Արխիվային լուսանկար

Հարկեր, տուրքեր, վճարումներ. ինչպիսին կլինի 2021–ը հարուստ և աղքատ հայաստանցիների համար

998
(Թարմացված է 00:43 04.01.2021)
2021 թվականին Հայաստանում ավելանում են անշարժ գույքի, մի շարք ակցիզային ապրանքների հարկերը, նվազում է եկամտահարկը և ավելանում են կենսաթոշակային վճարումները։ Կնվազի՞ արդյոք դոլարի փոխարժեքը՝ մեծապես կախված է մեզանից։

Մի շարք հարկային փոփոխություններ ուժի մեջ են մտնում 2021 թվականին։ Մենք ավելի շատ կվճարենք մեր տների և բնակարանների համար, կթանկանան ծխախոտն ու ալկոհոլը։ Դա մեզանից կախված չէ (ծխախոտի և օղու դեպքում դա, թերևս, նույնիսկ ավելի լավ է):

Ապրում ես կենտրոնում՝ վճարիր, որ ուրիշներն էլ կարողանան ապրել

2021թ․-ից Հայաստանում սկսում է աճել գույքահարկը հատկապես քաղաքի կենտրոնում և մոտակա թաղամասերում (Արաբկիր, Նորք-Մարաշ համայնքներ, Էրեբունի համայնքի մի մասը) գտնվող թանկարժեք տների համար։ Դժվար է միջին հաշվարկով ասել, թե հստակ որքան կավելանա հարկը․ այդ հաշվարկում մի քանի ուղղիչ գործակիցներ կան, այդ թվում՝ շենքի տարիքի և տանիքի հիմքի (փայտ կամ երկաթբետոն) նյութով պայմանավորված։

Համեմատության համար՝ Երևանի կենտրոնում` Թումանյան փողոցում գտնվող 70 քմ մակերեսով «ստալինկայի» համար, օրինակ, հարկը պետք է տարեկան մոտ 7 հազար դրամից աճի մինչև 30 հազար դրամ կամ ամսական 2500 հազար դրամ։

Հարավարևմտյան թաղամասում` բազմահարկ շենքում 80 քմ մակերեսով 3 սենյականոց բնակարանի համար հարկը տարեկան զուտ ձևական 100-200 դրամից կաճի մինչև տարեկան 9000 դրամ(ամսական 750 դրամ)։ Բայց այս տարի նոր հարկերն ուժի մեջ կմտնեն միայն 25%-ով, իսկ ամբողջությամբ՝ 2026թ․-ից (ավելի մանրամասն՝ այստեղ)։

Համեմատության համար նշենք, որ Ազգային վիճակագրական կոմիտեի տվյալների համաձայն՝ հանրապետությունում «մաքուր» միջին աշխատավարձը ամսական 140 հազար դրամից մի փոքր ավելի է(մոտ 270 դոլար), իսկ միջին կենսաթոշակը՝ 40 հազար դրամից մի փոքր ավելի (80 դոլարից մի փոքր ավելի)։ Ընդ որում. նվազագույն սպառողական զամբյուղը ամսական 61 հազար դրամ է (մոտ 120 դոլար)։

Այդ փոփոխությունների հակառակորդները բողոքում էին, որ ժառանգաբար Երևանի կենտրոնում ապրող (և ոչ միշտ շատ ունևոր) երևանցի ընտանիքները ստիպված կլինեն ավելի շատ հարկ վճարել։ Իրոք, կարելի է վիճել այն մասին, թե արդյո՞ք օրենքի այդ փոփոխությունները կծառայեն իրենց նպատակին, իսկ նպատակը ունևոր քաղաքացիների հարկումն է։ Եթե այդպես է, ապա ակնհայտ է, որ հաշվարկելիս հարկի գործակիցները պետք է ավելի բարձր լինեին նորակառույցների համար։ Դրանց համար հարկն իսկապես ավելի բարձր է, հարցն այն է, թե որքանով։ Օրենքի հին խմբագրված տարբերակի համեմատ` հին շենքերի բնակարանների համար գործակիցը չի նվազել, նույնիսկ աճել է (0,6-ից մինչև 0,76):

Խուսանավում ենք

Նոր տարում կշարունակի գործել 2020թ․-ին ընդունված «հարկային մանյովրը»։ Դրա նպատակն է հարկային բեռը աշխատանքային եկամուտներից (բիզնեսի շահույթ, աշխատակիցների աշխատավարձ) տեղափոխել թանկարժեք գույքի (մասնավորապես՝ թանկարժեք տների) վրա։ Ինչպես նշեցինք՝ թե որքանով է հայտարարված նպատակը համապատասխանում իրականին՝ վիճելի հարց է։

Այսպես թե այնպես` աճող գույքահարկի ֆոնին նվազում է եկամտահարկը։ 2020թ․-ից այն համահարթեցվել էր և հաստատվել 23%՝ անկախ աշխատավարձի չափից։ Այս և հաջորդ երկու տարիների ընթացքում հարկը կնվազի 1-ական տոկոսով, այսինքն՝ 2021թ․-ին այն կկազմի 22 տոկոս, 2022-ից սկսած՝ 21 տոկոս, իսկ 2023 թվականից կհաստատվի 23 տոկոս։ Շահութահարկը 2023թ․-ին 20 տոկոսից կնվազի մինչև 18 տոկոս։

Դրա հետ մեկտեղ կավելանան կուտակային կենսաթոշակային վճարումները։ 2018 թ․-ի հուլիսի 1-ից կուտակային կենսաթոշակների համակարգն ամբողջությամբ ուժի մեջ է մտել 1974 թ․-ին և դրանից հետո ծնված քաղաքացիների համար (մյուսները կենսաթոշակը ստանում են հին համակարգով)։ Ի սկզբանե նախատեսվում էր, որ վճարումը կկազմի աշխատավարձի 5 տոկոսը, նույնքան էլ կավելացնի պետությունը։ Ընդ որում, այդ գումարները գնում են քաղաքացու անձնական կուտակային հաշվին (բայց դրանից օգտվել կարելի է միայն կենսաթոշակային տարիքին հասնելուց հետո կամ ծայրահեղ դեպքերում, օրինակ՝ լուրջ հիվանդության դեպքում)։ Քաղաքացիների ֆինանսական ծանրաբեռնվածությունը միանգամից չավելացնելու համար որոշվեց այսպես. աշխատողը վճարում է 2,5 տոկոսը, իսկ պետությունն ավելացնում է 7,5 տոկոսը։

«Կուլակաթափ» հայկական ձևով, կամ ինչու մեր երկրում հարուստներին չեն սիրում 

Բայց այս տարվանից` մեր եկամտահարկը նվազեցնելուն զուգահեռ պետությունն ավելացնում է մեր կենսաթոշակային վճարումները և նվազեցնում իր ավելացրած վճարները։ 2021թ․-ին հարաբերակցությունը կկազմի 3,5%/6,5%, 2022թ.-ից՝ 4,5%/5,5%, իսկ 2023թ․-ին մենք և պետությունը կվճարենք հավասար՝ 5-ական տոկոս։

Զինվորականների վճարումները

Կավելանա նաև Զինծառայողների կյանքի և առողջության ապահովագրության հիմնադրամի վճարումը։ Նախկինում այն կազմում էր 1 000 դրամ՝ յուրաքանչյուր աշխատող անձից, այսուհետ կախված է լինելու աշխատավարձի չափից։ Մինչև 100 հազար դրամ աշխատավարձի դեպքում նվազագույն վճարը կկազմի 1 500 դրամ, 100-200 հազար դրամ աշխատավարձի դեպքում՝ 3 հազար դրամ։ Այնուհետև վճարումը շարունակում է աճել և 1 միլիոն դրամից բարձր աշխատավարձի դեպքում կազմում է ամսական 15 հազար դրամ։ Բայց այդ վճարումների դեմ, իհարկե, ոչ ոք չի առարկում, ընդհակառակը, հնարավորության դեպքում հիմնադրամին ավելի շատ են փոխանցում, քան պաշտոնապես պահանջվում է։

Հիշեցնենք՝ վճարումներն ավելացել են հետին թվով` սեպտեմբերի 27-ից սկսած։

Համընդհանուր հայտարարագրեր

Ըստ Ֆինանսների նախարարության և Պետեկամուտների կոմիտեի գաղափարի՝ ՀՀ յուրաքանչյուր քաղաքացի պետք է ինքնուրույն հաշվետու լինի իր եկամուտների մասին։ Հարկայինը համեմատելու է՝ արդյո՞ք նա իր եկամուտները գերազանցող գույք չի գնել, օրինակ՝ 30 հազար դոլար արժողությամբ մեքենա՝ 100 հազար դրամ աշխատավարձի պայմաններում։ Այդ դեպքում հարկայինը բացատրություններ կպահանջի և կստիպի հարկեր վճարել այն եկամուտներից, որոնք քաղաքացին թաքցրել է։ Դրանք կարող են արտասահմանում ապրող ազգականների գումարային փոխանցումները լինել կամ ինքնազբաղվածությամբ աշխատանքը։

Պետությունն էլ չի օգնի հարուստներին․ 2021 թ–ից ԱԱՀ արտոնությունները կկրճատվեն

Համընդհանուր հայտարարագրերի նախագիծը փորձագիտական մակարդակով ֆիննախում քննարկվել է անցած տարի, սակայն կորոնավիրուսային ճգնաժամի, այնուհետև ռազմական գործողությունների պատճառով այդ քննարկումները հետաձգվել են և դեռևս չեն վերսկսվել:

Առողջ եղեք

Հունվարից Հայաստանում կրկին կբարձրանա ակցիզը․ ծխախոտի համար՝ 15 տոկոսով, օղու համար՝ միանգամից 30 տոկոսով։ Այդ ավելացումների նպատակն է հավասարեցնել ակցիզները Եվրասիական միության երկրներում (Հայաստանում անգամ ավելացումից հետո ծխախոտի ակցիզը մոտ երկու անգամ ավելի էժան կլինի, քան Ռուսաստանում)։ Արդյունքում Հայաստանում կարող են սկսել ավելի քիչ ծխախոտ և ալկոհոլ գնել (այս միտումը սկսվել էր արդեն 2020թ․-ին՝ կորոնավիրուսային համավարակի պատճառով)։

Դրա հետ մեկտեղ` գինու, գարեջրի, կոնյակի և մրգօղու ակցիզը չի բարձրանա։

Ի՞նչն է մեզնից կախված

Դոլարի փոխարժեքը, որն աճել էր 2020–ի հոկտեմբեր-նոյեմբեր ամիսներին, շարունակում է բարձր մնալ։ Մենք արդեն բազմիցս գրել ենք, որ պատճառները հիմնականում շուկայի թելադրանքը չեն։ Ճիշտ հակառակը՝ 2020 թ․-ի առաջին 10 ամիսներին ապրանքների ներմուծումը Հայաստան կրճատվել է մոտ 15 տոկոսով, այսինքն՝ նվազել է Հայաստանից արժույթի արտահոսքը։

Փոխարժեքն աճել է հիմնականում հայկական դրամով հաշիվներն ու խնայողությունները զանգվածային կերպով դոլարի վերածելու պատճառով։ Այսպիսով` որքան շուտ նվազի արժույթի աժիոտաժային պահանջարկը, այնքան շուտ կնվազի դրա փոխարժեքը` գոնե մասամբ։ Դա կմեղմացնի գնային ճնշումը ներկրվող ապրանքների վրա (այդ թվում՝ երկրի համար կարևոր այնպիսի ապրանքների, ինչպիսիք են ցորենը և ալյուրը, արևածաղկի յուղն ու սերուցքային կարագը, շաքարը, դեղերի մի մասը, ինչպես նաև բենզինը և գազը)։

Այսպիսով՝ 2021թ․-ին մեր ֆինանսական դրությունը մասամբ կախված է հենց մեզնից։

Հարկեր փուչիկներից և լարովի շնիկներից. որոշել են փողոցային առևտուրն էլ հարկային դաշտ բերել

998
թեգերը:
Հայաստան, հարկային օրենսգիրք, գույքահարկ, եկամտահարկ, հարկեր
Ըստ թեմայի
Ես վատ եմ զգում ինձ, երբ նման նախարարն իմ վճարած հարկից պարգևատրումներ է ստանում. Արամյան
Ներմուծվող որ ապրանքները կազատվեն հարկերից. փոխնախարարը մանրամասներ հայտնեց
ՊԵԿ նախագահը հայտնեց` որ ոլորտների շնորհիվ է նախատեսվածից ավել հարկ հավաքվել
Նիկոլ Փաշինյան

Պետք է տնտեսական նոր խնդիրներ ձևակերպենք և լուծենք. Փաշինյանը` Ճանապարհային քարտեզի մասին

33
(Թարմացված է 20:02 27.01.2021)
Խորհրդակցության ընթացքում մանրամասն անդրադարձ է կատարվել գործողությունների պլանով նախատեսվող միջոցառումներին և քայլերին, որոնց վերաբերյալ ներկայացվել են տարբեր առաջարկություններ և դիտարկումներ:

ԵՐԵՎԱՆ, 27 հունվարի - Sputnik. ՀՀ վարչապետ Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն, որի ընթացքում քննարկվել է Տնտեսական արձագանքման ծրագրի նախագիծը՝ գործողությունների նախնական պլանով:

Նախագիծը վերաբերում է վարչապետի կողմից նոյեմբերի 18-ին հրապարակված «Ճանապարհային քարտեզի» 9-րդ և 10-րդ կետերին: 9-րդ կետը վերաբերում է կորոնավիրուսի համավարակի հաղթահարմանը և դրա հետևանքների վերացմանը, իսկ 10-րդ կետը՝ տնտեսական ակտիվության միջավայրի վերականգնմանը:

Վարչապետը նշել է, որ կառավարությունը գործնականում յուրաքանչյուր շաբաթ ընդունում է տարբեր որոշումներ, որոնք կապված են նոյեմբերի 18-ին հրապարակված «Ճանապարհային քարտեզի» իրականացման հետ: «Մենք այսօր պիտի քննարկենք այն գործողությունների ծրագիրը, որի միջոցով պետք է կարողանանք վերականգնել տնտեսական ակտիվության միջավայրը և ընդհանրապես տնտեսական նոր խնդիրներ ձևակերպենք մեր առաջ և լուծենք դրանք: Իհարկե, այսօր նախնական կքննարկենք և հույս ունեմ մեկ շաբաթվա քննարկման արդյունքում կհասցնենք ծրագիրը կառավարության նիստում արդեն որպես կառավարության որոշում արձանագրել, ամրագրել և անցնել դրա իրականացմանը»,- ասել է վարչապետը:

Տնտեսական միջավայրն անորոշության մեջ է. Թադևոսյանը` եկամտահարկի նվազման մասին

Նշվել է, որ ծրագիրը նախատեսում է թիրախային, նշանակալի և տեսանելի գործողություններ, որոնք միտված են լինելու տնտեսական ակտիվության խթանմանը: Ծրագիրը մշակվել է՝ հաշվի առնելով ներկայումս առկա մարտահրավերներն ու ծառացած խնդիրները:

Խորհրդակցության ընթացքում մանրամասն անդրադարձ է կատարվել գործողությունների պլանով նախատեսվող միջոցառումներին և քայլերին, որոնց վերաբերյալ ներկայացվել են տարբեր առաջարկություններ և դիտարկումներ:
Փաշինյանը պատասխանատուներին հանձնարարել է հաշվի առնելով ներկայացված առաջարկությունները՝ լրամշակել նախագիծը և ներկայացնել կառավարության հաստատմանը:

33
թեգերը:
տնտեսություն, Հայաստան, Նիկոլ Փաշինյան
ՀՀ էկոնոմիկայի նախարարը ստորագրվել է հայ-իրանական գործարար կապերի ամրապնդման հուշագիր

ՀՀ էկոնոմիկայի նախարարը ստորագրել է հայ-իրանական գործարար կապերի ամրապնդման հուշագիր

28
(Թարմացված է 17:48 27.01.2021)
Հայաստանի և Իրանի միջև պայմանավորվածություններ են ձեռքբերվել ընթացիկ տարում մի շարք փոխայցելություններ կազմակերպելու վերաբերյալ:

ԵՐԵՎԱՆ, 27 հունվարի – Sputnik. Աշխատանքային այցով Իրանում գտնվող ՀՀ էկոնոմիկայի նախարար Վահան Քերոբյանի գլխավորած պատվիրակությունը մի շարք կարևոր  հանդիպումներ է  ունեցել։ Տեղեկությունը հայտնում է Իրանում ՀՀ դեսպանությունը։

Մասնավորապես ՀՀ պատվիրակությունը հանդիպումներ  է ունեցել ԻԻՀ նախագահի՝ գիտատեխնոլոգիական հարցերով տեղակալ Սորենա Սաթթարիի, ԻԻՀ էներգետիկայի նախարար և Հայաստան-Իրան միջկառավարական համատեղ հանձնաժողովի համանախագահ Ռեզա Արդաքանիանի, կապի և տեղեկատվական տեխնոլոգիաների նախարար Մոհամադ Ջավադ Ազարի Ջահրոմիի, էկոնոմիկայի և ֆինանսների նախարար Ֆարհադ Դեժփասանդի, ինչպես նաև Իրանի առևտրի, արդյունաբերության, հանքերի և գյուղատնտեսության պալատի նախագահ Ղոլամհոսեյն Շաֆեիի հետ: Հայկական պատվիրակությունը հանդիպում է ունեցել  նաև «Շասթա» հոլդինգի և «Մափնա» ընկերության տնօրինության հետ:  

«Նախարար Քերոբյանի և իրանցի բարձրաստիճան պաշտոնյաների հանդիպումների ընթացքում քննարկվել են տարբեր, մասնավորապես՝ բարձր տեխնոլոգիաների և գիտության, ֆինանսատնտեսական, առևտրային, ներդրումների, տրանսպորտային, էներգետիկ ոլորտներում Հայաստան-Իրան համագործակցության հնարավորությունները և առաջիկա համատեղ ծրագրերը: Ստորագրվել է հայ-իրանական գործարար կապերի ամրապնդմանը և համատեղ ներդրումային ծրագրերի խրախուսմանը միտված համագործակցության հուշագիր»,–նշված է հաղորդագրության մեջ:

Նշվում է, որ պայմանավորվածություններ են  ձեռքբերվել ընթացիկ տարում մի շարք փոխայցելություններ կազմակերպելու վերաբերյալ:

Делегация во главе с министром экономики Армении Вааном Керобяном провела ряд встреч с представителями правительства Ирана (27 января 2021). Тегеран
ՀՀ էկոնոմիկայի նախարարը ստորագրվել է հայ-իրանական գործարար կապերի ամրապնդման հուշագիր

Հիշեցնենք`ՀՀ էկոնոմիկայի նախարար Վահան Քերոբյանի գլխավորած պատվիրակությունը հունվարի 22-ին մեկնել էր Իրանի Իսլամական Հանրապետություն երկկողմ առևտրատնտեսական համագործակցության զարգացման հեռանկարները քննարկելու նպատակով։

Այցի շրջանակում նախատեսվում էին հանդիպումներ Իրանի բարձրաստիճան պաշտոնյաների, հայ համայնքի ներկայացուցիչների, հայ գործարարների և արտահանողների հետ, ինչպես նաև այցելություններ մի շարք ձեռնարկություններ, ընկերություններ և կազմակերպություններ։

28
թեգերը:
Նախարար, Հայաստան, Իրանի Իսլամական Հանրապետություն, Վահան Քերոբյան
Ըստ թեմայի
ՌԴ–ն ու Իրանը շահագրգռված են ԼՂ–ի շուրջ երկխոսությամբ. ի՞նչ են քննարկել Լավրովն ու Զարիֆը
Իրանի արտգործնախարարը ժամանեց Հայաստան
Մեր տարածաշրջանն առերեսվում է նոր լրջագույն մարտահրավերների․ Այվազյանը՝ Իրանի ԱԳ նախարարին
Տիմուր Ժակսիլիկով

Տեսակամուրջ. «Ինչպիսի՞ն կլինի ֆինանսական քաղաքականությունը ԵԱՏՄ երկրներում 2021 թվականին»

0
(Թարմացված է 13:05 28.01.2021)
Հունվարի 29-ին` ժամը 11:00-ին, Sputnik Արմենիա մամուլի կենտրոնում տեղի կունենա Մոսկվա-Բիշքեկ-Երևան-Մինսկ-Նուր-Սուլթան տեսակամուրջ, որի ընթացքում ԵԱՏՀ Տնտեսության և ֆինանսական քաղաքականության կոլեգիայի անդամ Տիմուր Ժակսիլիկովը կպատասխանի լրագրողների հարցերին:

Որո՞նք են 2021 թվականի հունվարից ուժի մեջ մտած` ԵԱՏՄ պետությունների աշխատավորների կենսաթոշակային ապահովման մասին համաձայնագրի հիմնական առավելությունները:

Ի՞նչ միջոցներ է նախատեսում ԵԱՏՀ-ն համաճարակի ազդեցությունից տուժած տնտեսությունը զարգացնելու համար:

Ինչպե՞ս են ընթանում ԵԱՏՄ-ում ապրանքների շրջանառության հարկաբյուջետային մոնիտորինգի միասնական համակարգի ստեղծման աշխատանքները:

Հարգելի գործընկերներ, դուք կարող եք ներկա գտնվել Sputnik Արմենիա մուլտիմեդիոն մամուլի կենտրոնում և հարցերն ուղղել անձամբ:

Մուտքը՝ միայն դիմակներով: Երաշխավորում ենք սոցիալական հեռավորության պահպանումը և ախտահանիչ նյութերի առկայությունը:

Տեսակամուրջը կհեռարձակվի Sputnik Արմենիայի էջում, ինչպես նաև Facebook- ում և Youtube- ում:

Հարցերը կարող եք ուղարկել նաև v.aloyan@sputniknews.com էլեկտրոնային հասցեին:

Հեռ.` +374(98)180-626, +374(91)42-12-35։

Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոնի շենք, 4-րդ հարկ։

0