Ալավերդու պղնձաձուլարանում

ԲՀԿ-ական պատգամավորը քննադատել է Փաշինյանի հայտարարությունը պղնձաձուլարանի մասին

109
(Թարմացված է 22:38 28.03.2021)
Փաշինյանը Արմավիրի մարզում քաղաքացիների հետ հանդիպման ժամանակ ասել է, որ ապաշրջափակման շնորհիվ Հայաստանում կարող է պղնձաձուլարան աշխատել։

ԵՐԵՎԱՆ, 28 մարտի — Sputnik. Վարչապետ Նիկոլ Փաշինյանը թյուրիմացության մեջ է՝ պղնձաձուլարանի շահագործումը կապելով ապաշրջափակման հետ։ Այս մասին գրել է ԲՀԿ-ական պատգամավոր Միքայել Մելքումյանը։

«Այսօր լսեցի երկրի բարձրագույն պաշտոնյայի ելույթը հանրապետության մարզերից մեկում հանրահավաքի ժամանակ առ այն, որ Հայաստանի Հանրապետությունում կան պղնձի հանքաքարի խոշոր պաշարներ, և մեզ պետք է պղնձաձուլարան։ Նա պղնձաձուլարանի բացումը կապում է երկաթուղու հետ։ Ասեմ, որ պարտադիր չէ, որովհետև, ինչպես միշտ, որևէ մասնագիտական հաշվարկ նրա կողմից չբերվեց։ Օրինակ, որքա՞ն պղնձի խտանյութ և որքա՞ն մաքուր պղինձ է հնարավոր ստանալ մեր երկրում»,- գրել է պատգամավորը։

Նրա խոսքով՝ պղինձը Ալավերդուց Գավառի «Գեղամա» կամ Երևանի կաբելի գործարան կարելի է հասցնել ոչ միայն երկաթուղով կամ ներքին երկաթուղով։

«Հիմնավորել պղնձաձուլարանի կառուցումը միայն ապաշրջափակմամբ՝ նշանակում է, մեղմ ասած, խորամուխ չլինել խնդրի էության մեջ»,- գրել է Մելքումյանը։

Նա ներկայացրել է իր «Նոր պղնձաձուլական ձեռնարկության կառուցումը Հայաստանում հրամայական է» վերնագրով հոդվածը, գրված 2017-ին։

Հաղորդակցությունների ապաշրջափակումը ձեռնտու կլինի, եթե դա անեն բոլորը․ Թավադյան

«Հանրապետությունում արդյունահանվում է շուրջ 45 մլն տոննա մետաղական հանքանյութ, որից ստանում ենք շուրջ 420 հազար տոննա պղնձի խտանյութ և 10 հազար տոննա մոլիբդենի խտանյութ։ Այդ 420 հազար տոննա պղնձի խտանյութից կարելի է ստանալ ընդամենը 100 հազար տոննա մաքուր պղինձ։ Ինչ վերաբերում է ծծմբաթթվին, պղնձի խտանյութի ձուլման ժամանակ ոչ թե միանգամից առաջանում է ծծմբաթթու, այլ առաջանում են ծծմբային գազեր, որոնք կարելի է կորզել և ստանալ ծծմբաթթու։ 100 հազար տոննա պղնձի հաշվարկով ստացվող ծծմբաթթվի ծավալը հարաբերականորեն մեծ չէ։ Դրանից կարելի է ստանալ գիպս և այլ նյութեր, գիպսից՝ գիպսակարտոն և այլն», - գրված է նյութում։

Նշենք, որ Նիկոլ Փաշինյանը արդեն սկսել է մարզային այցերը, եղել է Արագածոտնում ու Արմավիրում։ Ընդդիմադիրներն ու իրավապաշտպանները դա համարում են չհայտարարված նախընտրական քարոզարշավի մեկնարկ ու վարչական ռեսուրսի չարաշահում․ Հայաստանում հունիսի 20-ին նախատեսված ընտրությունների քարոզարշավը պաշտոնապես կսկսվի հունիսի սկզբին։

109
թեգերը:
ապաշրջափակում, գործարան, Պղինձ
Ըստ թեմայի
Ապաշրջափակում չի կարող լինել, քանի դեռ գերիների հարցը չի լուծվել․ փորձագետ
Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից
«Ապաշրջափակման» անվան տակ Թուրքիան իրագործում է Թուրանի գաղափարը. Բոստանջյան
Նիկոլ Փաշինյան, Ատոմ Ջանջուղազյան. արխիվային լուսանկար

Պարտքն անցել է 63 %-ից, դեֆիցիտը`կրկնակի ավելացել. գործադիրը հաստատեց բյուջեի կատարողականը

87
(Թարմացված է 12:15 22.04.2021)
Ֆինանսների նախարար Ատոմ Ջանջուղազյանը, ներկայացնելով բյուջեի կատարման տարեկան հաշվետվության նախագիծը, նշեց, որ 2019թ–ի տնտեսական ցուցանիշների շնորհիվ Հայաստանը 2020թ–ին կարողացել է դիմակայել կորոնավիրուսի համավարակի և Արցախյան 44-օրյա պատերազմի տնտեսական հետևանքներին։

ԵՐԵՎԱՆ, 22 ապրիլի - Sputnik. Հայաստանի Հանրապետության 2020 թվականի պետական բյուջեի եկամուտները կազմել են 1 560 655 340 800 դրամ, ծախսերը` 1 894 647 093 400 դրամ, բյուջեի դեֆիցիտը` 333 991 752 600 դրամ:

Այս ցուցանիշներն այսօր հաստատվել են ՀՀ կադրավորման նիստում հավանության արժանացած 2020 թվականի պետական բյուջեի կատարման տարեկան հաշվետվության մեջ:

ՀՀ ֆինանսների նախարար Ատոմ Ջանջուղազյանը, ներկայացնելով բյուջեի կատարման տարեկան հաշվետվության նախագիծը, նշեց, որ 2019թ.–ի տնտեսական ցուցանիշների շնորհիվ Հայաստանը 2020թ–ին կարողացել է դիմակայել կորոնավիրուսի համավարակի ու Արցախյան 44-օրյա պատերազմի տնտեսական հետևանքներին։

«Արդյունքում մենք ունեցանք ավելի մեծ դեֆիցիտ, քան ի սկզբանե նախատեսված էր։ Բյուջեով նախատեսված էր մոտավորապես 161 մլն դրամ, փաստացի մենք ունեցանք շուրջ 334 մլն դրամ»,– ասաց Ջանջուղազյանը` շեշտելով, որ սա այն գինն է, որը կառավարությունը վճարել է կորոնավիրուսի համավարակի ու պատերազմի տնտեսական հետևանքները մեղմելու համար։

Ավելացել է նաև կառավարության պարտքը։ 2020թ–ին կառավարության պարտք–ՀՆԱ հարաբերակցությունը կազմել է 63.5 տոկոս, այն դեպքում, երբ 60 տոկոսը համարվում է արդեն ռիսկային ցուցանիշ պետության համար։

Ֆինանսների նախարարն արձանագրեց, որ կառավարությունը պետք է ձգտի առաջիկա 5 տարիներին վերադառնա 60 տոկոսից  ցածր շեմին։

Ռուսաստանի տնտեսության վերելքը ձեռնտու է Հայաստանին. փորձագետը` Պուտինի ուղերձի մասին

Իսկ բյուջեի կատարողականը, չնայած այս բոլոր ցուցանիշների փոփոխություններին, կառավարությունը հաստատեց և առաջիկայում` մինչև մայիսի 1-ը կներկայացնի նաև ԱԺ–ի քննարկմանը։ Բանն այն է, որ ՀՀ սահմանադրական և «Հայաստանի Հանրապետության բյուջետային համակարգի մասին» օրենքի համաձայն կառավարությունը յուրաքանչյուր տարվա պետական բյուջեի կատարման մասին տարեկան հաշվետվությունը ՀՀ Ազգային ժողով է ներկայացնում մինչև հաջորդ տարվա մայիսի 1-ը:

87
թեգերը:
տնտեսություն, Ատոմ Ջանջուղազյան, բյուջե, Հայաստան
Ըստ թեմայի
Շիրակում կեղծ դիպլոմներ են տվել, երեխաներին հիվանդանոցում գրանցել և բյուջեից փող հափշտակել
Հայոց եղեռնի հիշատակի ռեքվիեմները բյուջեով չեն նախատեսվել. գործադիրն ուղղում է սխալը
Որքան գումար է կորցնում ՀՀ բյուջեն Ամանորի պատճառով
Նիկոլ Փաշինյան, արխիվային լուսանկար

Տնտեսության վերականգնման հերթական ազդակն ենք ստացել. Փաշինյան

55
(Թարմացված է 11:26 22.04.2021)
Անցյալ տարվա համեմատ ՀՀ–ում գրանցված աշխատատեղերն ավելացել են 2500–ով։ ՀՀ ՊԵԿ նախագահը ներկայացրեց, թե ինչպես են բացահայտել ստվերում աշխատողներին։

ԵՐԵՎԱՆ, 22 ապրիլի - Sputnik. ՀՀ կառավարության այսօրվա նիստը վարչապետ Նիկոլ Փաշինյանը սկսեց ՀՀ տնտեսության վերականգնման մասին հերթական վիճակագրության ներկայացմամբ։

«Մենք տնտեսության վերականգնման հերթական ազդակն ենք ստացել և ըստ էության կարող ենք արձանագրել, որ 2021թ–ի մարտին եկամուտ ու աշխատավարձ ունեցող աշխատատեղերի աճ ենք ունեցել»,– ասաց նա։

ՀՀ ՊԵԿ նախագահ Էդվարդ Հովհաննիսյանն էլ  հայտնեց, որ անցյալ տարվա համեմատ աշխատատեղերն ավելացել են 2500–ով, իսկ 2019-ի համեմատ 3800–ով։

«Հարկման բազան կազմել է ավելի քան 31 մլրդ դրամ։ Այդ ցուցանիշը 2020թ.–ի համեմատ ավել է 7.5 մլրդ–ով, իսկ 2019-ի համեմատ` 24 մլրդ–ով»,– ասաց Հովհաննիսյանը։

 ՊԵԿ նախագահը նշեց, որ ուսումնասիրության արդյունքում պարզվել է, որ նշված աշխատատեղերի թվում կան ինչպես ստվերից դուրս եկածները, այնպես էլ  նոր բացվածները։

Ընդ որում, ստվերի հատվածը, նրա խոսքով, բավական մեծ է։

Ռուսաստանի տնտեսության վերելքը ձեռնտու է Հայաստանին. փորձագետը` Պուտինի ուղերձի մասին

«Վերջերս ընդամենը մի վարժության ընթացքում ներկայացվեց 200 աշխատատեղի գրանցման հայտ։ Վերլուծական վարչությունն ուսումնասիրել էր այն ԱՁ–երին, ովքեր միաժամանակ այլ հարկ վճարողի մոտ հանդիսանում էին վարձու աշխատող։ Նրանց ծանուցումներ ուղարկվեցին, քանի որ ֆիզիկական անձ ԱՁ–ն չէր կարող աշխատել այլ ձեռնարկատիրոջ մոտ և միաժամանակ իր գործունեությունն իրականացնել։ Այդ վարժության ընթացքում ընդամենը 1 օրում 200 գրանցման հայտ ստացվեց»,– ասաց Հովհաննիսյանը։

2021թ–ի մարտին ՀՀ–ում գրանցված աշխատողների թիվը շուրջ 622 000 է։

55
թեգերը:
աշխատատեղ, տնտեսություն, Հայաստան, Նիկոլ Փաշինյան
Ըստ թեմայի
Կարո՞ղ է արդյոք տնտեսությունը երկնիշ թվով աճել, եթե առաջին եռամսյակում ունենք էական անկում
Ոսկին կիսել թշնամու հետ. ինչպես են ապրում Սոթքի հանքի աշխատակիցներն ու գյուղի բնակիչները
Մանկապարտեզների սահմանափակումները մոռացե՞լ են հանել. ծնողները չեն կարողանում աշխատել
Շուռնուխ. արխիվային լուսանկար

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

35
(Թարմացված է 14:58 22.04.2021)
ՀՀ Քննչական կոմիտեից Sputnik Արմենիային հայտնեցին, թե ինչ գործի շրջանակներում է բերման ենթարկվել Շուռնուխի բնակիչ Արարատ Աղաբեկյանը։

ԵՐԵՎԱՆ, 22 ապրիլի - Sputnik. Համացանցում տեսանյութ է տարածվել այն մասին, թե ինչպես են ոստիկանության Սյունիքի բաժնի աշխատակիցները ՀՀ քննչական կոմիտե բերման ենթարկում առողջական խնդիր ունեցող շուռնուխցուն, որը ներկայանում է Արարատ Աղաբեկյան անուն–ազգանունով։

50-60 տարեան տղամարդը տեսանյութում ոստիկաններին հայտնում է, որ բարձր ջերմություն ունի, թոքաբորբով հիվանդ է ու տնից դուրս գալիս դեղերը չի վերցրել։

«Այս ամեն ինչի հետ ես ի՞նչ կապ ունեմ, չեմ հասկանում։ Մինչև էդ էլ տանը տաքություն ունեի, մեռնում էի։ Էսօր էլ պիտի կորոնայի թեստ հանձնեի»,– քննիչներին ասում է տղամարդը։

Տեսանյութում երևում է, որ բերման ենթարկվող քաղաքացին դժվարությամբ է շնչում ու չի կարողանում կանգնել կամ ուղիղ նստել աթոռին։

Չնայած դրան, ոստիկանները նրան բաժանմունք են բերում ձեռնաշղթաներով։

Տեսանյութը նկարահանող կինը ոստիկաններին ներկայանում է որպես իրավապաշտպան ու պահանջում, որ նրանք շտապօգնություն կանչեն։

ՀՀ Քննչական կոմիտեից Sputnik Արմենիային հայտնեցին, որ Արարատ Աղաբեկյանը բերման է ենթարկվել ՀՀ Քրեական օրենսգրքի 258 հոդվածի (խուլիգանություն) 1-ին և 3-րդ և 316 (Իշխանության ներկայացուցչի նկատմամբ բռնություն գործադրելը) հոդվածի 1-ին մասով ՔԿ–ում հարուցված քրեական գործի շրջանակներում։

Թե քրեաիրավական ինչ կարգավիճակ ունի շուռնուխցի տղամարդը, ՔԿ–ում առայժմ չեն հստակեցնում։

Ինչպես արդեն հայտնել էինք, Մեղրիի համայնքապետ Մխիթար Զաքարյանին նույնպես ոստիկանները գիշերը բերման են ենթարկել Երևան։

Քննչական կոմիտեից Sputnik Արմենիային հայտնել էին, որ նրա նկատմամբ քրեական գործ է հարուցվել ՀՀ քրեական օրենսգրքի 258-րդ հոդվածի 1-ին մասի, 258-րդ հոդվածի 3-րդ մասի (խուլիգանություն) և 316-րդ հոդվածի հատկանիշներով (իշխանության ներկայացուցչի նկատմամբ բռնություն գործադրելը):

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

Քաջարանի բնակիչները մերժեցին Փաշինյանին

35
թեգերը:
Սյունիք, Նիկոլ Փաշինյան, Քննչական կոմիտե, գյուղացի, Շուռնուխ