Ինչպես է Հայաստանի իշխանությունը փորձում լցնել բյուջեն, և արդյո՞ք դա վտանգավոր չէ

992
(Թարմացված է 23:18 09.01.2021)
Հայաստանի իշխանությունները ցանկանում են ոչ թե վերացնել հարկային արտոնությունները, այլ դրանք հասցեական դարձնել։ Նրանք, ովքեր դրա կարիքը չունեն, թող վճարեն հարկերը և օգնեն պետությանը։

Ամանորից առաջ ՀՀ կառավարությունը հրապարակել է նոր հարկային բարեփոխումների հայեցակարգը։ Հանգստյան օրերն անցնում են, և այդ հայեցակարգը կամաց-կամաց սկսում է հասնել մեր գիտակցությանը։ Այնուամենայնիվ, արդյո՞ք դա այդքան սարսափելի է: Փորձենք հասկանալ։

Նոր քաղաքականության նպատակը բյուջեն համալրելն է ներկայիս բարդ պայմաններում։ Սակայն առաջարկված մոտեցումները նոր չեն. դրանք քննարկվել են դեռևս 2015 թվականին, երբ Հարկային օրենսգիրքը դեռ նոր-նոր էր կազմվում։ Ճիշտ է, հետո որոշեցին դրանք մի կողմ դնել. չափազանց շատ աշխատանք էին պահանջում թե՛ հարկայինից, թե՛ բիզնեսից, թե՛ մեզանից։

Հարկեր հարուստների համար

Կառավարությունն առաջարկում է ԱԱՀ մտցնել այն ծառայությունների համար, որոնք մինչ օրս դրանից ազատված էին՝ կրթություն, առողջապահություն։ Այսինքն, հիվանդանոցներում վիրահատությունների կամ բուհում ուսման վարձի հաշիվները կաճեն 20%-ով:

«Հենց միայն դա էր պակասում»,-կասենք մենք և, իհարկե, ճիշտ կլինենք։

Բայց հարցն այն է, որ այդ հարկի բեռն ուզում են դնել հիմնականում ունևոր մարդկանց վրա։ Նրանք այդ ծառայություններն ավելի շատ են սպառում, քան մյուսները (ավելի թանկ կլինիկաներ են այցելում, իրենց երեխաներին ավելի թանկ բուհեր են ուղարկում և այլն), այսինքն՝ ԱԱՀ-ի արտոնություններ բոլորից շատ են ստանում, թեև բոլորից քիչ ունեն դրա կարիքը։ Այդ մասին Ֆինանսների նախարարությունը խոսել է ոչ միայն 2015 թ., այլև ավելի ուշ (պլաստիկ վիրահատությունների օրինակով)։

Ուստի Ֆինանսների նախարարությունն առաջարկում է չչեղարկել ԱԱՀ արտոնությունները, այլ դրանք հասցեական դարձնել նրանց համար, ովքեր իրոք ունեն դրա կարիքը։ Իսկ այն ԱԱՀ-ն, որը կվճարեն ունևոր պացիենտները (և ուսանողների ծնողները) թույլ կտա ավելացնել հենց բուժման և ուսման պետպատվերի տեղերը ոչ ունևոր ընտանիքների համար։

«Չհարկ»՝ ոչ հարուստների համար

Ոչ ունևոր ընտանիքների համար Ֆինանսների նախարարությունն առաջարկում է սահմանել հարկային վարկեր, որոնք լայնորեն օգտագործվում են արտասահմանում: Բանն այն է, որ ոչ հարուստ մարդկանց համար նախատեսված կլինեն պահումներ եկամտային հարկի բազայից՝ առողջապահության, կրթության, անշարժ գույքի գնումների ծառայությունների չափով (որոնք նույնպես ազատված են ԱԱՀ-ից)։ Բայց այս ամենն այն պայմանով, որ բոլոր այդ վճարումները պետք է փաստագրված լինեն (հարկայինը չի կարող ուղղակի խոսքին հավատալ)։ Բայց կա ևս մեկ պայման, և դա առաջարկվող բարեփոխման կարևորագույն կետերից մեկն է։

Ամեն ինչ խոստովանիր

Ինչպե՞ս որոշել՝ ով է հարուստ, իսկ ով՝ ոչ այնքան։ Գուցե մենք պաշտոնապես 100 հազար աշխատավարձ ենք ստանում, իսկ ծրարով՝ 300 հազա՞ր։ Պարզություն մտցնելու համար ՀՀ իշխանություններն ուզում են վերակառուցել հարկերի հավաքումը։ Հիմա դրանք վճարում և դրանց համար հաշվետվություն է տալիս մեր գործատուն (պարզ ասած՝ հաշվապահը)։

Բայց որքա՞ն գումար ենք վաստակում կողքից (եթե վաստակում ենք), որքա՞ն են արտասահմանից ուղարկում բարեկամները (եթե ուղարկում են), կամ որքա՞ն գումարով ենք վարձով տալիս մեր երկրորդ բնակարանը (եթե ունենք)։ Մեր հաշվապահն այդ ամենը չի կարող իմանալ։ Այդ պատճառով, ըստ Ֆինանսների նախարարության ծրագրի, մենք պետք է հաշվետու լինենք մեր եկամուտների և ծախսերի մասին (իհարկե՝ հիմնական, ոչ թե ամեն լուցկու տուփի գնման)։

Իսկ որպեսզի մենք հետաքրքրված լինենք դրանով, Ֆինանսների նախարարությունը հարկային վարկեր է առաջարկում կենսական կարևորության ծախսերի համար՝ կրթություն, բուժում, բնակարանի գնում։ Տրամաբանությունը հետևյալն է․ եթե դու թաքցնում ես քո եկամուտները, բայց ծախսերի համար հարկային վարկ ես պահանջում, հարկայինը կասի․ «Դու ասում ես, որ ամսական 100 հազար ես ստանում, բայց հիվանդանոցում միլիոն ես վճարում բուժման համար։ «Ծակվիր»»։

Ճոխության հարկ. դղյակների տերերը կզրկվեն սիմվոլիկ հարկեր վճարելու հնարավորությունից

Ամեն ինչ, իհարկե, այդքան հեշտ չէ։ Մենք շատ ենք, իսկ հարկայինը մեկն է։ Կկարողանա՞ հետևել բոլորիս։ Արդյո՞ք մենք կցանկանանք պետության համար պատասխանատու լինել մեր հարկերի հարցում։ Այս հարցերն առայժմ պատասխան չունեն։

Գյուղացիները

Ֆինանսների նախարարությունն առաջարկում է լուծել հին ու ժանգոտ հարցը, որն արդեն մի քանի տարի է՝ խանգարում է գյուղացուն վաճառել իր բերքը բիզնեսին, լինեն դրանք խանութներ, պահածոների գործարաններ կամ թարմ միրգ-բանջարեղեն արտահանողներ։ Թվում է, թե ֆերմերները ազատվում են ԱԱՀ-ից, որպեսզի ավելի հեշտ վաճառեն իրենց ապրանքը։

Բայց ստացվում է, որ ադպիսով բիզնեսի համար ավելի դժվար է նրանցից ապրանք գնել, քանի որ հարց է առաջանում` ինչպե՞ս դուրս գրել ԱԱՀ-ն։ Այդ պատճառով էլ ամենուր, որտեղ այլընտրանք կա, բիզնեսը գնում է ոչ թե ֆերմերային, հայկական (այդ թվում՝ արցախյան) ապրանքը, այլ ներկրվածը։ Մասամբ դա խանգարում է մրգերի և բանջարեղենի արտադրությանը և ավելի շատ՝ հացահատիկի արտադրությանն ու անասնապահությանը (ինչի մասին մենք արդեն գրել ենք։ Կես տարվա ընթացքում ֆինանսների նախարարությունը ցանկանում է որևէ մեխանիզմ առաջարկել ֆեևմերական արտադրանքը բիզնեսին վաճառելու գործարքների փաստաթղթաբանության համար։

Որքանո՞վ են ավելացել ՀՀ խոշոր հարկատուների վճարած հարկերը. Փաշինյանը նոր թվեր է հրապարակել

Նորից ճշգրտենք․ խոսքն այն դեպքերի մասին է, երբ ֆերմերերից գնումներ են կատարում գործարանները, խանութները կամ փոխադրողները։

Փո՞քր են արդյոք փոքր ձեռնարկությունները

Սա ոչ թե մանկական շուտասելուկ է, այլ լուրջ հարց, որը տալիս է Ֆինանսների նախարարությունը, որի կարծիքով՝ շրջանառության հարկի գծով աշխատող ձեռնարկությունները չարդարացված արտոնություններ են ստանում։ Այդ հարկի տակ աշխատում է այն ձեռնարկությունների հիմնական մասը, որոնց տարեկան շրջանառությունը չի գերազանցում տարեկան 115 միլիոն դրամը (ներկայիս փոխարժեքով ՝ մոտ 220 հազար դոլար)։

Դրանց հարկը կազմում է շրջանառության 1,5-5 տոկոսը (տնտեսական միջինով՝ մոտ 3 տոկոս)։ Ավելի խոշոր ձեռենարկությունների համար, որոնք աշխատում են սովորական ռեժիմով (ԱԱՀ+եկամտահարկ) շրջանառության հարկային բեռը երկու-երեք անգամ շատ է։

Հարկերի չեղարկում կամ ներում չի լինի, բայց... Անանյանը ոչինչ չի բացառում

Ֆինանսների նախարարության հարցը հետևյալն է. եթե ձեռնարկության տարեկան վաճառքը կազմում է 100-200 հազար դոլար, նրա ինչի՞ն է պետք արտոնյալ հարկային ռեժիմը: Այն արդեն գոյություն ունի տարեկան մինչև 24 միլիոն դրամ շրջանառությամբ միկրոբիզնեսի ձեռնարկությունների համար (բացի առևտրից)։ Դրա համար էլ շրջանառության հարկի շեմը պետք է իջեցնել և խթանել բիզնեսի անցումը ԱԱՀ-ի և շահութահարկի, կարծում են կառավարությունում։ Եթե բոլորը (կամ գրեթե բոլորը) աշխատեն միասնական հարկային դաշտում, կնվազի նաև տարբեր հարկային համակարգերի սուբյեկտների միջև ԱԱՀ-ի դուրսգրման խնդիրը (ավելի մանրամասն ներկայացված է այստեղ):

Միկրոբիզնես

Հարցեր են առաջանում նաև միկրոբիզնեսի հետ կապված։ Համարվում է, որ նման բիզնեսը ստեղծում են ընտանիքը պահելու համար (և առավելագույնը երկու-երեք աշխատակից պահելու), ուստի չի կարելի այդ մարդկանց ծանրաբեռնել չափազանց շատ հարկերով ու թղթաբանություններով։ Նրանք հարկեր չեն վճարում(բացի աշխատակիցների եկամտահարկից), իսկ միկրոբիզնեսի հիմնադիրը ամսական ընդամենը 5 հազար դրամ եկամտահարկ է վճարում՝ անկախ եկամտից։ Գաղափարը լավն է, բայց հարկերից խուսափելու երկու ռիսկ է առաջանում։

Ռիսկ առաջին․ խոշոր ընկերությունը պաշտոնապես աշխատանքի չի ընդունում իր աշխատակցին, այլ ձևակերպում են նրան որպես միկրոբիզնեսմեն, որի հետ ծառայությունների մատուցման պայմանագիր է կնքում։ Արդյունքում ընկերությունն այդ աշխատակցի համար 23 տոկոս (այս տարվանից՝ 22) եկամտահարկ չի վճարում։ Դրա փոխարեն ձևական «բիզնեսմենն» ընդամենը 5 հազար դրամ է վճարում։

Ռիսկ երկրորդ․ փոքր բիզնեսից ապրանքների և ծառայությունների գնումները հանվում են խոշոր ընկերությունների շահութահարկի բազայից: Այս դեպքում միկրոբիզնեսը կարող է խոշոր ընկերությանը ապրանքների և ծառայությունների համար կեղծ բեռնագրեր դուրս գրել (խոշոր ընկերությունն ինքը կարող է նման «միկրոբիզնես» ձևակերպել կեղծ անձի վրա):

Ուստի ՀՀ Ֆինանսների նախարարությունն առաջարկում է խոշոր ընկերությունների համար սահմանափակել միկրոբիզնեսից գնումների համար դուրսգրումների ծավալը՝ նման չարաշահումները բացառելու համար։

Հանուն արդարության

Հարկային արտոնությունները պետք է արդար և հասցեական լինեն, իսկ նա, ով կարող է ավելի շատ վճարել, պետք է վճարի։ Եթե արտոնություններից ավելի շատ վնաս կա, քան օգուտ (ինչպես գյուղացիների դեպքում), ապա հարցը պետք է շտկել։ Այդ ամենի շնորհիվ հնարավոր կլինի ոչ միայն համալրել բյուջեն, այլև օգնել տեղական արտադրությանը (ինչպես նույն ֆերմերների և փոքր արտադրողների դեպքում)։ Այդպիսի նպատակներ է դրել Ֆինանսների նախարարությունը և փորձագետներին ու լայն հանրությանն առաջարկում է քննարկել դրանք։

Հարկեր փուչիկներից և լարովի շնիկներից. որոշել են փողոցային առևտուրն էլ հարկային դաշտ բերել

992
թեգերը:
Իշխանություն, ՀՀ ֆինանսների նախարարություն, բյուջե, հարկեր
Ըստ թեմայի
Էլի վատ չէ. հայ գիտնականներն ԱԹՍ–ից «չվախեցող» ներկ են ստեղծել
Հայաստանում 2021-ի փետրվարից հնարավոր է`լույսը թանկանա. ինչպե՞ս կարելի էր խուսափել դրանից
Երկու-երեք տարուց Արցախը կկարողանա ինքն իրեն կերակրել․ ի՞նչ է պետք դրա համար
Թվեր և փաստեր. Հայաստանը 6 տարվա ընթացքում որքա՞ն առևտուր է արել ԵԱՏՄ–ում
ՀՀ էկոնոմիկայի նախարար Վահան Քերոբյանն այցելել է ADM Diamonds ընկերություն։

Վահան Քերոբյանը մտադիր է զարգացնել ադամանդագործության ու ոսկերչության ոլորտները

48
(Թարմացված է 23:16 16.01.2021)
Հանդիպման մասնակիցները վստահ են, որ պետք է միավորել պետության և գործող ընկերությունների ջանքերը։

ԵՐԵՎԱՆ, 16 հունվարի - Sputnik. ՀՀ էկոնոմիկայի նախարար Վահան Քերոբյանը հանդիպել է Հայաստանի ադամանդագործության և ոսկերչական ընկերությունների ներկայացուցիչների հետ։ Տեղեկությունը հայտնում է նախարարության մամուլի ծառայությունը։ 

Министр экономики Ваган Керобян встретился с представителями компаний по обработке алмазов и золота (16 января 2021). Абовян
ՀՀ էկոնոմիկայի նախարար Վահան Քերոբյանն այցելել է ADM Diamonds ընկերություն։

Հանդիպումը կայացել է ADM Diamonds ընկերությունում, որտեղ նախարարը ծանոթացրել է ընկերության արտադրական պրոցեսներին և շենքի պայմաններին. այն ունի հաշմանդամություն ունեցող աշխատակիցների համար հարմարեցված հատված։

«Օրակարգում ընդգրկված էին ադամանդագործության, ոսկերչության ոլորտներում, ինչպես նաև գունավոր քարերի արտադրության մեջ նախապես գույքագրված խնդիրները և առաջարկվող լուծումները»,- նշված է հաղորդագրության մեջ։

Մեր երկրում ադամանդագործության և ոսկերչական ոլորտները զարգացնելու համար անհրաժեշտ է միավորել պետության և ոլորտի ընկերությունների ջանքերը։ Այս հարցում հանդիպման բոլոր մասնակիցները միակարծիք են եղել։

Տնտեսության բոլոր ոլորտներն անկում են ապրում. ի՞նչ պետք է անել ճգնաժամը հաղթահարելու համար

Հիշեցնենք, որ գործարար Վահան Քերոբյանը էկոնոմիկայի նախարար է նշանակվել նոյեմբերի 26-ին։

48
թեգերը:
Նախարար, ադամանդ, Վահան Քերոբյան
Ըստ թեմայի
Մինչև ապրիլ բան չի փոխվի. տնտեսագետը հուշում է` ինչ է պետք անել կյանքը լավացնելու համար
2021 թվականը լինելու է մեր տնտեսական ամբիցիաների վերականգնման տարի. Փաշինյան
Տնտեսական կապերի ապաշրջափակումը «թոզփչոցի» է. տնտեսագետը զգուշացնում է վտանգների մասին
Երկաթի ջարդոն

Արգելվել է սև և գունավոր մետաղի թափոնների, մի շարք արտադրանքների արտահանումը. ՊԵԿ

143
(Թարմացված է 16:38 16.01.2021)
Որոշումն ուժի մեջ է մտնում մի քանի օրից, իսկ արգելքը գործելու է վեց ամիս ժամկետով։

ԵՐԵՎԱՆ, 16 հունվարի - Sputnik. Սահմանվել է ժամանակավոր արգելք սև և գունավոր մետաղների ջարդոնի, թափոնի արտահանման նկատմամբ։ Տեղեկությունը հայտնում է Պետական եկամուտների կոմիտեի մամուլի ծառայությունը։

«ՀՀ կառավարության 14.01.2021թ. թիվ 28-Ն որոշմամբ սահմանվել է ժամանակավոր արգելք սև և գունավոր մետաղի թափոնների և ջարդոնի, սև մետաղից պատրաստված խողովակների և դրանց կցամասերի, սև մետաղական կոնստրուկցիաների, ինչպես նաև սև մետաղից սալիկների և օգտագործված թուջե ռադիատորների արտահանման համար»,- նշված է հաղորդագրության մեջ։

Կոմիտեն տեղեկացնում է, որ այս արգելքը գործելու է վեց ամիս ժամկետով։

Որոշումն ուժի մեջ է մտնում պաշտոնական հրապարակմանը հաջորդող տասներորդ օրվանից։ Դրանից հետո մաքսային մարմիններն իրականացնելու են ուժեղացված հսկողություն՝ որոշման դրույթների պահպանման նկատմամբ։

143
թեգերը:
արտահանում, Մետաղի ջարդոն, Պետական եկամուտների կոմիտե (ՊԵԿ)
Ըստ թեմայի
Տնտեսական կապերի ապաշրջափակումը «թոզփչոցի» է. տնտեսագետը զգուշացնում է վտանգների մասին
Ճանապարհների ապաշրջափակումը Հայաստանի առջև կբացի նոր հնարավորություններ. Խաչատրյան
Սահմանամերձ Բերդի կանանց արտադրած մուրաբան գրավել է Երևանը և պատրաստվում է արտերկիր գնալ
«Սահմանից սահման․տաք գուլպաներ զինվորի համար» նախաձեռնության մասնակիցների գործած գուլպաները

Տաք ոտքերով, սառը գլխով․ ինչպես մայրական օրհնանքները գուլպայի միջոցով սահման հասան

0
(Թարմացված է 17:52 15.01.2021)
Պատերազմի օրերին ու դրանից հետո տարբեր նախաձեռնություններ ստեղծվեցին առաջնագծում կանգնած զինվորին օգնելու համար։ Չնայած պատերազմն ավարտվել է, բայց «Տաք գուլպաներ զինվորի համար» ծրագիրը բերդավանցի կանայք մտադիր են շարունակել։

Ովքեր երբևէ տատիկի կամ մայրիկի գործած գուլպան հագել են, գիտեն՝ խանութներում վաճառվող անգամ ամենատաք գուլպաները դրանց չեն փոխարինում ու նույնկերպ ոտքերը չեն ջերմացնում։ Գրեթե 2 ամիս, օր ու գիշեր 8 տասնյակից ավելի տավուշցի կանայք ու աղջիկներ սեփական ձեռքերով գործված ջերմություն էին առաջնագծի զինվորին ուղարկում։ Գաղափարը Նոյեմբերյանի տարածաշրջանի սահմանամերձ Բերդավան գյուղի երիտասարդ ակտիվիստ Գոհար Ասլիկյանինն էր։

Женщины и девушки Ноемберяна вяжут носки и шапки для солдат
© Photo : provided by Gohar Aslikyan
«Սահմանից սահման․տաք գուլպաներ զինվորի համար» նախաձեռնության մասնակիցները

Խոստովանում է՝ պատերազմի առաջին օրերին բոլորի մոտ մի տեսակ խուճապային տրամադրություն էր, անորոշություն ու սպասում։ Ստացվող հակասական լուրերն էլ ավելի էին ավելացնում խուճապը։ Պետք էր մի բանով զբաղեցնել միտքը, նպատակ գտնել և օգտակար լինել զինվորին։ Գոհարը որոշեց փորձել․առաջին ներդրումն իր ընտանիքն արեց, թելեր գնեցին ու գյուղի մի քանի աղջիկներով սկսեցին գուլպաներ գործել։

Պատերազմից հետո սեր կա. արցախցի Հայկազի ու Ռուզանի հարսանիքը` ժամանակավոր կացարանում

«Մտածում էինք՝ մի 50 զույգ գործել, սահմանից սահման ուղարկել, բայց նախաձեռնության մասին իմացող ընկերներս սկսեցին գումարներ ուղարկել թելեր գնելու համար, իսկ գործողներն էլ շատացան»,- պատմում է Գոհարը։

Կարճ ժամանակ անց Բերդավանի կանանց միացան հարևան 7 գյուղերը՝ Արճիս, Պտղավան, Հաղթանակ, Կողբ, Ոսկեվան, Ոսկեպար, Բաղանիս, նաև Նոյեմբերյան և Այրում քաղաքները։

Женщины и девушки Ноемберяна вяжут носки и шапки для солдат
© Photo : provided by Gohar Aslikyan
«Սահմանից սահման․տաք գուլպաներ զինվորի համար» նախաձեռնության մասնակիցների գործած գուլպաները

«Զինվորի ոտքերը՝ տաք, գլուխը՝ սառը․երբ մարդու ոտքերը սառչում են, դժվարանում է մտածել, մեր սերն ու ջերմությունն էինք ուզում ուղարկել զինվորին, որ կարողանա մտածել ու ճիշտ գործել»,–ասում է Գոհարը։

Նախաձեռնությանը միացած բերդավանցի կանանցից մեկը զինվորի մայր է, պատերազմի օրերին որդին «Եղնիկներում» էր, օրեր շարունակ նրանից լուր չկար։ Կինը, բառիս բուն իմաստով, օր ու գիշեր գուլպա էր գործում, արդյունքում միայն նա 45 զույգ գուլպա է գործել։ Գոհարը հուզմունքով պատմում է՝ երբ նրա որդին տուն եկավ, բոլորը միաբերան ասում էին. «վարձքդ ի կատար, Անահիտ ջան, այնքան օրհնանք ու սեր ուղարկեցիր տղաներին, որ տղադ էլ անփորձանք եկավ»։

Գոհարը շեշտում է՝ բոլոր գյուղերում նախաձեռնությանը միացած կանայք իրենց առավելագույն կարողությամբ աշխատում էին։ Մի ամբողջ, այսպես ասած, կազմկոմիտե էլ ունեին. գյուղերը թելեր հասցնել, պատրաստի գուլպաները վերցնել, փաթեթավորել, նամակներ գրել զինվորներին, փաթեթի մեջ քաղցր ավելացնել ու սահման ուղարկել։

«Մեզ շատերն ասում էին՝ ինչու եք այդքան տանջվում, ամեն ինչ ձեռքով անում, հիմա գործող մեքենաներ կան, այդպես ավելի արագ կլինի կամ էլ կարելի է խանութից գնել։ Բայց մեր նպատակը հենց ձեռքերով գուլպաներ գործելն էր․մայրիկներն ու տատիկներն ամեն գործված հատի հետ բարեմաղթանք ու օրհնություն էին փոխանցում տղաներին»։

Կային նաև երիտասարդ աղջիկներ, որոնք ցանկանում էին նախաձեռնության մաս կազմել, բայց շյուղ բռնել էլ չգիտեին։ Այս հարցն էլ լուծվեց․ սկսեցին ցանկացողներին գործել սովորեցնել, բայց քանի որ գուլպա գործելն ավելի բարդ ու նուրբ աշխատանք է, սկսնակների համար այլ գործ գտան։ Ոչ մի սանտիմետր թել չի փչանալու որոշեցին՝ գործելու համար ոչ պիտանի թելերից հելյունով քառակուսիներ գործել, միացնել ու մեծ, տաք ծածկոցներ ստանալ։ Դրանք էլ Նոյեմբերյանի սահմանը պահող տղաներին բաժին հասան։

Женщины и девушки Ноемберяна вяжут носки и шапки для солдат
© Photo : provided by Gohar Aslikyan
«Սահմանից սահման․տաք գուլպաներ զինվորի համար» նախաձեռնության մասնակիցները

Ընդհանուր առմամբ, «Սահմանից սահման․տաք գուլպաներ զինվորի համար» նախաձեռնության երկու ամիսների ընթացքում կանայք գործեցին 1200-ից ավելի զույգ գուլպա, 200-ից ավելի գլխարկ, մոտ 50 ժիլետ։

Գոհարն ասում է՝ աչքերի հոգնածությունը միանգամից անհետանում էր, հենց որ առաջնագծից հերթական արձագանքն էին ստանում, թե որքան տաք են գուլպաները։ Ստորաբաժանումներից մեկի հրամանատարից անգամ շնորհակալական տեսաուղերձ ստացան։ Սիրով և օրհնությամբ գործված գուլպաները մեծ պահանջարկ ունեին առաջնագծում։

Женщины и девушки Ноемберяна вяжут носки и шапки для солдат
© Photo : provided by Gohar Aslikyan
«Սահմանից սահման․տաք գուլպաներ զինվորի համար» նախաձեռնության մասնակիցների գործած գլխարկները

Դեկտեմբերի վերջին նախաձեռնությունը դադարեցրեցին։ Խոստովանում է՝ բոլորի պես իրենք էլ կատարվածից թևաթափ եղան, բացի այդ օր ու գիշեր գործելուց հետո կանայք հոգնած էին։ Բայց տաք գուլպաների արձագանքներն առաջնագծից հիմա էլ են կանանց հասնում, ուստի արդեն մտածում են ոչ միայն շարունակելու, այլ ամենամյա ծրագիր դարձնելու մասին։ Տարվա ընթացքում գումար կհանգանակեն, թելեր կգնեն, իսկ աշնանը «գուլպա գործելու ամիսներ» կհայտարարեն, Ամանորին ընդառաջ հազարից ավելի զույգ կունենան ու նորից կուղարկեն առաջնագիծ՝ զինվորի ոտքերը տաք պահելու համար։

Женщины и девушки Ноемберяна вяжут носки и шапки для солдат
© Photo : provided by Gohar Aslikyan
«Սահմանից սահման․տաք գուլպաներ զինվորի համար» նախաձեռնության մասնակիցների աշխատանքը

Գոհարը հույս ունի, որ այս նախաձեռնության աշխարհագրությունը կմեծանա, նաև հեռավոր համայնքներ կմիանան։ Ասում է՝ տարբեր բնակավայրերում գուլպա գործելուն տիրապետող կանայք ու տատիկներ կան, սա և՛ ինչ-որ բանով զբաղվելու առիթ է, և՛ ամենակարևորը՝ զինվորին օգտակար լինելու հնարավորություն։

Женщины и девушки Ноемберяна вяжут носки и шапки для солдат
© Photo : provided by Gohar Aslikyan
«Սահմանից սահման․տաք գուլպաներ զինվորի համար» նախաձեռնության մասնակիցների գործած աշխատանքը
0
թեգերը:
առաջնագիծ, Սահման, Կին, գուլպա, Զինվոր, Արցախյան պատերազմ, Բերդ, Տավուշ
Ըստ թեմայի
Հարսանիք Դադիվանքում` ռուս խաղաղապահների օժանդակությամբ
Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն
«Ընկնում ենք, բայց չենք ծնկում», կամ պատերազմի օգնության ծրագրերը վերածվում են ստարտափերի