Արևային կայան

Հայաստանի իշխանությունն առաջարկում է ավելացնել ինքնավար արևային կայանների հզորությունը

79
(Թարմացված է 23:32 18.03.2021)
Արևային կայանների առավելագույն հզորությունն ավելացնելու համար պետք է ստուգել՝ արդյո՞ք Հայաստանի էլեկտրացանցերը կհաղթահարեն ծանրաբեռնվածությունը։

ԵՐԵՎԱՆ, 18 մարտի - Sputnik. Հայաստանում բիզնեսի համար ինքնավար արևային կայանների առավելագույն հզորությունը կարող է 500 կիլովատից ավելանալ մինչև 2 մեգավատ: Տարածքային կառավարման և ենթակառուցվածքների նախարարության կազմած «Էներգետիկայի մասին» օրենքում համապատասխան փոփոխությունների նախագիծը ընդունվել է Ազգային ժողովում:

Այժմ տնային արևային կայանների առավելագույն սահմանը 150 կիլովատ է, բիզնեսի համար այս շեմը 2017 թվականին ավելացել է 150-ից մինչև 500 կիլովատ, հինգ տարի ժամկետով (մինչև 2022 թվականի վերջը):

Նման կայանների սեփականատերերը ոչ միայն էլեկտրականություն են վերցնում ցանցից, այլև մատակարարում են այն։ Եթե պարզվի, որ տարվա արդյունքներով սեփականատերն ավելի շատ է ուղարկել ցանց, քան ստացել է, ապա այդ հավելյալ ծավալի  դիմաց նա փոխհատուցում է ստանում։ Այս դրույթի շնորհիվ Հայաստանում արդեն մի քանի հարյուր նման կայաններ են հայտնվել։

Հաշվի առնելով, որ բիզնեսը մեծ հետաքրքրություն է ցուցաբերում կայանների տեղադրման ու լույսի գումարը խնայելու նկատմամբ, Հայաստանի կառավարությունն առաջարկել է բիզնեսի համար նման կայանների առավելագույն հզորությունը 500 կՎտ-ից հասցնել 2 ՄՎտ-ի (մեկ տարուց ավելի գործող ձեռնարկությունների համար):

Այդ դեպքում շուկայի կարգավորիչը (ՀՀ Հանրային ծառայությունները կարգավորող հանձնաժողովը) պետք է մի շարք տեխնիկական հարցեր քննարկի։ Մասնավորապես՝ էլեկտրացանցը դրա համար ամենուր չէ, որ ունի պատշաճ թողունակություն (մալուխներ ու ենթակայաններ)։

Դրա հետ մեկտեղ, էներգետիկայի զարգացման ազգային ռազմավարության համաձայն, մինչև 2024 թվականը նախատեսվում է ինքնավար արևային կայանների ընդհանուր հզորությունը հասցնել 100 մեգավատի, ընդ որում արդեն այսօր այն գերազանցում է 80 մեգավատը: Այդ հզորությունների հետագա ավելացմանը էլեկտրացանցը կարող է «չձգի», այդ պատճառով նույնիսկ 500 կիլովատ ներկայիս շեմը ժամանակավորապես կանոնակարգված է մինչև 2022 թվականի վերջը (մինչ այդ սահմանված կայանները կկարողանան շարունակել գործել):

Բացի այդ, եթե նման էլեկտրակայանների սեփականատերերը տարվա ընթացքում ավելի շատ են էլեկտրաէներգիա հանձնում, քան ստանում են, ապա «Հայաստանի էլեկտրացանցերը» գնում են նրանցից այդ ավելցուկը 22-24 դրամով՝ մեկ կիլովատ-ժամի դիմաց։ Դա գրեթե նույն գինն է, որով ցանցին էլեկտրաէներգիա են վաճառում կոմերցիոն արևային կայանները, որոնք, այնուամենայնիվ, ստիպված են լինում լիցենզիա ստանալ։ Ճիշտ է, գործող օրենքը նախատեսում է, որ ինքնավար կայանների դեպքում դրանց հզորությունը չպետք է գերազանցի տանը կամ ձեռնարկությունում եղած էլեկտրական սարքերի մոտավոր հզորությունը (որ բացառվի նման կայաններից էներգիայի կանոնավոր վաճառքը):

Նոր վագոններ մայիսից, էլեկտրագնացքներ` օգոստոսից. «Հարավկովկասյան երկաթուղին» կհամալրվի

Այնուամենայնիվ, հանձնաժողովն առաջարկում է ավելի մանրամասն ուսումնասիրել՝ արդյոք «Հայաստանի էլեկտրացանցեր» ընկերությունը ֆինանսական ու տեխնիկական հնարավորություններ ունի արևային էլեկտրաէներգիայի նոր ծավալներ ձեռք բերելու համար:

79
թեգերը:
էլեկտրաէներգիա, Հայաստանի էլեկտրական ցանցեր (ՀԷՑ)
Ըստ թեմայի
ՀՀ–ում էլեկտրաէներգիայի գինը կարող է 10%-ով ավելանալ բիզնեսի համար. հացը կթանկանա՞
2021թ.–ին Հայաստանը ստիպված կլինի ապահովել Արցախի հացի ու էլեկտրաէներգիայի պահանջարկը
Հայաստանում էլեկտրաէներգիայի սակագների բարձրացումն անկառավարելի է դառնում. Դավթյան
ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր ընդունել է ՀՀ-ում Իրանի Իսլամական Հանրապետության դեսպան Աբբաս Բադախշան Զոհուրիին:

Չիրացված ներուժ կա․ նախարար Պապիկյանն ու Իրանի դեսպանը հանդիպել են

25
(Թարմացված է 19:38 19.04.2021)
Քննարկվել են նաև Հյուսիս-հարավ ճանապարհի Սիսիան-Քաջարան-Ագարակ ճանապարհահատվածի նախագծման և շինարարության մեկնարկին առնչվող հարցեր։

ԵՐԵՎԱՆ, 19 ապրիլի – Sputnik․ ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր ընդունել է ՀՀ-ում Իրանի Իսլամական Հանրապետության դեսպան Աբբաս Բադախշան Զոհուրիին: Տեղեկությունը հայտնում է ՏԿԵՆ մամուլի ծառայությունը։

Նախարար Պապիկյանն ընդգծել է, որ երկու երկրների տնտեսական փոխգործակցության օրակարգում չիրացված ներուժը հնարավոր է օգտագործել՝ զարգացնելով առևտրատնտեսական կապերն ու կյանքի կոչելով համատեղ ծրագրերի շրջանակներում ձեռք բերված պայմանավորվածությունները։ Նախարարն ընդգծել է միջկառավարական հանձնաժողովի շրջանակում տարվող աշխատանքների, ինչպես նաև «Պարսից ծոց և Սև ծով» միջազգային տրանսպորտային միջանցքի համաձայնագրի նախագծի շուրջ քննարկումների կարևորությունը։

Դեսպան Զոհուրին իր հերթին վերահաստատել է իրանական կողմի պատրաստակամությունը հայ-իրանական ծրագրերն ու նախագծերը արդյունավետ իրականացնելու և տնտեսական կապերի ընդլայնմանը նպաստող փոխշահավետ նախաձեռնությունների կյանքի կոչման հարցում։

«Զրուցակիցները քննարկել են հայ-իրանական միջկառավարական հանձնաժողովի 17-րդ նիստի օրակարգին, համատեղ ծրագրերի ընթացիկ արդյունքներին, ինչպես նաև Հյուսիս-հարավ ճանապարհի Սիսիան-Քաջարան-Ագարակ ճանապարհահատվածի նախագծման և շինարարության մեկնարկին առնչվող հարցեր»,- նշված է հաղորդագրության մեջ։

Իրանը սկսել է ուրանի մինչև 60 տոկոս հարստացումը. ՄԱԳԱՏԷ–ն հաստատել է

Հանդիպման ընթացքում քննարկվել է նաև Հայաստանում ենթակառուցվածքների բարեկարգմանն ուղղված շինարարական ծրագրերում իրանական ընկերությունների մասնակցության ընդլայնման հնարավորությունը։ Անդրադարձ է արվել երկու երկրների համար հետաքրքրություն ներկայացնող այլ հարցերի։

25
թեգերը:
Աբբաս Բադախշան Զոհուրի, Սուրեն Պապիկյան, Իրանի Իսլամական Հանրապետություն, Հայաստան
Ըստ թեմայի
ՀԿԵ-ն այս տարի կթարմացնի Հայաստանի բոլոր լոկոմոտիվներն ու երկաթուղային կայանները. նախարար
Պապիկյանի անձնական կյանքի գաղտնիքը հանրայնացնելու մեջ մեղադրվող ԱԱԾ պաշտոնյան արդարացվել է
«Հյուսիս-հարավ» նոր միջանցքի կառուցումը կհարվածի Իսրայելի տնտեսությանը. Բալասանյան
Մհեր Հովհաննիսյան

Հայաստանի դեսպանն ընդունել է Տամուրային. ավելի շատ արտադրանք կմատակարարվի Ճապոնիա

41
«Ancient world»- ի ղեկավարը պատրաստակամություն է հայտնել ընդլայնել Ճապոնիա ներկրվող հայկական արտադրանքի ծավալները:

ԵՐԵՎԱՆ, 19 ապրիլի – Sputnik. Ճապոնիայում Հայաստանի դեսպան Արեգ Հովհաննիսյանն ընդունել է Ճապոնիայում հայկական գինիների ներկրող «Ancient World» ընկերության ղեկավար Կոսուկե Տամուրային: Տեղեկությունը հայտնում է դեսպանության մամուլի ծառայությունը։

ԵԱՏՄ–ում նախագիծ են մշակում պարենի դեֆիցիտի դեմ արագ պայքարելու համար

Ըստ հաղորդագրության` հանդիպմանը ՀՀ դեսպանը խրախուսել է Ճապոնիայում հայկական գինիների ներկայացումը և այդ ուղղությամբ Տամուրայի կողմից տարվող աշխատանքը՝ առաջարկելով դեսպանության աջակցությունը նշված ոլորտում հայկական արտադրանքի առաջխաղացման հարցում: Այդ համատեքստում դեսպանը հեռանկարային է համարել նաև հայկական գյուղատնտեսական վերամշակման արտադրանքի առավել ներկայացվածությունը Ճապոնիայի շուկայում՝ հույս հայտնելով, որ Հայաստանի արտադրողների և Ճապոնիայի ներկրողների միջև կհաստատվեն արդյունավետ գործարար կապեր:

Թուրքիայից ներմուծվող ապրանքների արգելքը կերկարաձգվի. փոխվարչապետ

«Ancient World» ընկերության ղեկավարն իր հերթին պատրաստակամություն է հայտնել ընդլայնել Ճապոնիա ներկրվող հայկական արտադրանքի ծավալները:

41
թեգերը:
Գինի, Ճապոնիա, Հայաստան
Արա Այվազյան

Արա Այվազյանը զրուցել է Արաբական Միացյալ Էմիրությունների իր գործընկերոջ հետ

0
(Թարմացված է 18:07 20.04.2021)
Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

ԵՐԵՎԱՆ, 20 ապրիլի - Sputnik․ ՀՀ ԱԳ նախարար Արա Այվազյանը հեռախոսազրույց է ունեցել ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ Նահյանի հետ: Այս մասին տեղեկացնում է ԱԳ կայքը։

Զրուցակիցներն անդրադարձել են նախարար Այվազյանի՝ ԱՄԷ աշխատանքային այցի շրջանակներում ձեռք բերված պայմանավորվածությունների իրականացման ընթացքին, մտքեր են փոխանակել փոխադարձ հետաքրքրություն ներկայացնող ոլորտներում համագործակցությանն առնչվող հարցերի շուրջ: Քաղաքական երկխոսության ընդլայնմանն ուղղված քայլերի համատեքստում երկուստեք ընդգծվել է փոխայցելությունների և գերատեսչությունների միջև խորհրդատվությունների անցկացման կարևորությունը:

Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

Նշենք, որ Հայաստանի Հանրապետության և Արաբական Միացյալ Էմիրությունների միջեւ դիվանագիտական հարաբերությունները հաստատվել են 1998-ի հունիսին։ 2015-ից Հայաստանում գործում է Արաբական Միացյալ Էմիրությունների դեսպանությունը։

Արա Այվազյանը Մոսկվայում խոսել է Ադրբեջանի ռազմական հանցագործությունների ու գերիների մասին

2018-ի հոկտեմբերից Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան է Մհեր Մկրտումյանը։ 2019-ի փետրվարից ՀՀ-ում ԱՄԷ դեսպանն է Մուհամմադ Ալ Զաաբիին։

Հայաստանը ԱՄԷ-ից ներմուծում է ներկանյութեր, շինանյութ, հրուշակեղեն, պլաստմասե իրեր, կահույք, էլեկտրատեխնիկա, տրանսպորտային միջոցներ եւ այլն, իսկ արտահանում է պղինձ, ալյումին ու մարգարիտ։

0
թեգերը:
Արաբական միացյալ էմիրություններ (ԱՄԷ), Հայաստան, Արա Այվազյան
Ըստ թեմայի
Արա Այվազյանը մեկնաբանել է ԱԽ քարտուղարի սկանդալային հայտարարությունը
Արա Այվազյանն աշխատանքից չի ազատվելու
Արա Այվազյանն անհապաղ լուծում պահանջող հարցերի մասին է խոսել Պոլ Ռիչարդ Գալագերի հետ