոմագործ։ Սա Հայաստանի ատոմային էներգետիկայի զարգացման կարևոր փուլ է, և ուրախ ենք մասնակցել այս իրադարձությանը և օգնել մեր ընկերներին կերտել Հայաստանի ատոմային ոլորտի պատմությունը»,–ասել է Յուրի Սվիրիդենկոն ՝ հայկական ԱԷԿ-ի շահագորժման ժամկետի երկարացման նախագծի ղեկավարը ռուսական կողմից:

Նշենք, որ արդիականացման պայմանագրի շրջանակում աշխատանքների կազմակերպումն իրականացնում է «Ռուսատոմ Սերվիս» ընկերությունը։

Չեռնոբիլի աղետից անցել է 35 տարի. որքանո՞վ է անվտանգ Մեծամորի ատոմակայանը

17
թեգերը:
Ռուսաստան, Հայաստան, ատոմակայան
Ըստ թեմայի
Նոր ատոմակայանի, նոր պղնձաձուլարանի ու երկաթուղու բացումը մեկ շղթայի օղակներ են. Փաշինյան
ՌԴ դեսպանը մեկնաբանել է Հայաստանում երկրորդ ատոմակայան կառուցելու հնարավորությունը
Մեծամորի էներգետիկները կուսումնասիրեն ռուսական ատոմակայանների փորձը