Արխիվային լուսանկար

Թուրքական լոլիկի փոխարեն՝ իրանական․ գյուղացիներն օգնություն են խնդրում իշխանությունից

373
(Թարմացված է 22:18 02.04.2021)
Թուրքական բանջարեղենի փոխարեն մեծ ծավալով իրանական բանջարեղեն է սկսել մատակարարվել Հայաստան։ Այն շուկայում ավելի էժան է վաճառվում, քանի որ աճեցվում է Իրանի հարավային շրջաններում՝ առանց ջերմոցների ու գազի (ի տարբերութուն հայկականի)։

Արամ Գարեգինյան, Sputnik Արմենիա

Հայաստան թուրքական լոլիկ այլևս չի ներմուծվում, դրա փոխարեն հանրապետություն ակտիվորեն սկսել են լոլիկ մատակարարել Իրանից։

2021 թվականի հունվարի 1-ից թուրքական ապրանքների ներմուծումը Հայաստան արգելվել է։ Շուկայի մասնակիցների խոսքով` իրենք տեղեկություն չունեն, որ թուրքական ջերմոցային բանջարեղենը ներմուծվում է ապօրինի ճանապարհով։

«Մենք նման տեղեկություն չունենք, նման որևէ բանի մասին չեմ լսել։ Նույնիսկ եթե այդ լոլիկները ձևակերպեն որպես ոչ թուրքական, այլ ասենք, վրացական, ապրանքի ծագումը միևնույնն է` շատ հեշտ է պարզել։ Այդ մասին գիտեն և՛ մաքսային ծառայության աշխատակիցները, և բուսասանիտարական վերահսկողություն իրականացնողները», - Sputnik Արմենիայի հետ զրույցում նշեց «Սպայկա» ընկերության նախագծերի կառավարման բաժնի ղեկավար Կարեն Բաղդասարյանը։

Ամռանը հայկական միրգն ու բանջարեղենը բավականին էժան է, որպեսզի մրցի ներմուծածի հետ։ Սակայն գարնանը մրցակցությունը սրվում է։ Այդ ժամանակահատվածում շուկայում վաճառվում է ոչ թե դաշտային, այլ ջերմոցային բանջարեղեն։ Իսկ Թուրքիայում և Իրանում դրանք աճեցնելն ավելի էժան է, քանի որ այդ երկրների հարավային շրջաններում նույնիսկ ձմռանը կարելի է բանջարեղեն աճեցնել դաշտերում, առանց ջերմոցների և ջեռուցման ծախսերի։

Նախկինում թուրքական ջերմոցային բանջարեղենը «գցում» էր հայկականի գինը (առավել ևս, որ ներկրողերը միշտ չէ, որ վճարում էին սահմանված մաքսատուրքերը)։ Այժմ դրա տեղը սկսում է զբաղեցնել իրանական բանջարեղենը։ Բոլոր տուրքերը վճարվում են, սակայն նույնիսկ այդ պարագայում դրանք այնքան էժան են, որ բոլոր վճարներով ու տեղափոխման ծախսերով հանդերձ, տեղականից 30-40% էժան են ստացվում։

Մեղրիում՝ Հայաստան մուտք գործելիս, իրանական լոլիկի 1 կիլոգրամը կարող է մոտ 200 դրամ արժենալ, ինչն անհավանական էժան է հայկական ջերմոցային բանջարեղենի համար։ Նույնիսկ մաքսատուրքերն ու տեղափոխման ծախսերը վճարելով՝ մեծածախ վաճառքի շուկաներում դրանց գինը մոտ 400 դրամ է։ Ընդ որում, դրանց որակը ևս չի զիջում։

«Մեյմանդարի շուկայում (Հովտաշատ գյուղ, – խմբ․) դրանք այդքան արժեն։ Մեր գյուղացին նման գին պարզապես չի կարող ստանալ։ Ստիպված էժանացնում են ապրանքը, իսկ այդ պարագայում գազի պարտքերը մարելը դժվարանում է», - Sputnik Արմենիայի հետ զրույցում ասաց ՀՀ ջերմատնային ասոցիացիայի նախագահ Պողոս Գևորգյանը։

Նույնիսկ գազի իջեցված սակագինը, որից օգտվում են ջերմոցատերերը, նրանց թույլ չի տալիս ազատ մրցակցել իրանական ներմուծման հետ, հավելեց նա։

Իսկ նրանց համար մեկ է․ թուրքական լոլիկն առաջվա պես գալիս է Հայաստանի մեծածախ շուկաներ

Արդյունքում ջերմոցային խոշոր տնտեսություններն ավելի թանկ լոլիկը Ռուսաստան են ուղարկում, իսկ միջինն ու էժանները` վաճառում Հայաստանում, ու այդպիսի բերքը ստիպված պետք է մրցակցի ներմուծածի հետ։

Հայաստանի մասշտաբով ներմուծվող բանջարեղենի ծավալներն այդքան էլ քիչ չեն․ հունվար-փետրվարին հանրապետություն շուրջ 200 տոննա լոլիկ է ներկրվել, վարունգ՝ 400 տոննայից մի փոքր ավել, սմբուկ և պղպեղ՝ ևս մի քանի տասնյակ տոննա։ Ավելին, ներկրվող բանջարեղենը «գցում» է տեղական ջերմոցային բանջարեղենի գինը շուկայում և տեղի ջերմոցատերերին ստիպում աշխատել նվազագույն եկամտով կամ էլ ընդհանրապես եկամուտ չունենալ։

Ջերմատնային ասոցիացիան և Ագրոարդյունաբերական համակարգի աշխատողների արհեստակցական կազմակերպությունների ճյուղային հանրապետական միությունը աջակցության գրավոր խնդրանքով որոշել են դիմել ՀՀ էկոնոմիկայի նախարար Վահան Քերոբյանին։ 

«Մեր նպատակը տեղի գյուղացիներին պաշտպանելն է։ Վտանգ կա, որ նման բարդ պայմաններում գյուղատնտեսությամբ զբաղվելը կարող է շահավետ չլինել, և ջերմոցները կսկսեն փակվել։ Բայց չէ՞ որ դրանք աշխատատեղեր են ստեղծում և՛ նույն գյուղացու, և՛ շատ դեպքերում` նրանց համագյուղացիների, նրանց հարևանների համար։ Ի վերջո, դա պարենամթերքի սեփական արտադրություն է։ Որքան այն քիչ է, այնքան պակաս ինքնաբավ է երկիրը, և մենք ենք խոցելի», - Sputnik Արմենիայի հետ զրույցում նշեց ՀՀ ագրոարդյունաբերական համակարգի աշխատողների արհեստակցական կազմակերպությունների ճյուղային հանրապետական միության նախագահ Հասմիկ Ջհանգիրյանը։

Նախարարի անունով նամակը մտադիր են ուղարկել առաջիկայում։

Հայկական հեղափոխությունը կհասնի կովերին ու լոլիկներին. գյուղացին պետք է իմանա իր պլանները

373
թեգերը:
ջերմոց, գյուղացի, Թուրքիա, Հայաստան, լոլիկ, պոմիդոր
Ըստ թեմայի
Լուն ուղտ դարձնել, կամ ինչպես պակիստանյան մանդարինները աղմուկ բարձրացրին Հայաստանում
Գյուղացիները ճանապարհներն այլևս չե՞ն փակի. Փաշինյանը վստահեցնում է` ջուր շատ կա
Թուրքիայից Հայաստան ոչ միայն լոլիկ ու վարունգ է ներկրել, այլ նաև ծիրան. «Ժողովուրդ»
Թուրքիայի և ԵԱՏՄ–ի միջև առևտուրը չի խանգարի Հայաստանին ու Ղրղզստանին. Գլազև
Սուպերմարկատ

ԵԱՏՄ–ում նախագիծ են մշակում պարենի դեֆիցիտի դեմ արագ պայքարելու համար

29
(Թարմացված է 19:54 16.04.2021)
Եթե ԵԱՏՄ որևէ երկրում այս կամ այն սննդամթերքի հետ կապված դեֆիցիտ առաջանա, համակարգը թույլ կտա որոշել, թե ինչպես այն կարելի է արագ մատակարարել։

ԵՐԵՎԱՆ, 16 ապրիլի – Sputnik. Մինչև տարեվերջ Եվրասիական հանձնաժողովը մեծածախ բաշխման միասնական կենտրոնի նախագիծ կկազմի։  Այդ մասին Sputnik մուլտիմեդիոն մամուլի կենտրոնում տեղի ունեցած տեսակամրջի ժամանակ հայտարարեց Եվրասիական տնտեսական հանձնաժողովի արդյունաբերության և ագրոարդյունաբերական համալիրի հարցերով կոլեգիայի անդամ (նախարար) Արտակ Քամալյանը։

Կենտրոնի ստեղծման գաղափարը Ղազախստանի իշխանություններինն է, այժմ ԵԱՏՄ մյուս երկրներն այն ակտիվ քննարկում են։ Եվրասիական զարգացման բանկի աջակցմամբ այդ կենտրոնի համար տեխնիկական առաջադրանք է կազմվում։

Կորոնավիրուսի համավարակի պատճառով լոգիստիկայի հետ կապված որոշակի բարդություններ են առաջացել, և տարբեր երկրներում այս կամ այն պարենամթերքի կարճաժամկետ դեֆիցիտ է նկատվել։ Մեծածախ կենտրոնը կօգնի օպտիմալ երթուղի կազմել այդ մթերքների մատակարարման համար, ընդգծեց Քամալյանը։

Խոսքը ոչ այնքան նոր պահեստների կառուցման, որքան միասնական համակարգի մեջ գործող կառույցների միավորման մասին է։ Այն թույլ կտա պարզել, թե ինչպես ավելի արագ մատակարարել անհրաժեշտ ապրանքները, բացատրեց Քամալյանը։

Այդ կենտրոնից կկարողանան օգտվել ոչ միայն խոշոր ընկերությունները, այլև մեծ ու միջին բիզնեսը։

Օպտիմալ երթուղին կկրճատի նրանց լոգիստիկ ծախսերը։  Իսկ փոքր ընկերությունների և հատկապես գյուղացիական տնտեսությունների համար դա հատկապես կարևոր է վաճառքի և արտահանման առումով, ընդգծեց ԵՏՀ նախարարը։

Երևանը չի բացառում, որ ԵԱՏՄ նիստին Ադրբեջանի մասնակցությանը պայման կդնի գերիների հարցը

Նշենք, որ կորոնավիրուսի համավարակի մեկնարկից հետո շատ երկրներ սահմանափակեցին  սննդի արդյունաբերության համար ռազմավարական նշանակություն ունեցող ապրանքների արտահանումը: Հատկապես դա վերաբերում է արտադրության միջոցներին։  Այսպես` Հայաստանի թռչնաբուծարանները երկար ժամանակ չէին կարող ածան հավեր գնել ձվի արտադրությունն ապահովելու համար։

29
թեգերը:
Արտակ Քամալյան, մթերք, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
ԵԱՏՄ երկրներում հնարավոր է` սպիտակ շաքարի ներմուծման մաքսատուրքը մի քանի ամսով վերացվի
Որո՞նք են ԵԱՏՄ երկրների զարգացման առաջնահերթ ուղղությունները
Հայաստանը պետք է օգտագործի վետոյի իրավունքը. ԵԱՏՄ–ին Ադրբեջանի անդամակցելը մեզ ոչինչ չի տա
Գործարան

ԵԱՏՄ արդյունաբերական ինտեգրացիայի քարտեզը պատրաստ կլինի 2021թ․-ի վերջին

35
(Թարմացված է 18:05 16.04.2021)
Էլեկտրոնային քարտեզի վրա մանրամասն նշված կլինեն ԵԱՏՄ բոլոր երկրների արդյունաբերական հզորությունները:

ԵՐԵՎԱՆ, 16 ապրիլի – Sputnik. Եվրասիական միության արդյունաբերական ինտեգրման քարտեզը պատրաստ կլինի 2021 թ.-ի վերջին։ Sputnik միջազգային մուլտիմեդիոն կենտրոնում կայացած տեսակամուրջի ժամանակ հայտարարեց Եվրասիական տնտեսական հանձնաժողովի արդյունաբերության և ագրոարդյունաբերության հարցերի նախարար Արտակ Քամալյանը։

Նրա խոսքով՝ քարտեզի վրա մանրամասն նշված կլինեն Եվրասիական միության բոլոր հինգ երկրների ձեռնարկությունների արտադրական հզորությունները: Նշվելու է նաև այն, թե ԵԱՏՄ պետությունների որ ձեռնարկությունների և ընկերությունների հետ նրանք կարող են արտադրական շղթաներ կազմել։

«Մեր ձեռնարկությունները, այդ թվում՝ փոքր և միջին, կկարողանան գտնել իրենց պետք եղած բոլոր տեղեկությունները»,-վստահեցրեց Քամալյանը։

Կստեղծվի նաև ԵԱՏՄ ագրոարդյունաբերության քարտեզ՝ ֆերմերային տնտեսությունների և գյուղատնտեսական արտադրանքի վերամշակման գործարանների համար:

«Այսօրվա դրությամբ ագրոարդյունաբերական քարտեզում ընդգրկված է ավելի քան 70 մլրդ դոլարի 70 տարբեր նախագիծ, իսկ արդյունաբերական քարտեզում՝ ավելի քան 300 մլրդ դոլարի 180 նախագիծ»,- ասաց Քամալյանը։

Նա նաև հիշեցրեց, որ արդյունաբերական ինտեգրմանն աջակցելու համար Եվրասիական ինտեգրացիոն հիմնադրամ է ստեղծվել։

Առայժմ կոնկրետ նախագծերի ֆինանսավորման համար միջոցներն այնքան էլ շատ չեն, բայց հնարավորության դեպքում Քամալյանի գերատեսչությունը նրանց համար արտոնյալ ֆինանսավորման ուղիներ կփնտրի։

Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թ․-ի հունվարի 1-ից: Միության մասնակիցներն են Ռուսաստանը, Հայաստանը, Բելառուսը, Ղազախստանը և Ղրղզստանը:

Որո՞նք են ԵԱՏՄ երկրների զարգացման առաջնահերթ ուղղությունները

35
թեգերը:
քարտեզ, Եվրասիական տնտեսական միություն (ԵԱՏՄ), Հայաստան
Ըստ թեմայի
ԵԱՏՄ երկրների համար. Ռուսաստանը ձևավորում է նոր պատվերներ SSJ ինքնաթիռների համար
Թուրքիան հանվել է ԵԱՏՄ արտոնություններից օգտվող երկրների ցանկից
Հայաստանը կարող է հանդես գալ շահողի դերում. Ոսկանյանը` Իրանի ԵԱՏՄ–ին անդամակցելու մասին
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը