Արխիվային լուսանկար

Նախորդ տարվա ձվի թանկացման տուգանքը դեռ չվճարած` արտադրողները նոր «խաղեր» են սկսել

231
(Թարմացված է 21:20 27.03.2021)
Իրենց նախորդ տարվա արարքի դիմաց դեռ չվճարած խոշոր արտադրողները Հայաստանի ձվի շուկայում այսօր նոր իրարանցում են առաջացրել:

ԵՐԵՎԱՆ, 27 մարտի - Sputnik. Եթե «ճտերն աշնանն են հաշվում», ապա ձվերը Հայաստանում, որպես կանոն, հաշվում են տարվա մեջ առնվազն երկու անգամ՝ գարնանը՝ Զատիկից առաջ, ու ձմռանը՝ Նոր տարուն ընդառաջ:

Մեկ շաբաթից Զատիկ է, ու դարձյալ հայ սպառողի ամենօրյա խոսակցության թեման ձվի` օր օրի թանկացող գինն է:

Այս երևույթը, ինչպես արդեն հայտնի է, չի վրիպել նաև պետական մարմինների ուշադրությունից: Տեսչական մարմինները Տնտեսական մրցակցության պետական հանձնաժողովի հետ որոշել են լրջորեն զբաղվել այս շուկայով:

Մարտի 25-ին ՏՄՊՊՀ-ն հայտարարեց, որ ամեն օր մշտադիտարկում են իրականացնում խոշոր առևտրային ցանցերում, պաշտոնական հարցումներ են ուղարկվել ձվի արտադրությամբ զբաղվող խոշոր տնտեսվարող սուբյեկտներին ու առևտրային ցանցերին, նաև պատրաստվում են անձամբ հանդիպել առևտրային ցանցերի ղեկավարների հետ:

Բայց մինչ պետական կառույցները փաստեր կհավաքեն, կուսումնասիրեն ու գուցե նաև որոշեն տուգանել ձվի անբարեխիղճ արտադրողներին, նրանք արդեն եկեղեցական տոնի առիթով հայ սպառողին «թալանած» կլինեն, իրենց անբարեխիղճ մրցակցության արդյունքներն էլ` վայելած:

Նոր տարվա ձվի փողը բյուջե դեռ չի հասել

Ասվածը զուտ ենթադրություն չէ, այլ արված է բավական լուրջ հիմքի վրա:

Այս օրերին հաճախ ենք հիշել, որ ձվի ոլորտի խոշոր ձեռնարկություններին ՏՄՊՊՀ-ն ընդամենը 3 ամիս առաջ էր տուգանել, երբ Նոր տարուց առաջ պարզել էր, որ ձվի գնի տատանումները ոչ թե շուկայի կանոնների, այլ հակամրցակցային համաձայնության հետևանք են:

Եվ, այսպես, դեկտեմբերի 15-ի որոշմամբ, ՏՄՊՊՀ-ն ձվի շուկայում աշխատող 7 ընկերությունների մեղադրել էր հակամրցակցային համաձայնություն կնքելու մեջ ու բոլորին միասին 103 մլն դրամով տուգանելու որոշում կայացրել՝ յուրաքանչյուրին իր նախորդ տարվա եկամտի չափին համապատասխան («Վարիանտ Գրուպ»` 2 016 286 դրամ, «Լուսակերտ»՝ 11 310 112, «Լուսակերտի Էլիտ»` 8 113 392, «Գնթունիք»` 3 918 095, «Աշտարակ ձու»` 13 767 522, «Արզնու տոհմային ԹՏԽ»` 12 951 952 և «Արաքս թռչնաֆաբրիկա»` 50 767 227 դրամ):

Գներն իջե՞լ են, թե՞ բարձրացել. ՏՄՊՊՀ նախագահը խոսել է սննդամթերքի շուկայի մասին

Որոշում ընդունվեց ու հրապարակվեց, հանրությունը մխիթարվեց այնքանով, որ իրեն թալանողները գոնե բյուջե կփոխանցեն այդ գումարները, ու հենց այստեղ էլ ևս մեկ անգամ խաբվեց:

Իրականում ոչ մի գումար էլ դեռ չի վճարվել բյուջե, ու ըստ ամենայնի, մոտ ապագայում էլ հազիվ թե վճարվի:

Ինչպես Sputnik Արմենիային հայտնեցին ՏՄՊՊՀ-ից, տուգանքի արժանացած 7 ընկերություններից 6-ը (բացի «Գնթունիքից») հանձնաժողովի որոշման հետ համաձայն չեն ու դիմել են Վարչական դատարան:

Դատական տեղեկատվական համակարգում հրապարակված որոշումների համաձայն` 6 ընկերությունների հայցերն էլ ընդունվել են վարույթ:

«Լուսակերտ Էլիտի» նախնական նիստը նշանակվել է ընթացիկ տարվա մայիսի 3-ին, «Արզնու տոհմային ԹՏԽ»-ինը՝ մայիսի 20-ին, «Արաքս թռչնաֆաբրիկայինը»՝ ապրիլի 6-ին, իսկ «Աշտարակ ձու» ընկերության նախնական նիստը՝ հոկտեմբերի 27-ին:

Միայն «Լուսակերտի» բուն դատավրությունն է արդեն մեկնարկել, տուգանքի վճարումն էլ դատարանի որոշմամբ հետաձգվել է մինչև դատական վերջնական ակտի կայացումը: Իսկ եթե տնտեսվարողները որոշեն սպառել ՀՀ բոլոր 3 դատական մակարդակները, վերջնական ակտը կարող է կայացվել տարիներ անց միայն:

Նեղացրել է պետությունը, վճարում է քաղաքացին

Այլ կերպ ասած՝ նախորդ արարքի դիմաց դեռ չվճարած` ձվի շուկայի խոշոր արտադրողներն այսօր նոր իրարանցում են առաջացրել շուկայում: Հետաքրքրական է, որ ՏՄՊՊՀ նախագահ Գեղամ Գևորգյանը նույնիսկ կասկած էր հայտնել, թե այս թանկացումը կարող է կապ ունենալ նախորդ տարվա թանկացման հետ: Այսպես ասած՝ տնտեսվարողները սրանով իրենց բողոքն են արտահայտում իրենց տուգանած պետությունից, իսկ տուժում է, ինչպես միշտ, շարքային քաղաքացին:

ՀՀ թռչնաբույծների միության նախագահ Սերգեյ Ստեփանյանը կատարվածի մեջ ավելի շատ փոքր խանութներին է մեղադրում, ՏՄՊՊՀ-ին էլ քննադատում է անգործություն դրսևորելու համար:

«Արտադրողն ամեն օր արտադրանքի հաշիվ ֆակտուրան ուղարկում է Տնտեսական մրցակցության հանձնաժողով։ Ստանո՞ւմ են` հա՛, տեսնո՞ւմ են` հա՛, դե թող վերահսկեն։ Արտադրողը չի կարող վերահսկել. դա իր գործը չէ։ Թող գնան խանութին ասեն` առաջ 10 տոկոս էիր ավելացնում, հիմա ինչո՞ւ ես 20 դրել, չէ՞ որ դրանից խանութն էլ է սկսում օգտվել, որ տեսնում է` աժիոտաժ է, ասում է` սպասի 2 դրամ բարձրացնեմ, ամեն 3 օրը մեկ 2 դրամ բարձրացնում է»,- ասում է Ստեփանյանը։

Ու մինչ բոլորը մեղավորներ են փնտրում, ձուն օր օրի թանկանում ու նորանոր անակընկալներ է մատուցում խանութ մտնող սպառողին:

Վերջին տվյալներով` խոշոր չափի ձուն արդեն 110 դրամով է վաճառվում:

Ովքեր ու ինչպես են «խաղում» գների հետ. ՏՄՊՊՀ նախագահը խոստանում է խիստ պատժել

231
թեգերը:
գնաճ, թանկացում, արտադրություն, հավկիթ, ձու
Ըստ թեմայի
Մթերքի անկանխատեսելի կամ գերգնաճային դրսևորումներ կլինե՞ն. փորձագետը`թանկացումների մասին
Ինչու և ինչքան են Հայաստանում թանկացել ապրանքները վերջին մեկ տարում
Առաջ կարողանում էինք 10 000 դրամով նորմալ գնումներ անել. քաղաքացիները` թանկացումների մասին
ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր ընդունել է ՀՀ-ում Իրանի Իսլամական Հանրապետության դեսպան Աբբաս Բադախշան Զոհուրիին:

Չիրացված ներուժ կա․ նախարար Պապիկյանն ու Իրանի դեսպանը հանդիպել են

25
(Թարմացված է 19:38 19.04.2021)
Քննարկվել են նաև Հյուսիս-հարավ ճանապարհի Սիսիան-Քաջարան-Ագարակ ճանապարհահատվածի նախագծման և շինարարության մեկնարկին առնչվող հարցեր։

ԵՐԵՎԱՆ, 19 ապրիլի – Sputnik․ ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր ընդունել է ՀՀ-ում Իրանի Իսլամական Հանրապետության դեսպան Աբբաս Բադախշան Զոհուրիին: Տեղեկությունը հայտնում է ՏԿԵՆ մամուլի ծառայությունը։

Նախարար Պապիկյանն ընդգծել է, որ երկու երկրների տնտեսական փոխգործակցության օրակարգում չիրացված ներուժը հնարավոր է օգտագործել՝ զարգացնելով առևտրատնտեսական կապերն ու կյանքի կոչելով համատեղ ծրագրերի շրջանակներում ձեռք բերված պայմանավորվածությունները։ Նախարարն ընդգծել է միջկառավարական հանձնաժողովի շրջանակում տարվող աշխատանքների, ինչպես նաև «Պարսից ծոց և Սև ծով» միջազգային տրանսպորտային միջանցքի համաձայնագրի նախագծի շուրջ քննարկումների կարևորությունը։

Դեսպան Զոհուրին իր հերթին վերահաստատել է իրանական կողմի պատրաստակամությունը հայ-իրանական ծրագրերն ու նախագծերը արդյունավետ իրականացնելու և տնտեսական կապերի ընդլայնմանը նպաստող փոխշահավետ նախաձեռնությունների կյանքի կոչման հարցում։

«Զրուցակիցները քննարկել են հայ-իրանական միջկառավարական հանձնաժողովի 17-րդ նիստի օրակարգին, համատեղ ծրագրերի ընթացիկ արդյունքներին, ինչպես նաև Հյուսիս-հարավ ճանապարհի Սիսիան-Քաջարան-Ագարակ ճանապարհահատվածի նախագծման և շինարարության մեկնարկին առնչվող հարցեր»,- նշված է հաղորդագրության մեջ։

Իրանը սկսել է ուրանի մինչև 60 տոկոս հարստացումը. ՄԱԳԱՏԷ–ն հաստատել է

Հանդիպման ընթացքում քննարկվել է նաև Հայաստանում ենթակառուցվածքների բարեկարգմանն ուղղված շինարարական ծրագրերում իրանական ընկերությունների մասնակցության ընդլայնման հնարավորությունը։ Անդրադարձ է արվել երկու երկրների համար հետաքրքրություն ներկայացնող այլ հարցերի։

25
թեգերը:
Աբբաս Բադախշան Զոհուրի, Սուրեն Պապիկյան, Իրանի Իսլամական Հանրապետություն, Հայաստան
Ըստ թեմայի
ՀԿԵ-ն այս տարի կթարմացնի Հայաստանի բոլոր լոկոմոտիվներն ու երկաթուղային կայանները. նախարար
Պապիկյանի անձնական կյանքի գաղտնիքը հանրայնացնելու մեջ մեղադրվող ԱԱԾ պաշտոնյան արդարացվել է
«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան
Մհեր Հովհաննիսյան

Հայաստանի դեսպանն ընդունել է Տամուրային. ավելի շատ արտադրանք կմատակարարվի Ճապոնիա

44
«Ancient world»- ի ղեկավարը պատրաստակամություն է հայտնել ընդլայնել Ճապոնիա ներկրվող հայկական արտադրանքի ծավալները:

ԵՐԵՎԱՆ, 19 ապրիլի – Sputnik. Ճապոնիայում Հայաստանի դեսպան Արեգ Հովհաննիսյանն ընդունել է Ճապոնիայում հայկական գինիների ներկրող «Ancient World» ընկերության ղեկավար Կոսուկե Տամուրային: Տեղեկությունը հայտնում է դեսպանության մամուլի ծառայությունը։

ԵԱՏՄ–ում նախագիծ են մշակում պարենի դեֆիցիտի դեմ արագ պայքարելու համար

Ըստ հաղորդագրության` հանդիպմանը ՀՀ դեսպանը խրախուսել է Ճապոնիայում հայկական գինիների ներկայացումը և այդ ուղղությամբ Տամուրայի կողմից տարվող աշխատանքը՝ առաջարկելով դեսպանության աջակցությունը նշված ոլորտում հայկական արտադրանքի առաջխաղացման հարցում: Այդ համատեքստում դեսպանը հեռանկարային է համարել նաև հայկական գյուղատնտեսական վերամշակման արտադրանքի առավել ներկայացվածությունը Ճապոնիայի շուկայում՝ հույս հայտնելով, որ Հայաստանի արտադրողների և Ճապոնիայի ներկրողների միջև կհաստատվեն արդյունավետ գործարար կապեր:

Թուրքիայից ներմուծվող ապրանքների արգելքը կերկարաձգվի. փոխվարչապետ

«Ancient World» ընկերության ղեկավարն իր հերթին պատրաստակամություն է հայտնել ընդլայնել Ճապոնիա ներկրվող հայկական արտադրանքի ծավալները:

44
թեգերը:
Գինի, Ճապոնիա, Հայաստան
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

0
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
0
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին