Բենզալցակայան

Ինչ դիրք ու ինչ պարտքեր ունի «ՌԱՆ ՕՅԼ»-ը. «Սիլ կոնցեռնի» գործարքի հետքերով

279
(Թարմացված է 22:08 19.02.2021)
Պաշտոնական վճակագրության համաձայն՝ «ՌԱՆ ՕՅԼ»-ը թե՛ բենզինի և թե՛ դիզվառելիքի շուկաներում ինչպես ներմուծող, այնպես էլ իրացնող խոշոր ընկերությունների ցանկերում չկա: Փոխարենը կա խոշոր հարկատուների ցանկում, ու հասցրել է կլորիկ պարտքեր կուտակել:

ՀՀ տնտեսական մրցակցության պաշտպանության պետական հանձնաժողովը «Սիլ կոնցեռի» կողմից «ՌԱՆ ՕՅԼ» ընկերության ձեռքբերման գործարքի վերաբերյալ դիմում չի ստացել:

Այս մասին Sputnik Արմենիային հայտնեցին հանձնաժողովից՝ պատասխանելով նշված գործարքի հետևանքով վառելիքի շուկայում հնարավոր համակենտրոնացման վտանգի մասին հարցին:

«ՀՀ ՏՄՊՊՀ֊ն նշված ընկերություններից դիմում չի ստացել համակենտրոնացման հայտարարագրման վերաբերյալ։ Սակայն, եթե հանձնաժողովը պարզի, որ նման անհրաժեշտություն կար, ապա իր նախաձեռնությամբ կուսումնասիրի հարցը»,- հայտնեցին ՏՄՊՊՀ-ից:

Տնտեսագետ Թաթուլ Մանասերյանը Sputnik Արմենիայի հետ զրույցում, հակառակը՝ կարծիք հայտնեց, որ պետությունը պարտավոր է վերահսկել նմանօրինակ գործարքները՝ շուկայում հակամրցակցային համաձայնություններն ու գնային չարաշահումները թույլ չտալու համար:

«Ես ոչինչ չեմ բացառում: Իսկ որպեսզի դա կանխվի, պետությունը պետք է ներկա լինի, ընդ որում՝ ակտիվորեն պետք է ներկա լինի այդ գործընթացներում»,- ասաց Մանասերյանը:

Նշենք, որ գործարքի վերաբերյալ մեկնաբանություններում հիմնականում իշխում է այն տեսակետը, թե «ՌԱՆ ՕՅԼ»-ի ձեռքբերմամբ Խաչատուր Սուքիասյանը փորձում է մուտք գործել ավտովառելիքի շուկա և միանգամից գերիշխող դիրք ստանալ դրանում:

Ավելորդ չէ նշել, սակայն, որ պաշտոնական վճակագրության համաձայն, «ՌԱՆ ՕՅԼ»-ը թե՛ բենզինի, և թե՛ դիզվառելիքի շուկաներում ինչպես ներմուծող, այնպես էլ իրացնող խոշոր ընկերությունների ցանկերում չկա:

Այսպես. ՏՄՊՊՀ-ի ուսումնասիրության համաձայն՝ 2017 թվականին Հայաստան բենզին է ներմուծել 4 ընկերություն՝ CPS, «Ֆլեշ» «Էյ-Բի էքսպորտ» և «Մաքս Պետրոլ»:

Հայաստանում բենզինն ու հեղուկ գազը թանկացել են․ ո՞րն է պատճառը

2018-ին այս ցանկը համալրվել է ևս 2 ընկերություններով՝ «Ռոսնեֆտ էքսպորտ» ու «Պլատինում օյլ»:

2019-ին նշված 6 ընկերություններից ներմուծում չի իրականացրել միայն«Էյ-Բի էքսպորտ»-ը:

Դիզելային վառելիքի շուկայում ևս 2017 և 2018 թվականներին հիմնական ներկրողները եղել են CPS, «Ֆլեշ» «Էյ-Բի էքսպորտ» և «Մաքս Պետրոլ» ընկերությունները, ինչպես նաև «Ռուսալ Արմենալը» և «Զարզանդ Սարոյան» ՍՊԸ-ն:

2019-ին դիզվառելիք ներկրողների թիվը Հայաստանում միանգամից ավելացել է 12-ով: Վերոնշյալ 6 ընկերություններին ավելացել են նաև «Մաքս օյլ» , «Մեգա օյլ», «Գոլդբլեք նեվտ», «Նեյթոյսշին», «ԱԳ Իմպեքս», «Լիմոն Գրուպ», «Գազ օյլ», «Նարսան», «Սիներգի», «Արաս օյլ», «Մեսման» և «Վառ օյլ» ընկերությունները:

Հարկ է փաստել, որ որքան էլ շուկան ընդլայնվել է, ներկրողների թիվն ավելացել, բայց «ՌԱՆ ՕՅԼ»-ի անունը դարձյալ դրանց շարքում չի հանդիպում:

Բանն այն է, որ «ՌԱՆ ՕՅԼ»-ը հիմնականում հանդես է գալիս որպես իրացնող ընկերություն: Պարզ ասած՝ այդ ընկերությունն իր բենզալցակայանների միջոցով վերավաճառում է այլ ներկրողներից գնած վառելիքը: Բայց, պաշտոնական վիճակագրությունից դատելով, թե՛ բենզինի ու թե՛ դիզվառելիքի իրացման շուկայում ևս «ՌԱՆ ՕՅԼ»-ը խոշոր խաղացողների ցանկում չկա: Հայստանում այս բիզնեսի 90%-ից ավելին պատկանում է CPS, «Ֆլեշ» և «Մաքս Պետրոլ» ընկերություններին:

Շրջանառող մեկ այլ վարկածի համաձայն Խաչատուր Սուքիասյանը՝ որպես վարչապետ Նիկոլ Փաշինյանի մտերիմ, ԱԱԾ-ի ու ՊԵԿ-ի միջոցով ճնշումներ է կիրառել «ՌԱՆ ՕՅԼ»-ի նկատմամբ, որպեսզի դրա սեփականատեր Ռոբերտ Գալուստյանին ստիպի իրեն վաճառել բիզնեսը:

Թե՛ Գալուստյանը, թե՛ Սուքիասյանը մամուլում հերքել են այս տեղեկությունները: Այդուհանդերձ, պարզվում է, որ Գալուստյանը 2020թ-ին պետությանը բավական կլորիկ գումար է պարտք մնացել:

Համաձայն ՀՀ ՊեԿ հրապարակած ծանուցագրի, Գալուստյանին պատկանող մեկ այլ ընկերություն՝ «ՌԱՆ ՕՅԼ ՊԼՅՈՒՍ»-ը, որը ստեղծվել է 2020թ-ի մարտին, տարեվերջին արդեն 141 410 123 դրամի չկատարված հարկային պարտավորություններ է կուտակել: Նշենք, որ Գալուստյանի երկու ընկերություններն էլ ՀՀ 1000 խոշոր հարկատուների ցանկում են. «ՌԱՆ ՕՅԼ»-ը 2020-ին բյուջե է մուծել 837 948 000 դրամ, «ՌԱՆ ՕՅԼ ՊԼՅՈՒՍ»՝ 359 370 000: Թե որքանով կարող է 141 մլն-ը 1.1 մլրդ դրամ հարկ վճարողի նկատմամբ ճնշում լինել, մենք զերծ կմնանք ենթադրություններ անելուց՝ միաժամանակ չբացառելով, որ հնարավոր է՝ եղել են նաև այլ՝ չհրապարակված ճնշումներ ևս:

Տնտեսագետ Թաթուլ Մանասերյանը Sputnik Արմենիայի հետ զրույցում չբացառեց «ծանոթ-բարեկամ» կապի ներգործության հնարավորությունը՝ միաժամանակ նշելով, որ ինչպես բարեկամությունը, այնպես էլ թշնամանքը կարող են ազդել տնտեսության մեջ տեղի ունեցող գործընթացների վրա, ու նման դեպքեր նախկինում շատ են եղել:

«Բայց էմոցիոնալ դաշտով տնտեսություն չի կարելի ղեկավարել, ու պարտավոր են, եթե անգամ հարազատ եղբայրներ էլ լինեն, հաշվի առնեն, որ ՀՀ-ում կան օրենքներ, կարգավորող մարմիններ, որոնք իրավասու են այդ հարցերը հանգուցալուծել և ոչ թե թողնել սուբյեկտիվ քմահաճույքին»,- ասաց Մանասերյանը:

Բարև, թանկացումներ․ Արարատի մարզի մի քանի գծատերեր ապօրինի բարձրացրել են ուղեվարձը

Անդրադառնալով Գալուստյանին պատկանող ընկերության նկատմամբ հարկային վարչարարության ու 141 մլն դրամից ավելի պարտքին, տնտեսագետը չբացառեց, որ դա կարող է լինել հենց մամուլում շրջանառող «ճնշման» վկայությունը:

«Պետք է ստիպել, որ պետությունը՝ հանրային պահանջարկի ճնշման տակ, ոչ թե մասնավոր դուքանի մակարդակով հարցեր կարգավորի՝ պարտք ունենա, մարի, կամ ների, կամ չգիտեմ ինչ անի, այլ կատարի օրենքով իրեն վերապահված գործառույթները»,- ասաց Մանասերյանը:

Հիշեցնենք՝ փետրվարի 18-ին հայտնի դարձավ, որ գործարար Խաչատուր Սուքիասյանին պատկանող «ՍԻԼ կոնցեռն» ընկերությունը ձեռք է բերել «ՌԱՆ ՕՅԼ»-ը: Ի պատասխան Sputnik Արմենիայի հարցմանը կոնցեռնի մամուլի խոսնակ Աննա Մկրտչյանը հաստատել էր այդ տեղեկատվությունը՝ միաժամանակ վստահեցնելով, որ «Սիլ կոնցեռն»-ը Հայաստանում մենաշնորհ հաստատելու որևէ միտում չունի:

279
թեգերը:
Պետական եկամուտների կոմիտե (ՊԵԿ), վաճառք, Խաչատուր Սուքիասյան, բենզին
Ըստ թեմայի
Հայաստանում բենզինն ու հեղուկ գազը թանկացել են․ ո՞րն է պատճառը
Հարկեր, տուրքեր, վճարումներ. ինչպիսին կլինի 2021–ը հարուստ և աղքատ հայաստանցիների համար
Խաչատուր Սուքիասյանը գնել է «ՌԱՆ ՕՅԼ»-ը. ընկերությունից վստահեցնում են՝ մենաշնորհ չի լինի
Сельскохозяйственный рынок рядом с межгосударственной трассой М-2 в районе Мегринского таможенного поста

Մեղրիի մաքսակետին կից կառուցվել են ավտոկայանատեղի և գյուղատնտեսական շուկա

36
(Թարմացված է 11:06 25.02.2021)
Ծրագրի ողջ բյուջեն կազմում է 94.869.467 ՀՀ դրամ, որից «Պահպանվող տարածքների աջակցման ծրագիր – Հայաստան» ծրագրի ներդրումը կազմում է 43.474.200 ՀՀ դրամ։ 

ԵՐԵՎԱՆ, 25 փետրվարի - Sputnik. Մեղրիի մաքսակետին կից և Մ-2 միջպետական ճանապարհի հարևանությամբ, «ՊՏԱԾ-Հ» ծրագրի ու Մեղրու համայնքապետարանի համագործակցության շրջանակներում, կառուցվել են ավտոկայանատեղի և գյուղատնտեսական շուկա, տեղեկացնում են ՀՀ շրջակա միջավայրի նախարարությունից։

Ծրագրի ողջ բյուջեն կազմում է 94.869.467 ՀՀ դրամ, որից «Պահպանվող տարածքների աջակցման ծրագիր – Հայաստան» ծրագրի ներդրումը կազմում է 43.474.200 ՀՀ դրամ։ 

Автостоянка рядом с межгосударственной трассой М-2 в районе Мегринского таможенного поста
Ավտոկայանատեղի

Գյուղատնտեսական շուկայի համար իրականացվել է 1155 ք.մ. տարածքի վերանորոգման, բարեկարգման, հենապատի և սանհանգույցի կառուցման աշխատանքներ։ Տեղադրվել են 8 տաղավար և ճանապարհային նշաններ։

Ավտոկայանատեիի համար իրականացվել է 3084 ք.մ. տարածքի վերանորգման, բարեկարգման, հենապատի և սանհանգույցի կառուցման աշխատանքներ։

36
թեգերը:
Ավտոկայանատեղի, Շուկա, Մեղրի
Ըստ թեմայի
Մեղրիում ականի պայթյունի հետևանքով հրշեջ–փրկարարներից մեկը կորցրել է ոտքը
Ադրբեջանցիները հատուկ տեխնիկայով փոխում են ջրի հունը. Մեղրի համայնքը լուրջ խնդրի է բախվում
Մեղրի խոշորացված համայնքի ղեկավարին մեղադրանք է առաջադրվել
Արխիվային լուսանկար

Ամուլսարը` Փաշինյանի պահուստային տարբերակ. Հայաստանը կնստի հանքարդյունաբերության ասեղի վրա

246
Ամուլսարի հանքի շահագործումը, տնտեսագետի գնահատմամբ, կախված է կառավարության 2021թ–ի սոցիալ–տնտեսական քաղաքականությունից։ Եթե տեսնեն, որ ձախողում են 2021թ–ի բյուջեն, հանքը կբացեն։

Գործող իշխանությունն Ամուլսարի հանքը պահում է որպես պահուստային տարբերակ։ Sputnik Արմենիայի հետ զրույցում նման տեսակետ հայտնեց տնտեսագետ Սուրեն Պարսյանը` մեկնաբանելով ՀՀ վարչապետ Նիկոլ Փաշինյանի` երեկվա հարցազրույցում հնչեցրած հայտարարությունը, թե հանքի վերաբացման մեծ հավանականություն կա։

«Ամուլսարի շահագործումը կապված է կառավարության 2021թ–ի սոցիալ–տնտեսական քաղաքականությունից։ Եթե նրանք տեսնեն, որ ձախողում են նաև 2021թ–ի բյուջեն, ինչպես ձախողել են 2020–ի բյուջեն, ապա այդ նախագիծը կբացեն»,– ասաց Պարսյանը։

Նրա գնահատմամբ` այս կարգի հայտարարություններով կառավարությունը պարզապես հող է նախապատրաստում այդ քայլի իրականացման համար։

Ըստ Պարսյանի` Ամուլսարը 3 տարի առաջ փակվել է զուտ քաղաքական որոշմամբ և 2021–ին կարող է բացվել նույն քաղաքական որոշման արդյունքում։

«Վարչապետը, կարծում եմ, կգնա դրան` տեսնելով, որ տնտեսական ճգնաժամը շարունակվում է. առևտուրը, արտադրությունը, ծառայությունները չեն կարողացել վերականգնել իրենց աճի տեմպը։ Եվ միակ աղբյուրը մնացել է հանքարդյունաբերությունը»,– ասաց Պարսյանը։

2020թ–ին հանքարդյունաբերական արտադրանքի արտահանումը ապահովել է ՀՀ–ի արտահանման ամբողջ ծավալի 34 %-ը։ Բացի այդ, միջազգային շուկայում մետաղի գները, այդ թվում` ոսկու գինը, շարունակում է աճել։ Այսպես`2020թ–ի փետրվարին ոսկու գինը միջազգային հարթակներում 1639 դոլար էր, այսօր` 1807։ Այսինքն` 1 տարում ավելացել է 9 %–ով։ Այս հանգամանքն, ըստ մասնագետի, նույնպես կարող է ազդել հանքարդյունբերության ծավալն ավելացնելու` ՀՀ իշխանությունների որոշման վրա։

«Մենք կշարունակենք մեծ կախվածություն ունենալ հանքարդյունաբերությունից` երկիրը նստեցնելով հանքարդյունաբերության ասեղի վրա»,– ասաց Պարսյանը`հավելելով, որ չնայած արվող հայտարարույուններին` ՀՀ իշխանությունն այդպես էլ չկարողացավ դիվերսիֆիկացնել տնտեսությունն ու նոր արտադրական հզորություններ ստեղծել։ Իսկ կառավարության անդամների հայտարարությունները մի քանի միլիոն դոլարի ներդրումների մասին, տնտեսագետը «միֆ» է համարում։

Ո՞ր դեպքում Ամուլսարի վերաբերյալ որոշում կկայացվի. պատասխանում է Սուրեն Պապիկյանը

Ինչ վերաբերում է «Ամուլսարի» հանքին, ապա, ըստ Պարսյանի, 2018-ից իշխանության եկած քաղաքական ուժն իր բոլոր քայլերով միայն ժամանակ է ձգում, իսկ միջազգային փորձաքննության վրա նաև անտեղի դրամական միջոցներ է վատնել։

Արդյունքում`նրա գնահատմամբ, ստացվել է բազմաթիվ հարցականներով ու առանց հստակ պատասխանների մի փաստաթուղթ։

Իսկ մինչ կառավարությունը ժամանակ էր ձգում ու միջազգային հնչողություն տալիս խնդրին, հանքի տարածքում հնարավոր բնապահպանական խնդիրներն ավելի են խորանում։

«Հանքը թեև չի շահագործվել, բայց մինչ այդ բազմաթիվ հողային, շինարարական աշխատանքներ էին իրականացվել, և այս տարիների ընթացքում անձրևաջրերը, ձնհալքի ջրերն ավելի խորն են ներթափանցում։ Այսինքն` նրանք ըստ էության խնդիրը չլուծեցին, ու դեռ ունքը շինելու փոխարեն` աչքն էլ հանեցին»,– նկատեց Պարսյանը։

Ամուլսարի հանքի շուրջ ստեղծված իրավիճակը, տնտեսագետի դիտարկմամբ, անխուսափելիորեն վնասել է նաև Հայաստանի միջազգային վարկանիշին։ Նրա խոսքով` միջազգային մի շարք վարկանիշային կառույցներ արդեն գնահատել են հանքարդյունաբերական ծրագրի նկատմամբ` կառավարության քայլերը։ Արդյունքում Ամուլսարի ծավալի ներդրւմային ծրագրեր առնվազն առաջիկա 5 տարում Հայաստանում չեն իրականացվի։

«Մենք պետք է հասկանանք, որ կորցրել ենք խոշոր ներդրումային ծրագրեր իրականացնելու վստահությունն օտարերկրյա ներդրողների մոտ»,– ասաց Սուրեն Պարսյանը։

Հիշեցնենք` փետրվարի 23-ին տված հարցազրույցում ՀՀ վարչապետ Նիկոլ Փաշինյանը հայտարարել էր, որ իր վերաբերմունքն «Ամուլսարի» նկատմամբ չի փոխել, և ինքն այն նույն կարծիքին է, ինչ մեկ տարի առաջ:

«Ուզում եմ հիշեցնել, որ Ամուլսարի հետ կապված շատ կարևոր էի համարում անվտանգային կոմպոնենտը, ասելով, որ տեսեք՝ պատերազմական իրավիճակի մեջ ենք, և երբ պատերազմ սկսվի, տուրիստների հոսքը չի շարունակվելու մեր երկիր: Այդ ժամանակ մենք արժութային խնդիրների առաջ կարող ենք կանգնել: Եվ այդ իրավիճակում կոնկրետ հանքարդյունաբերությունն է, որ երկրի համար երաշխավորում է վալյուտային հոսքեր»,- ասել էր Փաշինյանը։

Հարցին, թե, այնուամենայնիվ, հանքը կբացվի՞, վարչապետը պատասխանել էր.

«Այդպիսի հավանականություն կա և այո, կարող ենք ասել, որ մեծ է»:

Վարչապետի հայտարարության վերաբերյալ Ամուլսարի հանքը շահագործող «Լիդիան Արմենիա» ընկերության տեսակետը ստանալու համար դիմեցինք նաև ընկերության գրասենյակ։

Ամուլսարում ուրան չկա. «Լիդիանը» ներկայացրել է կոմիտեի հետազոտության արդյունքները

Մեր հարցին` վարչապետի հայտարարությունն անակնկա՞լ էր, թե՞ կառավարության հետ ինչ–որ բանակցություններ տարվում են, ընկերությունից պատասխանեցին միայն, որ որևէ մեկնաբանություն չեն տալիս։

Ամուլսարի ոսկու հանքը Հայաստանի երկրորդ խոշոր հանքավայրն է: Գտնվում է ՀՀ Վայոց Ձորի և Սյունիքի մարզերի սահմանագլխին, Զանգեզուրի լեռնաշղթայի հյուսիս, հյուսիսարևմտյան ճյուղավորումների ջրբաժանային մասում, 2500-2988 մ բացարձակ բարձրությունների վրա:

Այն ղեկավարում է «Լիդիան Արմենիա» ՓԲԸ-ն, որը միջազգային «Lydian international» ընկերության դուստր ձեռնարկությունն է:

Տևական ժամանակ է` հանքավայրը չի գործում։ Լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում:

Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են:

Նոր աղմուկ Ամուլսարի շուրջ, կամ ինչու են Ջերմուկի բնակիչները կրկին փողոց դուրս եկել

246
թեգերը:
Հայաստան, բյուջե, հանքարդյունաբերություն, հանք, Նիկոլ Փաշինյան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը
Ըստ թեմայի
Հնարավոր է, որ «Լիդիան Արմենիայի» դեմ դիմենք իրավական քայլերի. Գորգիսյանը` միջադեպի մասին
Ամուլսարի հարցով հրապարակված եզրակացությունը սպասելի էր. «Լիդիանի» տնօրեն
«Լիդիանը» քննչական կոմիտեին է ներկայացրել փորձաքննությանն առնչվող իր պատասխանները
Փաշինյանն ընդունել է «Լիդիանի» ներկայացուցիչներին. ինչ են քննարկել
Հիվանդանոց

265 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում

61
(Թարմացված է 11:03 28.02.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 28 փետրվարի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 265–ով և դարձել 172058։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4657 (+176) մարդ, կատարվել է 729267 թեստավորում (+4661), առողջացել են վարակվածներից 163394-ը (+85)։ Գրանցվել է մահվան 3192 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 815-ի։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

61
թեգերը:
վարակ, հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում հնարավոր է կորոնավիրուսի երրորդ ալիքը. Ռոմելա Աբովյան
ԱՀԿ-ն հայտնել է կորոնավիրուսի համավարակի ավարտի ժամկետները
Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն