Ուսանողները դասախոսության ժամանակ

Մեխով հնարք՝ 200 դոլարի դիմաց, կամ ֆիզիկա սովորեք. հայկական հայթեք-բիզնեսի ծրագրերը

206
(Թարմացված է 08:18 16.02.2021)
Աստիճանաբար պակասում է ձգտումը բնական գիտություններ ուսումնասիրելու նկատմամբ։ Շատերը չեն հասկանում, թե ինչու է դա իրենց պետք, եթե հետագայում մասնագիտությամբ աշխատանք գտնելն անհնար է: Ինժեներական ձեռնարկությունները փորձում են գոնե ինչ-որ բան փոխել այդ առումով:

Արամ Գարեգինյան, Sputnik Արմենիա

Գիտելիքների պաշարը, որով հայ երեխաներն ավարտում են դպրոցը, աստիճանաբար պակասում է։ Այս միտքը վերջերս հնչեց ԱԺ–ում լսումների ժամանակ, որտեղ նշվում էր նաև, որ մաթեմատիկայի ու բնագիտական առարկաների դասավանդումը ավելի վատ, քան հումանիտար առարկաներինը։

Դժվար է չհամաձայնել, սակայն հումանիտար առարկաների դեպքում իրավիճակը բոլորովին էլ ավելի լավ չէ։ Ինչ կարելի է ասել դպրոցի մասին, եթե, օրինակ, հայ բանասիրության ֆակուլտետում ոչ բոլորն են տիրապետում արևմտահայերենի քերականությանն ու արտասանությանը։

Վերոնշյալն իհարկե չի նշանակում, թե մաթեմատիկայի, ֆիզիկայի, քիմիայի և կենսաբանության հարցում մեծ խնդիրներ չկան։ Դրանից բոլորս ենք տառապում, և ոչ վերջին հերթին` ձեռնարկությունները, որոնք դժվարանում են լավ մասնագետներ գտնել, Sputnik Արմենիայի հետ զրույցում նշում է «Լոկատոր» ինժեներական ընկերության ղեկավար Արման Խաչատրյանը։

Ընկերությունը ստաժավորման համար մշտապես և՛ ուսանողների, և՛ նույնիսկ դպրոցականների է ընտրում, այդ իսկ պատճառով կարող է դատել կրթական մակարդակի մասին «առաջին ձեռքից»։ Բայց ընտրությունն այդ պատահական է լինում. եթե ծանոթներից կամ գործընկերներից տեղեկանում են, որ ինչ–որ տեղ տեխնիկայից հասկացողլավ ուսանող (կամ դպրոցական) կա, նրան կանչում են ուժերը փորձելու։ Բայց այդ պատահականության սկզբունքը ընկերության մեղքը չէ. մեր կրթական համակարգում չկա այնպիսի օրինաչափություն, ըստ որի դպրոցը կարող է ուսանողին նախապատրաստել բուհի համար, իսկ բուհը` մասնագետ` արդյունաբերության համար։ Այդ իսկ պատճառով, եթե որևէ բարձր դասարանցի կամ ուսանող գոնե ինչ–որ բանի տիրապետում է, դա արդյունք է կամ ուսման նկատմամբ նրա բնական ձգտման, կամ ծնողներից, երբեմն էլ լավ ուսուցչից (սակայն հազվադեպ դպրոցական կամ բուհական համակարգից) ստացած խթանի։ Այսօր ուսուցիչների պատրաստվածության մակարդակն ավելի ցածր է, քան խորհրդային տարիներին, հետևաբար նվազեցվել է նաև պահանջը սովորողի նկատմամբ։

Շատ գործարարներ են դիմել. կանեփ աճեցնելու հեռանկարը Հայաստանում ոգևորություն է առաջացրել

«Մանկավարժներին էլ եմ հասկանում։ Նման աշխատավարձով, ինչպիսին դպրոցում է, մարդը խրոնիկ անհանգիստ է ընտանեկան առօրյա հոգսերի պատճառով։ Նման պայմաններում պատասխանատվության զգացումը բթանում է։ Այսինքն, կամ պետք է հուսալ, որ բոլոր ուսուցիչները պետք է անշահախնդիր լինեն, նվիրված իրենց կոչմանը, կամ ռեալիստ լինել», – նշում է Խաչատրյանը։

Նվազում է ոչ միայն սովորեցնելու, այլև սովորելու ձգտումը։ Հատկապես դա վառ է արտահայտվում գյուղերում (թեև և՛ խորհրդային տարիներին, և՛ ավելի ուշ հատկապես հաջողակ էին դառնում Երևանում հենց շրջանների ընդունակ երիտասարդները` կամքի ու մոտիվացիայի հաշվին)։ Բայց այսօր քաղաքում, և առավել ևս գյուղում դպրոցականներն ու նրանց ծնողները իրենց հարց են տալիս, թե ինչու է պետք իմանալ ֆիզիկա և քիմիա, առավել ևս աստղագիտություն, որտեղ «ինչ–որ բան ինչ–որ տեղ է թռչում»։

Արցախում վերջին մարտական գործողությունների ժամանակ Խաչատրյանը մասնակցում էր իր ինժեներների մի շարք մշակումների փորձարկմանը։ Մի օր ուշ երեկոյան, քիչ հեռու նստած զինվորն ասում է իրեն. «Ահա, հեռվում, նրանց անօդաչուն է, պետք է նշան բռնել»։ «Դա անօդաչու չէ, Մարսն է, հիմա նա երկնքի այս մասում է», – պատասխանում է Խաչատրյանը։ Շուտով զինվորը մեկ այլ կետի է ցույց տալիս. «Ահա, էս մեկն արդեն հաստատ նրանց մոտից է գալիս»։ «Ոչ, դա միջազգային տիեզերակայանն է։ Այս ժամանակահատվածում այն այստեղով է անցնում», – կրկին պատասխանում է Խաչատրյանը։ «Իսկ դու որտեղի՞ց դա գիտես», – հարցնում է զինվորը։

«Ահա այն բազմաթիվ պատճառներից մեկը, թե ինչու է պետք աստղագիտություն իմանալ` արկը զուր չվատնելու ու հակառակորդի ուշադրությունը չգրավելու համար։ Կան նաև այլ պատճառներ` մի շարք ոլորտներում հիմնային գիտելիքների տիրապետելու համար։ Դե իսկ ֆիզիկայի ու քիմիայի մասին խոսելն էլ ավելորդ է», – ասում է Խաչատրյանը` հիշելով այդ դրվագը։

Նկատենք, ՀՀ իշխանությունները երկար տարիներ ցույց էին տալիս (ոչ թե խոսքով, այլ գործով), որ արդյունաբերության համար ապագա նրանք չեն տեսնում։ Էկոնոմիկայի նախկին նախարարներից մեկը նույնիսկ հարկ էր համարում այդ մասին բաց ու հետևողական հայտարարել։ Եվ հարցը միայն նա չէ։ Երկար տարիներ՝ նրանից և՛ առաջ, և՛ հետո, իշխանությունները արդյունաբերական որևէ քաղաքականություն չեն վարել, հասկացնելով, որ Հայաստանում չեն ցանկանում տեսնել ինժեներների, դեղագործների, մեխանիկների, քիմիկոս–տեխնոլոգների։ Ճիշտ է, միևնույն ժամանակ այդ նույն իշխանություններն ընդգծում էին ժամանակակից ռազմարդյունաբերություն ունենալու անհրաժեշտությունը։ Միայն թե ի՞նչ հիմքի վրա այն ստեղծել, եթե երկրում մասնագետներ չլինեն։ Չէ՞ որ քաղաքացիական և ռազմական արդյունաբերությունը հաղորդակից անոթներ են։

Կարևոր նկատառում ծրագրավորողների մասին

Ինչ–որ մեկը կարող է առարկել, որ Հայաստանում խթան կա տեխնիկական կրթություն ստանալու. հետագայում կարելի է ծրագրավորող դառնալ։ Բայց ոչ բոլոր ծրագրավորողներն են ֆիզիկայի և նույնիսկ մեխանիկայի ընդհանուր գիտելիքների տիրապետում (կամ հիշում)։

«Ամեն ծրագրավորող չէ, որ կարող է ձեզ պատասխանել, նույնիսկ ընդհանուր, թե ինչպես է աշխատում ներքին այրման շարժիչը», – նշում է Խաչատրյանը։

Դուք կհարցնեք` թե ինչի է պետք դա ծրագրավորողի՞ն։ Անձամբ նրան պետք չէ. նրա աշխատավարձի չափը դրանից չի պակասի։ Իսկ ահա երկրի տնտեսությունը երկու բացասական հետևանք է ունենում։

Նախ` մեխանիկայի, էլեկտրամագնիսականության, միկրոէլեկտրոնիկայի մասին հաստատուն գիտելիքներ չունենալով՝ ծրագրավորողը կորցնում է կապն իրական տեխնիկայի հետ։ Իհարկե նման ծրագրավորողները կարող են կայքերի, բջջային հավելվածների կամ խաղերի համար լավ կոդեր գրել (ու գրում են)։ Բայց փաստ չէ, որ հաստոցի կամ ջեռուցման համակարգի աշխատանքին նայելիս, նրանք կկարողանան ինքնուրույն որոշել, թե ինչպես ծրագրի օգնությամբ լավացնել արտադրողականությունը կամ նվազեցնել էներգիայի ծախսը։ Ու թեև երկրում շուրջ 20 հազար ծրագրավորող է աշխատում, հայրենական արդյունաբերությունը դրանից նվազագույն արդյունք է ստանում։

Երկրորդը` ՏՏ–ն իր կողմ է քաշում մասնագետներին, որոնք կարող էին լավ էլեկտրոնիկայի մասնագետ կամ ֆիզիկոսներ դառնալ, քանի որ ընդունակ, տեխնիկական կրթություն ունեցողը կարող է մեկ տարվա ընթացքում միջին ծրագրավորող դառնալ, իսկ լավ ինժեներ դառնալու համար առնվազն 4 տարի պետք է սովորել։ Դրան գումարած աշխատաշուկան էլ այստեղ մեծ չէ, ինչպես ծրագրավորման դեպքում (այդ թվում նաև այն պատճառով, որ պետությունը ինժեներիայի զարգացման քաղաքականություն չի վարում)։ Այդ պատճառով էլ ֆիզիկա սովորելու ցանկություն ունեցողների թիվն օրեցօր պակասում է։

Ամենայն լրջությամբ

Այն, որ ֆիզիկան անհրաժեշտ է, Խաչատրյանը պնդում է որպես գործի գիտակ։ Ինժեներիան ինժեներիա, բայց հարցը միայն դա չէ, ժպտալով հավելում է նա։ Հեռավոր 90-ականներին ֆիզիկան օգնեց նրան գրազը հաղթել։ Այն ժամանակ նա (ինչպես և շատերը) ֆինանսական խնդիրներ ուներ։ Բայց մոտենում էր մարտի 8-ը, և ապագա կնոջը նվեր էր ուզում գնել։

«Նստած ենք տղաներով, և հանկարծ ասում եմ. «Կարող եմ մեխը մտցնել վարդակի մեջ»։ Ինձ ասում են. «Հիմարություններ մի ասա»։ Պատասխանում եմ. «Գրազ գա՞նք»։ Նրանք ասում են. «200 դոլար ենք դնում»։ Ես մտցրեցի մեխը։ Ամեն ինչ շատ պարզ էր, պետք էր ֆիզիկայի դասերն իմանալ։ եթե մեխը վարդակի միայն մի անցքն ես մտցնում, այլ ոչ երկու, էլեկտրական շղթան չի փակվում։ Նույն պատճառով (մեկ այլ հայտնի դպրոցական օրինակ) թռչունները չեն հոսանքահարվում, երբ նստած են էլեկտրական լարերի վրա, քանի որ այդ ժամանակ նրանք գետնին չեն դիպչում», – հիշեցնում է Խաչատրյանը։

Անկանխատեսելի հետևանքներից խուսափելու համար մեր զրուցակիցն արդեն առանց կատակի, խնդրում է չկրկնել այդ փորձը (նույնիսկ նրանց, ովքեր ֆիզիկա լավ են սովորել)։ Երկրորդ` ոչ պակաս լուրջ եզրահանգումը՝ արդեն մեր կողմից. պետության խնդիրն է այնպես անել, որ մասնագետը կարողանա նորմալ աշխատանքով զբաղվի, այլ ոչ թե նման «կայծասփյուռ» համարներով։

Ռոբոտաշինության նոր դասընթաց

Պետությանը կարելի է փնովել անվերջ ու ամեն ինչում, բայց կարելի է նաև ինքնուրույն փորձել որևէ բան փոխել` թող որ փոքր բան և ոչ միանգամից։ Մի քանի տեխնոլոգիական ընկերություններ (Synopsys, Armsoft և այլն) բուհերում կրթական ծրագրեր են անցկացնում։ Ռոբոտաշինության բուհական ծրագիր մինչ օրս չկար, այսօր նման ծրագիր Հայ–Ռուսական (Սլավոնական) համալսարանում ուզում են համատեղ բացել «Լոկատոր» ընկերությունն ու Երևանի կապի միջոցների գիտահետազոտական ինստիտուտը` ինժեներիայի և ֆիզիկայի գծով ուսանողների համար։

Հակոբ Արշակյանը դպրոցականներին հորդորում է լավ սովորել ֆիզիկան ու մաթեմատիկան

«Սկզբում մասնագիտական մեկ տարվա ծրագիր կգործի մագիստրատուրայում, անօդաչու սարքերի վերաբերյալ։ Այնուհետև բակալավրիատում ուզում ենք արդեն ռոբոտատեխնիկայի ընդհանուր ծրագիր բացել», – նշում է «Լոկատոր» ընկերության տեխնիկական տնօրեն Արմեն Նիկողոսյանը (որը ՀՌՀ–ում արդեն սխեմատեխնիկայի դասընթաց է վարում)։

Բացի այդ, ձեռնարկությունում ուզում են ռոբոտատեխնիկայի բազային լաբորատորիա բացել, որտեղ ուսանողները գործնականում և՛ ռոբոտներ, և՛ «իրերի ինտերնետ» (Internet of Things) կուսումնասիրեն։

206
թեգերը:
արդյունաբերություն, ինժեներ, ծրագրավորում, Հայաստան, կրթություն
Ըստ թեմայի
Հայկական փայլաթիթեղը սպառնո՞ւմ է ԱՄՆ-ի ազգային անվտանգությանը. դասեր՝ Հայաստանի համար
Հայաստանը սկսում է հրետանային միջոցներ և արկեր արտադրել. տեղական ԱԹՍ-ներն արդեն թռչում են
Հայաստանի մարզերում ծրագրավորողների համար նոր աշխատաշուկա է բացվում
Сельскохозяйственный рынок рядом с межгосударственной трассой М-2 в районе Мегринского таможенного поста

Մեղրիի մաքսակետին կից կառուցվել են ավտոկայանատեղի և գյուղատնտեսական շուկա

36
(Թարմացված է 11:06 25.02.2021)
Ծրագրի ողջ բյուջեն կազմում է 94.869.467 ՀՀ դրամ, որից «Պահպանվող տարածքների աջակցման ծրագիր – Հայաստան» ծրագրի ներդրումը կազմում է 43.474.200 ՀՀ դրամ։ 

ԵՐԵՎԱՆ, 25 փետրվարի - Sputnik. Մեղրիի մաքսակետին կից և Մ-2 միջպետական ճանապարհի հարևանությամբ, «ՊՏԱԾ-Հ» ծրագրի ու Մեղրու համայնքապետարանի համագործակցության շրջանակներում, կառուցվել են ավտոկայանատեղի և գյուղատնտեսական շուկա, տեղեկացնում են ՀՀ շրջակա միջավայրի նախարարությունից։

Ծրագրի ողջ բյուջեն կազմում է 94.869.467 ՀՀ դրամ, որից «Պահպանվող տարածքների աջակցման ծրագիր – Հայաստան» ծրագրի ներդրումը կազմում է 43.474.200 ՀՀ դրամ։ 

Автостоянка рядом с межгосударственной трассой М-2 в районе Мегринского таможенного поста
Ավտոկայանատեղի

Գյուղատնտեսական շուկայի համար իրականացվել է 1155 ք.մ. տարածքի վերանորոգման, բարեկարգման, հենապատի և սանհանգույցի կառուցման աշխատանքներ։ Տեղադրվել են 8 տաղավար և ճանապարհային նշաններ։

Ավտոկայանատեիի համար իրականացվել է 3084 ք.մ. տարածքի վերանորգման, բարեկարգման, հենապատի և սանհանգույցի կառուցման աշխատանքներ։

36
թեգերը:
Ավտոկայանատեղի, Շուկա, Մեղրի
Ըստ թեմայի
Մեղրիում ականի պայթյունի հետևանքով հրշեջ–փրկարարներից մեկը կորցրել է ոտքը
Ադրբեջանցիները հատուկ տեխնիկայով փոխում են ջրի հունը. Մեղրի համայնքը լուրջ խնդրի է բախվում
Մեղրի խոշորացված համայնքի ղեկավարին մեղադրանք է առաջադրվել
Արխիվային լուսանկար

Ամուլսարը` Փաշինյանի պահուստային տարբերակ. Հայաստանը կնստի հանքարդյունաբերության ասեղի վրա

246
Ամուլսարի հանքի շահագործումը, տնտեսագետի գնահատմամբ, կախված է կառավարության 2021թ–ի սոցիալ–տնտեսական քաղաքականությունից։ Եթե տեսնեն, որ ձախողում են 2021թ–ի բյուջեն, հանքը կբացեն։

Գործող իշխանությունն Ամուլսարի հանքը պահում է որպես պահուստային տարբերակ։ Sputnik Արմենիայի հետ զրույցում նման տեսակետ հայտնեց տնտեսագետ Սուրեն Պարսյանը` մեկնաբանելով ՀՀ վարչապետ Նիկոլ Փաշինյանի` երեկվա հարցազրույցում հնչեցրած հայտարարությունը, թե հանքի վերաբացման մեծ հավանականություն կա։

«Ամուլսարի շահագործումը կապված է կառավարության 2021թ–ի սոցիալ–տնտեսական քաղաքականությունից։ Եթե նրանք տեսնեն, որ ձախողում են նաև 2021թ–ի բյուջեն, ինչպես ձախողել են 2020–ի բյուջեն, ապա այդ նախագիծը կբացեն»,– ասաց Պարսյանը։

Նրա գնահատմամբ` այս կարգի հայտարարություններով կառավարությունը պարզապես հող է նախապատրաստում այդ քայլի իրականացման համար։

Ըստ Պարսյանի` Ամուլսարը 3 տարի առաջ փակվել է զուտ քաղաքական որոշմամբ և 2021–ին կարող է բացվել նույն քաղաքական որոշման արդյունքում։

«Վարչապետը, կարծում եմ, կգնա դրան` տեսնելով, որ տնտեսական ճգնաժամը շարունակվում է. առևտուրը, արտադրությունը, ծառայությունները չեն կարողացել վերականգնել իրենց աճի տեմպը։ Եվ միակ աղբյուրը մնացել է հանքարդյունաբերությունը»,– ասաց Պարսյանը։

2020թ–ին հանքարդյունաբերական արտադրանքի արտահանումը ապահովել է ՀՀ–ի արտահանման ամբողջ ծավալի 34 %-ը։ Բացի այդ, միջազգային շուկայում մետաղի գները, այդ թվում` ոսկու գինը, շարունակում է աճել։ Այսպես`2020թ–ի փետրվարին ոսկու գինը միջազգային հարթակներում 1639 դոլար էր, այսօր` 1807։ Այսինքն` 1 տարում ավելացել է 9 %–ով։ Այս հանգամանքն, ըստ մասնագետի, նույնպես կարող է ազդել հանքարդյունբերության ծավալն ավելացնելու` ՀՀ իշխանությունների որոշման վրա։

«Մենք կշարունակենք մեծ կախվածություն ունենալ հանքարդյունաբերությունից` երկիրը նստեցնելով հանքարդյունաբերության ասեղի վրա»,– ասաց Պարսյանը`հավելելով, որ չնայած արվող հայտարարույուններին` ՀՀ իշխանությունն այդպես էլ չկարողացավ դիվերսիֆիկացնել տնտեսությունն ու նոր արտադրական հզորություններ ստեղծել։ Իսկ կառավարության անդամների հայտարարությունները մի քանի միլիոն դոլարի ներդրումների մասին, տնտեսագետը «միֆ» է համարում։

Ո՞ր դեպքում Ամուլսարի վերաբերյալ որոշում կկայացվի. պատասխանում է Սուրեն Պապիկյանը

Ինչ վերաբերում է «Ամուլսարի» հանքին, ապա, ըստ Պարսյանի, 2018-ից իշխանության եկած քաղաքական ուժն իր բոլոր քայլերով միայն ժամանակ է ձգում, իսկ միջազգային փորձաքննության վրա նաև անտեղի դրամական միջոցներ է վատնել։

Արդյունքում`նրա գնահատմամբ, ստացվել է բազմաթիվ հարցականներով ու առանց հստակ պատասխանների մի փաստաթուղթ։

Իսկ մինչ կառավարությունը ժամանակ էր ձգում ու միջազգային հնչողություն տալիս խնդրին, հանքի տարածքում հնարավոր բնապահպանական խնդիրներն ավելի են խորանում։

«Հանքը թեև չի շահագործվել, բայց մինչ այդ բազմաթիվ հողային, շինարարական աշխատանքներ էին իրականացվել, և այս տարիների ընթացքում անձրևաջրերը, ձնհալքի ջրերն ավելի խորն են ներթափանցում։ Այսինքն` նրանք ըստ էության խնդիրը չլուծեցին, ու դեռ ունքը շինելու փոխարեն` աչքն էլ հանեցին»,– նկատեց Պարսյանը։

Ամուլսարի հանքի շուրջ ստեղծված իրավիճակը, տնտեսագետի դիտարկմամբ, անխուսափելիորեն վնասել է նաև Հայաստանի միջազգային վարկանիշին։ Նրա խոսքով` միջազգային մի շարք վարկանիշային կառույցներ արդեն գնահատել են հանքարդյունաբերական ծրագրի նկատմամբ` կառավարության քայլերը։ Արդյունքում Ամուլսարի ծավալի ներդրւմային ծրագրեր առնվազն առաջիկա 5 տարում Հայաստանում չեն իրականացվի։

«Մենք պետք է հասկանանք, որ կորցրել ենք խոշոր ներդրումային ծրագրեր իրականացնելու վստահությունն օտարերկրյա ներդրողների մոտ»,– ասաց Սուրեն Պարսյանը։

Հիշեցնենք` փետրվարի 23-ին տված հարցազրույցում ՀՀ վարչապետ Նիկոլ Փաշինյանը հայտարարել էր, որ իր վերաբերմունքն «Ամուլսարի» նկատմամբ չի փոխել, և ինքն այն նույն կարծիքին է, ինչ մեկ տարի առաջ:

«Ուզում եմ հիշեցնել, որ Ամուլսարի հետ կապված շատ կարևոր էի համարում անվտանգային կոմպոնենտը, ասելով, որ տեսեք՝ պատերազմական իրավիճակի մեջ ենք, և երբ պատերազմ սկսվի, տուրիստների հոսքը չի շարունակվելու մեր երկիր: Այդ ժամանակ մենք արժութային խնդիրների առաջ կարող ենք կանգնել: Եվ այդ իրավիճակում կոնկրետ հանքարդյունաբերությունն է, որ երկրի համար երաշխավորում է վալյուտային հոսքեր»,- ասել էր Փաշինյանը։

Հարցին, թե, այնուամենայնիվ, հանքը կբացվի՞, վարչապետը պատասխանել էր.

«Այդպիսի հավանականություն կա և այո, կարող ենք ասել, որ մեծ է»:

Վարչապետի հայտարարության վերաբերյալ Ամուլսարի հանքը շահագործող «Լիդիան Արմենիա» ընկերության տեսակետը ստանալու համար դիմեցինք նաև ընկերության գրասենյակ։

Ամուլսարում ուրան չկա. «Լիդիանը» ներկայացրել է կոմիտեի հետազոտության արդյունքները

Մեր հարցին` վարչապետի հայտարարությունն անակնկա՞լ էր, թե՞ կառավարության հետ ինչ–որ բանակցություններ տարվում են, ընկերությունից պատասխանեցին միայն, որ որևէ մեկնաբանություն չեն տալիս։

Ամուլսարի ոսկու հանքը Հայաստանի երկրորդ խոշոր հանքավայրն է: Գտնվում է ՀՀ Վայոց Ձորի և Սյունիքի մարզերի սահմանագլխին, Զանգեզուրի լեռնաշղթայի հյուսիս, հյուսիսարևմտյան ճյուղավորումների ջրբաժանային մասում, 2500-2988 մ բացարձակ բարձրությունների վրա:

Այն ղեկավարում է «Լիդիան Արմենիա» ՓԲԸ-ն, որը միջազգային «Lydian international» ընկերության դուստր ձեռնարկությունն է:

Տևական ժամանակ է` հանքավայրը չի գործում։ Լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում:

Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են:

Նոր աղմուկ Ամուլսարի շուրջ, կամ ինչու են Ջերմուկի բնակիչները կրկին փողոց դուրս եկել

246
թեգերը:
Հայաստան, բյուջե, հանքարդյունաբերություն, հանք, Նիկոլ Փաշինյան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը
Ըստ թեմայի
Հնարավոր է, որ «Լիդիան Արմենիայի» դեմ դիմենք իրավական քայլերի. Գորգիսյանը` միջադեպի մասին
Ամուլսարի հարցով հրապարակված եզրակացությունը սպասելի էր. «Լիդիանի» տնօրեն
«Լիդիանը» քննչական կոմիտեին է ներկայացրել փորձաքննությանն առնչվող իր պատասխանները
Փաշինյանն ընդունել է «Լիդիանի» ներկայացուցիչներին. ինչ են քննարկել
Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

3
(Թարմացված է 10:36 28.02.2021)
Արյունալի դեպքերից 33 տարի է անցել։ Ոչ պաշտոնական տվյալներով՝ Սումգայիթյան ջարդերի զոհերի թիվը մի քանի հարյուր է։

ԵՐԵՎԱՆ, 28 փետրվարի - Sputnik. Փետրվարի 28-ը Ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրն է: ՀՀ նախագահ Արմեն Սարգսյանի անունից հարգանքի տուրք է մատուցվել Սումգայիթի զոհերի հիշատակին։ Տեղեկությունը հայտնում է նախագահի մամուլի ծառայությունը։

«Հանրապետության նախագահ Արմեն Սարգսյանի անունից այսօր Ծիծեռնակաբերդի բարձունքում հարգանքի տուրք է մատուցվել և ծաղկեպսակ դրվել անմեղ զոհերի հիշատակը հավերժացնող խաչքարի մոտ»,- նշված է հաղորդագրության մեջ։

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

3
թեգերը:
Արմեն Սարգսյան, Սումգայիթ, Հայաստան
Ըստ թեմայի
Այլ տարբերակ, քան մեր ապրելու իրավունքի հետ հաշվի նստելն է, գոյություն չունի. Միրզոյան
Արցախն Աստծունն է. ինչպես հայ ուսուցչին հաջողվեց փրկվել ադրբեջանական գերությունից
Ինչո՞ւ են Արցախում դադարեցվել որոնողափրկարարական աշխատանքները