ԵԱՏՄ. արխիվային լուսանկար

Ճգնաժամի ընթացքում ԵԱՏՄ երկրները չփակեցին շուկաները միմյանց համար․ ի՞նչ սպասել 2021թ․-ին

39
Թե Եվրասիական տնտեսական միության տնտեսության ո՞ր ճյուղերը կամրապնդվեն առաջին հերթին՝ Sputnik-ի վերլուծական ակնարկում։

Անցած տարին բարդ էր ամբողջ աշխարհի համար, և Եվրասիական տնտեսական միության (ԵԱՏՄ) երկրները բացառություն չեն։ Նման եզրակացություն կարելի է անել փետրվարին Եվրասիական տնտեսական հանձնաժողովի (ԵԱՏՀ) կողմից հրապարակված վերլուծական վերլուծությունից։ Փաստաթղթի համաձայն ՝ միության ՀՆԱ-ն 2020 թ․-ի հունվար-սեպտեմբեր ամիսներին 3,3 տոկոս անկում է գրանցել։

Սակայն մյուս կողմից՝ ԵԱՏՄ տնտեսության որոշ ճյուղեր սկսել են վերականգնվել դեռևս անցյալ տարի, օրինակ՝ գյուղատնտեսությունը և շինարարությունը։ Թե ինչով է պայմանավորված համավարակի շրջանում ԵԱՏՄ տնտեսության առանձին հատվածների աճը և ինչ է սպասվում միության երկրներին 2021 թվականին՝ կարդացեք Sputnik–ի վերլուծական ակնարկում։

Պետք չէ մեղքը գցել միայն համավարակի վրա

ԵԱՏՄ արդյունաբերական արտադրության ծավալները 2020թ․-ին 2019թ․-ի համեմատ նվազել են գրեթե 3%-ով և կազմել մոտ 1 տրիլիոն դոլար, ասվում է ԵԱՏՀ հաշվետվության մեջ: Սակայն փաստաթղթի հեղինակները նշում են, որ դա կանխատեսելի էր. կորոնավիրուսի շրջանում սահմանափակումների հաստատման, այդ թվում սահմանների փակման և երկրների միջև ավիահաղորդակցության չեղարկման պատճառով նվազել են վառելիքի և նավթի արտադրանքի վաճառքի ծավալները: Իսկ ԵԱՏՄ անդամ պետությունների համար հումքային ճյուղը արտահանման ոլորտում կարևորագույններից մեկն է։

ԵԱՏՄ ճգնաժամի համար չի կարելի միայն համավարակին մեղադրել, կարծում է Ռուսաստանի գիտությունների ակադեմիայի համաշխարհային տնտեսության և միջազգային հարաբերությունների ինստիտուտի ավագ գիտաշխատող Դմիտրի Օֆիցերով-Բելսկին։

«Համավարակի ազդեցությունը յուրաքանչյուր երկրի համար տարբեր է եղել․ օրինակ՝ Բելառուսը հրաժարվեց խիստ սահմանափակումներից, իսկ Ղազախստանը լուրջ խնդիրներ ունեցավ կորոնավիրուսի պատճառով և մի քանի անգամ լոքդաուն հայտարարեց»,-ասում է փորձագետը։

Բացի այդ, ԵԱՏՄ-ում եղել են նաև համաճարակի հետ չկապված մի շարք հարակից խնդիրներ. քաղաքական բնույթի բարդություններ առաջացան Ղրղզստանում, Արցախում տեղի ունեցող իրադարձությունները հարվածեցին Հայաստանի տնտեսությանը։

ԵԱՏՄ–ում քաղաքացիների թոշակը հաշվարկելիս կգումարվի նաև անդամ երկրներում ունեցած ստաժը

Օֆիցերով-Բելսկիի խոսքով՝ դեր է խաղացել նաև ռուբլու, ինչպես նաև մյուս ազգային արժույթների դիրքերի թուլացոււմը, քանի որ միության ներսում երկրների տնտեսությունները կախված են միմյանցից։

Գյուղատնտեսությունն աճում է

Մինչ հումքային ճյուղի ցուցանիշները կանխատեսելի կերպով կրճատվում էին, 2020 թ․-ին ԵԱՏՄ-ում 4 տոկոսով աճել է մշակող արդյունաբերությունը: Ընդ որում, ամենամեծ դրական դինամիկան ցույց են տալիս արտադրության այնպիսի տեսակներ, ինչպիսիք են ալյուրը, երշիկեղենը և կաթնամթերքը, այսինքն՝ գյուղատնտեսության հետ ուղղակիորեն կապված արտադրանքը։

ԵԱՏՀ հաշվետվության համաձայն՝ գյուղատնտեսության մասնաբաժնի ուժեղացում նկատվել է ԵԱՏՄ բոլոր անդամ պետություններում: Միությունում գյուղմթերքի արտադրության միջին աճը նախորդ տարվա համեմատ կազմել Է 2,3 տոկոս։ Գյուղարդյունաբերությունը հատկապես նկատելիորեն ամրապնդվել է Բելառուսում (4,9%) և Ղազախստանում (5,6%):

Ռազմավարական համալիր հետազոտությունների ինստիտուտի վերլուծաբան Դմիտրի Պլեխանովը կարծում է` ցուցանիշների բարելավումը բացատրվում է նրանով, որ կորոնավիրուսի ճգնաժամն ամենաքիչն ազդել է ագրարային արդյունաբերության վրա:

«Կարանտինային սահմանափակումները մեծամասամբ վերաբերում էին ոչ թե գյուղական, այլ քաղաքային տարածքներին,-պատմել է փորձագետը,-բացի այդ, նախորդ տարվա ընթացքում եղանակային լուրջ բացասական երևույթների բացակայությունը ևս աջակցություն է ապահովել գյուղատնտեսական արտադրության համար։ Բելառուսի տնտեսության համար որոշակի աջակցություն է դարձել արտահանվող արտադրանքը ռուսական շուկայում իրացնելու ուղիները պատրաստ լինելը, ինչի շնորհիվ արտահանումն այնքան էաականորեն չի նվազել, որքան ԵԱՏՄ այլ երկրներում»։

ԵԱՏՄ երկրների տնտեսությունները դիմակայել են կորոնավիրուսային ճգնաժամին․ ԵԱՏՀ նախարար

Ինչպես ավելի վաղ Sputnik-ին տված հարցազրույցում պատմել էր ԵԱՏՀ առևտրի նախարար Անդրեյ Սլեպնյովը, ոչ հումքային հատվածի աճը պայմանավորված է նաև դեպի Չինաստան պարենային ապրանքների մատակարարման ավելացմամբ։ ԵԱՏՀ-ի տվյալներով՝ միության ապրանքաշրջանառության մոտ 20 տոկոսը բաժին է ընկնում ՉԺՀ-ի հետ առևտրին: Այս ցուցանիշը կարևոր է գլոբալ ճգնաժամի պայմաններում, երբ ԵԱՏՄ անդամ պետությունների արտաքին առևտրի ծավալը հունվար-նոյեմբեր ամիսներին կազմել է գրեթե 560 մլրդ դոլար՝ նախորդ տարվա նույն ժամանակահատվածի համեմատ նվազելով 16,4 տոկոսով:

Ե՞րբ կվերականգնվի ավիացիան

Առևտրի կրճատման հետ կապված՝ ԵԱՏՄ տրանսպորտային ոլորտը նույնպես ճգնաժամի բախվեց։ Այդ կապակցությամբ էապես փոխվեց նաև համաշխարհային բեռնահոսքերի սպասարկման կառուցվածքը, Sputnik գործակալությանը հայտնել Է ԵԱՏՀ տրանսպորտի և ենթակառուցվածքի վարչության բաժնի պետ Սերգեյ Նեգրեյը։

«Վիճակագրական տվյալներից կարելի է եզրակացնել, որ ապրանքաշրջանառությունը միությունում 2020թ․-ին նվազել է ընդամենը 1,6%-ով։ Միաժամանակ «Չինաստան-Եվրոպա-Չինաստան երթուղով կոնտեյներային ապրանքափոխադրման ծավալը 64 տոկոսով գերազանցել է 2019 թվականի ցուցանիշը»,-ասել է նա։

Հիմնական փոփոխությունները վերաբերել են ավիափոխադրումներին, ճշտում է փորձագետը։ Սերգեյ Նեգրեյի խոսքով՝ երկու երկրների միջև ավիահաղորդակցության փաստացի կանգը ավիաընկերություններին ստիպել է ինքնաթիռների սրահներում ուղևորների փոխարեն բեռներ փոխադրել:

«Այս պահին բեռների փոխադրման համար մարդատար ինքնաթիռների օգտագործումը շուկայի ակտուալ թրենդ է։ Բացի այդ, 2020 թ․-ին համաճարակի դեմ պայքարի շրջանակներում բեռների շտապ առաքման անհրաժեշտություն է առաջացել՝ դիմակներ, ձեռնոցներ, պաշտպանիչ կոստյումներ, սարքավորումներ և դեղամիջոցներ»,-մանրամասնում է նա:

2021 թ․-ին օդային տրանսպորտով բեռների և ուղևորների փոխադրումների ոլորտում իրավիճակը կանխատեսելը բարդ է, քանի որ ավիացիայի ոլորտում նախաճգնաժամային մակարդակին հնարավոր կլինի հասնել միայն 2-3 տարի հետո, կարծում է Սերգեյ Նեգրեյը: Ինչ վերաբերում է երկաթուղային ճանապարհների ուղևորահոսքին, այս տարի այն, հավանական է, կկազմի 2019 թ․-ի մակարդակի 50 տոկոսը՝ պայանավորված զանգվածային պատվաստումների և համավարակի հետ կապված սահմանափակումների մեղմացմամբ:

ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին

Այս պահին, ԵԱՏՀ տեղեկություններով, երկաթուղային 70 անդրսահմանային ուղևորատար երթուղիներից վերականգնվել են ընդամենը երկուսը՝ «Մինսկ-Մոսկվա-Մինսկ» և «Մոսկվա-Կալինինգրադ-Մոսկվա»։

Ինտեգրումն իմաստ ունի

Ընթացիկ տարում ԵԱՏՄ երկրների տնտեսություններին վերականգնողական աճ է սպասվում, կարծում է Դմիտրի Պլեխանովը։ Այն տեղի կունենա ինչպես ներքին, այնպես էլ արտաքին կարանտինային սահմանափակումների աստիճանական վերացման ֆոնին։

«Համաշխարհային տնտեսության վերականգնումն աջակցություն կցուցաբերի հումքային ապրանքների գներին, ինչը կնպաստի հումքային ռեսուրսներ արտահանող երկրների՝ Ղազախստանի և Ռուսաստանի տնտեսական հեռանկարների բարելավմանը»,-կանխատեսում է վերլուծաբանը։

Բացի հումքային ճյուղից, բարելավումները կվերաբերեն նաև շինարարության ոլորտին, որն արդեն 2020 թ․-ին ավելացել է 0,7 տոկոսով: Այդ ցուցանիշը միության համար ապահովել են Ղազախստանը, որտեղ շարունակել է աշխատել մատչելի բնակարանների կառուցման պետական ծրագիրը, ինչպես նաև Բելառուսը, որտեղ շարունակվել են շինարարական աշխատանքները:

ԵԱՏՄ-ում տնտեսության ավելի արագ վերականգնման համար անհրաժեշտ են մի շարք լրացուցիչ միջոցառումներ, կարծում է Դմիտրի Օֆիցերով-Բելսկին:

«Երկրները պետք է է՛լ ավելի համակարգված տնտեսական ծրագիր ձևակերպեն, ընդհանուր տնտեսական զարգացման նոր ուղիներ գտնեն։ Հարկ է ավելի մեծ ուշադրություն դարձնել թվայնացմանը։ Հիմա այն տեղի է ունենում միայն որոշ հարցերում, իսկ համավարակը ցույց տվեց, որ թվային ծառայությունները պետք է ներդրվեն ամենուրեք»,-կարծում է նա։

Բացի այդ, նրա կարծիքով, միության շրջանակներում ընդհանուր տնտեսական տարածքն օգնել է կանխել փոխադարձ առևտրի ծավալների լուրջ անկումը: ԵԱՏՄ անդամ երկրների միջև առևտրաշրջանառությունը նախորդ տարվա հունվար-նոյեմբեր ամիսներին 2019թ․-ի մակարդակի համեմատ նվազել է ընդամենը 12%-ով։

«Ինչպես տեսնում ենք՝ կորոնավիրուսի երկրորդ ալիքը գրեթե չհարվածեց տնտեսությանը,-նշում է Դմիտրի Օֆիցերով-Բելսկին,–այս առումով ԵԱՏՄ-ն օգնեց ներդաշնակեցնել բոլոր կողմերի խնդիրները։ Սովորաբար ցանկացած ճգնաժամ կապված է հովանավորչության հետ, յուրաքանչյուր պետություն առաջին հերթին իր համար է մտահոգվում։ ԵԱՏՄ երկրները չփակեցին շուկաները միմյանցից համար, այլ շարունակեցին համագործակցել, ուստի անցյալ տարին բոլոր կողմերի համար հաստատեց, որ ինտեգրումն իմաստ ունի»։

Թվեր և փաստեր. Հայաստանը 6 տարվա ընթացքում որքա՞ն առևտուր է արել ԵԱՏՄ–ում

39
թեգերը:
Ճգնաժամ, կորոնավիրուս, Հայաստան, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ (238)
Ըստ թեմայի
Հայաստանում և Բելառուսում տեղի ունեցածները կանդրադառնա՞ն ԵԱՏՄ-ի վրա․պատասխանում է Պանկինը
ԵԱՏՄ-ին համալրում է սպասում․ ի՞նչ կտա Իրանի անդամակցությունը Հայաստանին
Սակագնային պատնեշ․ ի՞նչ խնդիրների է բախվում ԵԱՏՄ գազի ընդհանուր շուկայի նախագիծը
Сельскохозяйственный рынок рядом с межгосударственной трассой М-2 в районе Мегринского таможенного поста

Մեղրիի մաքսակետին կից կառուցվել են ավտոկայանատեղի և գյուղատնտեսական շուկա

34
(Թարմացված է 11:06 25.02.2021)
Ծրագրի ողջ բյուջեն կազմում է 94.869.467 ՀՀ դրամ, որից «Պահպանվող տարածքների աջակցման ծրագիր – Հայաստան» ծրագրի ներդրումը կազմում է 43.474.200 ՀՀ դրամ։ 

ԵՐԵՎԱՆ, 25 փետրվարի - Sputnik. Մեղրիի մաքսակետին կից և Մ-2 միջպետական ճանապարհի հարևանությամբ, «ՊՏԱԾ-Հ» ծրագրի ու Մեղրու համայնքապետարանի համագործակցության շրջանակներում, կառուցվել են ավտոկայանատեղի և գյուղատնտեսական շուկա, տեղեկացնում են ՀՀ շրջակա միջավայրի նախարարությունից։

Ծրագրի ողջ բյուջեն կազմում է 94.869.467 ՀՀ դրամ, որից «Պահպանվող տարածքների աջակցման ծրագիր – Հայաստան» ծրագրի ներդրումը կազմում է 43.474.200 ՀՀ դրամ։ 

Автостоянка рядом с межгосударственной трассой М-2 в районе Мегринского таможенного поста
Ավտոկայանատեղի

Գյուղատնտեսական շուկայի համար իրականացվել է 1155 ք.մ. տարածքի վերանորոգման, բարեկարգման, հենապատի և սանհանգույցի կառուցման աշխատանքներ։ Տեղադրվել են 8 տաղավար և ճանապարհային նշաններ։

Ավտոկայանատեիի համար իրականացվել է 3084 ք.մ. տարածքի վերանորգման, բարեկարգման, հենապատի և սանհանգույցի կառուցման աշխատանքներ։

34
թեգերը:
Ավտոկայանատեղի, Շուկա, Մեղրի
Ըստ թեմայի
Մեղրիում ականի պայթյունի հետևանքով հրշեջ–փրկարարներից մեկը կորցրել է ոտքը
Ադրբեջանցիները հատուկ տեխնիկայով փոխում են ջրի հունը. Մեղրի համայնքը լուրջ խնդրի է բախվում
Մեղրի խոշորացված համայնքի ղեկավարին մեղադրանք է առաջադրվել
Արխիվային լուսանկար

Ամուլսարը` Փաշինյանի պահուստային տարբերակ. Հայաստանը կնստի հանքարդյունաբերության ասեղի վրա

233
Ամուլսարի հանքի շահագործումը, տնտեսագետի գնահատմամբ, կախված է կառավարության 2021թ–ի սոցիալ–տնտեսական քաղաքականությունից։ Եթե տեսնեն, որ ձախողում են 2021թ–ի բյուջեն, հանքը կբացեն։

Գործող իշխանությունն Ամուլսարի հանքը պահում է որպես պահուստային տարբերակ։ Sputnik Արմենիայի հետ զրույցում նման տեսակետ հայտնեց տնտեսագետ Սուրեն Պարսյանը` մեկնաբանելով ՀՀ վարչապետ Նիկոլ Փաշինյանի` երեկվա հարցազրույցում հնչեցրած հայտարարությունը, թե հանքի վերաբացման մեծ հավանականություն կա։

«Ամուլսարի շահագործումը կապված է կառավարության 2021թ–ի սոցիալ–տնտեսական քաղաքականությունից։ Եթե նրանք տեսնեն, որ ձախողում են նաև 2021թ–ի բյուջեն, ինչպես ձախողել են 2020–ի բյուջեն, ապա այդ նախագիծը կբացեն»,– ասաց Պարսյանը։

Նրա գնահատմամբ` այս կարգի հայտարարություններով կառավարությունը պարզապես հող է նախապատրաստում այդ քայլի իրականացման համար։

Ըստ Պարսյանի` Ամուլսարը 3 տարի առաջ փակվել է զուտ քաղաքական որոշմամբ և 2021–ին կարող է բացվել նույն քաղաքական որոշման արդյունքում։

«Վարչապետը, կարծում եմ, կգնա դրան` տեսնելով, որ տնտեսական ճգնաժամը շարունակվում է. առևտուրը, արտադրությունը, ծառայությունները չեն կարողացել վերականգնել իրենց աճի տեմպը։ Եվ միակ աղբյուրը մնացել է հանքարդյունաբերությունը»,– ասաց Պարսյանը։

2020թ–ին հանքարդյունաբերական արտադրանքի արտահանումը ապահովել է ՀՀ–ի արտահանման ամբողջ ծավալի 34 %-ը։ Բացի այդ, միջազգային շուկայում մետաղի գները, այդ թվում` ոսկու գինը, շարունակում է աճել։ Այսպես`2020թ–ի փետրվարին ոսկու գինը միջազգային հարթակներում 1639 դոլար էր, այսօր` 1807։ Այսինքն` 1 տարում ավելացել է 9 %–ով։ Այս հանգամանքն, ըստ մասնագետի, նույնպես կարող է ազդել հանքարդյունբերության ծավալն ավելացնելու` ՀՀ իշխանությունների որոշման վրա։

«Մենք կշարունակենք մեծ կախվածություն ունենալ հանքարդյունաբերությունից` երկիրը նստեցնելով հանքարդյունաբերության ասեղի վրա»,– ասաց Պարսյանը`հավելելով, որ չնայած արվող հայտարարույուններին` ՀՀ իշխանությունն այդպես էլ չկարողացավ դիվերսիֆիկացնել տնտեսությունն ու նոր արտադրական հզորություններ ստեղծել։ Իսկ կառավարության անդամների հայտարարությունները մի քանի միլիոն դոլարի ներդրումների մասին, տնտեսագետը «միֆ» է համարում։

Ո՞ր դեպքում Ամուլսարի վերաբերյալ որոշում կկայացվի. պատասխանում է Սուրեն Պապիկյանը

Ինչ վերաբերում է «Ամուլսարի» հանքին, ապա, ըստ Պարսյանի, 2018-ից իշխանության եկած քաղաքական ուժն իր բոլոր քայլերով միայն ժամանակ է ձգում, իսկ միջազգային փորձաքննության վրա նաև անտեղի դրամական միջոցներ է վատնել։

Արդյունքում`նրա գնահատմամբ, ստացվել է բազմաթիվ հարցականներով ու առանց հստակ պատասխանների մի փաստաթուղթ։

Իսկ մինչ կառավարությունը ժամանակ էր ձգում ու միջազգային հնչողություն տալիս խնդրին, հանքի տարածքում հնարավոր բնապահպանական խնդիրներն ավելի են խորանում։

«Հանքը թեև չի շահագործվել, բայց մինչ այդ բազմաթիվ հողային, շինարարական աշխատանքներ էին իրականացվել, և այս տարիների ընթացքում անձրևաջրերը, ձնհալքի ջրերն ավելի խորն են ներթափանցում։ Այսինքն` նրանք ըստ էության խնդիրը չլուծեցին, ու դեռ ունքը շինելու փոխարեն` աչքն էլ հանեցին»,– նկատեց Պարսյանը։

Ամուլսարի հանքի շուրջ ստեղծված իրավիճակը, տնտեսագետի դիտարկմամբ, անխուսափելիորեն վնասել է նաև Հայաստանի միջազգային վարկանիշին։ Նրա խոսքով` միջազգային մի շարք վարկանիշային կառույցներ արդեն գնահատել են հանքարդյունաբերական ծրագրի նկատմամբ` կառավարության քայլերը։ Արդյունքում Ամուլսարի ծավալի ներդրւմային ծրագրեր առնվազն առաջիկա 5 տարում Հայաստանում չեն իրականացվի։

«Մենք պետք է հասկանանք, որ կորցրել ենք խոշոր ներդրումային ծրագրեր իրականացնելու վստահությունն օտարերկրյա ներդրողների մոտ»,– ասաց Սուրեն Պարսյանը։

Հիշեցնենք` փետրվարի 23-ին տված հարցազրույցում ՀՀ վարչապետ Նիկոլ Փաշինյանը հայտարարել էր, որ իր վերաբերմունքն «Ամուլսարի» նկատմամբ չի փոխել, և ինքն այն նույն կարծիքին է, ինչ մեկ տարի առաջ:

«Ուզում եմ հիշեցնել, որ Ամուլսարի հետ կապված շատ կարևոր էի համարում անվտանգային կոմպոնենտը, ասելով, որ տեսեք՝ պատերազմական իրավիճակի մեջ ենք, և երբ պատերազմ սկսվի, տուրիստների հոսքը չի շարունակվելու մեր երկիր: Այդ ժամանակ մենք արժութային խնդիրների առաջ կարող ենք կանգնել: Եվ այդ իրավիճակում կոնկրետ հանքարդյունաբերությունն է, որ երկրի համար երաշխավորում է վալյուտային հոսքեր»,- ասել էր Փաշինյանը։

Հարցին, թե, այնուամենայնիվ, հանքը կբացվի՞, վարչապետը պատասխանել էր.

«Այդպիսի հավանականություն կա և այո, կարող ենք ասել, որ մեծ է»:

Վարչապետի հայտարարության վերաբերյալ Ամուլսարի հանքը շահագործող «Լիդիան Արմենիա» ընկերության տեսակետը ստանալու համար դիմեցինք նաև ընկերության գրասենյակ։

Ամուլսարում ուրան չկա. «Լիդիանը» ներկայացրել է կոմիտեի հետազոտության արդյունքները

Մեր հարցին` վարչապետի հայտարարությունն անակնկա՞լ էր, թե՞ կառավարության հետ ինչ–որ բանակցություններ տարվում են, ընկերությունից պատասխանեցին միայն, որ որևէ մեկնաբանություն չեն տալիս։

Ամուլսարի ոսկու հանքը Հայաստանի երկրորդ խոշոր հանքավայրն է: Գտնվում է ՀՀ Վայոց Ձորի և Սյունիքի մարզերի սահմանագլխին, Զանգեզուրի լեռնաշղթայի հյուսիս, հյուսիսարևմտյան ճյուղավորումների ջրբաժանային մասում, 2500-2988 մ բացարձակ բարձրությունների վրա:

Այն ղեկավարում է «Լիդիան Արմենիա» ՓԲԸ-ն, որը միջազգային «Lydian international» ընկերության դուստր ձեռնարկությունն է:

Տևական ժամանակ է` հանքավայրը չի գործում։ Լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում:

Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են:

Նոր աղմուկ Ամուլսարի շուրջ, կամ ինչու են Ջերմուկի բնակիչները կրկին փողոց դուրս եկել

233
թեգերը:
Հայաստան, բյուջե, հանքարդյունաբերություն, հանք, Նիկոլ Փաշինյան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը
Ըստ թեմայի
Հնարավոր է, որ «Լիդիան Արմենիայի» դեմ դիմենք իրավական քայլերի. Գորգիսյանը` միջադեպի մասին
Ամուլսարի հարցով հրապարակված եզրակացությունը սպասելի էր. «Լիդիանի» տնօրեն
«Լիդիանը» քննչական կոմիտեին է ներկայացրել փորձաքննությանն առնչվող իր պատասխանները
Փաշինյանն ընդունել է «Լիդիանի» ներկայացուցիչներին. ինչ են քննարկել
Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

0
(Թարմացված է 20:03 26.02.2021)
Երևանի ավագանու որոշմամբ՝ կոչումն ականավոր կոմպոզիտորին էր շնորհվել դեռևս 2020թ. գարնանը, սակայն հաշվի առնելով համավարակով պայմանավորված իրավիճակը, հանդիպումը հետաձգվել էր:

ԵՐԵՎԱՆ, 26 փետրվարի - Sputnik. Երևանի քաղաքապետ Հայկ Մարությանը հյուրընկալվել է կոմպոզիտոր, ՀՀ ժողովրդական արտիստ Վլադիլեն Բալյանի տանը և նրան հանձնել Երևանի պատվավոր քաղաքացու կոչումն ու հուշամեդալը: Այս մասին տեղեկանում ենք Երևանի քաղաքապետարանի Facebook-ի էջից։

Мэр Еревана Айк Марутян вручил медаль почетного гражданина столицы Владилену Баляну (26 февраля 2021). Еревaн
Վլադիլեն Բալյանի հուշամեդալը

«Շնորհավորելով և ընդգծելով հայկական երաժշտարվեստի զարգացման գործում ու մայրաքաղաքի մշակութային կյանքում կոմպոզիտորի ներդրած նշանակալի ավանդը՝ Հայկ Մարությանը քաջառողջություն է մաղթել նրան»,– նշված է հաղորդագրության մեջ:

Мэр Еревана Айк Марутян вручил медаль почетного гражданина столицы Владилену Баляну (26 февраля 2021). Еревaн
Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

Նշվում է, որ Վլադիլեն Բալյանը շնորհակալություն է հայտնել գնահատանքի համար և ստեղծագործական ավյուն ու լավատեսություն մաղթել ամենատարբեր ոլորտներում քաղաքի ներկան կերտող սերնդին:

Мэр Еревана Айк Марутян вручил медаль почетного гражданина столицы Владилену Баляну (26 февраля 2021). Еревaн
© Photo : Facebook / Երևանի քաղաքապետարան / Yerevan Municipality
Վլադիլեն Բալյան

Հիշեցնենք` Երևանի ավագանու որոշմամբ` կոչումն ականավոր կոմպոզիտորին էր շնորհվել դեռևս 2020թ. գարնանը, սակայն հաշվի առնելով համավարակով պայմանավորված իրավիճակը, հանդիպումը հետաձգվել էր:

Ուշ, բայց ոչ ուշացած. Մհեր Մկրտչյանին շնորհվեց «Գյումրու պատվավոր քաղաքացի» կոչումը

0
թեգերը:
Երևան, Պատվավոր քաղաքացի, Վլադիլեն Բալյան, քաղաքապետ
Ըստ թեմայի
Ազնավուրը, Խանջյանը, Լուկաշենկոն... ինչ սկզբունքով են ընտրվել Երևանի պատվավոր քաղաքացիները
Կոմանդոսին «Գյումրու պատվավոր քաղաքացու» կոչում կշնորհվի
Երվանդ Մանարյանին շնորհվեց Երևանի պատվավոր քաղաքացու կոչում
Մարությանն այցելել է Երվանդ Մանարյանին ու անձամբ հանձնել պատվավոր քաղաքացու հավաստագիրը